تدوير الأطارات بشكل x

[المباشر]

السلام عليكم ورحمة الله وبركاتة

طبعآ البارح في الليل كنت ماسك خط وراجع لديرتي الحبيبه وعاد أنا ماسك الجوال وأحاول أسوي فيها فنان تصوير بس طلعت ماعندي سالفة لكن السوني أريكسون الجديد ان شاءالله جاي بالطريق ونشوف بعدين ;)



المهم نرجع لمحور حديثنا

كنت عند الوالدة الله يطول بعمرها وبعدين طلعت من عندها وفي يدي كاس شاهي وأطالع بالموتر وطبعآ لي 3 أيام أفكر أسوي تدوير للكفرات وعاد أمسكت عندي الا أسويها مع أني ترددت لأني لابس ثوب نظيف لكن قلت خربانة

( صحيح أني سويتها من قبل ورجعتهم اليوم الثاني بسبب الصوت المزعج ( ميشلان :p - لاتدقق ) لكن فكرت فيها وقلت خلني أسويها وحتى لو طلع الصوت يمكن يخف مع الأيام وتصير متساوية )

نصيحة : حاول تسوي تدوير للكفرات كل 10 الآف علشان تحافظ على الكفرات بشكل متساوي ويمكن ترتاح من صوتهم المزعج.

• العفريته الثانية أخذتها من سيارة أخوي
• صوت التواير ( الكفرات - الأطارات ) زاد وصار مزعج لكن ماعليه نتحمل ونشوف آخرتها مع ميشلان
• بعد مافكيت التواير لاحظت انها ماتوقف اذا وقفتها وتطيح على وجه الجنط . مادري هي من ثقل الجنط ولا علشان التاير ممسوح من جهه أو غير متساوى
• مدة العمل حوالي الساعة . عند البيت ( وفرت 40 ريال ) وكانت متعه ورياضة بنفس الوقت
• وفي النهاية سامحوني على التقرير البسيط ولكن أحببت ان أطرح تجربتي مع تدوير الأطارات
• طبعآ اللي راح يلاحظ الصور راح يشوف أني جبت العيد من بدري بسبب أني بدال ماحط التواير اللي قدام للخلف مثل الصورة رحت حطيتهم عكس يعني يبيلي اشيل الخلفية بس واعكسهم اليمين يصير يسار واليسار يمين ( الأسبير ماحطيته مثل الصورة خله جديد ماشاءالله )

الصورة الأولى ( طبعآ ماصورت كثير بحكم ان يدي كانت وسخه من التواير لكن أخذت كم صورة لكم )




الصورة الثانية











(((((((((( مهم جدآ ))))))))))

لــــــــــــــــــ اطارات بريجستون جي آر 80 فالطريقة الصحيحة هي كما في الصورة التالية واحذر تدويرهم بشكل X

يوجد سهم في الاطارات يبين اتجاه الاطار بالاتجاه الصحيح وعند تدويرها بالخطأ بطريقة X فيها خطورة كبيرة على الاطار لذا يرجى الانتباه

[King]

ماشاء الله عليك يا مشرفنا

صراحه عمل جميل جدا ً

وسالفة التوفير اعجبتني صراحه



انا مااكذب عليك
ماقد جربت الحركة هذه إلي تعكس الكفرات على شكل X

لكن نشوف نتائج تجربتك

وإن شاء الله تصير نتائج مفرحه

أشكرك على الموضوع الرائع

[و ص ص السعوديه 9 7 2]

بصراحه الي شد انتباهي الصوره الاولى ما شاء الله الكاميره صافيه

وبرضو تقريرك رائع بس انا ما عندي نيه ادور الكفرات لان لو بغيت افكها راح استبدلها بجديده

[salamify]

مــا شـــاء الله عليك يا المــبــاشـــر وبصراحة جهد تشكر عليه ..
تدوير الكفرات ينصح فيه كل 10 الاف كيلو وأنا دورت الكفرات ومن أحسن ما يكون ولله الحمد وإن شاء الله يخف صوت الميشلان معاك ..

[المباشر]

مشكورين على مروركم الحلو

اليوم كنت سهران عند شباب وطلبت عفريته من رجال عنده كورولا :p المهم بعض الشباب الله يهديهم يقولون ياخي وش لك بعوار الراس روح للبنشري و10 ريال وأنتهى الموضوع. << ماعليه الرجال ماينلام سألته سؤال طلع حتى لو بنشر عليه تاير ماراح يعرف كيف يطلع العفريته ومن جد يتكلم وقلت له خلاص تعال معاي ساعدني وراح علمك كل شي وبعدين قلت له ياخي لازم تتعلم ولا تعتمد على غيرك يسوي لك شغلاتك وهي بسيطة و10 على 10 صارت عشرين وانت رايح وأحلى توفير

المهم ضبطت التواير وعكستهم بطريقة صحيحة واللي بالخلف فقط اما الأمامية انا سويتها مضبوط ..

