تركيب كشافات الضباب للاكورد

[Blue Love]

السلام عليكم ..

صار لي فترة ابي اركب كشافات للاكورد , عموما ...

رحت سألت الوكالة عن السعر قالو ب 1042 ريال ...
رحت الصيانة سألت عن التركيب قالو لي ب 350 ريال صراحة انصدمت منها لاني قد قرأت ان التركيب مايحتاج شي .. وحسيت السالفة فيها نصبة .. غير كذا قالو لي السيارة تخلص بعد يومين ...

عموما رحت الاسبوع الماضي وشريت الكشافات ب 886 ريال مع الخصم ( خصم موظف في الصيانة :d ) .. وافتح كتيب الارشادات والقاة شي بسيط ..

رجعت البيت .. وسدحت لي فرشة قلت الا اركبها ... وفعلا فتحت الاغطية السفلية ..
وركبت الكشافات ... أسلاك الكشافات متوصلة جاهزة اللهم اشبكها ..

ومن داخل اجي افتح الدركسون , واغير عصا الاشارة , برضة نفس الشي مجرد فكها وركب الثانية مكانها وبس ... وارجع اركب الدركسون ..

التركيب ماأخذ مني 30 دقيقة وسهل جدا . واشتغلت الكشافات عال العال ... وطلعت لي علامتها في الطبلون .. يعني متوصلة بالظفيرة جاهزة .

عموما حبيت اعلمكم عن هالشي للي يبي يركب ان التركيب سهل جدا , بس فك وركب ولا يحتاج تغيير او تجريح اي اسلاك , حتى لو انت ماتعرف ومالك خلق تركب اي كهربائي ممكن يركبها لك بسعر مااعتقد يعدي 50 او 100 ريال ... لان تركيب التجارية اصعب منها .. وبكذا توفر سعر التركيب الغير منطقي بالوكالة في جيبك ...

ولكم تحياتي ..

[H 4 EVER]

يخوي اولاً الف مبروك على الكشافات

ثانياً يخوي شاورنا في المنتدي لكي نفيدك

في محل هوندا في الرياض في الصناعية يبيع الكشافات ب 160 ريال

على العموم الف مبروك

وتحياتي لك

[H @ Z ! M]

مبروك عليك اخوي والحمد لله أنك عرفت لها وماخليتهم ينصبوا عليك
أما هرجة يومين ذي خليهم يكثرو منها

و ياليت يا خويي لو تحط صور المحروسة بالكشافات

[Blue Love]

ولايهمك اخوي ..

هذي صورة للكشافات مركبة ....

والصورة الاخرى لعصا الاشارة الخاص بالكشافات ..

[H 4 EVER]

Blue Love

هذي الكشافات

انا راح بالي للكشافات الثانية

انت مركبها؟؟؟؟

والله مو سهل

تحياتي

[دحوم]

والله توفير من جد , وذا الحرامية يسرقون فيها والله قهر سعر التركيب المفروض يصير بــ100 ريال .

[حياتي كلها اكورد]

مبروك عليك الكشافات لاكن ابي اسأل هل الاكورد 2005 لازم تقص الصدام الامامي عشان تركب الكشافات ولا وشلوووووووووووووووووووون

[Blue Love]

مبروك عليك الكشافات لاكن ابي اسأل هل الاكورد 2005 لازم تقص الصدام الامامي عشان تركب الكشافات ولا وشلوووووووووووووووووووون

والله ياغالي ماقدر افيدك .... لكن ال 2006 فيها تسليكات كثيرة جاهزة مثل الكشافات وشنطة السيديات الخلفية ..

[خطاف]

بكم اشتريت عصا الاشاره؟؟

[Blue Love]

عصا الاشارة تبيعها الوكالة مع الكشافات ولاتجي منفصلة ..

[ككتان]

ازيدك من الشعر بيت الوكاله ركبوها لي 350 ريال وتركيبهم مثل وجههم جرحوا لي غطاء الدركسون ولاعاد صار يقفل زين كسروا لي الكلبسات

[Yousef4A]

أنا عندي أكورد2003 وودي أركب كشافات

تركب الكشافات بدون ماأغير الصدام؟؟؟؟؟؟؟؟؟؟
وما تطلع مشوهة؟؟؟؟؟؟؟؟؟؟؟؟؟

[accord 06]

تعجبني يا Blue Love

350 ريال على ايش

[أكورد 2006]

قريت الموضوع متأخر

بس فيه سؤالين

اول شي عصا الدركسون تجي معها يعني يصير السعر كله 886

ثاني شي اذا جيت أركبها أنا لازم أفك الصدام والا شلون ؟

[أكورد 7]

بس فية مشكلة بالكشافات أذا جاها ماء وهي شغاله بتنكسر العدسه أفيدونا ياشباب ....

[vip_ryo]

اذا كانت الكشافات من الوكالة ما تنكسر العدسة وهذا هوه الفرق بين التجاري والاصلي
يعني بالعربي الاصلي يفيدك يوم المطرة امشي واطمن

[ككتان]

كلام اخوي اكورد 7 صحيح
انا انكسرت عندي العدسه اليسار اللي بالكشاف وهي اصليه شاريها ومركبها بالوكاله
ولاحظت سيارتين في الوكاله نفس المشكله مكسورة عدسات الكشافات .

[الإنتر]

يا شباب انا عندي الكشافات جاهزة ....

بس أبغى أشتري عصى الإشارة ..... تكفون قولوا لي من وين أشتري عصى الإشارة؟

[B Useful]

على ايش 350 ريال وعلى ايش يومين تقعد عندهم ؟؟؟ الصيانة الدورية تاخذ اقل من يوم عمل ..



انا ركبتها ... ههههههههههه وانشطبت عندي الثنتين ..... فية حلل للي ركبها وتوها سليمة .... يروح يم زيبارت ويركب لها الغلاف الواقي يحميها من الكسر ومن الترميل ..

[msyr98]

هلا اخوي blue love
صرحة ابداع الموتر والغازيات والاهم من هذا انت
اخوي لاهنت ابيك تجيب لي صور وانت تفك الدرسكون خويك في الله عليمي

تحياتي لك

[msyr98]

وياليت بعد تجيب لي من كتيب الارشادت الصور

تحياتي

[بندر501]

بالنسبة ل 2005 وتحت اما انك تركب صدام 2006 او تولف لها كشافات gxr-j وتطلع احلى من 2006 .

[msyr98]

اخوي بندر سيارتي 2007 يعني تصلح
تحياتي

[بندر501]

تصلح لك كشافات الوكالة او التجارية الكبيرة .

[msyr98]

تصلح لي حقت الوكالة احلى شكلها