مكيف السياره حار او الدفع ظعيف ؟؟ الحل موجود بالصور

**q8-accord** · 07-04-2009, 11:23 PM

السلام عليكم
كيف حالكم انشالله بخير ؟؟
امس وانا طالع من الدوام مكيف السياره كان شوي حار والدفع ظعيف احطه حده يالله يستوعب .
استغربت الموتر ماصارله سنتين !!
مريت الوكاله وعلمته السالفه وقالي على طريقه حلوه وسهله وبنقلها لكم انشالله عشان لاتعبون نفسكم من الصناعيه ولا الوكالات .
اولا تبطل درج السياره وتظغط عليه بيدك من نفس مكان الاسهم الي بالصوره وتحاول تطلعه .

ثانيا : بتلقى شكل مستطيل الي مأشر عليه بالاسهم هم اظغط عليه من الجنب وطلعه نفس طريقة الدرج .

---------------------------------------------
---------------------------------------------

بعد ماتطلعها راح تلقى (( شوته )) احذفها :d
ورد ركب كل شي مكان وهذي شكلها بس بعد ماحذفت الشوته .

انصدمت الصراحه من بعد هالحركه المكيف صار ثلج والدفع اخليه على حبه وحده

الحمدلله .
وعلى فكره ياشباب كلمت الفني مال الوكاله وأكد لي انه هالحركه ماتظر ..
والي مافهم شغله يقولي وانشالله ماقصر معاه ..

**Y.k.A** · 07-04-2009, 11:41 PM

يعطيك الف عافية ع الجهد الرائع

**q8-accord** · 07-04-2009, 11:51 PM

الله يعافيك ..
حياك الله ماسوينا شي ..

**Classic Design** · 07-04-2009, 11:58 PM

بس الظاهر أنك شلت الفلتر اللي ينظف الهوا يابو الشباب

يعني يصير الهوا يجي على طوووووول داخل السيارة بدون فلتر >> الله يعينك إذا صارت عج أو قدامك دييييزل :p

**المـــــلكـ اكـــــورد** · 08-04-2009, 12:06 AM

الشغله ماتضر بشكل مؤقت

لان الفلتر اللي فكيته ينقى الهواء الخارجي من الاتربه

وبعد فتره بيعدم عليك الثلاجة ولازم تروح عند اخصائي مكيفات علشان يفكها وينظفها

سعر الفلتر في الوكاله 200 ريال وشوي <<مااذكر بالضبط

الحل اذا كان في امل تنظفه بالهواء وترجعه لمكانه او اذا كان منتهي مره لازم تغيره
تحياتي لك

**gray2008** · 08-04-2009, 12:15 AM

اذا ماني غلطان فهذا هو الفلتر حق المكيف وماهو معقوله موجود عبث واذا شلته مايأثر اكيد يأثر لكن ممكن على المدى الطويل

افضل لك انه تنظفه وترجعه مكانه او تاخذ لك واحد جديد وتركبه بدل القديم وراح يزبط وضع المكيف انشالله

لكن انك تشيله مره وحده ..... احسها صعبه شوي

**accordyon** · 08-04-2009, 12:26 AM

يعطيك العافية عامجهودك وفرت علي كتابة موضوع بخصوص طريقة فك فلتر المكيف

لأني بصراحة موعارف كيف افكة عشان انظفة صارهاليومين يطلع روايح موزينة

مره ثانية شكررررررررررررررررراً

**ميدو مشاكل** · 08-04-2009, 12:32 AM

.
.
.
طيب واللي يقولكم ان الاكورد 2003 و 2004 مافيها فلتر اساسا !!!

