النتائج 1 إلى 13 من 13

الموضوع: اقرأ شروط الضمان (( لايروح عليك الضمان))

  1. #1
    خـآرج الـتـغـطـيـهـ ,,
    تاريخ التسجيل
    11-2007
    الدولة
    Ohio - USA
    المشاركات
    3,001

    افتراضي اقرأ شروط الضمان (( لايروح عليك الضمان))

    السلام علكيم ورحمة الله وبركاته

    اخواني الاعضاء

    كنت امس عند مركز صيانة هوندا (فرع خريص) عندي مشكلت الدركسون متشقق فوق على اليسار ولمبة المسجل الكاسيت لونها احمر والدرج يبيله وزن وكم شغله كذا على الضمان

    رحت بغير كل هذي الاشياء على الضمان قالي دخلها فحص الـ 40 الف ونغيرها على الضمان او انك تدفع حقها ( مجموعها 200 ريال) ونصلحها لك غير شغل اليد

    رحت لمسؤول العملاء الي قاعد بالزاويه بعد المحاسب وتكلمت معه اول شي سألني انت منتظم بالفحص قلت انا سويت فحص الالف والعشرة الاف بس قالي اجل راح عليك الضمان اي شي يخرب انت تتحمل لأنك ماانتظمت بالصيانه الدوريه ... وذكرلي على سبيل المثال ... (( كيف اعرف ان الكهرب عندك ماجاه شي من فحص العشره الى الان))
    وذكر انه بيفحص كهربة السياره كلها ...

    اتمنى من الاخوان اصحاب 2008 الي سياراتهم جديدهـ وفيها ضمان ينتبهون لهذا الشيئ
    علشان اذا خرب شيئ يتحمله الضمان

    انا رحت الوكاله فحماتي منتهيه

    طلبوا مني تغيير الهوبات الاماميه غيرتها بـ 600

    يوم عطوني القديمه وطلعت رحت لـ 3 ورش كلهم يقولون انها جديده ويبيلها خرط بس

    وشكراً

  2. #2
    عضو نشيط
    تاريخ التسجيل
    04-2008
    الدولة
    الســفـــانـيـة
    المشاركات
    110

    افتراضي

    أنا أرى أن حركة الصيانة ذي مع انها من صالح السيارة ولاكنها في نفس الوقت إستغلال للعميل بالزامة بإجراء الصيانات كلها وإلا يذهب حقك في الضمان ولاننسا أن كل صيانة تتطلب مبلغ مالي معين أرى انهو مبالغ فية أكثر من المسحق يعني ما أتوقع ان أحد فاضي لهم كل ما مشت سيارتة خمسة ألاف كيلو يروح ويتمرمط عندهم ويكع مبلغ هو أولا به من هذول ومن صيانتهم
    ومن ناحية ثانية ترى أغلب العملا يحرص على الصيانات المبكرة يعني تقريبا بين الألف إلى الأربعين أو ينقز فيها وبعدها نادر جدا تحصل أحد يهتم
    وأنا اشوف ان الواحد يواضب على الصيانات الأولية فقط كافي
    لأن السيارة في تلك المرحلة في حالة شبة إختبار وتحتاج إلى إلى المتابعة من قبل المصنع ولاتوضع بشكل كلي على الزبون......... هذا والله اعلم وجزاك الله خير

  3. #3
    ى ر ع الســعوديــة 9 2 7
    تاريخ التسجيل
    10-2007
    الدولة
    الشرقية N.Z جدة
    المشاركات
    5,445

    افتراضي

    واو

    من جد مسخره

    هذا يسموه ضمان هذا يسموه الطل في عينهم

    المفروض الضمان ما له شغل بهذي شغلات ولا حاجة

    في دول ثانية مستعدين من الضمان يفكوا لك سيارة جديده وليس تعديل

    لكن وش نقول خلها على ربنا

    ومشكور اخوي فقير على الإنتباه

    وتقبل تحياتي

  4. #4
    ركود ركود ل م س موجود
    تاريخ التسجيل
    02-2007
    الدولة
    الرياض
    المشاركات
    1,075

