تقرير عن تجربتي ل ((قمة الحمايه - Top shield ))

[أكورداوي]

بسم الله الرحمن الرحيم


مساء / صباح الخير جميعا ..

بما أني أنا المدعو أكورداوي بن هوندا الياباني قمت بزيارة ميمونه للشركة الميمونه قمة الحمايه وذلك بعد مرور 3 سنوات على شراء السياره (( توني أعرف دلع السيارات )) :d فقررت كتابة موضوع كامل عن تجربتي لتكون شمعه لكل من أراد التعرف أكثر على أسرار (( قمة الحمايه )) <--- والله أسلوب :cool:

والتقرير يتضمن مايلي /


1- الخدمات الي سويتها عندهم ..

2- الوقت المستغرق ..

3- المعامله من قبلهم ..

4- خدمات مابعد الخدمات :)

5- الأسعار

6- المحصله

7- صور




نبدأ أولا بالخدمات التي تم الاستفاده منها /


بصراحه أنا لما فكرت بالتظليل جديا بعد صراع 3 سنوات مع النفس .. توجهت دايركت للبحث عن المحل الأفضل من جميع النواحي .. الجوده والسعر ووووو الخ ..

رحت أكثر من محل بكل صراحه ولكن عرض قمة الحمايه لأعضاء النادي أقوى العروض وأفضلها من جميع النواحي ..

فكنت مخطط على التظليل فقط لكن كانت الخدمات المجانيه إغراء مابعده إغراء وبنفس سعر التظليل :eek: والخدمات المجانيه الملحقه عباره عن :

1- حمايه للماكينه من الصدأ والتأكسد ..
2- حماية كامله للبودي 3 طبقات من الصدأ أيضا والتبهت والتأكسد ..
3- تلميع وحماية الطبلون من التشققات ..
4- حماية الربلات ..
5- حماية للأنوار الأماميه من الترميل ..
6- تلميع خارجي ..
7- حماية المقاعد (( الجلد ))
8- حماية الأكسسوارات

ولاحظوا أن كل هذه الخدمات مجااااانيه مع التظليل ..




ثانيا .. الوقت المستغرق /


في حالة قبول كل الخدمات فأن السياره تحتاج ليوم كامل .. لكن أنا كنت مستعجل فتركت بعضها لوقت آخر وكان الوقت الخاص بالتظليل فقط مع بعض الخدمات البسيطه 4 ساعات (( مع أوقات الصلاه ))


ثالثا المعامله /


ما أقدر أقول الا الله يكرمك يبو عمر على حسن الضيافه وعلى عصير المانجو :d





رابعا الخدمات مابعد الخدمات /



ضمان خمس سنوات على الخدمات وموعد كل ستة أشهر للتجديد في حالة تركيب فلم حمايه للوجهيه (( فلم حماية الوجهيه لايدخل في العرض)) ..




خامسا الأسعار /


الأسعار ممكن تقولون أجامل لو قلت لكم انها ماتتوقع ..:rolleyes: لكن اذا ودكم تتأكدون زوروا المحل وراح تتأكدون أكثر وأكثر (( واذا قلت خياليه فهي خياليه ))



سادسا المحصله /


طبعا قياس النتائج يختلف من شخص لشخص آخر والسبب لأنه مافيه معيار معين للقياس فممكن شخص يتوقع انه يركب سيارته ويلقاها اسكيمو بينما هي لاتصل لهذا المستوى ..

لكن الي لاحظته انا بسيارتي ..

1- بعدما كنت أركب السياره وألاحظ ان الهواء حاااار ومكتوم داخل السياره وكأنها سموم .. صارت السياره عاديه جدا مع وجود حراره بسيطه بسبب الجلد وللمعلوميه نسبة العزل 85 % ..

2- سرعة برودة السياره عن تشغيل المكيف ..

3- منظر جمييل ورائع للسياره خصوصا ان اللون الي اخترته كان ملكي ..

