مشكله بالمكيف

**ابو هليل** · 23-10-2006, 02:25 AM

السلام عليكم

انا عندي مشكله بالمكيف مثلا لا مشيت 20 او اربعين عند تغيير القير بعض الاحيان كذا يطلع صوت طخ من تحت يعني زي ما انك واقف كثير ومشغل مكيف يطلع صوت كذا طووخ وش المشكله

مع العلم سيارتي ما كملت 5000

**اتــشـــــ** · 23-10-2006, 02:29 AM

ابو هليل الصوت قوي وللا خفيف ؟

وياليت تحدد اكثر مكان الصوت عشان الشباب يقدروا يساعدونك ؟

وحياك الله معانا يابو هليل

**ابو هليل** · 23-10-2006, 02:39 AM

حبيبي تعرف صوت السياره او المكينه لا وقفت كثير دقيقتين وانت مشغل المكيف يشبه له

والصوت مو واضح الا للي يدقق

**اتــشـــــ** · 23-10-2006, 02:46 AM

يالطيب قد جربت اكورد غير اللي معك ولا كان فيها هالصوت وللا اول مره ;) ؟

**ابو هليل** · 23-10-2006, 02:50 AM

لا والله ما جربت ولا اعرف واحد معه اكورد :(

**اتــشـــــ** · 23-10-2006, 03:02 AM

اخوي ابوهليل ..... الاكورد لمن تكون واقفه والمكيف شغال .... يطلع منها صوت خفيف كل مااشتغل الكمبروسر ( لان زي ماانت عارف الكمبروسر مايفضل شغال على طول لازم انه يشتغل ويفصل )
الصوت طبيعي وسيارتك ماشاء الله توها جديدة يعني مااتوقع انو يكون فيها مشكلة .

على كل حال اخوي ابو هليل سيارتك اذا وصلت الـ 5000 ودها لصيانة الهوندا .... اذا الكمبروسر فيه مشكلة بيغيرونه لك وعلى الضمان .

وانت خلال هاليومين اذا لقيتلك واحد ماشي على اكورد وقفه واسئله .... لاتستحي ترى والله مافيها شي :d .

**ابو هليل** · 23-10-2006, 03:31 AM

ايه بس وانا امشي يطلع هالصوت على سرعه يعني 20 او 40

اذا على الكمبروسر ان شاء الله هينه وشكرا لك اتش صراحه ما قصرت

**اتــشـــــ** · 23-10-2006, 03:37 AM

دام السيارة على لضمان ان شاء الله هينه

بس لو انتهى الضمان بتكع فوق الـ 2500

هنا الشغله تصير مو هينه :d

**اكورد لؤلؤي** · 23-10-2006, 04:27 AM

شف يالغالي اذا كان الصوت يطلع كل مره فـ يمكن من الكمبروسر

لكن اذا كان اول ماشتغل السياره بس فهو صوت ماله دخل في المكيف

وانا عندي نفس الصوت وانا واقوى من الي عندك بعد

واذا كان زي ماقلت لك فـ اكيد موترك فل كامل

وهو صوت تنشيط نظام vsa وهذا طبيعي وبيخف مع الوقت

واتمنى اني افدتك يالغلااا

واي شي ثاني انا في الخدمه...

**ابو هليل** · 23-10-2006, 04:36 AM

لا اخوي انا اصلا سيارتي مو فل كامل ما فيها نظام Vsa الصوت يطلع فقط اذا شغلت المكيف

اذا طفيته ما يطلع شي يطلع مثلا وانا ماشي 20 او اربعين طووخ كذا زي اذا صرت واقف مثله

دقيقتين او دقيقه ومشغل المكيف تحس بصوت بالمكيف بالمكينه يشبه هالصوت قريب له

قريب جدا يمكن واشكرك على الرد

**accord 06** · 23-10-2006, 05:30 AM

حياك الله معنا اخوي ابو هليل

و الف مبروك على السياره

بالنسبه للصوت فهو طبيعي جدا و هو تشييك على الـ ABS

**ابو هليل** · 23-10-2006, 08:45 AM

اخوي اكورد 06 ما اظن ان له دخل بهالنظام لان الصوت و ما يطلع الا والمكيف الشغال ومهب يطلع

مره بس يطلع اكثر من مره ولما امشي 20 او اربعين بهالسرعات

واتمنى تعرف الصوت هو مب صوت طقه طقه بالضبط

صوت السياره الواقفه لمدة دقيقه تقريبا ويجي كذا من المكيف طوخ من المكينه يشبه له الصوت وبعض الاحيان

انه نفسه بس يجين واني امشي 20 اربعين

**ياسر الشمراني** · 24-10-2006, 04:09 AM

احتمال يكون صوت مراوح تبريد ايديتر المكيف

اللي في مقدمة السياره !!

