تجربتي في صيانة الف (1000) كيلو في هوندا (خريص بالرياض )

[القبطان الحزين]

السلام عليكم ورحمه الله وبركاته

حبيت اطلعكم على تجربتي في صيانة الالف كيلو في شركة عبدالله هاشم ,, طبعا سيارتي اكورد سبيشل 2008 ..
خصوصاً انى جايكم من وكالة نسيان( 11 سنه معهم ) وتجربتي معهم كانت فيها مشاكل ..

اول شي اتصلت على الوكالة طريق خريص وسألت عن الحجز قال تعال بدون موعد حتى 30 الف لا تتصل تعال بعدها احجز موعد .. قلت وش بتغيرون قال تعال وبيقولك المهندس كان كلامه هادي وكويس :d
بعدها اتصلت على صيانة الخالدية وشكلة كان مستعجل و قال لى نفس الكلام بس رفض يوصف لى مكانهم .. شكلة ما يبي زحمه عنده هههههههه ;)

المهم رحت للصيانة اللى على طريق خريص
طريقتهم حلوة ومنظمه وباين عليهم الثقة بشغلهم يخلونك تدخل وتشوف السيارة مو مثل بعض الوكالات ...
في اخرالوكالة الخدمة السريعة للسيارة رحت له و اول مادخلت قال المؤذن الله اكبر ( صلاة العصر ) لقيت سعودي بثوب وشماغ قلت له وش المطلوب قال دفتر الضمان واستمارة السيارة وتعال بعد الصلاة قلت ابشر :d
صليت ورجعت دخلت السيارة ودخلت لقيت نفس الشاب مديت له الاوارق قال لا استناني في المكتب .. وبعد انتظار طبعا سحب على سحبتن شديدتن .. تفاجأت ان اللى يجون ياخذون رقم والقط رقم المفروض ان الشاب الوسيم يقول خذ رقم واجلس..

انتظرت وبالاخير جا احد المهندسين الاجانب وخلص قبلي 4 :( شفتوا الظلم .. كله من السعودي الله يهديه
سألت المهندس وش تسوون
قال تغيير زيت وفلتر وتربيط وتشييك على بعض النقاط بالسيارة..
لكن صار عندهم زحمه مع كذا اخذت السيارة ساعة ونص وهذا انا اعتبرة انجاز حلو ما يكون بوكالات ثانية

صار لى موقف ثاني ودي اقوله لكم قبل ما استلم السيارة من الصيانة
رحت لمكان تسليم السيارات في القبو علشان اخذ الشنطة وطفاية الحريق والهدايا حقت السيارة لانى ما اخذتها لما تسلمت السيارة
كان فيه شاب سعودي اخر .. وكان عنده واحد يبي يستلم سيارته .. فقال لى انتظر اخلص الشباب واجيب لك الهدايا وانلطعت نص ساعة وبالاخير لما خلص قال وش مجلسك اثارية ناسيني هذا دليل على اهتمامه بالعمل ..قلت الاغراض (بغيت استهبل واقول شرهتك طال عمرك ههههههه )
قال بسيطه وينادي واحد جاب الاغراض

ملخص الكلام ..

• الصيانة رائعه ما كان فيه اى مشكلة غير الموظفين السعوديين اللى مسوين نفسهم مدراء للاسف اتمنى انهم يخافون الله في عملهم ..والمشكلة ان العماله الاجنبية اطيب وانفع لنا منهم ..
• دوامهم من 7 الصباح الى 7 المساء وهذا شي اعجبني

• اتوقع الوكالة لو استمرت على هالمستوى وافضل بتكون الاولى فى السعودية ..

وسلامتكم

تقبلوا تحياتي

[focuss]

بالعكس انا اشوفها اسوء وكالة انا سبق وتعاملت مع توكيلات الجزيرة لمدة خمس سنوات وكانوا احترام في التعامل ودقة في المواعيد