    افتراضي

    اقتباس المشاركة الأصلية كتبت بواسطة abo Hanade مشاهدة المشاركة
    أنا أرى أن حركة الصيانة ذي مع انها من صالح السيارة ولاكنها في نفس الوقت إستغلال للعميل بالزامة بإجراء الصيانات كلها وإلا يذهب حقك في الضمان ولاننسا أن كل صيانة تتطلب مبلغ مالي معين أرى انهو مبالغ فية أكثر من المسحق يعني ما أتوقع ان أحد فاضي لهم كل ما مشت سيارتة خمسة ألاف كيلو يروح ويتمرمط عندهم ويكع مبلغ هو أولا به من هذول ومن صيانتهم
    ومن ناحية ثانية ترى أغلب العملا يحرص على الصيانات المبكرة يعني تقريبا بين الألف إلى الأربعين أو ينقز فيها وبعدها نادر جدا تحصل أحد يهتم
    وأنا اشوف ان الواحد يواضب على الصيانات الأولية فقط كافي
    لأن السيارة في تلك المرحلة في حالة شبة إختبار وتحتاج إلى إلى المتابعة من قبل المصنع ولاتوضع بشكل كلي على الزبون......... هذا والله اعلم وجزاك الله خير

    كلام سليم 100 %

  5. #5
    عضو
    تاريخ التسجيل
    06-2008
    المشاركات
    12

    افتراضي

    السلام عليكم
    اخوي لو فعلا انه المشاكل اللي انت تواجهها على الضمان راح يسوونها على الضمان وغصب عنهم ومالها صلاح في الصيانة ولا يلزمني بالصيانة حتى لو مانت ملتزم
    ارفع سماعة على مدير الصيانة بالمملكة وهذا رقمة 026621500
    واطلبه شخصيا واشرح له الوضع بكل هدوء وابشر بالخير ان شالله
    وسلامتكم

  6. #6
    عضو فعال
    تاريخ التسجيل
    06-2007
    الدولة
    مو شغلك
    المشاركات
    995

    افتراضي

    طيب اوكي اعطوني المايك

    انا ابي اتكلم من واقع تجربة

    حبيبي من قلك انك لازم تواضب على الصيانه ---- ماادري اذا كان في فرق بين فرع وآخر هذا والله أعلم
    انا دافع فلوس وضماني الـــ 60 الف بعد كذا مالهم شغل في

    انا دخلت سيارتي على صيانة 1000 ولــ 5000 بس

    لما وصلت السياره مايقارب 20 الف كان الدركسون مشقق رحت للصيانة قلتلهم الجلد تشقق قلي دخلها صيانة 20 الف ويصلحونها
    قلتله لا ابيكم تغيرولي الطاره ماابي اسوي الصيانة =====> صرفته قلتله اجيكم بعدين:d
    قلي اوكي خليتها عندهم موقفه في اليوم الثاني الظهر لما جيت استلم السياره طلع مغيروها
    قالولي القطعه مااهي موجوده في قطع الغيار رحت حجرت للهندي قلتله يالله نمشي انا وياك قطع الغيار ولا حصلنا القطعه رحت
    قلتله مو شغلي غيرها الحين وفي نفس اليوم غيروها

    لما وصلت سيارتي 37 سوووووووووويت حادث طبعا السياره اخذت شهر ونص في الورشه
    اول ماطلعتا كان عندي صوت رجه وازعاج لما اضرب البريك قلت ممكن فحمات مريتلي كم ورشه وقلولي ماينفع خرط وثاني شي عندك الهوب اللي على اليسار ( مكان الصدمه ) مشعوووووووور يعني كسر بسيط
    رحت اسعر الهوبات طلعت الواحد 260 تقريباً
    قلت خلني اجرب مالي الا الوكاله
    رحت ودقيت عليهم
    الو........... السلام عليكم
    الموظف : وعليكم السلام
    قلتله حبيت استفسر الهوبات يشملها الضمان قلي اي يشملها الضمان
    رحت وديت السياره وانا خايف انهم يقولي السياره جاتها صدمه والا يتصلون علي اليوم اللي بعده يقولي تعال استلم السياره لما كلموني قلولي ايش رايك نحجزلك لصيانة 40 الف قلتله لا مشكوووور ماتقصرون ماابي:d
    طبعا لما وصلت السياره 57 نويت اسوي صيانة 60 الف قبل مايخلص الضمان وانا اصلاً بحياتي ماسويت الا صيانة 1000 ولـ5000
    دخلت السياره وخليتهم يغيرولي كراسي المكينه والبورررررررري لان البوري كان خربان عندي

