صفحة 1 من 2 12 الأخيرةالأخيرة
النتائج 1 إلى 25 من 26

الموضوع: تقرير تغيير طرمبة الدركسيون report of replace the power pumb

  1. #1
    عضو فعال
    تاريخ التسجيل
    01-2011
    الدولة
    القصيم
    المشاركات
    877

    افتراضي تقرير تغيير طرمبة الدركسيون report of replacing power pumb

    بسم الله الرحمن الرحيم

    "تابع المشاركة الى النهاية هناك نتائج تهمك جداً"

    اسعد الله اوقاتكم بكل خير وسرور ..

    في البداية لا يخفى على الكثير المشكلة او مايسمى العيب المصنعي الموجود في معظم سيارات الاكورد منذ الاجيال القديمة وحتى الجيل الجديد(الثامن) وهو العطل في مضخة زيت البور

    المشكلة بشكل مفصل اكثر : عندما تقطع السيارة مسافة مابين 60-100 الف كيلو يبدأ ظهور تعرية للزيت وقد يكون اكثر من تعرية ليصبح تهريب زيت من مضخة الزيت للدودة وفي نفس الوقت ظهور حنة اثناء قيادة السيارة في سرعات منخفضة من (0-50) ليكون بذلك عدد دورات المحرك من 800-1500 دورة في الدقيقة

    وبعد عناء شديد قررت تغيير الطرمبة مهما كلف الامر حتى لو كان الحل جزئي وستعود المشكلة لكن لامانع في ذلك مقابل الراحة النفسية.

    مع العلم انني قمت بعمل الاصلاح منذ حوالي سنة وانحلت مشكلة التهريب لكن مازلت اعاني من الصوت المزعج..
    ايضا غيرت الزيت ثلاث مرات.

    طبعا سعر الطرمبة في الوكالة مرتفع جداً لذا لجأت لاحد الاخوة اصحاب الخبرة في الشراء من الخارج(جزاه الله كل خير) واتفقت معه في تامين الطلب ..

    رقم القطعة : 56100-R40-305

    التكلفة الاجمالية / 1600 ريال تقريبا شامل سعر القطعة والشحن من الشركة للبريد في امريكا والوصول للمنزل.,

    والان صورة الطرمبة القديمة وهي على السيارة /



    وهذه صورة الطرمبة الجديدة /





    وبعد التركيب :




    النتائج:

    مخزية جدا جدا بالنسبة لي!!!

    اول يوم ركبتها مالاحظت الفرق لان كان غبار وهو والواحد صدع من الشغل

    ثاني يوم وثالث يوم لامست النتائج الحقيقية

    الصوت شبه اختفى واعطيه نسبة تحسن تصل بحد اقصى الى 70% وذلك من السرعه 30-50 اثناء عدد دورات من 1500 وفوق..

    اما اثناء الوقوف والسرعه من 0-25 يوجد صوت حنة لكن اقل بقليل من السابق واعطيه نسبة تحسن 25-35% . وهذا ماكان مؤسف حقاً ..


    بعد هذه النتائج رحت لاحد مختصي هوندا في مدينة بريدة ووريته الشغل قالي عادي الاكورد من وكالتها فيها هالصوت !!

    صدفة شفت عنده اكورد مثل موديل سيارتي لكن ماشية حوالي 400 الف وركبتها عنده صوت بالمكينة وعادي تقريبا لكن مافي حنة !!

    رحت ورشة ثانية قالي الطرمبة الجديدة فيها مشكلة !


    ايش رايكم ؟ ممكن احد من الموديلات الجديدة يفيدنا بالصوت الحقيقي لسيارته !؟

    هل من الممكن المشكلة من الطرمبة الجديدة ؟ ام ان الصوت لابد ان يصدر من الطرمبة وهذا طبيعي ؟ ام مصدر الصوت غير الطرمبة ؟


    السيارة ماشية حد الان 100 الف تقريبا ونظيفة واستخدام خفيف ..

    والسلام مسك الختام

    ---------------------------------


    تحرير: 8/2/2012


    بفضل الله تعالى ثم بفضل افادة الاخوان الكرام تمكنت من حل المشكلة التي اكتشفت اخيرا سبب تفاهتها على الرغم من الكارثة المسببة لها ..

