موعد تجمع الشرقية الـسادس

[أبو الريش]

بسم الله الرحمن الرحيم

السلام عليكم ورحمة الله وبركاته....

كـيف الشباب؟,, عساكم مبسوطين و مرتاحين لدرجة ما تتوقعوها ؟!

ندخل في صلب الموضوع...

بعد مرور 8 أشهر على تجمع الشرقية الخامس و ما حملها من ذكريات جميله وكانت عند البعض مره ، لعدم مشاركتهم فيه بسب ظروفهم الخاصه .

هـنا ,,, بإذن الله سـ يتم العمل لـ تجمع الشرقية السادس من هذي اللحظة ,,

ولتكن البداية في هذا الموضوع ,, وهو تحديد موعد هذا التجمع
لكي يكون الموعد في متناول الجميع لـ مشاكرتهم فـيه .

في البداية ,,,

احب ان اضع بين ايديكم استفتاء لهذا التجمع ، لكي ينظم جميع الأعضاء أنفسهم لهذا التجمع .

الأول: هو ان يكون يوم الخمـيس تاريخ 27-4-1430هـ

الموافق 23 ابريل 2009

( طبعا راح يكون بعدها اجازة -المكرمة الملكية-)

الثانـي: هو ان يكون يوم الخميس تاريخ 5-5-1430هـ

الموافق 30 ابريل 2009

( آخر خميسيه في هذه الإجازة )

أظن يا شباب كلا الموعدين ممتازين لهذا التجمع

و بصراحة انا أرى بأنه لو يكون في الموعد الأول أشوفه مناسب أكثر ..

السبب:-

راح يكون عندنا بعد التجمع إجازة مدتها 7 أيام و ستكون فرصه لـ كتابة التقرير دون ضغوط دراسية او ما شابه

و سلبيات الموعد الثـاني اظن انه راح يكون فيه بعض الضرر لـ طلاب الجامعات او الكليات او المعاهد ,, الخ)

للأن راح يكون يوم السبت استئناف الدراسة ( ربما يكون عندهم في هذا اليوم اختبار- فـ يمكن يستغلوا خميسيتهم في طلب العلم :d)

و الخـيار بين ايدكم يا شباب الشرقية

و قبل ما تختار لهذا التجمع حاول انك تنسق مواعيدك لكي تتفرغ لهذا اليوم

و يسعدنا جدا تواجد اعضاء شباب الرياض و جده و كل أعضاء من مختلف مناطق المملكة للحضور هذا التجمع , كما سنوفر لهم المسكن لمدة يوم فـي حـال وجود راعي رسمي يرعى هذا التجمع.

و يا شباب مثل ما حنا عارفين ,, مكان التجمع هـو الدمام ( سنتر الشرقية )

ملاحظة:-

- سوف يحدد موعد التجمع من خـلال هذا الإستفتاء.
( الأولية لـ شباب الشرقية )

- سيتم إغلاق الموضوع تاريخ 15-4-1430هـ
حينما يكتب المنسق الموضوع الرسمي لهذا التجمع.

- شباب الي ماله علاقة في حضور هذا التجمع ,, لا يستقعد لنا و يعمل زحمه هنا ,, سأكتفي بالقول له من الآن عفوا .

و تقبلوا خالص تحياتي اخوكم أبو الريــش

[salamify]

أبو الــريــش ... الله يعطيك ألف عاااااااافية وما قصرت يا غالي وبصراحة أنا كنت وما زلت متحمس للفكرة وكنت كاتب أكثر من رد بخصوص تجمعات الشرقية وعن موعد أقرب تجمع راح يصير ولكن ما لقيت رد..

طبعا أنا صوت للموعد الأول لأنه بوجهة نظري المتواضعة هو الأنسب للأسباب اللي ذكرتها .. وإن شاء الله راح أكون أول الحاضرين وهذا أول تجمع لي معاكم بعد ما شريت السيفيك وإن شاء الله ما راح يكون الأخير ..

[غضب الاكورد]

انت ابو الابداع يا ابو الريش

[accord 04]

تم التصويت يا حلو .. :d

مبدع كالعاده ريشوو ..

برآيفت تو يو ابو الريش
يآخي وينك ما تنشآف ؟

[عاشق سيفيك4999]

ياشباب وش رايكم يكون احدى خميسات ايام
الدراسه لأن الشباب أكثرهم يكونون موجودين
أما في الأجازه أكثرهم يكونون مسافرين وأنا واااااااااااحد منهم
وياليت تلبون أقتراحي علشان أجي معكم وأنا ولا مره طلعت تجمع معكم

[TB6Y]

والله ياليت اقدر اجي للشرقيه عشان احضر التجمع
انا من الرياض

[o-k-r]

زين انك نزلت الموضوع

المهم يابو الريش

انا عن نفسي اقول معا الأجازة طبعا

لأنه يوم الخميس عندي عرس

ويوم الجمعة انا مسافر

وتم التصويت يابوالريش

[المـــــلكـ اكـــــورد]

