تغيير زيت وفلتر القير !!

السلام عليكم ورحمة الله وبركاته
اخواني رحت قبل فتره بغير زيت القير والفلتر لاكورد 2009
ولما جيتهم قالولي ب 600 وعليها استغرربت من السعر المبالغ خصوصا اني كنت اغيره ب 400 مع الفلتر قبل
ومريت ثاني مره وقالي ب 580 !
وامس قلت بجي اغيره ب 580 لاني مضطر خصوصا ان تغيير زيت القير اي خطا زياده او نقصان ممكن يسبب تخبيط
طبعاً رحت وحصلت الاغلبيه اجانب (من غير تحيه لوزارة العمل)
واجيك عند ذاك السوداني قال ب 600 وعليها قلت كيف ؟ قال هذا السعر قلت انا جاي قبل وقالولي ب 580 قال الموظف غلطان قلت طيب سو لي خصم قال م اقدر اخصم لك بالكثير الا 20 ريال
قلت غير ويكون خير
المهم قالي ان لك تغيير زيت (مكينه) وفلتر (مجاني) قلت م ابيه توي مغير زيت المكينه
المهم ويعطيني ذيك الفاتوره الا ضايف فيها تغيير زيت المكينه والفلتر !! وقدامها سعر زيت المكينه والفلتر وسعر شغل اليد!!
وتحت سعر تغيير زيت وفلتر القير
لاحظت ان سعر تغيير زيت القير والفلتر مع شغل اليد ب 472 (شامل الضريبه) !!!
وامسك الفاتوره واروح للسعودي الوحيد اللي شفت قلت كيف تنضاف تغيير زيت (مكينه) وفلتر وانا رافض م ابي اغير وبعد حاسبين السعر مع انكم تقولون مجاني !!
رد قال تغيير اجباري من وزارة التجارة والمصنع قلت ي اخوي سيارتي وم ابي اغير زيت (مكينه) غصب !!
انا جاي اغير زيت (قير) وفلتره فقط
وبعدين سعر تغيير زيت (القير) بالفاتورة مختلف عن السعر اللي قالي السوداني
وياخذ الورقه ويروح للسوداني قاله م قلت له قال م عليك بضبطك 😅(هذا اللي كان يقولي م اقد اخصم لك اكثر من 20 ريال)
المهم بعد م غيرت زين القير والفلتر وجيت قالي السوداني تعال واخذ مني الفاتورة السابقه اللي مضاف فيها سعر تغيير زيت المكينه والفلتر (اللي يقولون مجاني) مع زيت القير والفلتر مع شغل اليد ب 706 ريال
ويعطيني الفاتورة الجديدة بقيمة 472 ريال (شامل الضريبه) ويقول راضي ضبطتك 😂 قلت هذا السعر الاساسي اللي انا حسبت بالفاتورة السابقة اللي سحبها بعدين بعد م حشرته ! 💪
[IMG]https://e.top4top.net/p_10855chz61.jpg[/IMG]
انتبهو لفواتيركم ..
اعتذر عن عدم تنسيق الموضوع

وعليكم السلام ورحمة الله وبركاته
زين ما سويت
لكن ترى زيت القير ماهو شي صعب تغييره , ترى نفس وضع زيت المكينة .
والفلتر حقه نفس الصفاية مشبوك بين ليين تحت الفيوزات .
أنا عن نفسي أغير جميع الزيوت بنفسي أهم شي نوع الزيت وكميته حسب كتيب الشركة .

اي صحيح افضل تغير بنفسك لكن القير شي حساس واي زياده او نقص بيأثر على القير

ماله داعي تروح الوكالة ...


الوكالة ياخدو سعر غاللي جدااا


انت ف غنى عنه هالبمبلغ الي بتدفعه و قدره


زيت قير

زيت القير و المكينه اشياء سهل اي مكاان يسويها اهم شيء القطع اصليه زيت اصلي و فلتر اصلي وسلاامتكم