راداراتنا بالســــــــــــــــــعوديّـــــــــــه .. تخلّـــف تخلـــــف تخلّـــف ..!!

[Mr.CaR]

بسم الله الرحمن الرحيم


المــشكله
((راداراتنا بالسعوديّــــه))




نبدأ بسمهِ تعالى :

يوم الثلاثاء في الاسبوع الماضي بالليل كنت جاي من الاحساء إلى الخبر
وبالخط رايق مشغّــل محمد عبده اغنيته اللي يقول فيها (( واختلفنا من يحب الثاني أكثر :d )) ... المهم ...
الطلــون طول الخط مازاد عن 110 كم/الساعه
حتّى جرس السرعه ماسمعته طول الخط ..

... * السالفه هي : إن سوناتا لؤلؤي مثلي كان مسرع شوي ..
طافني ..
وبعد دقائق وصلت الجهة اللي فيها شجر
شفت رادار بين الأشجار ..


طنّشت لأني مومسرع ..

سفّطت في أقرب محطّه عبّيت بانزين وانتبهت حق راعي السوناتا مسفّط بالمحطه ويسولف مع اصحابه والظاهر مطوّل بالقعده ..
طنّشت وحاسبت الهندي وحرّكت ..

شوي وإلا يصادفني تفتيش ..
بكل لباقه دقّيت الأربع ..
وصلت للتفتيش إلا العسكري ماسك زي الدفتر وطلب الرخصه والإستماره وقالّي سفط على جنب ..

سفّطت نزلت أشوف شالسالفه ..
قالّي مسرع ..؟؟
قلت لأ ..
قال إلا ..
وظلّيت اتفاهم معاه بس الظاهر انّه مصمم يصكني مخالفه ..
:o
أخذت المخالفه ومشيت ..
لـــكن يـعلم الله موب أنا المســــــــرع ..
بس ويـــــــــن تروح ؟
لمــن تشتكي ؟؟
ليش راداراتنا ماتلقط رقم اللوايح عشان ماينظلم أحد ؟؟


ماقول غير حسبي الله ونعم الوكيل على التحضّر اللي احنا فيه ..

أغنى الدُّول المسلمه وكذا ..

بس فضفضت وخلّصت :d
















تحيّاتي لكم ..

[alfeed3]

الله يكون بالعون وإن شاء الله يتحسن الوضع وتتطور إداراتنا وراداراتنا الى الأحسن .

ماشاء الله عليك اخذت المخالفة ومشيت لو أنا مافي أمل لو يحجزوني وماغلطت بس ما اخذ مخالفة غيري .

مشكور على الفضفضة الحلوة .

[ثــلــج مــشــوي]

انا قد صارتلي نفس السالفه بالرياض

لاكن وقفني انا واكورد ثانيه طبق الاصل من موتري

هو مسرع وانا منب مسرع

وقفنا كلنا بالتفتيش ونزلنا وقال من فيكم الي مسرع

طبعا انا كنت مهدي لاني عارف محل الرادار بالظبط

المهم بعد ملاعن وقلت للعسكري ترا الرادار فورد وتاكي على الكبري

عرف اني عارف مكانه وان الحق معي وسك الثاني مخالفه :p

بس اخروني نص ساعه يمكن

هذا يدل ان الرادارت ماحولك احد..

يلبى دبي بس الرادار كمرا تصورك وتجيب لوحتك وسرعتك وشنبك :d

[The Godfather]

^^^^
امس جالسين نتناقش في السالفه

بالكويت .. ماله حق يخالفك الا لما يكون عنده دليل !!
علشان كذا الكامرات صارت بكل مكان
و الجديد فيها
جابو كامرات جديد .. بس بعد ما شغلوها
تكون بارتفاع لمبة الشارع ... و تصورك فيديو .. و انت جاي من بعيد لين تعديها
و تطلع سرعتك و كل شي عنك

و في كامرات جديده بعد ... تكون 3 كامرات ورا بعض
كل وحده تصور حاره
علشان ما تفلت ابد
لان قبل فتره .. كانت الكامره اذا جيتها من على حارة الامان .. ما تصورك .. تشوفها تطق فلاش .. بس لا رقمك و لا رقم شاصي السياره يطلع .. يعني ما يقدرون يقيدون المخالفه

و طبعا في عندنا الكامرات المتحركه ... اللي تكون داخل سياره .. و السياره واقفه على جنب الشارع
انت تمر منها .. تشوف فلاش ..
و بعدها بشهر لما تروح المرور .. تشوف مخالفه عليك !!