4- بالنسبه للطبلون رجع جديد مثل أول ولاحظوا سيارتي موديل 2005 يعني الطبلون كان مبهت نوعا ما ..

5- راحه واطمئنان على الأنوار الأماميه من العج لأني كل أسبوع مسافر ..


والحين خلوكم مع الصور للسياره أثناء العمل ..مع وجود صوره أخيره لسياره أكورد 2007 انتهى العمل عليها ..







http://up4.m5zn.com/photos/00037/1KUL7106EFS4.jpg


http://up4.m5zn.com/photos/00037/OYCOWN564LF6.jpg


http://up4.m5zn.com/photos/00037/1TJB710PUP6X.jpg


http://up4.m5zn.com/photos/00037/24X7LWWCSESG.jpg

http://up4.m5zn.com/photos/00037/RU5KSFPCZ8JF.jpg


http://up4.m5zn.com/photos/00037/B7WJY16OV3GO.jpg












أتمنى ان يكون التقرير وافي وكافي لكن من أراد أن يتعرف على قمة الحماية وأي استفسار أنا جاهز وسأبدأ الرد من يوم الأربعاء ان شاء الله ..

[المباشر]

الله يعطيك العافية يالغالي

وأذا ممكن طال عمرك ترفق الصور كمرفقات لأنها مش طالعه

[محمد بن عبد العزيز]

الصور ماطلعت>>يعني لو طلعت راح اطق مشوار واجيك بس انت خربتها على نفسك>>براااا



شكرا لك بس انتظر الصور ولي باك

[اكورد الجنوب]

بدينا شغل المصاريه ياخلود

[أكورداوي]

تم رفع الصور من جديد ..


أكورد الجنوب ..

توك راجع لنا من انقطاع دام سنييييين .. فلا تخربها :d

[o-k-r]

الله يسلمك ياأكورداوي كل يوم انا جالس اقول بزورهم

بس وين مكانهم في شارع الملك سعود بعد اي اشارة ومشكور

[عاشق هوندا اكورد]

ماشالله على الصور الجميله للحلوه نحن سادة الصين 330 :d

ويين ذيك الايام لما كانت بدون جنوط واللوحه مخرمه في كل مكان .. حتى انا شفتها ن ش ض :cool:

تشكر على التقرير

[محجوب]

^^^^^^^^^

يصيرون قبال سولار جارد بالضبط ............ لما تصير التيوتا على يمينك تمشي قدام بعد ثاني او ثالث اشارة عاليمين

[الـــظـــل]

طيب أكورداوي ما قلت لنا بكم كلفتك بالريال الإسترليني

[لصمت ملاك]

يسلم راااسك طآل عمرك

وما قصرت

تقرير رائــع ,,


ربي يخليك

[الاخطبوط]

وشلون أكورداوي بن هوندا الياباني وسيارتك نحن سادة الصين >>> لايفوتك كونان على غفله :d

والله كفيت ووفيت حبيب الملايين اكورداوي :cool:

المشكله مالهم فرع بالرياض ومتعيجز اروح الشرقية واخلي السيارة يوم كامل

[accord 2007]

وشلون أكورداوي بن هوندا الياباني وسيارتك نحن سادة الصين >>> لايفوتك كونان على غفله :d

والله كفيت ووفيت حبيب الملايين اكورداوي :cool:

المشكله مالهم فرع بالرياض ومتعيجز اروح الشرقية واخلي السيارة يوم كامل


متعيجز وانت كل ويكند بالشرقيه

[acoord 2007]

عندي استفسار بس يا خوي

انا رحت لعند في كول قلت ابغا اضلل قالي والله لأكورد 2007 نضللك بس الضمان سنتان فقط لان التضليله تتشمخ من تنزيل النافذه

قولي انتا الحين هل تشمخت عندك التضليله من النافذه

ومشكورررررررررررررر

[محمد بن عبد العزيز]

