صفحة 1 من 3 123 الأخيرةالأخيرة
النتائج 1 إلى 25 من 52

الموضوع: قبل لاتشتري مفتاح ريموت من الخارج تعال هنا

  1. #1
    عضو في مجموعة الأوائل الصورة الرمزية الاخطبوط
    تاريخ التسجيل
    05-2006
    الدولة
    -
    المشاركات
    3,483

    Exclamation قبل لاتشتري مفتاح ريموت من الخارج تعال هنا

    السلام عليكم ورحمة الله وبركاته

    كيف الحال ياشباب >>> الشباب فاز عالاتحاد

    ندخل بالسالفه علطول >>> اللي ماله نفس يقرأ ينزل لاخر الموضوع ويقرأ اللي بالأحمر :p

    بالبداية بأحكيلكم قصتي

    مفتاح الريموت لأكوردتي 2006 حق الوكالة ضاع >>> طبعا هو نفس مفتاح الأكورد من 2003 إلين الحين 2008

    بالبداية وكعادة أي مواطن حبيب مؤدب قلت أكلم الوكالة أشوف السعر

    الاخطبوط: السلام عليكم
    الـوكــالــة: وعليكم السلام
    الاخطبوط: أبغى أسوي مفتاح ريموت جديد كيف الطريقة
    الـوكــالــة: تشتري مفتاح من قطع الغيار وتروح تقصه برا وبعدين تجي للصيانة ونبرمجه بـ 100 ريال
    الاخطبوط: طيب بكم المفتاح عند قطع الغيار
    الـوكــالــة: بـ 1500 ريال >>> ريال ينطح ريال
    الاخطبوط: سويت كذا بعدين قلت شكرا لتعاونكم وإلى اللقاء

    بعد ان غسلت يديني من اني ادفع 1600 ريال من غير قص على مفتاح قلت أروح محلات المفاتيح اللي برا

    بعد لفه طويلة عريضه والأسعار متفاوته بين محل واخر لقيت أرخص محل وصار التالي

    الاخطبوط: بكم مفتاح الأكورد عندكم مع القص والبرمجه
    محل مفاتيح: بـ 650 ريال
    الاخطبوط: شكرا >>>> تحس إني مؤدب دايم شكرا شكرا :d

    قلت طيب خلني ياولد بما أن كل الأسعار عندنا مرتفعه حبتين خلني ادور بالانترنت يمكن ألقى شيء طيب وفعلا وجدت شيء أصلي ورخيص وفيه إضافة الزر الأحمر (panic) وصار التالي

    الاخطبوط: بكم مفتاح الأكورد أصلي بدون قص
    موقع الانترنت: بـ 183,49 ريال فقط لاغير
    الاخطبوط: يابلاش هاته >>> واقوم اطلبه ويوصلني للسعودية

    المهم بعد ماوصلني المفتاح هذي صورته من الأمام والخلف وصورة الكيس أول ماشتريته





    وديته بعدها لمحل المفاتيح أبي أقصه وأبرمجه

    الاخطبوط: هذا المفتاح أبيك تقصه وتبرمجه
    محل مفاتيح: طيب عندك ثلاث شغلات (قص المفتاح + برمجة الريموت + برمجة المفتاح لتشغيل السيارة)
    الاخطبوط: طيب برمج الريموت أول شيء قبل القص

    بعد محاولات لبرمجة الريموت لم يتبرمج :(
    واذا اخذنا مفتاح جديد من عنده وبرمجناه يتبرمج علطول

    ونفس الموضوع صار مع أكثر من محل وحاولت أيضا بالطريقة الموجوده بالمنتدى أيضا لم تنفع

    بعد مراسلة أحد الأعضاء الذين سبق أن اشتروا المفتاح من الانترنت اكتشفت بأن نفس الموضوع صار معاه وان الريموت لايتبرمج ولكن المفتاح يقوم بتشغيل السيارة بدون مشكلة