**المباشر** · 08-04-2009, 01:06 AM

مره من المرات فكيت الفلتر ابي انظفه تدرون حصلت فيه كم ناموسه مريحين .. مادري وش لون وصلوا للفلتر وهذا معناه الفلتر مهم

**المـــــلكـ اكـــــورد** · 08-04-2009, 01:30 AM

^^^
انا لقيت فيه ورق شجر <<كيف دخلت مدري

اللي يقول ال2003-05 مافيها هذا الكلام فعلا صحيح

وترا الوكيل ماركبها علشان يوفر على نفسه وتشتريها انت الله لايهينك

**q8-accord** · 08-04-2009, 01:57 PM

مشكورين يالربع عالمرور والتعليقات ..
وفعلا ترا الفلتر ماركبو الا على موديلات 2005 وانت طالع ..
فأتوقع عاديه الشغله يعني ماتظر وانا عن نفسي سئلت الفني مال الوكاله وقالي انها ماتظر وانه الموديلات الي قبل 2005 كلهم بدون فلتر

**البرناوي** · 08-04-2009, 02:13 PM

اول شي سلام عليكم
نخش في المهم السيارة وهية جدية فيها فلتر وكيف احنا نشيل الفلتر لو مالونفع لوكان الخواجة ماصنع الفلتر
والله يشباب انا الي عندي قلته وشوفو الي يريحكم
وسلامتكم

**المباشر** · 08-04-2009, 02:52 PM

المشاركة الأصلية كتبت بواسطة q8-accord

مشكورين يالربع عالمرور والتعليقات ..
وفعلا ترا الفلتر ماركبو الا على موديلات 2005 وانت طالع ..
فأتوقع عاديه الشغله يعني ماتظر وانا عن نفسي سئلت الفني مال الوكاله وقالي انها ماتظر وانه الموديلات الي قبل 2005 كلهم بدون فلتر

للأسف في بعض المهندسين أو الفنيين مثلآ يقولك الشغلة الفلانية غير مهمة وهو أحرص الناس انه يركبها بموتره

هي صحيح ماتضر لكن على الأقل تحمي المقصورة ومن فيها من الركاب من الغبار والروائح الغير مرغوبه

وصدقني وجوده مهم - واحد محصل ناموس والثاني محصل ورق شجر :d والثالث وش محصل ؟؟؟

اذا كان دفع المكيف ضعيف بسبب الفتر مالك الا تنظفه وتغسله أو تركب جديد مع ان سعره غالي شوي

**SAND** · 08-04-2009, 04:56 PM

يعطيك العافيه اخوي

**q8-accord** · 08-04-2009, 10:59 PM

المشاركة الأصلية كتبت بواسطة البرناوي

اول شي سلام عليكم
نخش في المهم السيارة وهية جدية فيها فلتر وكيف احنا نشيل الفلتر لو مالونفع لوكان الخواجة ماصنع الفلتر
والله يشباب انا الي عندي قلته وشوفو الي يريحكم
وسلامتكم

عليكم السلام ..
رايك واحترمه وعلى راسي ياخوي ..
بس ياخوك الموديلات الي تحت 2005 بدون فلتر وزي الورد مافيهم شي :d
شاكر عالمرور اخوي ..

المشاركة الأصلية كتبت بواسطة المباشر

للأسف في بعض المهندسين أو الفنيين مثلآ يقولك الشغلة الفلانية غير مهمة وهو أحرص الناس انه يركبها بموتره

هي صحيح ماتضر لكن على الأقل تحمي المقصورة ومن فيها من الركاب من الغبار والروائح الغير مرغوبه

وصدقني وجوده مهم - واحد محصل ناموس والثاني محصل ورق شجر :d والثالث وش محصل ؟؟؟

اذا كان دفع المكيف ضعيف بسبب الفتر مالك الا تنظفه وتغسله أو تركب جديد مع ان سعره غالي شوي

طيب والموديلات الي مافيها فلتر يدش عليهم غبار ؟؟
وبالنسبه للروائح كانت عندي هالمشكله بس نسيت اذكرها .. بس من بعد ماشلت الفلتر صار كل شي اوكي الحمدلله ..
اما سالفة المهندسين او الفنين هو مو خسران شي لو ركبلك فلتر بالعكس هو الربحان وسعره عندنا بالكويت 14 دينار من الوكاله ..
عالعموم انا ببحث بهالموضوع زياده وانشالله اجيبلكم الاخبار اول باول ..
شاكر لك عالمرور اخوي ..