    وهذه صورة للعميل المجرم المشارك في عملية اصدار صوت الحنة



    هذآآآآآ هو السبب الرئيسي للمشكلة

    ومثل ما افاد احد الاخوة جزاه الله خير ..

    ان الصوت سببه دخول الهواء من احد الليات.. وبعد بحث وجدت ان هذا اللي هو الرئيسي لدخول الزيت للطرمبة وباقصى قوته المممكنة ..

    وبعد التغيير اختفت الحنة بنسبة كبيرة ليصبح صوت السيارة عادي جداً وهو المطلوب ..

    سعر القطعة 40 ريال بالوكالة بعد الخصم

    تحتاج ايضا الى مشكبيات / سعر الواحدة 11 ريال

    اللهم لك الحمد حمداً كثيراً .. انصح كل من يعاني من الصوت يجرب تغيير اللي هذا ويفيدنا بالنتائج ولا تنسونا من الدعاء ..

    شكر خاص للاستاذ المباشر على التوجيه
    التعديل الأخير تم بواسطة دنيآ الغرور ; 08-02-2012 الساعة 05:38 PM

  2. #2
    مشرف عام الصورة الرمزية المباشر
    تاريخ التسجيل
    11-2007
    الدولة
    Ras Tanura
    المشاركات
    5,617

    افتراضي

    توقعاتي يمكن تحتاج تبدل الزيت بالكامل ويمكن يكون الهوز ( اللي - ليات الدركسون ) محتاج تبديل

    العادة الصوت يكون سببه اللي بعد الطرمبة وخاصة اذا كان مسوي له كبس من قبل

    لكن جرب كبداية بدل الزيت وشوف وش يصير معك

    راجع هالموضوع وراح يفيدك

    http://www.hondaarabia.com/club/t33438/

  3. #3
    عضو
    تاريخ التسجيل
    01-2012
    المشاركات
    61

    افتراضي

    انا سويت اصلاح طرمبه قبل شهرين وكان صوت الحنه مزعج جدا جدا وبعد الاصلاح اختفى الصوت نهائيا . لاكن التهريب رجع بعد اسبوع .

    لاكن ابنصحك تغير اللي اللي طالع من الطرمبه للدركسون وتغيير المشقبيات بنوع اللي فيه مسمار فر . وانشاء الله يروح الصوت


  4. #4
    عضو
    تاريخ التسجيل
    01-2012
    المشاركات
    61

    افتراضي

    معلومه حاب اضيفها لك اخوي هي ان صوت الحنه معناها فيه هوا داخل الطرمبه يعني مسمار مرخي او لي مشقوق وليس معناها خراب الطرمبه لان الطرمبه اذا خربت يجيم الدركسون ويصير ثقيل ويوقف

  5. #5
    عضو فعال
    تاريخ التسجيل
    09-2009
    الدولة
    جدة - الدمام
    المشاركات
    697

    افتراضي

    الطرمبة القديمه شكلها نظيف ومافيها تهريب اجل مشكلتك مو بالطرمبه

    مشكلتك في هوا يدخل لدائرة البور ولازم تعرف مصدره ... هوز ناشف

    مشقبيه راخيه (كلبس) او هوز البور الرئيسي فيه مشكله الخ الاحتمالات كثير لكن مو صعب تكتشف الخلل

    معلومه: الصوت المزعج لطرمبة الدركسون سببه دخول هوا داخل النظام سواء في تهريب او بدون تهريب

    وبعض المرات تكون المشكله بسيطه

  6. #6
    عضو نشيط
    تاريخ التسجيل
    06-2010
    المشاركات
    113

    افتراضي

    تأكد من شداد السير يمكن يكون الصوت منه

  7. #7
    عضو فعال
    تاريخ التسجيل
    03-2011
    المشاركات
    368

    افتراضي

    اقتباس المشاركة الأصلية كتبت بواسطة عبدالله الشيخي مشاهدة المشاركة
    تأكد من شداد السير يمكن يكون الصوت منه
    + شداد السير او طرمبه المويه .. سبق وواجهت المشكله انا

