مشكلة دعاسة البنزين

السلام عليكم

سيارتي هوندا كورد 2012
حصلت معي مشكله وانا اسوق مرات توصل السرعه الى 40 او مثلاً 80 وانا مستمر على الدعسه يقل عزم السرعه وارفع رجلي وادعس مره ثانيه وتمشي معي ونفس الشي يقل عزم السياره وارفع رجلي وادعس مره ثاني وعلى هالحاله


للمعلوميه اذا طفيت السياره وشغلتها من اليوم الثاني ما تطلع معي المشكله ألا اذا مشيت عليها كثير تبداء تطلع معي وتكمل معي المشكله باقي اليوم

غيرت البواجي
والخرطوش كان منقطع وغيرته
وغيرت صفاية البنزين
وغيرت زيت الجربوكس
وغيرت حساس القربه


والمشكله باقي موجوده

ساعدوني يا اهل التخصص او اسعفوني برقم متخصص فالمدينه المنوره بروح له


وشاكر لكم

يقل العزم بمعنى تفتفه ؟؟؟
اذا نعم هذا ضعف في طرمبة البنزين
وبتلاحظ ان يصدر منها صوت ويمكن تطفي السيارة بسببها اذا احترت

تم حل المشكلة ،،


الله يهديهم خلوني المحلات اغير اشياء كثيره فالسياره ، غير صفاية البنزين والبواجي والخرطوش وحساس القربة وزيت الجربوكس وفلتر الجربوكس وفلتر الهواء 😅😅

وعاد يقولي بنمشي حبه حبه لين نعرف وين المشكله ، عاد اكثر واحد كنت اروح له صادف يوم وانا رايح للمحل اللي اشتري منه قطع غيار شفته متكي معهم فالمحل ( شكله كان يسوّق لهم ) 😅 امزح

المهندسين اللي عطوني احتمالاتهم
اللي قال توضيب جربوكس
وبرمجة دعسة
وطرمبة بنزين
وحساسات



عاد المشكله إني كنت اقولهم المشكله ما تحصل معي إلا فالليل
ولا احد عرف المشكله ، واحد من المهندسين كان يقولي يمكن سيارتك على الطاقة الشمسيه هههههههههههه بعد ما حليت المشكله دقيت عليه اطقطق عليه ( بأحترام طبعاً )


### حل المشكله ###

وفقني الله ورحت لمهندس كشف على سيارتي وقال سيارتك ما فيها شي لكن يوم قلت له سيارتي تحصل معها المشكله فالليل على طول قال روح جيب لي لمبه للي قدام وغير فيوز الاصطبات واللمبات اللي ورا ، وجبتها له وغيرها وانحلت المشكله الحمد لله ... وما كلفتني 25 ريال ☹ وقطع الغيار اللي شريتها وغيرتها كلفتني فوق 1000 وهي مالها دخل فالمشكله



انا كانت اللمبه اللي يمين قدام خربان
واللي ورا كلها خربانه ، وفالليل اذا شغلت نور السياره تبداء تفتف معي السياره



للفايده

يعني السبب من الانوار التالفه !!!!!!!!!

ايه السبب طلع من الانوار التالفه