صوت مزعج عند تشغيل السياره !!

[Silver]

السلام عليكم ورحمة الله وبركاته ،،

صبحكم الله بكل خير ،،


مشكلتي مع سيارتي الهوندا - اكورد 2005

في عيد الفطر كنت مسافر للكويت بالسياره والحمد لله كل شس تمام

الفندق اللي كنت ساكن فيه فيه خدمة إيقاف السيارات ،،

المهم ( احس قمت اسولف :d من شوقي لكم )

لما اجي و بطلع الصباح هم يشغلون السياره و على طول يحركونها

بدون اي تحميه و ولا حتى انتظار دقيقه :p

فبعد اسبوع من هالشغله يدقون سلف و يمشي على طول و بعد العودة من السفر

صرت اسمع صوت مزعج وعالي بالمكينه لما اشغل السياره لما تكون بارده

ما كنت اسمعه من قبل ابدااا :(

ويجلس هذا الصوت حتى لما تحمى السياره و امشي فيها وكل ما ادعس يزيد الصوت

يجلس تقريبا من 10 الى 15 دقيقه ثم يختفي

جداااا مزعج و يحسسني انه معي كورلا موديل عشر طعش :d

ايش الحل اذا عندكم حل يا شباب و لكم مني كل الشكر ،،

أخوكم / فــهــد ،

[أكورداوي]

اولا ,,

ياهلا والله وغلا بالقاطع الي مايسأل عنا ولا له حس ولاخبر ,,

يعني التسجيل في 10 / 2006 والمشاركات 90 ؟

:d

لكن بصراحه والله اني فرحان عشاني أول واحد يرد عليك ويقول لك /

ان شاء الله الشباب يفيدونك :d

لا أمزح معك يافهد ’’

والله شوف عزيزي ,,

بما أن سيارتك نفس سيارتي وتقريبا فيها نفس البروبلم زاتووو :d

فأنا ذهبت الى اقبال لكي أعرض عليه بروبلمي ( اقبال مهندس كبير متخصص في الهوندا ) فسمع الصوت وقالي بسيطه ..

هذا برينق يتحرك عندك عند السيور ويحتاج نفك كم شغله عشان نثبت البرينق ونهجد أمه والأمور تزين ’’

قلت له أوكي متى الموعد ؟

قال يوم السبت .. الي هو اليوم ’’

كان الموعد في الصباح الباكر ( أحس فيني عرق من أجاثا كريستي :d )

لكني كنت منشغلا مع رجلي الخربانه منذ 5 شهور فذهبت لأعمل أشعة مغناطيسية في المستشفى فتأخرت على اقبالوه ولما قدمت اليه في تمام الساعه 2 ظهرا قام مشكورا بطردي وقال لا أشوفك الا الخميس الجاي .. قلت سمعا وطاعه !!

ولذلك لازالت المشكله قائمه حتى كتابة هذا الرد .. وبإذن الله سوف يتم ابلاغك عن مستجدات الموضوع <--- متأثر بقضية التايب :d

[B Unique]

وعليكم السلام ورحمة الله وبركاته

الحمدلله على السلامة يا فهد
وحياك يا مطول الغيبات

هل تلاحظ اي تهريب في طرمبة زيت الدركسون ؟!

اذا ما كان فيه تهريب فالصوت هذا طبيعي ايام البرد

[Silver]

صباح الورد اكورداوي

انت لسه حي :d

ما استفدنا منك حاجه ،، دجه كعادت سموك :d

وعلى تاريخ تسجيلي يعني اني قديم

انا ياخي من المؤسسين الذين يعملون في الظلام

امحق مؤسس و ظلام الا من الدجه ;)

