للبيع شاشة الاكورد (09 - 08 ) بسعر مغررري انماااا ايييية ،،!

**B Useful** · 24-12-2008, 09:19 PM

السلام عليكم ،،
كيفكم شباب ،،

لأصحاب الاكورد 2008 - 2009 فقط

هذي الصور ..

هذا الكروتون وبكل القراطيس ،،،

هذي الصور للعدة ، الشاشة والـ DVD والديكور حق الشاشة ،،

هذي الاسلاك كاملة ووصلة الـGPS

طبعاً بدون الكاميرا الخلفية ،، (تباع في المحلات)

الشاشة مستخدمة تقريباً شهرين استخدام حشمة من شخص واحد ركبها وطاح اللي في راسة ،،
مشتراة من محل مهام الجزيرة بالشرقية بقيمة 4500 ريال ..

مواصفات اخرى :

- الشاشة 8 انش ..
- اضائة قوية ..
- نظام نظام النفقيشن مدمج انجليزي ROUT 66 ( خرائط الخليج كاملة )
- منفذ USB
- تشغيل اقراص الـ DVD
- Touch Screen
- يتم التركيب بدون قطع اي اسلاك في الظفيرة ابداً وينصح بمحل ( مملكة الخرائط ) في الغرابي لتركيبها .
- مع وجود وصلة ipod

هذة الشاشة بكامل ملحقاتها للبيع .

تبدأالسومة من 2900 ريال <<< لاحظوا كم سعر شرائها !

**Tony** · 25-12-2008, 04:40 AM

أولا مانوع الشاشة؟
(السؤال المعتاد) ممكن الشحن لسوريا؟
ماهو سبب البيع؟
مشكور دائما تتحفنا بالجديد

**B Useful** · 25-12-2008, 06:11 AM

نوع الشاشة !
اول نوع نزل للأكورد اللي تكلم عنة العضو gogo في موضوع سابق واحدث ضجة اعلامية بالمنتدى .
سبب البيع تمت كتابتة :

شخص واحد ركبها وطاح اللي في راسة ،،

اية عادي اشحنها لسوريا بس تتحمل المصاريف ، واذا كنت تعرف احد عن طريق الباصات السياحية اوفر لك .

حبيت اضيف واؤكد : الشاشة عليها ضمان من محل مهام الجزيرة .

**اكوردياني** · 25-12-2008, 06:37 PM

والله يا ولد انك حمستني
بس محتار

يعني ممكن اخذها بـ 3200

**الهنادي راس مــالــي** · 26-12-2008, 06:40 AM

السلام عليكم
حبيت اضيف وافيد الاعضاء اني صاحب الشاشة لكن لعدم تواجدي بالعاصمة الرياض الا مرة او مرتين بالشهر وانشغالي فأني وصيت الاخ كوكو كورد يبيعها عني :o ،
اول ماتستلم الشاشة اضغط على زر Rest عند مشغل الديفيدي لمرة واحدة فقط ، ولما تحتاج تطفي السيارة فالاستخدام السليم ينصح بضغط زر Aux ثم اطفاء السيارة .

**جرافيكس** · 26-12-2008, 10:04 AM

اهلين
كم حدك فيها أخوي ؟
ترا الصراحة زينة جعل ربي يخليك .

**Tony** · 26-12-2008, 11:03 AM

"وطاح اللي في راسة"

عفوا مافهمت المعنى:o

**kakashi-san** · 26-12-2008, 11:39 AM

وعليكم السلامْ ،،

يا هلا فيك أخوي مصعبْ ،،

بصراحة الشاشة ما عليها كلامْ ،،

والأخ الهنادي راس مالي ( سعود ) أنا كنت معاه لحظة تركيبهاْ ،،

يعني اللي بيشتريها بيكون موفق فيها اِن شاء اللهْ ،،

أنا توني مركبها وأنصح فيهاْ ، : )

بالتوفيق ،،

**B Useful** · 26-12-2008, 01:13 PM

اكوردياني : سومة طيبة من وجة طيب ،، اذا استقريت على رأي معين وتركت الحيرة خبرني بالجديد ..