الاشارات عندنا عليها كامرات ! يعني انسى تقطعها

اذا الاشاره خضرا .. و انت مريت عليها سرعتك فوق الـ 80 .. تصورك .... مخالفه ( تجاوز تقاطع بسرعه عاليه )

طبعا اخوكم بالاسلام .... دافع اكثر من نص قيمة سيارته مخالفات .. و السبب الكامرات المتحركه
لاني اعرف مكان الكامرات الثابته ...
و الكامرات المتحركه اعرف بعضها .... بس اللحين جايبين سيارات جديده
يعني بالاول كانت سياره جيب ديهاتسو اسود .... تشوفه فاتح الكبوت .. " يعني سياره خربانه "
و الثاني سياره بيضا بكس .. فورد ...
و الثالث جيب لونه ابيض .... ما اعرف نوعه

و اللحين جايبين سيارات جديده ....
بس وصل لي خبر ان بعد فتره بتكون جيب كايين "بورش"

صرنا نمشي ... و نخاف من السيارات الواقفه على جنب الشارع

و الدوريات الجديده " الاودي - الشارجر - الفورد الجديد ابو صدامات فولاذ "
كلها صارت فيها كامرات ... زي امريكا !! علشان يكون اثبات ضدك !!

[هوندا2004]

غريبه ماشالوووك وودوك الحجز ياراعي السوناتا

[Jack]

انا بعد صارت لي سالفه مماثله لكن كنت صحيح مسرع لكن موديك الدرجه كنت رايح البحرين وطفت ال 120بشوي ماأذكر بالظبت كم بس المهم موأكثر فتعرفون القوانين صارمه شوي في البحرين يعني أفضل مناللعندنا فوأنا داخل إلى البحرين إلا أشوف سياره واقفه على جنب
بعد ماعديتها اشوف الكيمرا قدامها

فبعد كذا رحت البحرين وخلصت شغلي ولما رجعت كان الوضع عادي

لكن بعد فتره قررت اروح البحرين استانس شوي لما وصلت خلصت الجوازات والشغلات الثانيه
اخر شي وصلت إليه قالوا لي عليك مخالفه فعطوني المخالفه ورحت لهم عشان اسددها فعطوني الصوره الي تثبت هذا الكلام فخلصت الشغله وكملت طريقي
وبس هذي السالفه

تحياتي...

[ـبطرانـ2005ــ]

هههههههههههههههههههههههههههههههههههههههههههههههههه هههههههههه


يا حبي لكم


اخووكم في الله <<<<الي هو ــبطرانـ2005ــ قاعد يجاكر كااامري


وهو يجاااكر وماسك الايسر شوووي ويشووف الرادار على اليمين واقف ويخلي الكامري عن يمينه

ويتخبى وراه لين تعدوو الرادار

<<<المهم في الاخير الكامري قمت عليه وهو الي خذ المخالفه <<<ولا شاافوووني ههههههههه

هههههههههههههههههههههههههههههههههههههههههههههههههه هههههههههههههههههه

[HonDa 2o0o]

اذا كان الموضوع على الرادار فحدث ولا حرج :d

تخيلوا انهم ماسكيني انا وراعي اكورد لونها عشبي ويقول لنا من منكم كان سرعته 145

بالله عليكم هذي تكنلوجيا عندنا :(

بس بعد اكثر من حلف وكل واحد يبي يوهق الثاني صارت المخالفة عليه :d

وانا صادق انا كنت امشي 130 وهو يقول ما اسرعت

المشكلة هنا انهم ما ميزوا بين الالوان وش جاب الكحلي للعشبي << شكل الشرطي عنده عمى الوان :d



تحياتي

.

[@اكورد وبس@]

الله يعينك بس

[92.500]

لاتشكي لي ابكي لك ..

والله من تالي مااطلع بالليل متأخر كله من النقيب محماس واعوانه

عادي يوقفك بالليل ويسألك وش مطلعك هالحزة !

ابوي على غفله

وانا ديني ولا اللي ينفخ بوجهك لاجا يخالفك ..

يحسب انك لااستحقيت المخالفة .. من حقه يسفل فيك ويكلمك من طرف خشمه

مشكله اللي جايك طعس بدوي من الخيمة للومينا على طول

على قوله ربيع بالكاريكاتير .. وش انت يالفريق ركن !