المشاركة الأصلية كتبت بواسطة ل ط و السعودية 874

يعطيك العافيه اخوي

الله يعافيك اخوي ..
حياك الله ..

**q8-accord** · 08-04-2009, 11:02 PM

ياشباب ياريت احد يفيدنا شلون اكبر صورة التوقيع ؟؟
اذا رفعت الصوره من الموقع تطلع صغيره ؟
واذا رفعتها من موقع ثاني يقول الملف البعيد كبير جدا

**V6 2007** · 08-04-2009, 11:17 PM

انا عنـدي المكيف هاليومين حار للغايه
ولا ادري وش صار عليـه..؟
كان اول اسبلت والحين قلب صحراوي < وش عنده هههه
المهم وش الحـل ياعيـال ابيه يرجع مثل اول
يعني افك الدرج وانظفه ولا شـلون..؟
تحيتي

**ملك مملكة جدة** · 09-04-2009, 02:23 AM

حبيبي هذا فلتر للمكيف علشان ما تدخل الاوساخ بالمجاري و علشان ينظف لك الجو

لما تشيله يعني يا ليل التراب الي بيدخل على السيارة

المفروض تنظف الفلتر بالهواء عند البنشري و ترجعة مو ترمية ؟!

**اكورد أبوالريش** · 09-04-2009, 02:26 AM

مشكور على الموضوع

**المباشر** · 09-04-2009, 04:29 AM

الريحة اللي كنت تشمها هي من الفلتر اذا كنت فاتح الهوايه الخارجية وافضل حل هو تبديل الفلتر بجديد او تغسلة

(التوقيع أرسل لي الرابط من مركز التحميل وأبشر بعزك ياطويل العمر أضبطة لك وارسله مره ثانية وانت ترفعه بالنادي )

**vtec_m79** · 09-04-2009, 04:15 PM

إسمح لي الفني الي قال هذا الكلام و إنتوا بكرامه بهيم , هذا الفلتر عشان ينظف الهوا الي يدخل السيارة أولا

وثانيا و هو الاهم يحمي شي إسمه الفايبراتور ( ما أدري شنو تسمونه في السعودية ) يحمية من الاتربة و حبات الرمل الكبيرة نسبيا لان بعد فترة راح ينسد و بعد ما ينسد و ينملي تراب راح يسرب الغاز

تدرون شنوا راح يكلفكم أولا سعر القطعة لا يقل عن 900 ريال + expanstion valve في حدود 200 ريال + غاز في حدود 200 ريال
و عشان تتبدل القطعة أغلب السيارات لازم ينشال الطبلون كامل يعني شغل اليد في الوكالاة لا يقل عن 1000 ريال

ملاحظ الاسعار تقريبة و لكن ما راح تفرق واجد

نصيحة إشترفلتر جديد لان راح تندم بعد سنه أو سنتين

**MOHAMMED SS** · 09-04-2009, 11:46 PM

هي فكرة حلوة

بس من ناحية النظافة بتأثر

يعني انته شلت فلتر المكيف والجو كله اتربة

**q8-accord** · 10-04-2009, 05:01 AM

شاكر لكم عالمرور يالربع ..
بس كلاكم كله واحد انه الغبار كله بيدش عليك !!
زين وثالث امره اعيد السؤال ياريت احد يجاوب الموديلات قبل 2005 بدون فلتر ليش ماوجهتهم هالمشاكل ؟؟!!

**المـــــلكـ اكـــــورد** · 10-04-2009, 03:18 PM

^^
جاوبتك في ردي الاخير عن سؤالك

**MOHAMMED SS** · 10-04-2009, 07:14 PM

على فكرة سباب الي حاب يزي\ دفع الهواء بدون شيل اي غرض

كل ماعليه يفتح فتحات الهواء

ويفتح فتحة السقف الى اعلى وخلاص كلما تسرع السيارة بيدفع الهواء بقوة

هذا الطريقة مجربنهاا