    وهذي القصه من طقطق لسلام عليكم

    ابي اعطيكم اياها من الآخر
    المشكله واحد من اثنين
    يامن الفرع يعني فرع عن فرع يختلف
    ولا يبيلك تنشبلهم ========> وانا ارجح هاذي

    على طاري الهوبات العضو المؤسس دحوم مره قابلته وقلي غير الهوبات على حسابه انا انصدمت قلتله انا توي مغيرها على الضمان اعطيته الفاتوره وورقة الصيانه حقت تغير الهوبات وقلي ابي اروووووح اراجعهم وماادري ايش سوا

    بطل القصة: اتز مي
    الموقع : وكالة عبدالله هاشم فرع الدمام

    تحياتي للجميع

  7. #7
    عضو
    تاريخ التسجيل
    08-2007
    المشاركات
    6

    افتراضي

    الصراحه ابو النصب اول مره اسمع انه يوم اطوف الفحص يروح الضمان

    انا السياره عندي دخلتها ال 1000 وال 5000 وال 20000 بس خخخخخ .. واوديها الورشه يوم شي يخترب فيها

    بريكات .. يعني اشياء ميكانيكيه ..

    السياره عليها ضمان ال 1500000 او 3 سنوات والضمان ع كل شي فيها ..

  8. #8
    عضو فعال
    تاريخ التسجيل
    11-2007
    الدولة
    فلوريدا
    المشاركات
    1,502

    افتراضي

    ^^^^^^^^^^^^

    تصحيح معلومه لـ 2007 ونازل 60000 او ثلاث سنوات

    2008 - 100000 او خمس سنوات

  9. #9
    عضو فخري
    www.mosab.me
    الصورة الرمزية B Useful
    تاريخ التسجيل
    03-2007
    الدولة
    الرياضــ
    المشاركات
    5,103

    افتراضي

    فقير الحظ ,,, خذ العلم من accord 2007

    .
    فما زلت اسمع أصواتهم تهمس في أذني ...
    وما زلت
    استنشق أنفاسهم تعطر المكان من حولي ...
    وما
    زلت أرى خيالهم كلما طرفت عيني ...
    دفنت الأجساد ...
    وبقيت الأسماء...
    ...
    وبقي الحب يملأ قلوبنا بالأمل ...
    .


  10. #10
    خـآرج الـتـغـطـيـهـ ,,
    تاريخ التسجيل
    11-2007
    الدولة
    Ohio - USA
    المشاركات
    3,001

    افتراضي

    ياجماعة الخير هذا موب كلامي كلام مدير قسم الصيانه ... قالياه بالحرف الواحد وحبيت انقله لكم ...

    وسالفت تغير الهوبات على الضمان صح كانت موجوده اول وكان هذا النظام ماشي لكن الحين تغير وهذا كلام المهندس احمد الطيب فرع خريص ...

    بس والله حرام ادفع 550 ريال على لمبة مسجل ووزن درج وتغير دركسون على الضمان

    بس ياليتني وديتها فرع الدمام ... :(

    واعيد واكرر لكم

    قالي المدير : يا تدفع حق القطع وشغل اليد يا تدخلها فحص الـ 40الف نصلحها لك!!!

  11. #11
    عضو
    تاريخ التسجيل
    02-2008
    الدولة
    منطقة القصــيم _ بريدة
    المشاركات
    81

    افتراضي

    فقير الحظ ... أقول ريح بآلك يابعدي .. ولآتنضغظ .. وترا مشآكلك بسيطة .. / حبيبي بالنسبة للمبة الكآسيت ( اللي قلبت حمراء .. ) وأكثر الأعضاء مايدرون عن هالشيء هذا إنها ( لها لونين .. ) لو قلبت في يوم من الأيام خافوا : ( يحسبونه عطل !! ) هههه
    حبيبي أنت ماعندك علم إنك ممكن تغير أنوار الديكور اللي بسيارتك كلها للون الأحمر .؟ وبما يخصها ( الكآسيت ) أكيد يغيرر .. ولو تركز معي راح تشوف إن كلامي صحيح .. ، الحين روح للكآسيت .. ( والزر اللي عليه اللي يطلع الشريط ) / أضغــــــــــــط عليه بإستمرار .. راح تشوف لونه يقلب ( للأخضــــررر مرة آخرى َََ!!! ) , وبالنسبة للدرج وللدركسون .. متى مافكرت تدخل سيارتك للفحص .. راح يعدلونها لك .. :d

    لاتشيـــل هم أكثر من اللازم يآبعدي وتتعب نفسيــــتكَ .. أمور بسطيه ..!