سعود : انا في خدمتك وتسرني وتشرفني خدمتك ،،

جرافيكس : الشاشة كالجديدة ، بقراطيسها وبضمانها ابد كنك تشتري وحدة جديدة بس اقل من سعرها .
الرجال مالة حد معين ، لكني اعتقد ان سعرها على حالتها الراهنة كالجديدة مقرطسة مضمونة من بين 3000 الى 3500 واذا قربت السومة من 3500 فالله يبارك من اراد الشراء .. السومة وصلت 3200 من اكوردياني .

Tony : المعنى انة شاريها بلا سبب معين .. شاريها لمجرد اشباع رغبة الشراء .. (( معي فلوس ،، خلني اجرب هالشاشة يلة نشتريها ... اركبها ... بعد اسابيع اشتاق لحقت الوكالة ... يلة خلني افك الشاشة وارجع اركب حقت الوكالة )) <<<< هذا افضل وصف لـ ( طاح اللي في راسة ) شاريها ليس لهدف معين .

kakashi-san : شكراً على مرورك وتوضيحك ..

**ieboo** · 27-12-2008, 09:06 AM

عفوا بس اكوردياني ما سامها بهالقيمه
كل اللي قاله انه يقدر ياخذها بهالقيمه
هذا اللي فهمته انا على الاقل
وقيمتها بدون الكميرا ب 3950
السعر اللي تقول عليه صحيح لو كنت بتحسب معاها قيمة التركيب والكميرا وهي مامعها كميرا ومو راكبه !
انا توي الاسبوع الماضي رحت لمهام الجزيرة وهذا السعر اللي عطاني اياه
عموما انا ابيها بس اذا يصرفك بـ 2600
وفلوسي جاهزه ومن سكان الشرقيه <<< يلله حيهم :d
شقلت؟؟؟؟

**B Useful** · 27-12-2008, 02:40 PM

^^ هلابك اخوي ^^

سعرها بتاريخ 30-10-2008 كان بـ 4500 والتركيب اخذ 200 ريال بدرن كاميرا
للمزيد من التفاصيل وصور الشاشة نفسها اثاء تركيبها راجع هالرابط :
http://www.hondaarabia.com/club/showthread.php?t=15255

عموماً الكاميرا تقدر تركبها في اي مكان ،، واي كاميرا تركب ،، بس الي كانت متوفرة في نفس المحل ذيك الايام شكلها بشع جداً عشان كذا سعود ما ركبها .
فعلاً سعر الشاشة بنفس المحل الان 3950 ،،
سومتك حليووووة لكن اتطلع لسومة افضل ...
والبيع لن يقل عن سعر 3000 ريال ... فية توفير 950 ريال عن الجديدة ;)

**ieboo** · 27-12-2008, 03:18 PM

والله يالزميل انا سمت وجاد جدا جدا بس انا مو مقتع بسعر مهام الجزيره ولهالسبب ما برتفع بسعري للـ 3000
واذا بغيت تبيع بالسعر اللي اعطيتك اياه رساله خاصه وانا جاهز باي وقت

خشمك :d

**جرافيكس** · 28-12-2008, 09:49 PM

السلام عليكم انا بفرق السوم وبزيد 50 ريال عن سومة اخوي اللي فوق واذا صامل انتظر ردودك والبيع حظ

يعني سومتي 2650 ريال لأن باقي الكاميرا بـ 350 ريال + التركيب 250 ريال = 3250 ريال

اخي كوكو السيارة وهي وكالة ينزل من سعرها 5000 ريال وهي اصفار فما بالك بالشاشة وترا القناعة زينة سوا لي او لغيري والخسارة بالعمر بس يكفي الشاشة اسمها مستعملة وتراها في ذمتك اذا كان فيها اعطال او مشاكل .

سومتنا انا والاخ اللي فوق على كلامك وهو كلام رجال لرجال وانا بالرياض

والله يوفقك

هذي سومتي النهائية