    المهم انا رجعت لمحل المفاتيح وأخذت مفتاح الريموت اللي بـ 650 وريحت راسي :d

    زبدة الموضوع كله:
    تنبيه للإخوان قبل أن يقوموا بشراء المفتاح (النظام الأمريكي) فأنا أخبرهم بأني إشتريته ولم يعمل الريموت نهائيا وعند أكثر من محل

    (عندي طلب : اللي قد طلب المفتاح من الانترنت من قبل واشتغل الريموت معه الرجاء إعلامي بذلك)
    التعديل الأخير تم بواسطة الاخطبوط ; 11-06-2008 الساعة 04:34 PM
    الاخطبوط كان هنا

  2. #2

    افتراضي

    يؤيؤيؤيؤ غريبه ... طيب يعني كمبيوتر الأكورد الأمريكي تفرق عن أكورداتنا <<< :d
    طيب إسأل الوكالة عن السالفة ذي وشوووف وش يقولون لك ؟

    أشكرك عزيزي ع التنبيه

  3. #3
    عضو فعال
    تاريخ التسجيل
    07-2007
    الدولة
    الـخـبـر
    المشاركات
    1,921

    افتراضي

    الله يعينك اجل ما اشتغل :(

    لاتتهور واجد :d

  4. #4
    عضو فخري
    www.mosab.me
    الصورة الرمزية B Useful
    تاريخ التسجيل
    03-2007
    الدولة
    الرياضــ
    المشاركات
    5,103

    افتراضي

    طيب مافكرت ( تغير كل الشغلات الالكترونية اللي داخلة ) <<<< لو تفكر فيها من زاوية اخرى ... تلاقي ردي ما منة فايدة

    .
    فما زلت اسمع أصواتهم تهمس في أذني ...
    وما زلت
    استنشق أنفاسهم تعطر المكان من حولي ...
    وما
    زلت أرى خيالهم كلما طرفت عيني ...
    دفنت الأجساد ...
    وبقيت الأسماء...
    ...
    وبقي الحب يملأ قلوبنا بالأمل ...
    .


  5. #5
    تيربو المنتدى
    تاريخ التسجيل
    10-2007
    الدولة
    الشرقية - الرياض
    المشاركات
    876

    افتراضي

    أفا....:(

    يارجال الدينا تجارب.....

    وأشكرك والله على الموضوع لاني كنت ناوي على المفتاح ..

  6. #6
    حياتي كلها سفر وترحال الصورة الرمزية B Unique
    تاريخ التسجيل
    03-2007
    الدولة
    ينبع الصناعية
    المشاركات
    2,979

    افتراضي

    مشكور على التنبيه يا حسام

    بس جربت تغير الشريحة اللي قلت لك عنها من المفتاح القديم الى الجديد ؟

    شوف الطريقة هذي من موقع كار دومين
    طريقة التحويل من مفتاح الاكيورا TL الى الهوندا اكورد



    والرابط هذا فيه طريقة التحويل كاملة مع البرمجة


    جربها على المفتاح اللي عندك وعطنا خبر باللي يصير معك
    لاني صراحة ناوي احول على مفتاح الاكيورا TL

    من جد كشخة

    التعديل الأخير تم بواسطة B Unique ; 16-05-2008 الساعة 09:17 PM
    .

    .

    .

  7. #7
    عضو فخري الصورة الرمزية أكورداوي
    تاريخ التسجيل
    03-2006
    الدولة
    الدمام
    المشاركات
    3,545

    افتراضي

    بصراحه كان حوار هادئ وحلو ..

    :d

    والنهايه : كالعاده مؤلمه .. لكن والله تشكر على انك شاركت الشباب هالتجربه ..

  8. #8
    عضو
    تاريخ التسجيل
    01-2008
    المشاركات
    26

    افتراضي

    شباب أنا حصلت في محل جنب البيت مفتاح هوندا قص وبرمجة بـ 300 ريال يا بلاش وشغال كله تمام

  9. #9
    عضو فعال
    تاريخ التسجيل
    04-2007
    الدولة
    قلبـي الشرررقيـ
    المشاركات
    725

    افتراضي

    يعطيك الف عااافيـة يا الاخطبوووووط على الحوار والنقاااش الراااائع بس لو إني ادري انك تبي مفتاااح كان عطيتك اللي معاااااي انا عندي واااحد من الوكااالة لم يتم برمجته إلى الان:d ..