<< يفضفض معك :d

[يامطنش]

والله اذ اسرعة وقفطوني اوقف اقل شي ربع ساعه

تجي بظهر غيري;)

واغير ملامح السياره

عرفتو ميزة النورالاصفر

[92.500]

^
^

قد سويتها مسوي ذيب

واللي بجمبي كان مسرع ازود مني ومشوه .. وانا انطقيت على غير سنع

[مجرد رأي]

انا انصح انهم يشيلون الرادارات ويخلون الشعب يسرعون

عشان ما أحد ينظلم .. <<<--- يصلح في مجلس الأمن الدولي .. :d



عوافي أخوي ..

كلنا نعاني من التخلف الي عايشين فيه مرورنا الكريم .,,.

[أبو سليمان]

جاكم الفرج

مشروع رصد المخالفات المرورية آلياً يدخل مراحله النهائية



حوار - أحمد الشمالي:
اوضح العقيد عبدالرحمن بن عبدالله المقبل مدير مرور الرياض ضابط مشروع رصد المخالفات المرورية في وزارة الداخلية أن المشروع الذي اعتمدته الوزارة لرصد المخالفات المرورية وضبطها آلياً في عدد من مناطق المملكة مع شركات عالمية بنظام ال B.O.T في المملكة يدخل الآن في مراحله النهائية.
وأشار العقيد المقبل ان قرار مجلس الوزراء الموقر قد حدد أن تكون الكاميرات في عدة خطوط مختلفة الأطوال وبأعداد كاميرات مختلفة على أن يتم التقويم لهذا المشروع خلال خمس سنوات.


وقال المقبل إن حملات مكافحة السرعة والمنتشرة حاليا في عدد من الشوارع الرئيسة والطرق الدائرية وداخل المدن ستتلاشى مع بدء العمل بالمشروع.
وبين العقيد ان المشروع الذي تتجاوز قيمته الاجمالية ملياري ريال يحظى بمتابعة من قبل صاحب السمو الملكي الأمير محمد بن نايف بن عبدالعزيز مساعد وزير الداخلية للشؤون الأمنية لما يمثله من نقلة عالمية متطورة في جهاز المرور في المملكة.




وحول آلية رصد المخالفات المرورية أوضح العقيد المقبل أنها ستكون على نوعين أحدهما: "تصوير فيديو أو صورة ثابتة" باستخدام المستشعر لرصد المخالفة، وهذا النوع من الرصد سيكون باستخدام كاميرات الفيديو على الطرق السريعة بين المدن لرصد السرعة خلالها عن طريق تثبيت الكاميرات بالقرب من المخارج لرصد السيارات على الطريق مشيراً أنه ستتم برمجة النظام أن السرعة على الطرق السريعة الواقعة بين المدن ب (120) كيلومترا في الساعة.





وعن رصد التجاوزات المرورية داخل المدن بين العقيد المقبل أن هناك تقنية متطورة سيتم التعامل بها مع متجاوزي السرعة وقطع الإشارة على أساس التصوير بكاميرات داخلها مستشعر لرصد السيارة المخالفة فوراً. مؤكداً أن نجاح تجربة رصد قطع الإشارة، التي تم وضعها في بعض المواقع في الرياض وجدة من خلال فترة التجربة مؤكدا أن النتائج كانت انخفاض نسبة قطع الإشارة نتيجة الضوء "الفلاش" بنسبة 65في المائة، واتضحت ردود الفعل عند السائقين في حينه بعد أن اكتشف عدم رصد المخالفة، زاد عدد المخالفين، إلا أن النسب لم تكن عالية، لافتاً الى ان هذا يعطي مؤشراً لنجاح المشروع.





وكذلك التجارب التي قد تمت في عدد من دول العالم وعلى سبيل المثال انخفاض حوادث الوفيات بأكثر من 70% في مقاطعة ملبورن بأستراليا بعد تطبيق أنظمة مشابهة.





وتطرق العقيد المقبل ضابط مشروع رصد المخالفات المرورية في وزارة الداخلية الى دراسة شاملة لتحديد المواقع الخطرة التي تكثر بها الحوادث بسبب المخالفات المرورية يتم تثبيت النظام بها. موضحاً أن مدينة الرياض هي احدى المدن التي ستشملها المشروع قد تمت الاستعانة بالهيئة العليا لتطوير مدينة الرياض من خلال الاستراتيجية المرورية، وتم تحديد المواقع الخطيرة مروريا، وتم تزويدها لاستشاري المشروع المعني بمسح المواقع المراد تركيب الكاميرات فيها، مشيراً الى وجود استشاري عالمي متخصص مكلف من وزارة الداخلية للاشراف ومتابعة سير العمل، بتوجيه من الأمير محمد بن نايف مساعد وزير الداخلية، لافتاً النظر الى ان لدى الاستشاري مهام يعمل فيها، تشمل ثلاثة محاور، وهي مطابقة لأجهزة المواصفات والمقاييس المعتمدة في كراسة الشروط، والمحور الثاني متابعة الاجراءات التصميمية والانشائية، والمحور الثالث متابعة أعمال التشغيل والصيانة، والأهم بعد ذلك عملية التقويم، التي سترفع لوزارة الداخلية بعد خمس سنوات.




