+ تقرير كشتتنا لحائل + رالي حائل 2009 مروراً بسكاكا والجوف (شيء لايوصف)

[ياسر الشمراني]

ماشاء الله تبارك الله



بسم الله الرحمن الرحيم

السلام عليكم ورحمة الله وبركاته
حيا الله الشنبات والنواعم

ياهلا وغلا فيكم .. الاّ كيفكم مع البرد ؟ هع

مانطول عليكم .. ماسمعتوا الشاعر اللي يقول:

يازين طلعة البر = وقتن شتاء مابه حر
والسمر لونه أحمر = يازين البر زيناه

صح لساني

المهم
وانا متكي يوم الثلوث ع المسن الاّ وخوينا صدري شمالي يدخل المسن ويكلمني ويقول احتمال أنه يهبق لحائل ورالي حائل وقلت له والله انها من اسعد اللحظات بحياتي وش قررتوا
وش الأوضاع وكيف ولماذا ولعل ؟ وانا اهيض فيه ياعيال واقول له ترى تبوك ماتصلح بريال ومن هالحكي وارفع فيه واهبقه من جد يعني لزقت فيه لزقه غلط (بس امون يامحمد صح
ولالاااا) ؟ (( إهـ )) ههههههههههههههههه

قال انتظر بشوف الأوضاع ونطبخ الشغله وارد عليك .. قلت اوكيه مشينااااااااا بس

يوم الربوع وانا ع المسن آخر الليل الا يكلمني ويقول لي :

(01:58 ص) رحمتك يارب ..: سلام
(01:58 ص) رحمتك يارب ..: اخبارك
(01:58 ص) رحمتك يارب ..: اسف يالذيب
(01:59 ص) رحمتك يارب ..: تاخرت عليك
(01:59 ص) رحمتك يارب ..: اسمع العلم
(02:03 ص) رحمتك يارب ..: جهز نفسك
(02:03 ص) رحمتك يارب ..: الصبح امرك
(02:04 ص) رحمتك يارب ..: انا وفواد وواحد ثالث اسمه محمد الخليوي
(02:04 ص) رحمتك يارب ..: اوكي
(02:04 ص) رحمتك يارب ..: حنمرك ونطلع
(02:04 ص) رحمتك يارب ..: لحايل يابعد حيي
(02:05 ص) رحمتك يارب ..: والعزبه والاغراض انا اجهزها
(02:07 ص) رحمتك يارب ..: تقدر تنام وتقدر عقب الفجر تغط غطه وانا ادق عليك
(02:07 ص) رحمتك يارب ..: وحط ببالك الرجعه الجمعه
(02:07 ص) رحمتك يارب ..: مساء
(02:07 ص) رحمتك يارب ..: كاقصى حد
(02:09 ص) رحمتك يارب ..: جهز اغراضك
(02:09 ص) رحمتك يارب ..: اهم شي كيس نوم

وبعد هالكلام يالربع وأنا ادز وأروح أشري لي كيس نوم يحبه قليبكم (( محمد تراك باقي مارجعت لنا اغراضنا اخلص عينا ياخي لاتزرفها) نييياااااهاااا

وأروح المحمصه واطق لنا بنص كيلو فصفص غروي عكيفكم
وارجع البيت واجهز عزبة القهوه والتمر والعدني والشاهي وكيس النوم وبقية الأغراض ..

ثمن أوقت جوالي على صلاة الفجر وحطيت راسي ونمت ( هالكلام تقريباً الساعه 4ونص

الفجر) يعني الفجر باقي عنه ساعتين ولا حولها

واسدح ابوها نوووووووووووووووووووووووووووووومه فجأه كذا صحيت وانا منخرع واطالع بالجوال الا الساعه ( 9 الصباااااح ) واحصل 20 مكالمه ورساله وانا اتحطمممممم نفسياً وجسدياً وبدنياً وكل شيء

واقرأ الرساله:

لاحوووووووول الحين فاتني نص عمري .. واتعوذ بالله من الشيطان وادق عليه :

ياسر: ألو محمد السلام عليكم
محمد: وعليكم السلام وش هالنوم يارجال؟
ياسر: ياخي والله راحت عليّ نومه : (
محمد: زين زين احنا مشينا والله وهالحين احنا بتيماء و . . . (ما امداه يكمل كلامه)
ياسر: وش تقول أنت بتيماء ؟؟ من جدك !!
محمد: ايه ياخي اسمع صوت المسجل بعد (ويرفع الصوت على شريط مكشات) والله ياخي انت تأخرت علينا لنا ساعه انتظرناك وتأخرت ومشينا ........ لكن وش رايك الحقنا في تيماء ووقف سيارتك واطلع معنا
ياسر: والله صعبه يامحمد مايمديها
محمد: طيب ياخي وش اسوي لك انت تأخرت علينا وقلنا نكسب الوقت نمشي
ياسر: صح صح انا غلطان معك حق وبصراحه صعبه ترجعون لكن تدري .... الله يسهل دربكم ويالله مع السلامه خلني اكمل نومتي أحسن...