أما الأخ الغالي B Unique

احسك صرت مشرف و كبر راسك علينا

وراك ما رديت علي قبل شهرين يوم اتصل عليك :p

:d :d :d

المشكله يا حمووودي يا مشرفنا الغالي مو من البرد من ايام الحر في رمضان

ووضحت الامور في الموضوع فوووق ،،

لكن بخصوص الدركسون احسه اول ما امشي بالسياره بعد ما تحمى فجأه يصير ثقيل جدا

حتى اول مره صارت لي قبل امس لدرجه اني وقفت قلت اكيد في كفر بنشر :(

المهم ابي اقولك مشكله صارت لي بعد الرجوع من الكويت

هذا الله يسلمكم و يخليكم لي :o

اول ما وصلت الرياض بعد 700 كيلو من الكويت

اول اشاره قابلتني في الرياض وقفت و حطيت وضعية القير على N

الا اشوف عداد ضعط المكينه يرتفع و ينزل لحاله بسم الله عليه كأني انا جالس اضغط بنزين

وهذي الحاله فقط لما احطه على الــ N

رحت لورشه وقابلني واحد شكله مو شي و مو فاهم وقال لازم نفحص كمبيوتر و ما ادري ايش

حصلت صاحبي سوري و سألني انت جاي من طريق سفر قلت ايه قال الجو كان فيه تراب قلت ااااااايه

قال اجل يبيلك تنظيف و فتح ذاك الشي فلتر الهوا و شاله و تحته انواع التراب و فكه و قعد ينظف و الحمد لله ضبطت

احس اني اقول قصه المهم اكورداوي انتظر منك الحل يوم الخميس ووينك الحين ؟ بالشرقيه

و محمد الله يعطيك الف عااافيه يا غالي ،،

و منتظر من الأخوان و الأعضاء الكرام الحلول ،،

أخوكـــم / فــهــد

[B Unique]

سامحنا يا بعدي على الاتصال
لا والله ما تكبر روسنا على ناس مثلك وشرواك

لكن الظروف اشغلتنا عنك وخلتني انسى ارد لك الاتصال

سامحنا

:o

المهم .. تراك ما رديت على سؤالي
هل تلاحظ تهريب في طرمبة زيت الدركسون ولا لا ؟!

[Silver]

لا

:o

[B Unique]

اجل شوف خلووود وش يصير معه
احتمال تكون نفس مشكلته

[Silver]

الله يعطيك العافيه

وما قصرت يا غالي ،،

واذا اتصلت رد علي مره ثانيه :d

[B Unique]

حاضرين طال عمرك

:o

[أكورداوي]

موعدنا غدا :d

[Silver]

موعدنا غدا :d

صباح الورد للجميع ،،

وينكـ يا بو غدا

المهم منتظر الحل منك ان شاء الله ،،

:o

[Silver]

صباح الورد للجميع ،،

وينكـ يا بو غدا

المهم منتظر الحل منك ان شاء الله ،،

:o

:p :p :p


وينكـ يا بو :d

[B Useful]

وعطاة خآآآآآمس ،،، هع هع ،،:p

[Silver]

وعطاة خآآآآآمس ،،، هع هع ،،:p

ملاحظ انت :d

يمكن اعرس <<< تحس التفكير محدود بين 1 سم × 1 سم

:d :d :d

ما زلنا منتظرينك يا بو غدا :p

[الفطين]

السلام عليكم با نسبه للصوت غير السير حق المكينه

[أكورداوي]

مدري وين أودي وجهي :d


معليش انشغلت عن النت كليا ,,

زبدة الكلام ..

المشكله طلعت مثل ماقال محمد من طرمبة الباور ,,

وعندك 3 حلول /

ممكن تسوي لها تصليح وراح تكلفك في أقصى الحالات 300 ريال واسأل مصعب عن الورشه الي يعرفها ,,

لكن ماتضمن انها تصلح نهائيا لأنه ممكن ترجع المشكله وعادة ترجع بعد مده تقريبا سنه

الحل الثاني / تشتري طرمبه تشليح وبتكلفك 600 - 700 مع التركيب

الحل الثالث / تشتري طرمبة جديده وهذا الي سويته انا وكلفتني مع شغل يد وكاله 2300 ريال تقريبا

[Silver]

شكرا لك يا غالي ،،


لكن ايش هي طرمبة الباور ؟؟