يعطيك العافيه يااكورداوي ياكويس

ماشاء الله واضح من التقرير ان الفلم بطل يعني كويس يعني ممتاز يعني مادري شلون اوصفه

بس ياخي كم التكلفه لاتقول طق مشوار من الرياض الى الشرقيه علشان اعرف كم السعر

حبيبي ورانا مصالح دوله والريال ينقص المليار هع هع يعني لازم نحسب حساب التكلفه

شد حيلك وعلمنا واترك عنك اسلوب التسويق >ترانا خبره

ومشكور يالغلا

[أكورداوي]

الله يسلمك ياأكورداوي كل يوم انا جالس اقول بزورهم

بس وين مكانهم في شارع الملك سعود بعد اي اشارة ومشكور

الله يعافيك يالغالي ..

المحل مثل ماقال محجوب .. أترك اول اشاره الي هي حقت تويوتا واترك الثانيه وعلى يمينك على طول بعد الاشاره يعني تقريبا ثالث عماره بعد الاشاره على اليمين ..

همسه :)

شفتك اليوم بالتجاري وأحس انك لعبت في سيارتك لعب .. هدي أعصابك ياشيخ ;)

[أكورداوي]

ماشالله على الصور الجميله للحلوه نحن سادة الصين 330 :d


ويين ذيك الايام لما كانت بدون جنوط واللوحه مخرمه في كل مكان .. حتى انا شفتها ن ش ض :cool:


تشكر على التقرير



الله يبارك فيك ..

ولاتذكرني حبيبي بأيام البؤس تراني مستانس بالسياره فلاتخرب هالوناسه ;)

[أكورداوي]

طيب أكورداوي ما قلت لنا بكم كلفتك بالريال الإسترليني



يكلفك يالغالي مبلغ وقدره +++ ريال استرليني ;)

[أكورداوي]

يسلم راااسك طآل عمرك

وما قصرت

تقرير رائــع ,,


ربي يخليك

الله يبارك فيك وأشكرك حبيبي على الإطراء :rolleyes:

[أكورداوي]

وشلون أكورداوي بن هوندا الياباني وسيارتك نحن سادة الصين >>> لايفوتك كونان على غفله :d

والله كفيت ووفيت حبيب الملايين اكورداوي :cool:

المشكله مالهم فرع بالرياض ومتعيجز اروح الشرقية واخلي السيارة يوم كامل


أنا حبيب الملايين ؟ :d

وناااااااااسه أجل ..:p

أكيد وناسه دامها من الأخطبوط عميد حراس العالم ;)

يارجال كلها يوم ومايضرك ان شاء الله وبتلقى الكرم ان شاء الله عند ابو عمر ..

[أكورداوي]

عندي استفسار بس يا خوي

انا رحت لعند في كول قلت ابغا اضلل قالي والله لأكورد 2007 نضللك بس الضمان سنتان فقط لان التضليله تتشمخ من تنزيل النافذه

قولي انتا الحين هل تشمخت عندك التضليله من النافذه

ومشكورررررررررررررر

والله ياخوي انا مالي الا اسبوع واحد من ظللت والى الآن ماصار شي ان شاء الله ..

ممكن الأخ Top shield يوافينا عن المشكله هذي ..:rolleyes:

[أكورداوي]

يعطيك العافيه يااكورداوي ياكويس


ماشاء الله واضح من التقرير ان الفلم بطل يعني كويس يعني ممتاز يعني مادري شلون اوصفه

بس ياخي كم التكلفه لاتقول طق مشوار من الرياض الى الشرقيه علشان اعرف كم السعر

حبيبي ورانا مصالح دوله والريال ينقص المليار هع هع يعني لازم نحسب حساب التكلفه

شد حيلك وعلمنا واترك عنك اسلوب التسويق >ترانا خبره


ومشكور يالغلا


لا الفلم قوي قوي قوي بس مو أقوى منك :cool:

السعر يامحمد رااائع ولو يرضى أبو عمر كان كتبته بس السياسات التسعيريه لها دور ..