محمد: اقول لايكثر وخل عنك الهياط اطلع لنا براااا شفنا ننتظرك

ياسر: وش تقول انت هيه من جدك انت ولالا

محمد: من جد يالله خلصنا شفنا براا ننتظرك
ياسر: لالا مستحيل يرجال تمزح عليّ
محمد: والله انا برى بس يالله خلصنا قم توض وصل ويالله لاتأخرنا اكثر من كذا خلنا نكسب الوقت
ياسر: ابشر ابشر يالله هالحين طالع لكم
محمد: يالله ننتظرك .. مع السلامه

وانا اقوم مسرررررررررررع واطلع لهم برى ( أبي اتأكد هم برى صدق ولالا ) الاّ والله انهم برااااا وياني استاااااااااااانس وانبسط
واقول لهم ابد هالحين دقيقتين وانا عندكم

والله ادخل واطلع اغراضي برااا واخلص اموري سريع سريع واطلع لهم واسلم عليهم ...

طبعاً اعضاء الكشته هم:
- صدري شمالي (روح والقلب داعي لك)
- فؤاد سنيد الحربي (لاعب نادي الوطني) ادخل على الله يامولانا
- محمد الخليوي ( أبوسليمان) ياحبي لك يبو سليمان
- ياسر الشمراني (الأنس)

ركبنا الأغراض وركبنا بالسياره وقلنا بسم الله وقلنا دعاء السفر ودزيناااااااااااااا

طبعاً ياحلوين من تبوك لحائل فيه طريقين :
- الطريق الأول ( تبوك > القليبه > تيماء > العلا > ثم تفرق يسار لحائل)
الطريق الثاني (تبوك > ثم تفرق يسار بعد 90 ك/م تقريباً من مفرق العراق > الكويت > منفذ الحديثه > سكاكا > طريف > الجوف )

طبعاً بعد قروشه اخترنا الطريق الثاني مع انه اطول من الطريق الاول بـ 70 ك/م أو أكثر .. لكن قلنا نشوف سكة الحديد اللي جالسين يصلحونها ونتفرج بالنفود والطعوس الرائعه يمن ويسار الطريق

دزينااااااا على بركة الله واخذنا يمين مع طريق سكاكا والجوف





وسلاااااااااااام ياسكاكا سلا1111111م
ههههههههههههههههههه




ومشيناااااااا شوي الا ونشوف شي غرررررريب !!
بدايةً ماصدقنا بصراحه لكن بعدها فهمنا وش السالفه ومتنا ضحكككك ورجعنا وصورنا لكم هالشئ العجيب الغريب المضحك كل ابوها

طالعوا بالصوره زين

ياوووووووولد !!
أول شي ماصدقنا وكملنا طريقنا شوي لكن قلنا للسواق تكفى يرحم والديك ارجع خلنا نتأكد احنا بعلم ولا بحلم

رجعنا الا والله انه صدق !! السالفه ان راعي هالبيت داخل بوسط الخط يعني هو بحرم الخط

يالربع علمونا وش سالفة هالبيت وسالفة صاحبه !! وراه تسذا !! ماباقي الا يتعشون ولا يتغدون بالخط نفسه !! شوفوا كيف ولاحظوا السهم :












وهذي صوره من زاويتن ثانيه






بصراااااااحه شي يثير الإنتباه
لاتنسون تعلمونا وش سالفته انتوا ياللي تعرفون هاه لاتسحبون علينا


اي والله وندز على بركة الله يعني مانسرع بالكثير بالكثير نمشي 160 ك/م ونتفرج في سكة الحديد اللي يبون يسوون قطار يربط شمال المملكه بجنوبها وتشوف الشركات شغاله على قدم ونص << هع

وبحمد الله وصلنا حائل يابعد حيي تقريباً على اذان العصر

وهذانا نعبي بنزين من اول محطة نوصلها بحائل:

بعد ماعبينا بنزين دقينا على مطعم بحايل راااااااااائع يعرفونه الشباب وراح اعطيك تفاصيل عنه بعد شوي قال بنقفل وقت الصلاه وبعد الصلاه بنفتح قلنا OK

تمشينا في حائل نفسها (البلد) شوي ثم قلنا نبي نروح نصلي الظهر والعصر في مسجد جميع تأخير لأنا مسافرين .. لكن قلنا وين المسجد اللي نروح له ؟


قال صدري شمالي افااااااا عليكم اعرف لكم مسجد على كيفك كيفكم شي خطيييييييييييييييير
اللي هو : ( الجامع الكبير بحايل)

والله يالربع انه من اروع المساجد اللي شفتها بحياتي ماشاء الله تبارك الله




هذي صورة مدخل دورات المياه :









وهذي صوره من داخل المسجد نفسه:






ماشاء الله شغل مرتب جداً ورائع ونظيف وهناك حلقات تحفيظ قرآن وملحقات خدميه مع المسجد




صوره من زاويه اخرى:







صلينا الحمد لله وطلعنا للمطعم

طبعاً المطعم اسمه " التراثي" (مطعم ومتحف ومطبخ) بنفس الوقت

هذي صورته:




ركزوا على الرجال اللي عليه السهم بقول لكم سالفته بعد سالفة هالمطعم


طبعاً ياشباب سلمكم الله هالمطعم التراثي اللي وصلني من كلامه انه كان بيت شعبي لأحد الأسر بدأت تسوي اكلات شعبية وتبيعها على الناس حبه حبه اشتهر هالبيت وصار له شعبيه وزبائن كثير .. فقرروا اصحابه انهم يحولون البيت الى مطعم شعبي عام .. طبعاً اللي يطبخون الأكل اللي بالمطعم حريم مانشوفهم ولا ندري وين يطبخون اصلاً هل بالمطعم أو خارج المطعم !! .. لكن ماشاء الله ما ألذ طبخهم .. يعني تآكل من عندهم كأنك تآكل من بيتك ابد مافيه فرق ولذيذ الطعم ماشاء الله تبارك الله .. طبعاً الشباب اللي معنا عندهم خبر ان اللي يطبخ حريم لكن حبيت انا اتأكد فسألت الهندي اللي يوصل الطلبات قلت له (هذا اكل من في يطبخ) قال لي ( هزا هرمه في اطبخ )


والله ونطلب من عندهم ونروح نتمشى شوي في نفس المطعم مدموج كأنه متحف يعني "بنادق قديمه وآثار وكذا" وهذي صوره من جوا المطعم:





بكل زاويه تحصل لك آثار قديمه وأشياء رائعه


رحنا جلسنا بغرفه في المطعم رائعه جداً فكرة الغرف ... شوفوا كيف:









^

^

^

اتحدى واحد يعد لي الدلال اللي موجوده بهالغرفه كامله وله هديه

الوكاد انه شغل اليييييييييم على هالمطعم ماشاء الله تبارك الرحمن

وهذي صورة المغاسل .. يعني كل شي اثري x اثري






وهذي صوره لـ : اعواد أسنان (مخاليل - مناقيش )









يتبع

[ياسر الشمراني]

اي والله تغدينا وعيّنا من الله خير وطلعنا من المطعم

يوم طلعنا الاّ ويجينا الرجال اللي موجود بالصوره الأولى اللي مأشر عليه انا بسهم .. تذكرتوه هههههههههه

جاء عندي وسلم عليّ وقال لي باللهجه الحائليه :

( أنا معي عشري ريال منقطعي )

يقصد انه معه عشره ريال منقطعه

انا بنفسي بغيت اقول له : طيب وش اسوي لك ! ولاّ رح لزقها

لكني تذكرت قول الله عزوجل "وأمّا السائل فلاتنهر"
فقلت له "الله يرزقنا ويّاك ياخي"

مشينا مستعجلين ودزيناااااااا نبي رالي حاااااااااااااااائل
نبي الفله نبي الوناسه نبي اصوات الجيوب والكنداسات المنفقعي

نبي الشغل الفله

نبي الهجوله

وصلنا لمكانن يقاله "منتزه مشار" سألنا هناك دوريه كانت واقفه قلنا لو سمحتوا وين الرالي قالوا خلص !! ياهوووووه !!
اي والله خلص اليوم الصبح (يعني يوم الخميس الصبح) واللي فاز يزيد الراجحي << بغيت اقول للعسكري ليه مافاز يزيد سامبا هع هع

والله تحطمنا شوي لكن قلنا لاابوه لاابو راليه والله يالتطعيس هالحين وبراد الشاي المنعنع فوق احد الطعوس انها تشكييييييي وخاصه ان الجو مغيّم ورااااااااااائق

شوفوا :

وندززززززز نبي نروح مكان طعوس

رحنا جهة مكانن يقال له "المغوار" تعديناها ماشفنا بها شي طيب دزينا جهة "الحفير" ثمن رحنا "جــبــه " وبلهجة اهل حائل " جــبّّــي "

وحنا بالطريق نشوف لنا طعس حلوووووو
والله يصفط خوينا صدري شمالي وينزل "يطري" الكفرات وفي لغه "ينسم الكفرات" شوي عشان تمشي السياره بالطعوس تمام

والله ونطعس ونطعس ونطعس ونطعس ونرقى فوق طعس يحبه قليبكم

اترككم مع الصور الإحترافيه اللي كل واحدن بدا يتفنن بتصويره الا بو سنيد راح ياخذ فروته يقول انه بردان <<< هالآدمي عليه حركات شيبان ودك انك تصفقه بعض الأحيان امزح لاتصدقون

اترككم مع الصور:

ماشاء الله تبارك الله

ماشاء الله
يالبى الباثفندر والله

تطعيس وفلة حجاج

شربنا القهوه والشاي ووسعنا الصدر شوي

وحركنا لأحد المحطات القريبه توضينا وصلينا المغرب والعشاء وعبينا الجراكن اللي معنا مويه حصلناها لواحد الله يجزاه خير مسوي " ماء سبيل بارد" الله يوفقه ويجزاه خير

نزلنا جراكننا وعبينا مويه منها:

وشرينا من البقاله بقية الأغراض الناقصه حقت الطبخ والفطور لليوم الثاني (طماطم - بصل - بيض - قشطة - عسل - دجاج - رز ) وغيرها

وحركنا ودورنا لنا مكان دافي شوي تعرفون بالليل برد وبننام هناك فلازم ندور مكان يناسب جميع المواصفات

لقينا مكان طيب .. نزلنا اغراضنا .. ذكرنا أذكار نزل المكان:
"اعوذ بكلمات الله التامات من شر ماخلق" 3 مرات

شبينا النار ..