    تحيـاتـي لكـ . . .

  10. #10
    عضو فعال
    تاريخ التسجيل
    03-2006
    الدولة
    تــبــوكـ
    المشاركات
    1,330

    افتراضي

    وعليكم السلام ورحمة الله
    اما انا بخصوص تجربتي لما انكسر مفتاح الريموت الأساسي

    رحت لمحل المفاتيح ولقيت عنده مفتاح هوندا بالريموت قص لي عليه ونقل الشريحه من المفتاح القديم للجديد وسوا له برمجه

    وكل شي 100%

    التكلفه حدود الـ 250 ريال كاملةً .

    محبتي .

  11. #11
    عضو فعال
    تاريخ التسجيل
    11-2007
    الدولة
    فلوريدا
    المشاركات
    1,502

    افتراضي

    يعطيك العافية يالاخطبوط


    احس جاك احباط يوم قريت الردود


    ياخي كان سألت بالمنتدى شف الشباب جابولك عرض بـ250 ريال ,,,, وش تبي بعد


    شكراً على التنبيه

  12. #12
    عضو
    تاريخ التسجيل
    06-2007
    الدولة
    هُناك
    المشاركات
    43

    افتراضي

    الان ممكن اعرف وش هو الزر الاحمر ..؟

    بنتظارك ياحسام

    ..

  13. #13
    عضو في مجموعة الأوائل الصورة الرمزية الاخطبوط
    تاريخ التسجيل
    05-2006
    الدولة
    -
    المشاركات
    3,483

    افتراضي

    HR-Student اعتقد الكمبيوتر هو نفسه لكن ممكن الريموت لان فيه اضافة الزر الأحمر يكون مختلف عن الريموت تبعنا >>> الله اعلم

    Netro ايه الله التهور مشكلة تخاف بعدين يجيك المحلل التحكيمي فوده يعطيك كرت أصفر للتهور :d

    كوكو كورد بأحاول أدرس الوضع لكن يبيلها فضاوه وروقان وانا وقتي ضيق >>> ياهووه يارجل الاعمال :p

    Seraj_9196 ايه والله لاتتهور مثلي الين القى حل بعدين اعلمك وتشتريه وتكسره بالعافيه

    B Unique حبيبي فريد لي عودة اذا فضيت بأفك المفتاح وانزل صور له هنا لانه الريموت جاي منفصل تماما عن المفتاح وتقدر تمسك الريموت بس لحاله وتبرمجه وهو برا المفتاح ان شاء الله واذا لقينا الحل اتهنى ياباشا بمفتاح الاكيورا

    اكورداوي يامن كنت للأكورد هاوي :d أسعدني مرورك وهذي حالة المسلسلات قصه سعيده ونهاية حزينه ولكن تابعنا في الموسم الثاني من القصه >>> بريزون بريك على غفله :p

    كوكو196 حدد موقعك ومكان المحل وتأكد بارك الله فيك انه بريموت لانه المفاتيح اللي بدون ريموت لقيتها بـ 160 ريال

    ACCORD 747 الله يسلمك حبيبي ماتقصر حبيبي >>> اذا ضاع مره ثانيه بأجي اخذه منك :d

    الأنس يقولون تبوك مدينة الورود غير أنا نسيت أقول انه بعد ماقصينا المفتاح وبرمجنا الريموت جينا نبي نبرمج المفتاح لتشغيل السيارة عن طريق الكمبيوتر مارضي يتبرمج
    قام راعي المحل اخذ شريحة مفتاح ألتيما وركبه بدل شريحة الأكورد وضبط الوضع يقول بأنه الأكورد والألتيما وميتسوبيشي(على مااذكر) كلهم نفس الكود (الياباني سوى)