لكن لك مني أنك ماراح تطلع من عنده الا وانت راااضي جدا جدا والسعر راح يعجبك مره وهو مناسب لجميع الفئات .. بعكس باقي الشركات الي ماتتكلم الا فوق ..

[LikE.nO.oThER]

اولاً ما شااء الله ..
ثااني شي التقرير حلو .. بس انته احلى ;)
مم
عندي تعلييق صغيير على الصوور ... ويييين علاامة الهوندا الي على الشبك الاماامي :confused:
كأنها طااريه ولا انا غلطااان ..
واول ما اشتري سيااره رح تلااقيني بالدمااام الي مدري ويينها بالشماال ولا الجنووب:d

تقبل تحيااتي

[LikE.nO.oThER]

وشغله ثاانيه ياا ساادة الصييين ..
الصووره الاخييره لأكورد بس مو سياارتك !!! :p
من وين جيبها ؟؟ :confused:

[أكورداوي]

أما عليك أسئله يا أسامه .. تخليني البطن يصدع والراس يجوع ..:mad:

اولا ..

علامة هوندا موجوده ولو راحت في يوم من الأيام اعرف ان الماكينه معها ..

ثانيا ..

صورة الأكورد الثانيه كانت موجوده في نفس المحل بس كانت خالصه قبلي ياقلبي <-- أنواع الأدبيات :d

وللمعلوميه ترى الدمام تقع في جنوب شرق الشمال ..:p

[92.500]

اكورداوي .. كفيت ووفيت يالحبيب

الاسعار اكثر او اقل من 1000 ؟

ارجوا التلميح :d

والله يقزاك بالخير .. وتتهنى بدلوعتك يارب

[LikE.nO.oThER]

أما عليك أسئله يا أسامه .. تخليني البطن يصدع والراس يجوع ..:mad:
لييش معصب :mad:
اولا ..

علامة هوندا موجوده ولو راحت في يوم من الأيام اعرف ان الماكينه معها ..
بعيييد الشر يااشيخ قوول لاسمح الله :(

ثانيا ..
صورة الأكورد الثانيه كانت موجوده في نفس المحل بس كانت خالصه قبلي ياقلبي <-- أنواع الأدبيات :d
عصبي :p
وللمعلوميه ترى الدمام تقع في جنوب شرق الشمال ..:p
ولا من حااجتك عرفت ويين الدماام ;):p


تحيااتي

[أكورداوي]

اكورداوي .. كفيت ووفيت يالحبيب

الاسعار اكثر او اقل من 1000 ؟

ارجوا التلميح :d

والله يقزاك بالخير .. وتتهنى بدلوعتك يارب

تبي الصراحه ..



:d


تقدر تقول ..... وصلت :d

[the sound]

اخوي اكورداوي


انا طالع الشرقية ... بعد تقريبا 3 اسابيع ... ورايح امر على المحل بس ياليت لو ترسلي السعر على الخاااص ...


وممكن حاجه ثانيه ايش صناعة .. التضليل ... ليكون صيني ... لانوو فيه محلات واااجد بالرياض ... وب 700 كل الموتر .. وحماية 80 % يعني حولك

[أكورداوي]

اخوي اكورداوي


انا طالع الشرقية ... بعد تقريبا 3 اسابيع ... ورايح امر على المحل بس ياليت لو ترسلي السعر على الخاااص ...


وممكن حاجه ثانيه ايش صناعة .. التضليل ... ليكون صيني ... لانوو فيه محلات واااجد بالرياض ... وب 700 كل الموتر .. وحماية 80 % يعني حولك

حياك الله اخوي في الشرقيه واحنا مستعدين نخدمك بأي خدمه تحتاجها يالغالي ..