وكالعاده :

^

^

^

^

^

^

العدني يشكي

وينك يالمباشر :d
مشرفنا العزيز اللي يموت بالعدني :d

( ادخل على الله ) من عدني

سولفنا وانبسطنا واستانسنا وتجي مكالمات بالجوال لبعضنا وتريقه وضحك ووناصه .. جت الساعه 11 وكل واحدن بدأ يحك ظهره وده ينام .. تعرفون جايين من طريق 700 ك/م وتعبانين شوي

قمنا وظبطنا فرش النوم وحطينا (الرواق) عن الهواء وعبينا ابريق ماء وحطيناه جنب النار تدرون ليش ؟؟
عشان اذا قمنا نحصله دافي من النار ونتوظى به
لاوبعد قبل ماننام اللي موبواضي يتوضى ويلبس شرابه افضل حتى اذا قام لافجر يمسح عليه فقط <<<< ما اقول لك انا حقين مكشات صح <<<< اقول لايكثر بلا هياط

اي والله ... وكل واحدن قرأ آية الكرسي وأذكار النوم

ونوووووووووووووووووووووووووووووووووووووووووووووووم ه

قمنا على اذان الفجر .. توظينا وصلينا جماعه .. وبالبر يازين الصلاة الطويله
رجعنا كملنا نومتنا الى الساعه 10 مدري 11

قمنا على صوت بوسليمان "محمد الخليوي"
وعلى ريحة القهوه وهي تطبخ ياحبني لك يابوسليمان .. ولقيناه مقطع البصل والطمام استعداداً لعمل "شكوكه" للفطور

قمنا وساعدناه بالقهوه تقهوينا ظبطنا الفطور مكون من :

(قرص بيض)

شكشوكه:

وبعض المعلبات الأخرى ... مع الحليب العدني طبعاً

افطرنا وعيّنا من الله خير .. طبعاً اكيد انكم تبون تشوفون مكاننا بالنهار صح ولالا لأننا يو جيناه جينا بالليل وموب واضح

طيب طيب شوفوا هذا مكاننا وقولوا لي رايكم بالتصوير الإحترااااااااااااااافي

ومن زاويه أخرى:

ماشاء الله المكان اللي رحنا له ذا شكله وادي والله اعلم وبه ربيع طيب ماشاء الله واعجبتني هالزهرتين قلت اصورها:

طبعاً هالحين جاء وقت الغداء ، والغداء يبي له لحم غزال أو أرانب زي ماانتوا عارفين يعني

والله واتحمس وآخذ بندقيتي واتوكل على الله واروح اصيد لكم غزال على كيف كيفكم

شوفوا الصوره بس ياويل اللي بيضحك

ههههههههههههههههههههههههه

أثاريها طلعت دجاجتنا اللي شريناها أمس من البقاله

خخخخخخخخخخخخخخخخخخخخخخخخخخخخخخخخخخخخخخخ

[ياسر الشمراني]

طبعاً في هالكشته تذكرت اخونا "راسم الفرحه" الله يذكره بالخير واهدي له هالصوره:







نفس الرسمه اللي بتوقيعه صح ؟





طبعاً الحليب له فوائد كثيره جداً منها انك تصب منه شوي على القهوه اذا جيت تسويها عشان تطلع القهوه لونها ابيض شوي ..

صح ياحريم ولالا تحسبن انكن بس انتن اللي تعرفن وان ما احد يعرف غيركن !!

هههههههههههههههههههههههه



شوي الا وصدري شمالي يتحمس ويقول ابطلع فوق الجبل

والله ويوم طلع واطق له صوره














لمينا أغراضنا على الساعه 3 الاّ ورحنا صلينا الظهر والعصر وتمشينا شوي وبدينا ندور مكان نطبخ به غدانا

واحنا نتمشى الاّ ونشوف دبابات على الطريق
ياولد خشت براسي الفكره انا نلعب .. واللي اعرفه ان دبابات الطعوس قويه جداً ماهي مثل غيرها

يعني زي دبابات شاطي الهاف مون بالشرقيه ودبابات حائل بالعطوس قوووووووووويه










والله وقول لهم يارجال دورا لنا محل كويس نلعب دبابات والله ونوقف ونلعب نص ساعه ونتقلب << صح يابوسنيد ياغشيم












وننبسط ونفل ابوها ونتزلج عالطعوس













ماخلصنا الا قبل المغرب بشوي وبكذا فات علينا الغداء

قلنا عادي نخليه عشاء

تمشينا شوي وصلينا المغرب والعشاء ولفلفنا بحائل شوي وصورت لكم دوار على شكل مجسم لقربة ماء شوفوا



بالنهار:











بالليل:








راااااااااااااائعه جداً


وايضاً هذا جبل مكتوب عليه
لا اله الا الله محمد رسول الله
تولع بالليل
زي اللي موجود بمدينة حقل











وبعدها رحنا جنب المكان اللي سوو فيه تكريم رالي حائل مدري وشمه لكن هذي صوره له:
























تكينا جنبه وظبطنا القهوه والشاي والمظغوط من ديات صدري شمالي تسلم يدينه والله


وبعدها حركنا راجعين لتبوك من طريق ( الشملي - تيماء - القليبة )

يعني اللي يعرفون الطريق زين كأننا اخذنا لفه كامله على شكل دائره عالخريطه توضح اكثر
بحيث اننا جينا من طريق ورجعنا من طريق ثاني (داير مدار)


خلف الكواليس + قفشات من الكشته (يعني بالعربي فضاااايح بس بدون ذكر اسماء) :