وثمن العقيد المقبل الجهود الكبيرة التي تقوم بها وزارة المالية في سبيل تذليل المعوقات لهذا المشروع الوطني العملاق الهادف الى رفع مستوى السلامة المرورية بواسطة تطبيق نظام آلي لضبط وادارة المخالفات المرورية وزيادة كفاءة شبكة الطرق المتوافرة حالياً من خلال تحسين ادارة حركة المرور وعمليات النقل والتنقل اضافة الى انشاء آليات متطورة ذات كفاءة عالية لتمويل تكلفة تنفيذ وتشغيل خطط ادارة الحركة المرورية الشاملة.

[HonDa 2o0o]

اي فرج يا حبيبي


هذا اذا افلحوا في تشغيلها

.

[ثــلــج مــشــوي]

اذا شيب اعضاء نادي محبي هوندا بيطبق النظام هذا

[ن ع ر السعودية 0005]

ما أقول الله يعين الشباب الحين بلشين با الحجز عند السرعة أنا من رأيي يخلونها 140 داخل المدينة و في الخطوط السريعة خذ راحك <<<<<<<<<< راعي سرعة وأنا من الشباب الي ما يقدر يجي يوم وما أسرع وخاصة في الطرق السريعة.

[أكورداوي]

يارجال أنا ذاك اليوم كنت مسرع على خط الدمام الحسا .. أبلحق أشوف مباراة الهلال والاتحاد الموسم الماضي .. وكان معي سيارة أخوي سوناتا 2007 لؤلؤي ومركب زينون (( بيستانس راعي السوناتا :d)) المهم صادني الرادار .. وصفطت عندد المحطه .. وقلت مادامه أذن خلني أصلي الحين وصليت المغرب والعشا ومريت السوبرماركت .. أخذت يمكن ثلث ساعه ..

وبعد ماطلعت وأنا يدي على قلبي .. إلا تجي جنبي فياقرا لون لؤلؤي وزينون طبعا .. ورويدا رويدا الى النقطه .. ومن التميز عندنا ان مافيه الا عسكري واحد بين المسارين ..

وقفت عنده وعلى يساري الفياقرا وهو بالنصف بيننا .. وجاك الرجال على أساس فراسه وبيصيد المسرع فينا ..

طبعا البلاغ جاه على سياره بيضاء وزينون .. لكن أي وحده فيهم مايدري ..

قعد الرجال يطالع فينا .. ويحاول يسدد ويقارب .. ووده يقول أنت .. لا أنت .. بس خاف يظلمنا ,,

فقال : أنا جاني بلاغ على واحد فيكم لكن ماودي أظلمكم فأمشوا كلكم .. وهيييييه أنواع التصفيق والوناسه .. ويالله أقوى دعس جاء بعد التفتيش أنا وراعي الفياقرا ..

[The Stig]

^^^^^^^^^^^^^

ناااااايس والله اكورداوي

انا مره منطلق بالاكورد على خط الدمام الجبيل ..

وفجأه . الرادار طلع قدامي ..

طبعا ما امداني اخفف ..

جلست وانا حالتي حاله وشوي وبصيح هع هع هع <<< خايف من الحجز ×_*

والحمد لله يمر عليي اكورد ذهبي صاروخ

وقلت خليه يستاهل مسكين ,,, خليه يفرح بالاكورد ههههههههههههه

وطبعا مايحتاج اقول لكم وش صار في التفتيش هههههههههههههههههههههههههههه

انا مشيت وهو توقف .. بس وش صار بعدين الله العالم :d

[سرريع]

الله يعينك اخوي

تقبل مروري..

[o-k-r]

انا كنت متحدي معا الوالد

اني امشي بالسيفيك 200 وذا صادني الرادار ادفع المخالفة وتنسحب مني الرخصة

وصلت النقطة التغتيش ولا قالوا لي شي
وعكس لما مشيت 135 صادني؟؟؟؟

يعني شي غريب

[The Godfather]

^^^^
تسلفني ابوك يومين !!؟
و لا تبادل و تزيدني ؟
خخخخ
الله يستر علينا و على المسلمين جميعا ...

