.
.
.
السلام عليكم ورحمةُ الله وبركآتة
الله مير يحيكم ويبقيكمْ ..
أخبآركم ، عسآكم طيبين اِن شاء الله ، ؟!
ما يحتاج اطوّل عليكمْ كثيرْ ..
سيارتي اكورد 2008
وعانيت منها بصراحةْ حالياً ،
لدرجة يعني مو كرهتها ، بس ما ابي اسافر عليهاْ :d
وهي سالفة الصدامْ ..
الصدام من اسافر ، ما اوصل الا متفكك اشوي من اليمين واليسار
واجي وادقه بشوي ، ويدخل
و واحد من ربعي في الرياض نفس المشكلة طلعت لهْ ،
فـ ما ادري هل احد واجهه هالمشكلةْ ، ؟!
لأني ناوي اوديها الوكالهْ وأعرف وش سبب هالمشكلةْ بالضبطْ ،
خاصة ان السيارة توها ماشيه 13 ألفْ ..
وشسمه ؛ نشوفكم ع خيرْ
بالتوفيق ..
.
.
.
ممكن الكلبسات منكسرهـ ..
لايكون جايه شي الصدام .. يعني طقه بسيطة .. :(
اللي أعرفه من كثرة السرعة على الخطوط .. يبرز الصدام من عند الكفرات ..
لكن واحد من الشباب راح للوكالة فرع القصيم .. نفس مشكلتك ..
بس عشانه مركب كشافات تجارية وأبو يمن ماركب الصدام مضبوط ..
الوكالة أخذو 30 ريال حق التركيب من جديد .. وبنفس الوقت كان مدخلها صيانة 40 ألف ..
يعني لو تروح للوكالة .. ويركبون لك كلبسات جديدة .. إن شاء الله تضبط معك ..
تقبل مروري يالغلا .. :o
.كذب ياعنيزهـ منتي باريس نجد .. باريس أصلاً هي عنيزهـ فرنسا..
والله ما ادري وش اقول لكْ يا ابو عزوزْ ..
اممممم .. الكلبسات اوكيْ ..
بس عِندك يطلع ليش ؛ ما أدريْ ><"
انا افكر اوديها الوكالةْ اخليهم يسوون تسييك عليهاْ ،
حرام سيارة جديدة وصدامْ ينفكْ بعدْ
خل نشوف رأي البقية واذا احد صادفته هالمشكلةْ ،
وشسمهْ ؛ تشكرات ع مرورك السريعْ ، ^^
لا هِنت عسى ~
..
ههههههههههه
بكرا موعد صيانة سيارتي....
ماشية 20 الف
قسم بالله من مشت 5 الاف وفيها عيووووووووب بالهبــل
ومن اهمها ان الصدام منقك مع جهه وحده وكل مامسكت خط ينفك....,,
بس تدري الكلبسات متركبة صح بس فتحتة الكلبس اللي يركب بها الدائرية منكسرة يعني مااااااافي امل يتصلح الا بتغيير الصدام كامل
للاسف ... عيوبها كثيرة لكن نشوف وش يردون علينا بكرا
يا هلا فيك أخويْ ،
يا ليت اول ما تخلص تعطيني وش قالوا لكْ بالضبطْ ، ؟!
وغير كِذا أبيك تعطيني قسم اي صيانة رحتها اذا ما عليك امرْ ( :
ولا هِنت عسى ~
أمس وانا راجع من الخبر ،
كنت أمشي في الطريق 200
لكن لما وصلتْ اضطريتْ اني انزل واضغط على الصدام من اليمين واليسارْ ..
ربعيْ كانْ يضحكونْ ويا راسهمْ :(
من جد شيء يضيّق الخلقْ ،
شو تشورون عليْ ، ؟!
يا ابن نا خي يا التميمي
خذ هذي القاعده اللي بين القوسين . (( إذا كان الموتر توه في الضمان والله لو ان مساكت الباب وسخه لأوديها الضمان )).
نصيحه ونا خوك حلل ام ام ام الضمان
فمالك إلا انك توديها الوكاله وتهزهم هز
وشسمه :. الله يوفقك ان شاء الله << مسوي يقلد الاخ
وديها الشركه وعلى الضمان اخوي انشالله يشوفون لك المشكله ويصلحونه لك
احتمال تكون الكلبسات يبيلها تغيير زي ماقلتوا واحتمال شي ثاني الله اعلم
انا حمدلله ما قد سارت معاي المشكله وانا امشي عليها دايم 160 و180 وطلعت 3 مرات فيها الشرقيه وعلى 200 واحيان لين يقفل العداد
وحمدلله ماسار شي
شوفهم وانشالله يصلحونها لك وبالتوفيق
(( إذا كان الموتر توه في الضمان والله لو ان مساكت الباب وسخه لأوديها الضمان )).
ضوابط المشاركة
رد مع اقتباس
مواقع النشر (المفضلة)