**accord 06** · 24-10-2006, 04:55 AM

مشيت 20 او اربعين عند تغيير القير بعض الاحيان كذا يطلع صوت طخ من تحت

اخوي من وصفك هذا توقعت انها من الـ Abs
لانه ينطبق عليه نفس الوصف بالضبط

طيب اخوي جرب تشغل السياره و تمشي بدون ما تشغل المكيف
و اسمع الصوت اللي بيطلع اذا وصلت سرعه 20 - 30
هو نفسه الصوت اللي تقصده و لا لا ؟

عموما ان شاء الله ما فيه مشكله
و نفس الصوت موجود عندي و موجود بكل الاكوردات
و يطلع اذا اشتغل الكمبريسور و انت توك ماشي
سواء كانت السياره مطفيه او واقفه وقوف طويل و هي مشغله

**The Stig** · 24-10-2006, 07:57 AM

اخوي انا عندي 2006 ماشية 10 الاف ويطلع نفس الصوت
وياشباب ترا الصوت اول ماتشغل المكيف .... القصد انه صوت الكمبرسر مو ناعم

**ابو هليل** · 24-10-2006, 09:16 PM

السلام عليكم اخوان

وكل عام وانتم بخير

اول شي الصوت يطلع بس اذا شغلت المكيف

ثاني شي الصوت مهب صوت طقه اعرف طقة نظام Abs دايم اسمعها عارفها

تعرفون صوت الكمبروسر على قولة الاخوان اذا كنت واقف بعض الاحيان مثلا عند اشاره توه

مولعه حمراء همن يطلع صوت من الكمبروسر

هو يشبه له وبعض الاحيان احس ان هو مدري عاد هو ولالا بس يطلع وانا ماشي 20 ، 40

، 30

وشاكر لكم تعاونكم

**الاخطبوط** · 25-10-2006, 05:49 AM

ايه فهمت قصدك وانا اتوقعها طبيعيه لانها تصير عندي

انت قصدت اذا كنت مشغل المكيف وانت واقف الكمبريسور يفصل واذا اشتغل مره ثانيه يطلع صوت طوووخ >>> على قولتك خخخخخ:d وكل شوي يصير مادام المكيف شغال بس ترا الصوت مو عالي لذيك الدرجه يعني اللي يدقق بيسمعه
ونفس الشي يصير اذا انت ماشي 20 او 40 تحس بالصوت طووخ :d بس بشكل اخف لان السياره بتمشي والصوت ماراح تنتبهله زي اول لان صوت الطريق يغطي

طبيعيه ميه بالميه الا اذا كان واحد من العرب عنده راي اخر وسيارتي ماشيه 15000 والمكيف حلاوه حلاوه >>> حلاوة غندور خخخخخخخخ برغم صوت الكمبريسور طووخ :d

**ابو هليل** · 25-10-2006, 09:49 AM

ههههههه شكرا اخوي الاخطبوط واهم شي صوت طووخ وان شاء الله تكون طبيعيه

**ياسر الشمراني** · 25-10-2006, 11:19 AM

المشاركة الأصلية كتبت بواسطة الأنس

احتمال يكون صوت مراوح تبريد ايديتر المكيف

اللي في مقدمة السياره !!

**h0tm0il** · 15-11-2006, 11:16 PM

يمكن من السيور

**Damoosh** · 21-11-2006, 08:59 AM

إحمد ربك إن الكويل ماراح عليك زي مرتين أغيره

**الطبل** · 21-11-2006, 11:19 AM

حتى انا عندي نفس الصوت وزيادة صوت \طقة في القير عند التغير من الدي الى الريوس

وديتها الصيانه الي على خريص وقالي هذا طبيعي بس اهم شي حافظ علي الصيانه منت خصران شي (الاكورد دلعها تدلعك)