في أحد يحمسني اجيب كشافات الوكالة للأكورد .. !

[kakashi-san]

السلام عليكم ورحمة الله وبركاتة ..

هلا فيكم اخواني ..

كيف حالكم .. عساكم مرتاحين ان شاء الله ، ؟!

شسمه هذا .. عن المقدمات الطويلة اللي ما لنا فيها .. :d

متصلين علي وكالة احد دول الخليج لاني كنت متعامل معاهم سابقاً ومقدمين لي عرض على كشافات الوكالة ..

سعر كشافات وكالة مع عصا التحكم لأكورد ٢٠٠٦ - ٢٠٠٧ ب ٨٥٠ ريال ..

سعر كشافات وكالة مع عصا التحكم لأكورد ٢٠٠٨ - ٢٠٠٩ ب ٩٥٠ ريال ..

وهي اسعارها هنا عندنا في الوكالة تقريباً ١٣٠٠ او قريب من هالسعر مثل ما سمعت ..

ويتم تركيبها طبعاً بعد ما تاخذها في الوكالة او عند اي فني مختص ..

ما ودي اطلبها في الاخير تنشب في حلقي :d

اذا في احد وده ممكن نطلبها له ..

وبالتوفيق للجميع ..

[B Useful]

^^ يتم تركيبهم عند كوكو كورد و محمد بن عبد العزيز في التجمعات الاسبوعية بمبلغ رمزي جداً جداً جداً ^^

^^ وش رايك في الدعم اللي كذا ؟ ^^

[Classic Design]

يوسف العرض هذا إلى متى

[MOhamed]

يـاربيه هالعروض ماتجي الا بوقت الازمات .. :d
انتـظروني فتره لاحسيت اني فيه دراهم بـتجيني عطيتكم خبر .. :d

ماتقصر كاكاشي

[الشمــــالـــي]

ماتقصّر يايوسف

ويعطيك الف عافية

طيب .. انا باخذ كشافات 2007 من دون الفاصل كم تطلع علي ؟

[kakashi-san]

كوكو كورد

يا لبى قلبك بس ..

اي واحد راح يشتزيهم ، راح اعطيك خبر تتفق معاه ..

كلاسيك

انا الى الآن ما طلبتهم ..

لكن حالياً في الوكالة ما عندهم غير طقمين ل ٢٠٠٧ وستة اطقم ل ٢٠٠٨

العرض فقط حالياً ما ادري عن بعدين ..

محمد

هلا فيك اخوي ..

انا الى الآن ما جبتهم ..

لكن قاعد افكر فيها اني اجيبهم خلال الفتره القادمة ،،

الشمالي

ما ادري والله .. لكن ما اظن انهم راح يوافقون يعطون الكشافات من دون الفاصل ..

لان ما يميّز الوكالة عن محلات الزينه .. ان الكشاف اصلي + الفاصل ..

لكن ما عندك مشكلة .. بكره اتصل عليهم واستفسر منهم وارد لك خبر على الخاص : )

بالتوفيق للجميع ..

[S.M.A.R.T]

ماتقصّر يايوسف

ويعطيك الف عافية

طيب .. انا باخذ كشافات 2007 من دون الفاصل كم تطلع علي ؟

me too

[kakashi-san]

جوزيفْ

انت تبغاها بدون الفاصلْ ولا مع الفاصل ، ؟!

إذا بدون الفاصل ، اليوم إن شاء الله على العصر باتصل فيهم وبتأكد إذا ممكن يبيعونها بدون الفاصل ،،

وأي اسفتسار حاضرينْ ،،

[accord08 4 ever]

^^ يتم تركيبهم عند كوكو كورد و محمد بن عبد العزيز في التجمعات الاسبوعية بمبلغ رمزي جداً جداً جداً ^^

^^ وش رايك في الدعم اللي كذا ؟ ^^

مسكــين إلي مــاعــندهـ كوكو كورد

,,

وياحبي لكـ يا كاكاشي ومواضيعــكـ التوحــفــه

ودي صراحه بكشافات بس ..... << الولـــد مطفر :(

[meshoo]

شوف لنا اذا ماعليك امر كشافات السيفيك

[S.M.A.R.T]

جوزيفْ

انت تبغاها بدون الفاصلْ ولا مع الفاصل ، ؟!