- واحد من الشباب اللي معنا وعده خوينا الثاني انه يدخله كلية الملك فهد الأمنيه (واسطه) فتشوفه طول الكشته استرح يابوفلان انا اشتغل عنك آمر بس وش تبي .. لا احد يغلط على بوفلان

- الجيب الباثفندر ذا قروشنا بسبب عطل فني في بطارية السياره .. مره يشتغل ومره لا واغلب الأحيان نطلب فزعات من السيارات اللي حولنا يسوون لنا اشتراك ... وخلها على الله بس


- احد المرات عيّا يشتغل الجيب لازم له اشتراك ... والله ونشوف لنا شايب مار بسيارته الجيب ونأشر له ويجي ويسوي لنا اشتراك ويوم اشتغل جيبنا قمنا ندعي له وبيض الله وجهك وماقصرت ولاهنت ومن هالحكي وهو يقول "وش سويت انا ؟" وش عملت بكم ؟ عاد واحدن منّا قال هاه وش تقول !! يحسب ان الشاب زعلان او انه فهمني غلط .. اثاري الشايب يقصد بها صيغة مدح يوم انه يقول وش عملت بكم وكذا .. الله يجزاه خير مشى من عندنا وهو يقول " ياضلوع ابوي ماشاء الله عليكم " حلوه ضلوع ابوي صح

- لاحظنا اللوح الخاصه ببعض المحلات التجاريه بحايل صغيره جداً مع ان بعض المحلات لها مكانتها وهيبتها لكن اللوحه تلقاها صغيره جداً ما ادري وش السالفه علمونا ياهل حائل ليش كذا ؟

- واحدن من العيال الله يجزاه خير من يوم حركنا من تبوك وهو يرطن علينا بالجيب سيرته الذاتيه امتحنا فيها طبعاً كل واحد يقول لنا سيرته الذاتيه ومعلومات عنه عشان نتعرف على بعض اكثر لكن هذا الله يهديه زودها حبتين

- اغلب المحلات في مدينة حائل تحصلها ضمن عماره سكنيه ، اعطيك مثال .. اغلب المدن تكون البقالات - الصيدليات - صوالين الحلاقه هذي لها محلات خاصه وتجاريه لوحدها .. حلو .. بحايل لا المحلات هذي تحصلهااسفل عماره سكنيه وهذا خطأ عمراني مايترقع وش بلاكم ياهل حائل ؟

- واحدن من العيال يقول أن مدينة حائل كلها اعلام x اعلام يعني ما خلاها تشتهر تسذا الا الإعلام والتلفزيون والجرايد ولا هي مدينه متواضعه على قد حالها وبصراحه انا اضم صوتي لصوته .

- حاااااااااااااااااااااائل !! مابها الا فندق واحد !! اسمه فندق الجبلين اعتقد !!

- وكالة تويوتا اللي بحايل انا ابصم مليون في الميه انها كسبانه كسبانه تدرون ليش .. ماشاء الله كل السيارات بحائل جيوب وهايلكوسات وشاصات ومقفصات وعاد تعال عند الصيانه والسيارات الجديده

وخلاص . . .


أتمنى يكون هالتقرير اعجبكم يعني ماهو مره يعني اهم شي مستانسين خخخخخخخخ

اي والله وترقبوا الكشتات الجايه يمكن نكشت لأمريكا ولا لهولندا بس بالله لا احد يتأخر علينا نقعد ننتظره عند البيت ساعه ونص !! هههههههههه

والله انها من اجمل الكشتات اللي كشتها بحياتي وخاصةً انها كانت مع رجالن شرواكم ياشيخ تحطهم في كاسة شاهي تقول انهم لبتون ههههههههههه <<< على وزن تحطه ع الجرح يبرى



وأقول للعيال اللي بيجونا في اجتماع اعضاء البرق في فبراير ان شاء الله شدوا حيلكم بالإختبارات عشان تجون ونستانس حنّا ويّاكم ونفل ابوها ، وكمان شسموه ذا !! ياربي !! ايه وش كنت بقول !! ايه هذا .. يالله نشوفكم على خير

كتبه: ياسر الشمراني (الأنس)
الأحد
9:45 ص

[محمد بن عبد العزيز]

ماشاء الله اجل طلعتو .. طيب وين تغطية رالي حايل .. :d

[open window]

صحيييح
رحلتكم رهيبة والله اشتقت لحايل

[B Useful]

ماشاء الله تبارك الله ،، هيك الطلعات ولا بلاش ،،

اما مطعم التراثي هذا اللي في حايل ،، اسمحلي ،،، صراحة انغثيت منة 4 ايام وانا اتغدى فية ومعي 20 شخص من بيت الشباب بالرياض قبل حول 8 سنوات .. الله يذكر ذيك الايام بالخير احمد البتاري والعيال ،،

بس المطعم مدري وش عاجبهم فية ،، بس عشانة شغل حريم !! والشباب كلهم كانو عزاب .. ملح ناقص وقلق وطعم بايخ ..
حايل يابعد حيي .. فيها مناطق حلوة ،، قصر قديم ايام فتح مكة وداخلة سيارة اقدم واقدم <<< فتح مكة مالة دخل خخخ

الله يهنيكم ،، وحلو المقلب اللي سووة فيك انهم مثلو انهم راحو وخلوك خخخ

[أبو عــزوز ..]

