السلام عليكم ورحمة الله وبركاته
كيفكم يا اعضاء المنتدى وكيف العيد معاكم ان شاء الله ينعاد علينا وعليكم وعلى جميع المسلمين بصحة وعافية
واللحين ندخل في الموضوع( ما يعرف يتكلم )
طبعا سيارتي سيفيك 2003 حسيت انو السيارة تنحرف الى جهة اليسار واذا زدت السرعة فوق 100 تقوم ترج المهم رحت لميزان المنصور اللي في الدمام قلت له ابي وزن اذرعة قال لي انصحك تفحص قبل يمكن تكون المشكلة شيئ ثاني قلت له افحصها وركب اجهزته وفحص طبعا كمبيوتر ويوم خلص وراني ورقة الفحص والا الكفرين الخلفيين مايلات (اليمين 2.4 واليسار 0.5) قلت له والحل قال لي لازم سحب كمر قلت كم تكلف وكم يبي لها وقت قال لي ما عندنا سحب بس ادلك على مكان مضمون قلت له خير ان شاء الله ودلني على ورشة ما اذكر اسمها بس اللي شغال فيها سوداني قلت له الكفر الخلفي مايل كيف تحل المشكلة قام جاب ميزان الموية وشيك وقال الكفرين مايلات( واللي زاد ااطين بلة واحد اكثر من الثاني) ونسحبهم ب500 ريال وضمان اسبوع قلت اوكى بشوف ويمكن ارجع لك قمت طلعت من عنده ورحت لميزان فلبيني قلت له شيك السيارة ونزل تحت السيارة وشيك قال لي يبي لها ميزان اذرعة وسحب كمر قلت له بكم تسوي سحب الكمر قال لي مااسويه المهم مشيت من عنده واللحين جاي استفيد من خبرة اخواني أعضاء المنتـدى قبل لا اكون ضحيه هذه العمالة
ما هو سحب الكمر؟؟
وحسب ما فهمت من المنتديات ان بعض السيارات تجي كفراتها الخلفية مايلة شوي فهل هذا يعني ان الكفر الايسر مضبوط بس عندي اليمين ؟؟
واخيرا ابي مشورتكم بورشة شغلهم تمام ويا ليت اللي يعرف الاسعار يسدحهم هنا وخلاص ما ابي اطول عليكم ههههههههه بعد كل هالهذرة ما بطول