بالنسبه للسعر .. ما دامك انت جاي للشرقيه ورايح للمحل فتطمن من ناحية السعر ياعزيزي وحتى من ناحية الصناعه .. فالصناعه اميركيه 100 % :)

[dark422]

شكرا للك أخوي أكورداوي انا افكر احط عازل Zebrat ولكن بعد كلامك حجرب التوبشيلد انا من المدينة المنورة اروح لهم انشالله قريباّ الصيف والحرارة عندنا ماترحم في المدينة سيارتي أكورد 2007

[أكورداوي]

شكرا للك أخوي أكورداوي انا افكر احط عازل Zebrat ولكن بعد كلامك حجرب التوبشيلد انا من المدينة المنورة اروح لهم انشالله قريباّ الصيف والحرارة عندنا ماترحم في المدينة سيارتي أكورد 2007

العفو يالغالي ..

وحياك الله .. وان شاء الله أبو عمر مايقصر معك وهذا هو طبعه وان شاء الله بتلقى كلامي صحيح وراح يسرك شغله وكرمه ..

[acoord 2007]

هلا اخوي اول شي مبروك >> جات متاخره

بس بغيت اسالك الحين التضليل كيف العزل معاك !!

وبعدين هل تشمخت عندك التضليله

وشكرا

[أكورداوي]

هلا اخوي اول شي مبروك >> جات متاخره

بس بغيت اسالك الحين التضليل كيف العزل معاك !!

وبعدين هل تشمخت عندك التضليله

وشكرا

هلا وغلا ..

العزل اوكيه والله ماعليه كلام .. لكن التشمخ هذا شر لابد منه في الأكورد والحين بدأت التشمخات تظهر ..

لكنها مشكله في جميع أنواع التظليل حتى زيبارت وفي كول مايضمنون لك هالشغله ..

[m0ha]

والله تحمست مع الموضوع بالاخير ماطلعلي الا صورة وحدة الي طالعه اللوحه

[العــاشــق]

يكلفك يالغالي مبلغ وقدره +++ ريال استرليني ;)

أفهم من كلامك ان المبلغ يتكون من ثلاث خانات

كيييف كونان صح :p

وبإذن الله انا بروح عندهم في الاجازه الصيفيه

تحياتي.,.

[قطيم]

مع احترامي لـ ابو عمر سياسة للأسف مش ولا بد

لا صارت فروعة بالرياض والشرقية وجدة يعني منتشرة معك

اما يحجب عرض الاسعار عشان يبي الناس تجي

حط اسعارك ولا صارت بمتناول الجميع الناس تجيك ومهم مغمضين

تخيل اروح للشرقية اسال عن السعر

ابو عمر الله يهديه يسمع بالتشويق

[king accord 2008]

^
من جد

[K.H.A.L.I.D]

نبي الاسعار:(

[T A L A L - R]

92،500 الاسعار اكثر او اقل من 1000 ؟


حبيبي انت كذا كنكـ تقول لشركة احنا نتوقع 1000 يا جدي لاتوهقنا:mad:

اكورداوي يعني حول 500 ريال او اكثررر هههههههههه


تحياتي لكـ :cool: 92,555 :d

[أبو المهند]

ياشباب بالنسبة للسعر أي واحد يكتب بالموضوع المثبت ويرفق إيميله أو إن كان يرغب بالتواصل عبر الرسائل الخاصة، وسيقوم الأخ مختار بإذن الله بإرسال السعر بأقرب وقت..

[mdesouky]

جزاك الله خير
في حد يعرف وين أأدر أحصل وكيل لتوب شيلد في الكويت؟؟

[the pirate]

مشكووووووور على المعلومات حول المحل ...

[توصي شي]

يسلمو على التقرير

بس الصور ما طلعت :(

[أبوعبدالله]

مشكوووووووووور اكورداوي
وانت يا 29.500 لا تعور قلبي على هالصوره

[nalrashidster]

تحياتي

[أمير الأحلام]

أولا الصور ما طلعت:mad:
ثانيا التظليل كيف يكون كاتم أو عادي وهل عليه مخالفات من المرور:(
وثالثا السعر من كم رقم ثلاثة او اربعة << يبغى يصيدك:d
واذا ما عليك كلافة اخوي ترفع الصور مرة ثانية;)
واخيرا تسلم على الموضوع:)

[فـــيـــصـــل..607..]