الله يرجك يا ياسر .. :d

يوم إنك تقول العيال يقوولون لك إنهم بـ تيماء وأنت تقول خلاص بكمل نومهـ ..
والله ياضاق صدري عشان فاتتك الكشتهـ

همن قلت غريبهـ طيب ليهـ ينزل موضوع .. بس عرفت إنك راعي لف ودوران :d

بس والله أهنيك على أخوياك اللي انتظروك لـين تشبع نوووم


أمس اتفقنا مع أخوياي عند محطهـ وكان الوعد الساعهـ 8 م .. جيت 8 وثلث إلا هم رايحين وباقي واحد معهـ يوكون ينتظرني وجيت معهـ .. يعني أخوياي حاريييين ..


بالنسبهـ لـ لوحات المحلات التجاريهـ ..

فيه نظام بـ وزارة الشؤون البلدية والقروية .. إنه يؤخذ رسوم سنوي على حجم اللوحهـ
يعني طريقتها تحسب كم متر اللوحهـ ويأخذون عليها مبلغ وقدرهـ فـ الناس مالها إلا إنها تصغر اللوحات ..

لانه عاجزين عن فواتير الكهرباء وإيجار ورواتب للعمال ورخصهـ من البلديهـ وسجل تجاري و....و.....و....ووإلخ
ويجونهم ذولا من جههـ ثانيهـ

وعندنا في محافظه عنيزة .. تبلانا مدير البلديهـ وطبق النظام بحذافيرهـ
والنظام يشتكي منهـ يقول يرحم أمك شوي شوي على المواطنين ..:d
والمشكلهـ أغلب مُدن المملكهـ مايطبقونهـ .. بس يبدو فـ حائل اللي عندهم زي اللي عندنا

لكن الشكوى لله ..


ياسر .. وقسم إنك أبدعت في سيناريو القصهـ وإخراج تعدى الإمتياز

وخليتنا نعيش معاكم جو الكشتهـ .. وللمرهـ الثالثهـ أهنيك على ربعك

برايفت ياسر : جاري السؤال عن محمد الخليوي أشك إنهـ من أقاربنا >> خوالي من الرس ..

[@اكورد وبس@]

ما شاء الله قصه رووعه


تسلم يا بعد حيي عالموضوع

ونستني بصراحه خاصه الغزآل الي قتلته رحمته:p:p

[@اكورد وبس@]

- واحدن من العيال يقول أن مدينة حائل كلها اعلام x اعلام يعني ما خلاها تشتهر تسذا الا الإعلام والتلفزيون والجرايد ولا هي مدينه متواضعه على قد حالها وبصراحه انا اضم صوتي لصوته .

وانا اضم صوتي معكم:d

- حاااااااااااااااااااااائل !! مابها الا فندق واحد !! اسمه فندق الجبلين اعتقد !!

خخخخ الشكوى لله:d

- وكالة تويوتا اللي بحايل انا ابصم مليون في الميه انها كسبانه كسبانه تدرون ليش .. ماشاء الله كل السيارات بحائل جيوب وهايلكوسات وشاصات ومقفصات وعاد تعال عند الصيانه والسيارات الجديده

ابصم بالمليون مو بالميه :p

وخلاص . . .

أتمنى يكون هالتقرير اعجبكم يعني ماهو مره يعني اهم شي مستانسين خخخخخخخخ

ولله اكثر موضوع اعجبني هالموضوع جزآك الله خير

اي والله وترقبوا الكشتات الجايه يمكن نكشت لأمريكا ولا لهولندا بس بالله لا احد يتأخر علينا نقعد ننتظره عند البيت ساعه ونص !! هههههههههه

ههههههههههههههههههههههههه

والله انها من اجمل الكشتات اللي كشتها بحياتي وخاصةً انها كانت مع رجالن شرواكم ياشيخ تحطهم في كاسة شاهي تقول انهم لبتون ههههههههههه <<< على وزن تحطه ع الجرح يبرى

هههههههههههههههه ان شاء الله تروح مره ثانيه

كتبه: ياسر الشمراني (الأنس) ونعم والله
الأحد

9:45 ص

جزآك الله خير عآلموضوع الرآآئع

والله ونستني:d

ايه وشسمه عدد الدلال بالصوره 30 او 31 يالله عطني هديه:p


مشكور عالموضوع واكرر شكري

[يامطنش]

موضوعك ابداع واحلى شي البيض وعليك غزال:d

صراحه تحمسني نزور شمال المملكه

[المباشر]

ماشاءالله تبارك الله يا ياسر

ياخوي جبت فينا العيد اشوى اني متغدي الا كان علوم في المطبخ اليوم ( عدني وشكشوكة اممممممممم :d) لذيذ يابيتزا خخخخخخ ضاعت الطاسة من صور الأكل

بس مالكم حق ماشفنا الغزال الصغير اللي خويك جالس يطلق عليه النار ( ومناك ولاعة :d)

علشان تحمسنا للعشاء مضبوط اليوم

[جرح الغدر & اكورد]

ههههههه والله ياطلعتكم فلللللللللله مشاء الله ولا تدق ولا تعلمنا يخوي شدعوى ههههههههههههههه

يعطيك العافيه على التقرير ياغالي لاعدمناك ...

[A N M A R]

قصة رائعة

وعضو رائع

وكل شي رائع

اهنيك يابطل الابطال

والحمدلله على سلامتك...