[Mr.CaR]

انا كنت متحدي معا الوالد

اني امشي بالسيفيك 200 وذا صادني الرادار ادفع المخالفة وتنسحب مني الرخصة

وصلت النقطة التغتيش ولا قالوا لي شي
وعكس لما مشيت 135 صادني؟؟؟؟

يعني شي غريب

بسم الله الرحمن الرحيم

لعلمك أخي العزيز .. أن الرادارات بالسعــوديه ؛ ( حسب كلام واحد شغال بالمرور ) ؛ إنها ما تقدر تحدد سرعه اللّــي يمشي فوق الـ 179 بالتمام ..
وقت ماتكون سرعتك فوق الـ 179 .. تتلخبط الأرقام بالرّادار .. لـكنّك راح تنمسك على السرعه .. وراح تتخالف انّك ماشي على سرعه أقل من سرعتك بكثير ;)..






تحياتي

[bassol-act]

^^^^
امس جالسين نتناقش في السالفه

بالكويت .. ماله حق يخالفك الا لما يكون عنده دليل !!
علشان كذا الكامرات صارت بكل مكان
و الجديد فيها
جابو كامرات جديد .. بس بعد ما شغلوها
تكون بارتفاع لمبة الشارع ... و تصورك فيديو .. و انت جاي من بعيد لين تعديها
و تطلع سرعتك و كل شي عنك

و في كامرات جديده بعد ... تكون 3 كامرات ورا بعض
كل وحده تصور حاره
علشان ما تفلت ابد
لان قبل فتره .. كانت الكامره اذا جيتها من على حارة الامان .. ما تصورك .. تشوفها تطق فلاش .. بس لا رقمك و لا رقم شاصي السياره يطلع .. يعني ما يقدرون يقيدون المخالفه

و طبعا في عندنا الكامرات المتحركه ... اللي تكون داخل سياره .. و السياره واقفه على جنب الشارع
انت تمر منها .. تشوف فلاش ..
و بعدها بشهر لما تروح المرور .. تشوف مخالفه عليك !!

الاشارات عندنا عليها كامرات ! يعني انسى تقطعها

اذا الاشاره خضرا .. و انت مريت عليها سرعتك فوق الـ 80 .. تصورك .... مخالفه ( تجاوز تقاطع بسرعه عاليه )

طبعا اخوكم بالاسلام .... دافع اكثر من نص قيمة سيارته مخالفات .. و السبب الكامرات المتحركه
لاني اعرف مكان الكامرات الثابته ...
و الكامرات المتحركه اعرف بعضها .... بس اللحين جايبين سيارات جديده
يعني بالاول كانت سياره جيب ديهاتسو اسود .... تشوفه فاتح الكبوت .. " يعني سياره خربانه "
و الثاني سياره بيضا بكس .. فورد ...
و الثالث جيب لونه ابيض .... ما اعرف نوعه

و اللحين جايبين سيارات جديده ....
بس وصل لي خبر ان بعد فتره بتكون جيب كايين "بورش"

صرنا نمشي ... و نخاف من السيارات الواقفه على جنب الشارع

و الدوريات الجديده " الاودي - الشارجر - الفورد الجديد ابو صدامات فولاذ "
كلها صارت فيها كامرات ... زي امريكا !! علشان يكون اثبات ضدك !!

لك اه على الكاميرات يلي عندنا الشهر يلي طاف دافع اكثر من 300 دينار مخالفات وشرطك كلهم كاميرات :D
الله يستر بس

[accord05]

بسم الله الرحمن الرحيم

لعلمك أخي العزيز .. أن الرادارات بالسعــوديه ؛ ( حسب كلام واحد شغال بالمرور ) ؛ إنها ما تقدر تحدد سرعه اللّــي يمشي فوق الـ 179 بالتمام ..
وقت ماتكون سرعتك فوق الـ 179 .. تتلخبط الأرقام بالرّادار .. لـكنّك راح تنمسك على السرعه .. وراح تتخالف انّك ماشي على سرعه أقل من سرعتك بكثير ;)..

تحياتي

صدقت والله ..انا كنت ماشي 190 او بالضبط 195 يعني تقريبا كنت قريب من الــ200 وماكنت داري ان قدامي نقطة ومسكوني واسوي وجهي كأني مظلوم :(قلت ليش ماسكيني قالو انت ماشي 144 ... قلت في نفسي الحمدالله ...لكن مسكوني ولقيت واسطه موجوده في الحال ومشيت والحمدالله لكن بعد ايش بعد قمطة :d...
وشكراً،،،