حيـاا اللـه اكورداوي إلي اخـوه معـه سونـاتـا ;)
ما تتهاشون في البيـت :d<<<<وش دخلك انت :mad:


المهم حبيـب البـي انـا واحد فلوسي وعلى قد حالـي حتـى حالـي ازين منـي ومطفـر ونص عيـال 91 متسلف منهـم واولهـم اخوك :d

وعندي اكـورد <<<قـل قـا :(

انا إلي ابيـه هل اقـدر <<<ياعينـي ياعينـي
هـل اقـدر بس اسوي حمايـه وتلميـع للأنـوار الأماميـه

اضعف الإيمـآن بس :d

وقرب اذنـك شوي


كم السعـر :p

[أكورداوي]

أولا الصور ما طلعت:mad:
ثانيا التظليل كيف يكون كاتم أو عادي وهل عليه مخالفات من المرور:(
وثالثا السعر من كم رقم ثلاثة او اربعة << يبغى يصيدك:d
واذا ما عليك كلافة اخوي ترفع الصور مرة ثانية;)
واخيرا تسلم على الموضوع:)

اولا .. سوف يتم رفع الصور قريبا من جديد ..

ثانيا .. التظليل أنواع ودرجات ولك حرية الاختيار .. انا مركب نوع خفيف ( zero one ) ولاقالوا الدوريات أي شي ..

ثالثا السعر مناسب <-- اذا انت ذكي افهمها ;)

[أكورداوي]

حيـاا اللـه اكورداوي إلي اخـوه معـه سونـاتـا ;)
ما تتهاشون في البيـت :d<<<<وش دخلك انت :mad:


المهم حبيـب البـي انـا واحد فلوسي وعلى قد حالـي حتـى حالـي ازين منـي ومطفـر ونص عيـال 91 متسلف منهـم واولهـم اخوك :d

وعندي اكـورد <<<قـل قـا :(

انا إلي ابيـه هل اقـدر <<<ياعينـي ياعينـي
هـل اقـدر بس اسوي حمايـه وتلميـع للأنـوار الأماميـه

اضعف الإيمـآن بس :d

وقرب اذنـك شوي


كم السعـر :p



من انت ياهذا ؟

وكيف أتيت الى هنا ؟ :a098:


فيصل ... فيصل .. فيصل ......:g:<--- قاعد أتذكر ربع اخوي :d


والله تبي الصراحه ما عرفتك .,. لكن مصيري أعرفك بس خل راعي السوسو يرجع البيت وأتوطأ ببطنه الين يعلمني من أنت :a030:

.. اما الأسعار ياحبيبي انا ماعندي خلفيه والله عن الي قلتها .. لأني دخلت سيارتي للتظليل بس .. لكن ممكن تزور المحل وتستفسر منه أحسن ..
:rolleyes:

[ali wawa]

ياراجل إعطينا السعر عشان نشوف نظلل ولا لا وبعدين أخوي انا بصراحة ماقريت الموضوع كله لأنه عندي اكوورد 2008 ولكن بعدي ماسويت شي للحفاظ على اسيات السيارة من داخل وهل عندكم شي يحافظ عليه ولا لا :d

[ieboo]

انا زعلان :(:(


كلمته هذا توب شيلد على الجوال اللي مكتوب مع كل تعليق ومايرد

ماعرف مكان المحل ولا السعر وطلبت منه في موضوعه يعطيني السعر حالي حال الكل مارسله في رساله خاصه :(


انا شكلي بروح في كول زي قبل سنتين ولا المذله :(

[Accord I-Vetc]

يابووووويا ويييييييين الصوووووور ؟؟؟؟؟؟؟؟؟؟