يالله تعلنى لجده

[فقير الحظ]

ماشاءالله تقرير رووعهـ الله يعطيكـ العافيهـ ,,

والحمدلله على السلامهـ ,,

[MaLiK1987]

تقرير رائع

[King]

ماشاء الله عليك ياسر

صراحه تعجبني ويعجبني إلى زيك

اهم شي البر ويكون معاك كل شي العزبه والجيب او الهايلكس

وتطلع وتفلها ولا تستاجر شقه ولا يحزنون

واهم شي صراحه المسدس الكهرب

لا وبعد مصوب على دجاجه ميته من خمس طعش يوم


--------------

تقرير ولا أروع ورحلة ولا اجمل

واصل إبداعك المميز

[seraj_9196]

مشاء الله عليك تقرير حلو

ومبدع واحترافي في الصور والعدني

[مجرد رأي]

والله انك بطل ..

ماشاء الله عليك .. اهم شي الوناسة .. !! :d


على فكرة ..

ترى لازم نكشت سوا في مره من المرارير القادمة ..

ويا ليت لو تجونا ابها .. تزين كل الامور .. !!


تحيتـ ي ..

[Y.k.A]

ماشاءالله تقرير رووعهـ الله يعطيكـ العافيهـ ,,

والحمدلله على السلامهـ ,,

[ياسر الشمراني]

ماشاء الله اجل طلعتو .. طيب وين تغطية رالي حايل .. :d

ماسمعت المثل اللي يقول
قال طلعتوا: قلنا ايه: قال: رد محمد بن عبدالعزيز على موضوع تقريركم ؟ قلنا: ايه قال: أجل ماطلعتوا :d

صحيييح
رحلتكم رهيبة والله اشتقت لحايل

انت ( أرهب ) والله :d

ماشاء الله تبارك الله ،، هيك الطلعات ولا بلاش ،،

اما مطعم التراثي هذا اللي في حايل ،، اسمحلي ،،، صراحة انغثيت منة 4 ايام وانا اتغدى فية ومعي 20 شخص من بيت الشباب بالرياض قبل حول 8 سنوات .. الله يذكر ذيك الايام بالخير احمد البتاري والعيال ،،

بس المطعم مدري وش عاجبهم فية ،، بس عشانة شغل حريم !! والشباب كلهم كانو عزاب .. ملح ناقص وقلق وطعم بايخ ..
حايل يابعد حيي .. فيها مناطق حلوة ،، قصر قديم ايام فتح مكة وداخلة سيارة اقدم واقدم <<< فتح مكة مالة دخل خخخ

الله يهنيكم ،، وحلو المقلب اللي سووة فيك انهم مثلو انهم راحو وخلوك خخخ

هلا بك مصعب
يالله حيوه .. والحمد لله ع السلامه ;)
خل عنك والله انه مطعم شييييييي ما ادري هو لذيذ ولا انا جوعان :d
هههههههههه
وأما المقالب خذ وخل .. المقالب ملح الحياه ;)

الله يرجك يا ياسر .. :d

ليش ياخي انا ضد الرج
خخخخخخخ

يوم إنك تقول العيال يقوولون لك إنهم بـ تيماء وأنت تقول خلاص بكمل نومهـ ..
والله ياضاق صدري عشان فاتتك الكشتهـ

همن قلت غريبهـ طيب ليهـ ينزل موضوع .. بس عرفت إنك راعي لف ودوران :d

بس والله أهنيك على أخوياك اللي انتظروك لـين تشبع نوووم

يا إني تحطمت من جدددددد
لكن وقسم بالله انهم رجال ربي لايحرمني منهم

أمس اتفقنا مع أخوياي عند محطهـ وكان الوعد الساعهـ 8 م .. جيت 8 وثلث إلا هم رايحين وباقي واحد معهـ يوكون ينتظرني وجيت معهـ .. يعني أخوياي حاريييين ..

ياخي الله خلق وفرق
وعلى حسب معزة الشخص عندهم ;) <<<< دقه قويه 1/0

بالنسبهـ لـ لوحات المحلات التجاريهـ ..

فيه نظام بـ وزارة الشؤون البلدية والقروية .. إنه يؤخذ رسوم سنوي على حجم اللوحهـ
يعني طريقتها تحسب كم متر اللوحهـ ويأخذون عليها مبلغ وقدرهـ فـ الناس مالها إلا إنها تصغر اللوحات ..

لانه عاجزين عن فواتير الكهرباء وإيجار ورواتب للعمال ورخصهـ من البلديهـ وسجل تجاري و....و.....و....ووإلخ
ويجونهم ذولا من جههـ ثانيهـ

وعندنا في محافظه عنيزة .. تبلانا مدير البلديهـ وطبق النظام بحذافيرهـ
والنظام يشتكي منهـ يقول يرحم أمك شوي شوي على المواطنين ..:d
والمشكلهـ أغلب مُدن المملكهـ مايطبقونهـ .. بس يبدو فـ حائل اللي عندهم زي اللي عندنا

لكن الشكوى لله ..

يخوي خلصنا وقول اهل حائل مطفرين :d
ههههههههههه
امزح
لكن ماشاء الله عليك تحليل 100% والله

ياسر .. وقسم إنك أبدعت في سيناريو القصهـ وإخراج تعدى الإمتياز

وخليتنا نعيش معاكم جو الكشتهـ .. وللمرهـ الثالثهـ أهنيك على ربعك

برايفت ياسر : جاري السؤال عن محمد الخليوي أشك إنهـ من أقاربنا >> خوالي من الرس ..