طيب في سؤال مهم جدآ من محجوب الله يعطيه العافية : يقول

طيب عكس الكفرات على شكل x كان الكلام اللي اعرفه أنا ... لكن ممكن تفسر لنا ليش نغير اللي ورا يسار بالسبير (الاستبنة)؟

شكرا مقدما ..

والجواب هو : الأستبنه تستخدمه مع التواير علشان يكون متوازي معاهم مع المدة ومايسبب لك مشاكل لو بنشر عليك تاير وركبته وهو جديد وصارت المقاسات فيها أختلاف بالمداس والتآكل

Five (5) Tire Rotation


While many vehicles are equipped with temporary spares that cannot be included in a tire rotation program, if the vehicle’s four wheels and tires on the ground match the spare wheel and tire (if non-directional and not branded "for temporary use"), they should be included in the tire rotation pattern. Follow the vehicle manufacturer’s recommended tire rotation procedures, or if not available, insert the spare in the right rear position at every rotation. Place the tire that would have gone to the right rear in the trunk as the spare until the next tire rotation.

• On front-wheel drive cars with full-size matching spare, rotate the tires in a forward cross pattern (Figure F)
• On rear-wheel or four-wheel drive cars with full-size matching spare, rotate the tires in a rearward cross pattern (Figure G)

Five tire rotation results in equally distributed use that will help maintain equivalent tread depths on all five tires throughout their life. When applied to many four-wheel drive and all-wheel drive vehicles, this is required to prevent driveline damage if a flat tire forces a new spare to be put into service with partially worn tires on the other three wheel positions.

[المباشر]

ماشاء الله عليك يا مشرفنا

صراحه عمل جميل جدا ً

وسالفة التوفير اعجبتني صراحه

انا مااكذب عليك
ماقد جربت الحركة هذه إلي تعكس الكفرات على شكل x

لكن نشوف نتائج تجربتك

وإن شاء الله تصير نتائج مفرحه

أشكرك على الموضوع الرائع

هلا وغلا

بخصوص التدوير أنصحك تسويها من بدري أو على الأقل اذا أخذت تواير جديدة لاتهمل الطريقة علشان تعيش معاك أكثر . ( أنا غلطتي ماسويتها من بدري كل 10 الآف والصوت عندي تقول جيب ) وحاليآ الصوت مزعج أكثر من أول لكن أعتبرها تجربة وأشوف اذا الصوت راح يخف ولا راح يكون نفسه في الشهور القادمة

بصراحه الي شد انتباهي الصوره الاولى ما شاء الله الكاميره صافيه

وبرضو تقريرك رائع بس انا ما عندي نيه ادور الكفرات لان لو بغيت افكها راح استبدلها بجديده

حياك يالغالي

الكاميرا تبع الجوال نوكيا n95 العادي بخاصية التصوير الليلي

مــا شـــاء الله عليك يا المــبــاشـــر وبصراحة جهد تشكر عليه ..
تدوير الكفرات ينصح فيه كل 10 الاف كيلو وأنا دورت الكفرات ومن أحسن ما يكون ولله الحمد وإن شاء الله يخف صوت الميشلان معاك ..

أحسن ماسويت ياطويل العمر وأشكرك لمرورك الرائع

[D.H.o.O.o.M]

يعطيكــ العافية على الموضوع مشرفنا الغالي

[S.M.A.R.T]

Well Done pal

[acura RL]

يعطيك العافيه اخوي المباشر ...

لكن سؤال ؟؟

هل الطريقه هذي تشمل الكفرات الرياضيه..

[المباشر]

تشمل الكل ياغالي

[أسير المشاعر]

انا سويت عكس للكفرات على 30 الف،،، ومااستحملت اجلس ربع ساعه خخخخخخخخ

وقفت عند بنشري ثاني ورجعتهم مثل ماكانووا ...

بس موعدنا بعد شهر علمني وش يصير معك عل تتعدل الكفرات ولا لا...

[momo]

انا سويت اكس على 80الف خخخخ وش عقبه بس اهمال وش اسوي

[المباشر]

انا سويت عكس للكفرات على 30 الف،،، ومااستحملت اجلس ربع ساعه خخخخخخخخ

وقفت عند بنشري ثاني ورجعتهم مثل ماكانووا ...

بس موعدنا بعد شهر علمني وش يصير معك عل تتعدل الكفرات ولا لا...