يمكن يمكن نجيكم

مااوعدك ياريشو

يعطيك العافيه وموفقين في تجمعكم

تحياتي

[Black Heart]

[The Stig]

سلامات ياريشو :d

كانه بعييييييد الا مو كانه .. مرررررررررره بعيد

شوف لنا واحد قريب طال عمرك

[محجوب]

تم التصويت

[Z U H A I R]

تم التصويت

[meshoo]

اذا اتفقتو عطونا خبر وان شاء الله اني بحظر

ولاتنسون الذبايح :d

وتم التصويت لليوم المحدد

[أبو الريش]

ياشباب وش رايكم يكون احدى خميسات ايام
الدراسه لأن الشباب أكثرهم يكونون موجودين
أما في الأجازه أكثرهم يكونون مسافرين وأنا واااااااااااحد منهم
وياليت تلبون أقتراحي علشان أجي معكم وأنا ولا مره طلعت تجمع معكم

والله بصراحة ياخوي من ناحيتي انا ما عندي مشاكل ,, لـكن الوزنية ما راح تزبط ,, للأن معظم تجمعات الشرقية تكون في الإجازات و في بعض الأعضاء يدرسوا خارج الشرقية فما راح يزبط الوضع ان هم يجوا في ايام الدراسة و بتكون فرصتهم هـي الإجازة هذي القادمه كما ينطبق لـ الأعضاء اللذين راح يشرفونا من الجبيل و الأحساء و بقيق

و ياخوي اذا كان نهاية الدوام هو يوم الربوع و يوم الخميس التجمع,, وقت حـلو

--------------------

عاشق: الله يسلمك حبيب ألبى :d
للأن هـذي راح تكون آخر اجازه ,, ما لنا الا هـي ,, اما باقي الأيام الشباب معظمهم مشتتين في جميع ارجاء المملكة للدارسة :d
و على شأن الشباب يرتبوا اوضاعهم من الآن ما نبي نزعل احد و يقولوا ما عطيتونا خبر الا حزة الحزه و من هذا الكلام
كل واحد يزبط وضعه من الحـين ,, الي يبي يدخل السيارة الورشة يدخلها و الي يبي يلغمها يلغمها و و و الخ ;)

ميشو: راح يضع المنسق الموضوع الرسمي للتجمع قبل اسبوعين من موعده ;)

بو حمييد: حبيب ألبى والله ,, مرورك للموضوع يسوى التجمع كله ,, يعطيك العافيه و ان شاء الله من الحاضرين معانا لهذا التجمع ;)

سلمافي: الله يعافيك حبيبي

[الاسطوره656]

يعطيك العوافي اخوووووي وماقصرت على الفكررررره الاكثر من طيبه
وانا رائيي تكووون ايام الخميس او الجمعه
مشكوووور وما قصرت وربي لايحرمنا منك ولا من اقتراحتك وابداعك

[7abib]

تم التصويت

[AHN]

تــــــم التصويت .,.,,,,,,

[غرك زمانك]

تم التصويت اخووي ابو الريش ..

لكن ماتشووووف ان الموعد بعيد ؟؟

وعلى كلامك لنا 8 اشهر ماجتمعنا في قروبات اعرفها كل اسبوع تجتمع ..

مو كل سنه اخوي انا صوت و ان شاء الله ابحضر ..

لكن مو ممكن نسوي واحد اقرب حتى لو كان صغير مو مشكله ..

وانا اشوف الردود متحمسين الاعضاء ع التجمع ..

تقبل مروري غرك زمانك ..

[اكورد026]

مشكور اخوي وتم التصويت

لاكن الموقع بالدمام وين؟

وان شاء الله نجيكم

[lonly style]

من ناحيتي اول خميسيه راح تكون ممتازه لان عندي اختبارات على طول بعد الاجازه لذلك بحتاج اذاكر

[The Stig]

ريشو حبيب قلبي

انا بصيح ههههههههههههههههههه

يعني لما الواحد يرجع المنطقه ويقعد شهر كامل .. يصير مافي تجمعات ... في اليوم اللي يسافر فيه راجع للبلاد الاجنبيه :d تسوو تجمع ..

يلا بالتوفيق ... شوف لنا تجمع صغينون :d

[HKS]

تم التصويت

[ACCORD_COUPE 08]

يعطيك الف عااااااااافيه..
متى يجي اليوم بس ههههههههههههههههههههههههههههه
مستعجل حدي:d

[أبو الريش]

هلا بالشباب من جديد

غرك زمانك: شيك عـ الخاص ;) .

اكورد 026: راح يكون في الواجه البحرية من كورنيش الدمام .

عـاشق -بو علي-: ولايهمك بس راح اعطيك خبر ;)

اكورد كوبيه 08: راح يجي اليوم سريع سريع ;)

[غضب الاكورد]

يا خي الفترة بعيده

انا افكرها بعد اسبوع وتطلع بعد شهر لوول