    وصار من طرمبه المويه

  8. #8
    عضو فعال
    تاريخ التسجيل
    01-2011
    الدولة
    القصيم
    المشاركات
    877

    افتراضي

    الشداد مافيه اي مشكلة

    طرمبة الموية كيفٍ اتاكد منها؟

  9. #9
    عضو فعال
    تاريخ التسجيل
    03-2011
    المشاركات
    368

    افتراضي

    اقتباس المشاركة الأصلية كتبت بواسطة دنيآ الغرور مشاهدة المشاركة
    الشداد مافيه اي مشكلة

    طرمبة الموية كيفٍ اتاكد منها؟
    ركب وحده بدالها وشف تظبط ولا لا .. :o

  10. #10
    عضو فعال
    تاريخ التسجيل
    01-2010
    الدولة
    جده
    المشاركات
    437

    افتراضي

    من ناحية انه طبيعي اعتقد مو طبيعي

    لان صاحبي سيارته نفس سيارتي ونفس الممشى تقريبا وهو ما عنده صوت ماشاء الله وانا عندي

    اعةقد 90٪ انه من اللي اكثر اخصائين الهيدروليك يقولوا منه *

  11. #11
    عضو نشيط
    تاريخ التسجيل
    03-2011
    المشاركات
    134

    افتراضي

    ممكن تقول للجميع الموقع اللي شريت منه الطرمبة ؟؟

  12. #12
    عضو
    تاريخ التسجيل
    02-2012
    الدولة
    riyadh
    المشاركات
    12

    افتراضي

    الله لايهينكم
    ودي اعرف بالنسبه للهوز حق الباور كيف ممكن تكون العلة منه

    شكرا

  13. #13
    عضو فعال
    تاريخ التسجيل
    01-2011
    الدولة
    القصيم
    المشاركات
    877

    افتراضي

    بجرب اغير اللي الي من الخزان للطرمبة وان شاء الله تتحسن النتائج

  14. #14
    عضو فعال
    تاريخ التسجيل
    01-2010
    الدولة
    جده
    المشاركات
    437

    افتراضي

    اقتباس المشاركة الأصلية كتبت بواسطة دنيآ الغرور مشاهدة المشاركة
    بجرب اغير اللي الي من الخزان للطرمبة وان شاء الله تتحسن النتائج
    موديلات 2007 فيه نوعيه تايلندي قيمته 300

    الاصلي 1000 ريال

  15. #15
    عضو فعال
    تاريخ التسجيل
    01-2011
    الدولة
    القصيم
    المشاركات
    877

    افتراضي

    اقتباس المشاركة الأصلية كتبت بواسطة اكوردتي عشق لا ينتهي مشاهدة المشاركة
    موديلات 2007 فيه نوعيه تايلندي قيمته 300

    الاصلي 1000 ريال
    اللي الي اقصده قصير جدا وقيمته بالوكالة 45 ريال

  16. #16
    عضو فعال
    تاريخ التسجيل
    09-2008
    الدولة
    مكه المكرم
    المشاركات
    569

    افتراضي

    السلااام عليكم دنيا الغروووور بعد البحث الطويل وبعد تغييير علبة الدركسون في الشركه على الضمان اكثر من مررره عرفت صوت الحنه دا من ويييين يجي؟ طبعا في البداية هوا طبيييعي جدا جدا دام الدركسون ماثقل ولا شي ولا يوجد تهريب هوا طبيعي ولكن مززززززززززززززعج
    بختصااار صوت الحنه على كلام احد المهندسين اللي غيرلي طقم اصلاح دركسون سفلي
    انو الصوت هاذا غير موجود في موديلات 2007 وتحت وموجود في موديلات 2008 وفوق لانو في الموديلات السابقه كان يوجد في علبة الدركسون رممبللي والموديلات الحديثة لايوجد والمصنع اكتفى بقطعة جلده او مدري اش اسمها عشان كذا صوت الحننه موجوود سألت المهندس هل يمكن توليف رممبلي على علبة الدركسون قالي::اربع سلندر صعبه لكن ممكن في الستة سلندر هذا بختصااار
    فا كل واحد الله يعينو يصبر على صوت الحنه دي تحياتي لكم وللاستفسار الخاص موجود