    AL5FY لا والله لااحباط ولا يحزنون بالعكس يمكن والله اعلم يصير فيه أمل يشتغل المفتاح ونفتح باب رزق

    z a n h o r الزر الأحمر حسب ماأعرف انه يقوم بتشغيل الانذار
    اذا ترجمت كلمة panic بيطلعلك معناته الخوف او الفزع >>> تعرف فلم panic room
    يعني يمكن جايه التسميه من ان الزر يخوف اللي حول السيارة
    الاخطبوط كان هنا

  14. #14
    عضو فعال
    تاريخ التسجيل
    03-2006
    الدولة
    الرياض
    المشاركات
    2,296

    افتراضي

    وش الجديد بالموضوع يااخطبوطي العزيز


  15. #15
    عضو نشيط
    تاريخ التسجيل
    10-2006
    المشاركات
    133

    افتراضي

    مشكله الناس اللي تتهور ولا تتصنصح من اللي حوله ,,,,,,

  16. #16
    عضو فعال
    تاريخ التسجيل
    03-2006
    الدولة
    الرياض
    المشاركات
    2,296

    افتراضي

    ^^^
    الحياه تجارب ;)
    ممكن تصيب معاك وممكن تخيب

  17. #17
    عضو في مجموعة الأوائل الصورة الرمزية الاخطبوط
    تاريخ التسجيل
    05-2006
    الدولة
    -
    المشاركات
    3,483

    افتراضي

    اتشـ الصراحة لاجديد حتى ابي افك المفتاح عشان أصور الريموت واجيبه هنا مالقيت مفك :d

    ككتان مادام كلها 183 ريال ليه مانتهور >>> ياما دخلنا السدحان ولا كارفور عشان أتمشى بس ونطلع بـ 500 ريال وثلاث ارباع اللي تشريه ماله فائدة ويمكن ماتستخدمه الا مره وحده :p
    الاخطبوط كان هنا

  18. #18
    عضو نشيط
    تاريخ التسجيل
    03-2008
    الدولة
    جدة
    المشاركات
    125

    افتراضي

    انا شريت مفتاح بممبلغ 130 ريال من ebay وللاسف مثل ماقال اخي العزيز الاخطبوط لم استطع برمجته
    اعتقد ان هناك اختلاف في البرمجة بين الامريكي والخليجي (وهنا يبرز سؤال وهو لماذا يلجأ الوكيل الى التغيير في كل شيء تحت المواصفات الخليجية)

    تحياتي

    تحياتي اخي الاخطبوط وشكرا على موضوعك واضم صوتي اليك
    اخي الاخطبوط هل لي ان اسأل ماهو الرقم الموجود على المفتاح الذي اشتريتة ,وما هو الرقم على المفتاح الاصلي؟ هل هما متطابقان؟
    الرقم عندي هو
    FCC ID :0UCG8D-380H-A
    IC:850G-G8D380HA
    التعديل الأخير تم بواسطة raptor ; 21-05-2008 الساعة 05:12 PM

  19. #19
    عضو فعال
    تاريخ التسجيل
    03-2006
    الدولة
    الرياض
    المشاركات
    2,296

    افتراضي

    اقتباس المشاركة الأصلية كتبت بواسطة raptor مشاهدة المشاركة
    انا شريت مفتاح بممبلغ 130 ريال من ebay وللاسف مثل ماقال اخي العزيز الاخطبوط لم استطع برمجته
    اعتقد ان هناك اختلاف في البرمجة بين الامريكي والخليجي (وهنا يبرز سؤال وهو لماذا يلجأ الوكيل الى التغيير في كل شيء تحت المواصفات الخليجية)

    تحياتي

    تحياتي اخي الاخطبوط وشكرا على موضوعك واضم صوتي اليك
    الحين عرفت ليه حاط المفتاح في صورتك الشخصية :d


  20. #20
    عضو نشيط
    تاريخ التسجيل
    03-2008
    الدولة
    جدة
    المشاركات
    125

    افتراضي

    نعم,,,,, ولاحط مش مبرمج ولا مخروط :d;)
    اقتباس المشاركة الأصلية كتبت بواسطة اتــشـــــ مشاهدة المشاركة
    الحين عرفت ليه حاط المفتاح في صورتك الشخصية :d


