افيدوني جزاكم الله خيراً ^_^

**المـــــلكـ اكـــــورد** · 06-07-2008, 12:28 AM

السلام عليكم ورحمة الله وبركاته

صباحكم-مساكم نور وفل وياسمين وكل شي كويس

مشكلتي باختصار كان عندي رجة على سرعة 110 كم/س
واليوم غيرت الكفرات لبريجستون بوتنزا ادرينالين لكن الرجة مثل ماهي على 110 فقط
اذا زادت السرعة او نقصت تختفي
ارجو من ذوي الخبرة الاجابة عن استفساري

تقبلوا فائق احترامي وتقديري

**Slam tic** · 06-07-2008, 03:07 AM

شيّك على الجنوط وإذا هي تجارية لابد تسوّي ترصيص ليزر عند ميزان المجد او اليرموك وان شاء الله تنحل مشكلتك.

**o-k-r** · 06-07-2008, 03:19 AM

^^^^^^^^^^^^

صراحة زي كلام اخوي بالضبط

**المـــــلكـ اكـــــورد** · 06-07-2008, 12:17 PM

الجنوط حديد وسويت لها ترصيص عادي مع تركيب الكفرات
لكن مافي فايدة
سؤال هل وزن الاذرعه له علاقة في الرجة ؟؟

ومشكوريين على افاداتكم
تحياتي

**AcCo7rD** · 06-07-2008, 05:56 PM

السلام عليكم ورحمة الله وبركاته

هلا بك يا مشرفنا ..
نتمنى إن ربي يقدرنا لخدمتك وجميع المسلمين ..
أخوي الملك أكورد ..
في عدة أسباب للرجة هذي :
* لابد أنك تشيك على الجنوط سواءاً أصلي أو تجاري أحيانا يكون في عفط في أحد الجنوط (طقة رصيف طيحة في حفرة إلخ ....) .
* رصص الكفرات عند محلات معروفة والأفضل عند وكالة برجستون .
* في عندي حل أخير بس ودي أنك تجرب اللي قلت لك قبل لأن ماودي أنك تلجأله قبلهم ;) .
وإذا جربت اللي قلت لك ومانفعت أقولك الحل الأخير
وأي خدمة يامشرفنا أحنا حاضرين وسلامتكم

**امبراطور الاكورد** · 06-07-2008, 06:28 PM

اذا كنت مركب الكفرات عند الوكيل ارجع له ويسويلك ترصيص

**الهادف** · 06-07-2008, 06:30 PM

تقول ان المشكلة عندك عند سرعة 110 كليوفي الساعة ..

كيف وضع القير عندك ؟

ما ابغى اخوفك ولكن رجة عند سرعة محددة وتختفي اكثر او اقل منها فهناك احتمالية مشكلة القير ..

طبعاً كلامي استنناداً على انك قمت بترصيص للكفرات اكثر من مرة ...

**فقير الحظ** · 06-07-2008, 08:01 PM

طيب الرجه عند البريك ولا وانت مشي ؟؟

انا اقول شيك الكفرات يمكن واحد منهم محبل ..

اذا مافيها شي سو ترصيص ارضي عند العضيب وعليه ضمان شهر ..

وان شالله مشكلتك تنحل

**المـــــلكـ اكـــــورد** · 07-07-2008, 12:48 AM

اشكركم على افاداتكم
بالنسبة للجنوط ماضنيت انها فيها مشاكل وانا بكره برصص الكفرات ترصيص ارضي

بالنسبة للقير فهو ( قيرعادي ) وماضنيت فيه مشاكل

لكن بشيك عليه وارد لكم خبر

لكن ماحد قالي هل وزن الاذرعة له علاقة بالرجة

ماقصرتوا والله

تحياتي

**o-k-r** · 07-07-2008, 01:20 AM

وزن الأذرعة اكيد لها علاقة بالررجة

**B Unique** · 07-07-2008, 12:57 PM

ابو حميد

اول شي مبروك عليك الكفرات
وان شاء الله تشوف فيها سواقة وتحكم غير طبيعي

;)

بس لا تتحمس واجد وتجي ناطل في اللفة على سرعة 220 !!

:d

المهم

وزن الاذرعة ماله داخل في الرجة وبالذات في حالتك لانك ما تحس بها الا عند سرعة معينة

مثل ما تفضل اخوي AcCo7rD افحص الجنوط احتمال يكون فيها ضربات وانت ما تدري
مهما طلع لك في الترصيص الالكتروني اصفار وكل شي تمام الرجة ما بتروح حتى تحل مشكلة الجنوط

الجنوط الحديد تراها تتأثر اكثر من الالمنيوم واحتمال تشوف الجنوط اللي عندك سليمة لكن اذا دققت فيها بتلاحظ انها ماهي متساوية . عشان تتأكد روح لمحلات اصلاح الجنوط او لوكيل بريجستون وخلهم يفكون الكفرات ويحطون الجنوط في مكينة الترصيص لحالها << وقتها بتتأكد هل الجنوط سليمة او لا

بالتوفيق ان شاء الله واذا عندك اي استفسار جوالي عندك

**accord 2007** · 07-07-2008, 01:25 PM

^^^^^^^^^^^^^^
نعم نعم انتوا كذا

سيم سيم كلام

لاكن انا ملاحظ على حسب كلام احمد ان الرجه عند سرعه معينه
انا اعرف الرجه اذا ظهرت معك على سرعات عاليه تبي تستمر معك
مثلاُ تبي تستمر معه من بعد 110 , 120 ,130 الى 220
لاكن اللي لاحظته من كلام احمد انها تظهر معه على 110 وتختفي الرجه اذا زادت سرعته او نقصت عن الــ 110

**Slam tic** · 08-07-2008, 06:17 PM

صدقني الحل بالترصيص الأرضي

**المـــــلكـ اكـــــورد** · 08-07-2008, 06:35 PM

مشكورين وبيض الله وجيهككم ماقصرتوا

فعلا الحل طلع من الترصيص الارضي

رحت للي ركب لي الكفرات قلت له يمكن الجنوط فيها شي قالي جنوطك سليمه لكن الترصيص العادي للسرعات المنخفضة
اما الترصيص الارضي لجميع السرعات

بعدين قالي الرجة تروح مع الوقت واذا مستعجل عليها سوي ترصيص ارضي

مشكورين مره ثانيه ياشباب وان شاء الله ماتشوفون مكروه