إذا بدون الفاصل ، اليوم إن شاء الله على العصر باتصل فيهم وبتأكد إذا ممكن يبيعونها بدون الفاصل ،،

وأي اسفتسار حاضرينْ ،،

بدون الفاصل طال عمرك :d

[الـمـسـافـر]

يوسف جيب الكشافات مع الفاصل وتحصل احد محتاج الكشاف واحد محتاج الفاصل

[kakashi-san]

هلا فيكــُمْ ،،

اتصلت عليهم الصباحْ ،،

قال نبيع الطقم كامل ، الكشاف مع الفاصل ،،

وأنا إن شاء الله يوم الخميس هذا بيكونون متوفرين عنديْ ،،

والأحق للأسبقية طبعاُ ،،

حالياً ما يتوفر عندهم ألا طقمين لـ 2007 و 6 أطقم لـ 2008

أنا بيكون عندي طقمين 2007 وطقمين من 2008

وأي استفسار ، حاضرينْ : )

[naio0of]

انا ابي .

ان شاء ادبر المبلغ واكلمك .
.

[kakashi-san]

هلا فيك أخوي نايف ،،

إن شاء الله أول ما يكونون الأطقم موجودة عنديْ ،،

راح أنزّل العرض في قسم البيع والشراء : )

[i-vtec2005]

واللي عنده 2005 ووده يركب كشافات من زماااااان وش يسوي :(
.....
تحياتي

[ابو الجوهرة]

سلام عليكم
اخوي في امكانية التوصيل لجدة

[kakashi-san]

i-vtec2005

تقدر تركب لك صدام 2007 وتركب الكشافات ،، على ما اتوقعْ بس مو متأكد ،،

أبو الجوهرة

وعليكم السلام ورحمةُ الله ،،

أي ما فيه مشكلة إن شاء الله ،،

راح اتواصل معاك عن قريب : )

بالتوفيق ،،

[meshoo]

كأنك مارديت علي :d

[kakashi-san]

شوف لنا اذا ماعليك امر كشافات السيفيك

أعتذر والله ،، توني أشوف ردك ..

ولا يهمك ، بكره أنا رايح لهم ٌن شاء الله وباستفسر منهم : )

بالتوفيق ..

[kakashi-san]

السلام عليكمْ ،،

تم إحضار طقمين للأكورد 2007

تم إحضاء طقمين للأكورد 2008

كل الأطقم انحجزت ولله الحمد : )

وقريباً راح أنزّل عليهم العرض في قسم البيع والشراءْ ،،

فـ اللي وده يستسفر أكثر في هذا الموضوع أو على الخاص ،،

بالنسبة للسيفكْ ،،

2006 - 2008 بسعر 1150 ريال

2009 بسعر 1400 ريال

لكن ما أدري عن سعرها هِنا ، وعن نفسي أحسها غالية وخاصة أنها غالية عن كشافات الأكوردْ ،،

لكن اللي يبغاها ما عندي أي مانع أجيبها ،،

تنويه : الأسبوع الجاي راح تقدم طلبية أخرى وخاصة لـ كشافات أكورد 2007

بالتوفيق لكم : )

[الشمــــالـــي]

عساك جبتلي :d

[meshoo]

طيب وسالفة التركيب ؟؟

[kakashi-san]

الشمالي / راجع الخاص

meshoo / تقدر تركبها من الوكالة لكن أتوقع سعرها 300 ريال أو عند فني مختص ممكن 100 - 150 ريالْ ،،

بالتوفيق : )

[B free]

^^ ما أقول إلا أحبك يا وآآآآآد ^^