  17. #17
    عضو
    تاريخ التسجيل
    01-2012
    المشاركات
    61

    افتراضي

    اقتباس المشاركة الأصلية كتبت بواسطة دنيآ الغرور مشاهدة المشاركة
    اللي الي اقصده قصير جدا وقيمته بالوكالة 45 ريال
    غير الهوز ابو 45 والمشقبيات حقته

    وغير الهوز الطويل بواحد جديد ترى الكبس ماينفع ,


    لاكن ابسالك انت وش غيرت غير الطرمبه يوم ركبتها ,

  18. #18
    عضو فعال
    تاريخ التسجيل
    01-2011
    الدولة
    القصيم
    المشاركات
    877

    افتراضي

    شكرا لكم جميعا

    تم الحل بفضل الله

  19. #19
    عضو فعال
    تاريخ التسجيل
    08-2010
    المشاركات
    2,389

    افتراضي

    طيب ياليت تتحفنا بالحل لأن نسيبي انفجع و تغبن لما طلع له الصوت :d

  20. #20
    عضو فعال
    تاريخ التسجيل
    01-2011
    الدولة
    القصيم
    المشاركات
    877

    افتراضي

    ,
    اقتباس المشاركة الأصلية كتبت بواسطة alkasr777 مشاهدة المشاركة
    طيب ياليت تتحفنا بالحل لأن نسيبي انفجع و تغبن لما طلع له الصوت :d
    راجع الموضوع بعد التعديل

  21. #21
    عضو فعال
    تاريخ التسجيل
    07-2010
    المشاركات
    660

    افتراضي

    دنيا ياخلفهم الصوره ماتطلع

    ارفعها على مركز تحميل ثاني الله لا يهينك

    مع العلم اني اتوقع ان الطرمبه ماتسبب صوت حنه

    والحمد لله ان مشكلتك انحلت نفتك من حنتك شوي هع

  22. #22
    عضو نشيط
    تاريخ التسجيل
    04-2011
    الدولة
    Jeddah
    المشاركات
    112

    افتراضي

    الصور ما تطلع

  23. #23
    عضو
    تاريخ التسجيل
    09-2010
    المشاركات
    57

    افتراضي

    اخوي بالنسبه لرقم القطعه من الوكاله هذا هو انا رايح لهم وقال لي الموظف ب 3400 وبعد الخصم وصلت ل 2950 (56100-r40-a08) ومن عند النعماني ب 2250

  24. #24
    عضو فعال
    تاريخ التسجيل
    01-2012
    الدولة
    الرياض
    المشاركات
    859

    افتراضي

    الصور لا تظهر

  25. #25
    عضو
    تاريخ التسجيل
    10-2012
    المشاركات
    8

    افتراضي

    اخوي هل مازالت الطرمبه الدركسون وكم تبي فيها وياليت ترسلي خاص

المواضيع المتشابهه

  1. طرمبة دركسيون اكورد Power steering pomb accord
    بواسطة دنيآ الغرور في المنتدى حراج هوندا Haraj Buy Sell
    مشاركات: 9
    آخر مشاركة: 27-04-2014, 09:39 PM
  2. استقبال شكاوي طرمبة الدركسيون هنا .. ابشرو بالخير ياشبااااااب ..
    بواسطة دنيآ الغرور في المنتدى هوندا اكورد Accord
    مشاركات: 187
    آخر مشاركة: 12-03-2013, 08:58 AM
  3. تقرير: تركيب طرمبة الدركسون (اكورد v6 2007)
    بواسطة no_more في المنتدى هوندا اكورد Accord
    مشاركات: 12
    آخر مشاركة: 16-12-2011, 09:07 PM
  4. تقرير الجوده لمنظمة j.d power العالمية عام 2008
    بواسطة z a n h o r في المنتدى سيارات هوندا الاخرى Other Honda Cars
    مشاركات: 3
    آخر مشاركة: 14-06-2008, 09:04 PM
  5. مشكلة في طرمبة الدركسيون ؟؟؟
    بواسطة البدررر في المنتدى هوندا اكورد Accord
    مشاركات: 23
    آخر مشاركة: 27-04-2008, 11:25 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 132.00 Kb. compressed to 113.46 Kb. by saving 18.54 Kb. (14.05%)]