help ..... me

[Ëńġ․ℱάίśάℒ]

السلام عليكم ورحمة الله وبركاته


ان شاء الله انكم بخير


شباب ابغى اركب تلبسيه للأرضيه حق السياره وين افضل مكان شغلهم نظيف في الرياض لأني سمعت لو فك المقاعد راح تولع لمبة الايرباق ياليت احد يفيدني


وكمان ابي اركب جناح حق الاكورد احد يعرف فين ينباع لو ينباع بالوكالة احد يعرف سعرهـ


وكمان <<---- زودها :d اتحملوني ابي اركب تضليل في زيبرت ومعايا تخفيض حق الشركه كم تاخذ لو سويت تضليل لجميع القزاز وحماية لواجهة السياره


واخيرا ياليت تقبلوني معاكم بالمنتدى اخ

[B Useful]

هلا وسهلا فيك اخوي ..

بخصوص البلاستك حق الارضية .. ترا شغلتة عادية جداً واي محل يسويها في الغرابي .<<< اذا كنت بالرياض .. تبي شغل فلبيني نظيف .. البديعة محل car care بس انهم غالين شوي <<< الرياض ..
لمبة الارباق ليش راح تولع ؟؟؟ لان العامل بيضطر يفصل سلكها ويفك المرتبة ثم يركب البلاستيك ثمن يرجع يركب السلك والمرتبة ،،، وترجع اللمبة كما كانت طافية ،،، فلا تخاف ..

الجناح ... امممم اعتقد سعرة من 800 الى 1000 <<<< مجرد توقع .. لكن فية موضوع كامل عن هالاكسسوارات ومثبت اظنة بالقسم العام اظن بتحصل السعر فية ،،

بخخصوص زيبارت ماعندي خبر ..

تحياتي لك

[just ACCORD]

^^
اتوقع كوكوكورد فادك ;)

[قصيمي جدة]

بالنسبة للتلبيسة انا لبست السيارة
وصح تطلع لمبة الارباق لكن تقعد 12 ساعة وتروح

[Jack]

الجناح أنا أخذته وركبته ورشيته بـ(1200) ريال من الوكاله بس ما أدري كم صارسعره ألحين
أتمنى لك التوفيق

[SoOoNa]

اتوقع افادوك الشباب

[Ëńġ․ℱάίśάℒ]

الصراحه ماقصرتو ويعطيكم العافيه

بس عندي استفسار الحين انا ابي اغير مقابض الباب للنيكل وسالت بالوكاله قالولي سعرها 1200

وشفت واحد بالمنتدى مركبها 150 ايش رايكم احس سعر الوكاله مبالغ فيه ولا سعرها فيها والله محتار

[أسد]

بالنسبه للجناح أحد الشباب قالي بــ 400 ريال بدون البويه من الوكاله
وفيه أنواع تحصلها ما تحتاج تخريم في الشنطه بــ 280 ريال تقريباً وما أنصحك فيه

[أبو عــزوز ..]

الصراحه ماقصرتو ويعطيكم العافيه

بس عندي استفسار الحين انا ابي اغير مقابض الباب للنيكل وسالت بالوكاله قالولي سعرها 1200

وشفت واحد بالمنتدى مركبها 150 ايش رايكم احس سعر الوكاله مبالغ فيه ولا سعرها فيها والله محتار

حق الوكالة يغير لك المقبض كامل ابتداً من فك الديكور الداخلي للباب وفك المقبض القديم ..


أما أبو 150 وأنا مجربه على 2007 .. وعلى موتر أحد الأعضاء 2008 .. بلاستيك مغطى بكروم ومجوف من الداخل .. ويكون داخله شريط لصق بوجهين .. وتركبه على المقبض القديم ..

حاول تدقق النظر بالصور في هالموضوعين ..

وبعدين تروح للوكالة وتشوف الفل أوبشن .. وشوف كيف شكل المقبض حق الوكاله

وكذا تحكم بنفسك ..

http://www.hondaarabia.com/club/showthread.php?t=14776

http://www.hondaarabia.com/club/showthread.php?t=14738

[Ëńġ․ℱάίśάℒ]

أسد <<------ يعطيك العافيه اخوي

عزوز حبيبي ممكن ترسلي رقم جوال الرجال ع الخاص الي اشتريت منه المقابض لو مافيها كلافه :o

[ابو الجوهرة]

سعر التضليل في زيبارت 2300 ريال و الخصم الشركة 300 ريال اذا ماخنتني الذاكرة

[Ëńġ․ℱάίśάℒ]

فينك يا بو عزو

[Ëńġ․ℱάίśάℒ]

ابو الجوهرة يعطيك العافيه السعر غالي

[ابو الجوهرة]

الخصم الي معاك 300 ريال؟

[ieboo]

انا معي نفس سيارتك :d
وابي اهاوش
من جدك انت تبي تغطي الارضيه؟
ياخي هذي يسوونها في كابرس ايام اول الحين الناس كل سنه تدخل سياراتها زيبارت يطلعونلك السياره جديده
رز يا اخي رز :d