الإبداع بردك ياقمر .. لاهنت والله
بخصوص خوينا محمد فعلاً هو من المناطق ذيك ويمكن يقرب لكم .. لكن خل عنك والله انه رجال شرواك ونعم الرجل والله (أبوسليمان) اذا تبي تفاصيل اكثر عنه لايردك الا كيبوردك

وياهلا بك

ما شاء الله قصه رووعه


تسلم يا بعد حيي عالموضوع

ونستني بصراحه خاصه الغزآل الي قتلته رحمته:p:p

ياهلا بك يابعد حيي :d
الغزال هاه :d

[ياسر الشمراني]

جزآك الله خير عآلموضوع الرآآئع

والله ونستني:d

ايه وشسمه عدد الدلال بالصوره 30 او 31 يالله عطني هديه:p


مشكور عالموضوع واكرر شكري

ياماشاء الله عليك :d أنت انسان كويس
لازم هديه ؟ يعني مره ملزم !!

موضوعك ابداع واحلى شي البيض وعليك غزال:d

صراحه تحمسني نزور شمال المملكه

هههههههههه
لاتفوتك العيال جايينا
نسق مع محمد بن عبدالعزيز

ماشاءالله تبارك الله يا ياسر

ياخوي جبت فينا العيد اشوى اني متغدي الا كان علوم في المطبخ اليوم ( عدني وشكشوكة اممممممممم :d) لذيذ يابيتزا خخخخخخ ضاعت الطاسة من صور الأكل

بس مالكم حق ماشفنا الغزال الصغير اللي خويك جالس يطلق عليه النار ( ومناك ولاعة :d)

علشان تحمسنا للعشاء مضبوط اليوم

ههههههههههههههههه هلا بك المباشر
زين انك متغدي ومظبك الأوضاع
ولا تسان صارت وشسموه ذا علومن ثانيه :d

ههههههه والله ياطلعتكم فلللللللللله مشاء الله ولا تدق ولا تعلمنا يخوي شدعوى ههههههههههههههه

يعطيك العافيه على التقرير ياغالي لاعدمناك ...

هلا بك
معليش يالأخو
ابد الطلعه الجايه زهب نفسك :d
ياحبي لك

قصة رائعة

وعضو رائع

وكل شي رائع

اهنيك يابطل الابطال

والحمدلله على سلامتك...

يالله تعلنى لجده

الله يسلمك من كل شيء
بس ماتحس انك اعطيتني فوق حجمي شوي !! :d
الله يسعدك ياشيخ :o

[ياسر الشمراني]

ماشاءالله تقرير رووعهـ الله يعطيكـ العافيهـ ,,

والحمدلله على السلامهـ ,,

الله يسلمك
الأروع ردك

تقرير رائع

احلف :d

ماشاء الله عليك ياسر

صراحه تعجبني ويعجبني إلى زيك

اهم شي البر ويكون معاك كل شي العزبه والجيب او الهايلكس

وتطلع وتفلها ولا تستاجر شقه ولا يحزنون

واهم شي صراحه المسدس الكهرب

لا وبعد مصوب على دجاجه ميته من خمس طعش يوم

--------------

تقرير ولا أروع ورحلة ولا اجمل

واصل إبداعك المميز

هلا بالكنق
ايه هذي علوم الرجال ولا فلا
وقسم بالله ان المكشات ماعقبه ملذات خل عنك بس :d

مشاء الله عليك تقرير حلو

ومبدع واحترافي في الصور والعدني

اووووووووووه يالعدني هذا كوم لحاله

والله انك بطل ..

ماشاء الله عليك .. اهم شي الوناسة .. !! :d


على فكرة ..

ترى لازم نكشت سوا في مره من المرارير القادمة ..

ويا ليت لو تجونا ابها .. تزين كل الامور .. !!


تحيتـ ي ..

ياهلا بك
ابد .. الصيفيه الجايه بجي للديره عندكم ونفل ابوها ان كنا من الحيين :d

ماشاءالله تقرير رووعهـ الله يعطيكـ العافيهـ ,,

والحمدلله على السلامهـ ,,

الله يعافيك
الله يسلمك من كل شر

[King]

هلا بالكنق
ايه هذي علوم الرجال ولا فلا

وقسم بالله ان المكشات ماعقبه ملذات خل عنك بس :d

ياأخي انت كلامك عسل

:o

وحركات البر مبدع فيها

أهم شي تعلمنا منك بعض الحاجات

وانا أشكرك بقوة

[ن ع ر السعودية 0005]

الله يعطيك العافية على هذا التقرير الأكثر من رائع والله طلعه ولا أحلا بس كيف البرد معاكم .....

[ياسر الشمراني]

ياأخي انت كلامك عسل

:o

وحركات البر مبدع فيها

أهم شي تعلمنا منك بعض الحاجات

وانا أشكرك بقوة

العسل هو ردك ياقشطة :d
منكم نتعلم طال عمرك .. والزقت اللي معنا والله انهم رجالن شرواك

الله يعطيك العافية على هذا التقرير الأكثر من رائع والله طلعه ولا أحلا بس كيف البرد معاكم .....

الله يعافيك ..

ابد والله كان الجو حلو ماكان فيه برد