قبل شهر وديت سياراتي اكورد 2007 لصيانة 5000كيلو جلست ساعة كاملة انتظر ادخل السيارة للصيانة الساعة هذي كان يمديهم يخلصو فيها السيارة وكان فيه سوداني لحاله ويمشي اللي طالبين يغيرون الزيت واللي طالب صيانة ينتظر ورحت وسألت السوداني ليش كذا رد وقال لي انا الموظف السعودي اللي معاه تأخر وجلست من الساعة 9 الى الساعة 10 وبعدها جاء السعودي لابس نظارات شمسية ونفسه شينه وما وده يشتغل اللي يشوفه يقول مدير الصيانة وسلمت لهم السيارة واخذتها في العصر وكانت السيارة مغبرة وما غسلوها
ان شاء ما ارجع لهم مرة ثانية

[T A L A L - R]

بالعكس انا اشوفها اسوء وكالة انا سبق وتعاملت مع توكيلات الجزيرة لمدة خمس سنوات وكانوا احترام في التعامل ودقة في المواعيد

قبل شهر وديت سياراتي اكورد 2007 لصيانة 5000كيلو جلست ساعة كاملة انتظر ادخل السيارة للصيانة الساعة هذي كان يمديهم يخلصو فيها السيارة وكان فيه سوداني لحاله ويمشي اللي طالبين يغيرون الزيت واللي طالب صيانة ينتظر ورحت وسألت السوداني ليش كذا رد وقال لي انا الموظف السعودي اللي معاه تأخر وجلست من الساعة 9 الى الساعة 10 وبعدها جاء السعودي لابس نظارات شمسية ونفسه شينه وما وده يشتغل اللي يشوفه يقول مدير الصيانة وسلمت لهم السيارة واخذتها في العصر وكانت السيارة مغبرة وما غسلوها
ان شاء ما ارجع لهم مرة ثانية

السلام عليكم

مداخلة بسيطه

ليه قلت اسوأ وكاله علشان تأخروا عليكـ ساعة ساعتين

انت ما فكرت في الزحمة او الضغط الموجود عندهم ورغم كذا تخلص السيارة بنفس اليوم

في وكالات يستلم السيارة ويقولكـ بنتصل عليك وفي وكالة تقولكـ بعد 3 ايام تستلم السيارة

ومسألت غسيل السيارة انت اطلب منهم صدقني راح يغسلوها لكـ بس قلي يبدون سيارتكـ ولا سيارة غيركـ

انت لا تستعجل الامور اخوي او تحكم على الوكالة بهذه الطريقة الين تفكر بعقل اكيد يوم رحت لهم انت كنت مستعجل او متضايق تبي كل شي بسرعة لا الامور ما تجي كذا بكل مكان لازم تنتظر بدور انت جربهم المره الثانيه وشوف كيف كلام صح ولا لا

وتحياتي لكـ اخوي

[Adviser]

السلام عليكم
كلام سليم يا طلال
ذكرتني بصاحبي دخل سيارته وهو مستعجل ونسي يقولهم انه لا تيشكوا على هوا الكفرات اخونا معبيها بغاز خاص للكفرات والجماعة شيكوا وعبوا الناقص وراحت فلوسك يا صابر والسبب الاستعجال اعطي سيارتك وقتها وهدي اعصابك

[أكورداوي]

وكالة عبدالله هاشم من أفضل وكالات السيارات بالمملكه بعد ما كان من أسوأها وما أكتشفت هالشي الا لما حصلتلي بعض المواقف عندهم وعرفت انهم على كفاءه عاليه بعكس بعض الوكالات الأخرى ..

الى الأمام يابوهشومي:d

[القبطان الحزين]

مرحبا focuss انا مثلك جلست اكثر من ساعة علشان يدخلون السيارة بس انا قارنت بالوكالات الثانية

وبالنسبة للغسيل المفروض يغسلونها حتى لو اخذت وقت طويل
-----------------------------

اخوى طلال السعيد شكرا على تفاعلك و اخونا focuss عطى رايه وتجربته وهذا المطلوب من كل الاعضاء
وبالنسبة للغسيل انا قلت لهم ورفضوا حتى بفلوس ..
والعدد حتى لو كثير ما يهم هذى وكالة يعني لازم تتوقع ان العدد اللى يجيها كبير .. لان مبيعاتها كبيرة

----------------------------

Adviser شكرا على مرورك وصدقني انا من خبصتهم نسيت اسألهم عن اقفال الابواب اذا عشقت او مشيت بسرعه 15 مثل ماهو موجود بالكاتلوج

-----------------------------------

أكورداوي انا معاك الى الافضل ان شاء الله