  12. #12
    عضو فعال
    تاريخ التسجيل
    07-2007
    الدولة
    الـخـبـر
    المشاركات
    1,921

    افتراضي

    شف طال عمرك...

    اذا بغيت نصلح شي على الضمان فظ عمرك يوم كامل :d

    وصبحهم من الساعه 7 وانشبلهم :d

    عادي لو تكي عندهم الى الساعه 4 العصر ما عندك اي مشكله :d

    بس اهم شي انك ماتتهور مره مره ...تعالهم بالمسايس

    اذا قفلت ورهم العين الحمرا ....

    انا ناوي على كم شغله على الضمان ابروحلهم مواصل وافصل على مخهم :d



    تذكر :

    - لاترفع صوك من البدايه

    - خلك اخلاق بالبدايه وكل شي بيجيك ان شاء الله

    - ضبط المهندس ;)

    - اذا خربت ادخل على مدير الصيانه


    ------


    اتذكر سالفه صارت لواحد من الي اعرفهم

    جاك ابو الشباب وطلع سي بي ار مدري وشو المهم انه بـ 70 الف او حولها مدري :o

    المهم مستلم الدباب ويطلع من الوكاله الا وطفا عليه الدباب

    رجعه لهم وقالوا بنشحن البطاريه

    شحنوها ونفس الحاله

    خلى الدباب عندهم ثلاث ايام على كلامهم يصلحونه

    ويوم استلمه وطفا

    ابو الشباب قفلت معه ...

    الزبده ان الرجال دبر رقم عبدالله هاشم

    واتصل عليه وقاله السالفه كيت وكيت وانا الغلطان الي مخلي سزوكي وخذت من هوندا

    قاله خلاص بكرا بيدقون عليك تروح تستلم جديد .. لاتدق علي هم بيكلمونك

    ومن بكرا الصبح ويدق الفرع الي بطرق المدينه

    وانواع الاعتذارات والتصاريف ...وراح استلم دباب جديد معه كم هديه وقلم وكوب وشنطه

    مافيه وقت ابو الشباب راح لعبدالله هاشم


    سلام

  13. #13
    عضو نشيط
    تاريخ التسجيل
    04-2008
    الدولة
    الســفـــانـيـة
    المشاركات
    110

    افتراضي



    يا رجال خذ وخل من القصص

    وفي النهاية ياتطلع بنتيجة :d

    ولا

    خيبة في الوجة :(




    وفي كل الأحوال أبــــــــــــــــــــــتسم للحياة تـــــــــــــــ:dــــــــــــضحكلك

    Try to take it easy


المواضيع المتشابهه

  1. بخصوص الضمان
    بواسطة برفسور الأكورد في المنتدى هوندا اكورد Accord
    مشاركات: 7
    آخر مشاركة: 04-08-2011, 01:04 AM
  2. الضمان ليش
    بواسطة * النهيم * في المنتدى هوندا اكورد Accord
    مشاركات: 5
    آخر مشاركة: 10-06-2009, 04:33 AM
  3. الضمان
    بواسطة 0009 في المنتدى هوندا سيفيك Civic
    مشاركات: 10
    آخر مشاركة: 15-02-2009, 03:41 AM
  4. تغير الدركسون على الضمان مجرب شخصين بس قبل لاينتهي الضمان
    بواسطة اكاديمي0070 في المنتدى سيارات هوندا الاخرى Other Honda Cars
    مشاركات: 12
    آخر مشاركة: 26-11-2008, 03:40 PM
  5. هل الكفر مع الضمان
    بواسطة الخافق الذايب في المنتدى هوندا اكورد Accord
    مشاركات: 6
    آخر مشاركة: 10-08-2008, 03:14 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 92.84 Kb. compressed to 81.93 Kb. by saving 10.91 Kb. (11.75%)]