  21. #21
    عضو فعال
    تاريخ التسجيل
    03-2006
    الدولة
    الرياض
    المشاركات
    2,296

    افتراضي

    اقتباس المشاركة الأصلية كتبت بواسطة raptor مشاهدة المشاركة
    نعم,,,,, ولاحط مش مبرمج ولا مخروط :d;)
    اهم شي لاترميه :d واصبر اليييين الله يفرجها من عنده

  22. #22
    عضو
    تاريخ التسجيل
    08-2006
    الدولة
    Where I live
    المشاركات
    82

    افتراضي

    آآآآآآآآآه يالقهر .. ذكرتني بقصتي مع الوكالة وسالفة الريموت ..

    سيارتي ضاع مفتاحها ولا لقيته <لا ياشيخ ..
    ورحت الوكالة ابي اشتري مفتااح وشريتــه وقصيت عليه .. وجيت بابرمجه بالوكـالة ..
    الا يحاول فيه يمين يسار فوق تحت .. افتح ياسمسم .. ماحولك احد ..
    وبعد الكشف والكشيف .. اكتشف الخبير "الله والخبير" كمبيوتر الريموت اللي بداخل السيارة هو العلة والمشكلة الرئيسية .. ولازم يتبدل .. عاد كيف جاه الخراب الله اعلم ..
    ومازلنا نترزز بالقرب من ابواب السيارة لنفتحهاا خخخخخخ
    والوعد ياعبوودي هاشم تراه طوول

    ولسه انتظر يتصلون يقولون جانا الكمبيوتر عشان سيارتك ... وللانتظار بقية آه يالقهر ههه والله عبوودي ذا ماله حل الله يهديه ..صار لي ثلاث شهور وانا صابر عليه ...

  23. #23
    عضو فعال
    تاريخ التسجيل
    08-2007
    الدولة
    الــ خ ـــرج
    المشاركات
    435

    افتراضي



    مشكوووور أخوي ع التنبيــه ,



    ربي يسلمك من كـل شــر ,,

  24. #24
    عضو نشيط
    تاريخ التسجيل
    05-2008
    الدولة
    الزلفي
    المشاركات
    169

    افتراضي

    علمونا بالجديد>>>>>>>>متحمس يبي مفتاح الاكيورا...

  25. #25
    عضو نشيط
    تاريخ التسجيل
    01-2007
    المشاركات
    104

    افتراضي

    وش السآلفهـ .. شكل المفآتيح متفقهـ تنحآش وتضيع في وقت وآحد خخخ !!

    << ضآع مفتآحهـ الريموتـ ومتوهق :(

    طيب آخطبوطنآ !! وين حصلت اللي بـ 600 وهل هو آصلي زي حق الوكآلهـ !! وكيفهـ معكـ !!

    وبالنسبة للآخوآن اللي يقولونـ بـ 250 !! وينهـ فيهـ هذآ !!

    ونصيحة اللي يشتري مفتآح جديد يعلقهـ في رقبتهـ ][ ولآضيآع بعد اليومـ ][ خخخخ

المواضيع المتشابهه

  1. مفتاح ريموت امريكي و غلاف مفتاح خليجي (( للسيفيك 2006 + ))
    بواسطة Bassam1982 في المنتدى حراج هوندا Haraj Buy Sell
    مشاركات: 3
    آخر مشاركة: 25-10-2011, 11:09 AM
  2. مفتاح ريموت
    بواسطة esam10 في المنتدى هوندا اكورد Accord
    مشاركات: 4
    آخر مشاركة: 10-04-2011, 07:17 PM
  3. مطلوب مفتاح ريموت
    بواسطة esam10 في المنتدى حراج هوندا Haraj Buy Sell
    مشاركات: 2
    آخر مشاركة: 10-04-2011, 06:51 PM
  4. مفتاح ريموت
    بواسطة esam10 في المنتدى هوندا اكورد Accord
    مشاركات: 0
    آخر مشاركة: 03-04-2011, 01:58 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 142.95 Kb. compressed to 123.86 Kb. by saving 19.09 Kb. (13.35%)]