سويتها مثلك قبل :d وأتوقع على الـ 30 الف وياشيخ الصوت والله مايحتمل وطلعت للبحرين واليوم الثاني رجعتهم مثل أول ورصصتهم مرة ثانية بسبب الترصيص الأول ماكان مضبوط

لكن الحين خربانه وأفكر ابدلهم بتواير بريجستون جديدة لكن قلت أصبر وأشوف اخرتها مع التواير ان ضبطت زين ولا غيرناها

من الملاحظات اللي شفتها بعد التبديل المتأخر عدم كفائة البريك عند أستخدامة بسبب عدم توازن الكفرات وعدم اتزان السيارة في الطريق حتى بعض الأوقات داخل المدينة وعلى سرعات منخفظة تحس ان السيارة فيها مشكلة اذرعة

ليتني مبدلهم كل 10 الآف :(

[المباشر]

هل ركبت أطارات جديدة على سيارتك ؟؟؟

هل تريد المحافظة عليها لأطول أستخدام ووقت ممكن ؟؟؟؟

هل تريدها مريحة وبدون أزعاج بعد الأستخدام ؟؟؟

إذن الجواب هو تدوير الأطارات كل 10 الآف للمحافظة على مستواها العملي

أعملها بنفسك كرياضة للجسم ومتعة أو عند أي بنشري

كل ماتحتاج هو رافعة ثانية للسيارة


ماشاء الله تبارك الله

[Cruiser]

هنالك انواع كفرات احاديه الاتجاه (Unidirectional) ، بمعنى ان الكفر يجب ان يركب باتجاه واحد و لا يجوز ان تقلبه . في هذه الحاله لا يمكن ان تقوم يالتدوير على شكل X . فقط تبديل الامامي اليمين بالخلفي اليمين و تفس الشيئ لليسار .

تحياتي ،

[المباشر]

كلام سليم يطولي بعمرك والنوعية المذكورة يكون فيها سهم يبين أتجاة سير الأطار بالطريق الصحيح

http://www.tirerack.com/tires/tirete....jsp?techid=43

[memories]

ماشاء الله عليك يا مشرفنا

والله ماقصرت كفيت ووفيت

بس عندي سؤال : كيف الواحد يعرف انه كفرات سيارته تتبدل x او عادي؟

وشكراً

[المباشر]

الكفرات اللي تتبدل موجودة عندك اللي جات من المصنع مع السيارة

والنوع الثاني يجي فيها سهم يبين التوجيه الصحيح أو مكتوب في بعضها Outside/Inside

Unidirectional tires or tires with an inside and an outside are ALWAYS MARKED in words and in arrows on the "outside" and possibly the "inside"

ودائمآ اذا بتركب تواير جديدة يفضل من عند الوكيل مباشرة وتطلب منه ان النوعية تكون قابلة للتدوير كل 10 الآف

علمآ ان بعض الوكلاء ينصحون بالتبديل كل 5 الآف بس تقدر تسويها كل 10 الآف بدون مشاكل مع الترصيص الجيد للأطارات

[O m a r]

مـآ تقصر .. مكفي وموفي دايماً !

لكن ، تصدق طلعت البرجستون تورانزا الي ركبتهن .. ومشت معآي الآن تقريباً 11 ألـف! .. ما تتدوّر بشكل X ؟؟
فيهـآ السهم ( الي مدري وش قصته ) عموماً في هـالحــآلـه ؟ وش افضل شي أســويه ؟

[المباشر]

مـآ تقصر .. مكفي وموفي دايماً !

لكن ، تصدق طلعت البرجستون تورانزا الي ركبتهن .. ومشت معآي الآن تقريباً 11 ألـف! .. ما تتدوّر بشكل X ؟؟
فيهـآ السهم ( الي مدري وش قصته ) عموماً في هـالحــآلـه ؟ وش افضل شي أســويه ؟

أهلين عموور

أفضل شي تسويه تمر على الوكيل اللي ركبت عنده وتستفسر منه أفضل اذا تتدور عادي ولا تسويهم نفس الصورة تحت - ولا تنسى تعلمنا بنفس هالموضوع :d علشان يصير مرجع كامل

طبعآ انت تقدر تسوي مثل الصورة اللي على اليسار D

[Cruiser]

ماشاء الله عليك يا مشرفنا

والله ماقصرت كفيت ووفيت

بس عندي سؤال : كيف الواحد يعرف انه كفرات سيارته تتبدل x او عادي؟

وشكراً

عزيزي memories ،

كفرات الكوبيه التي تاتي راكبه على السياره من الوكاله Michelin Primicy HP تتبدل بشكل X ! لانها على ما اعتقد ثنائيه الاتجاه مع انها غير متماثله الدعسه من الداخل و الخارج .

تحياتي ،

[المباشر]

طبعآ النوع المركب على سياراتنا الأكورد هو ميشلان برايمسي بلس << مش متأكد بالضبط لأني مارحت أشوف التواير بس حسب ذاكرتي انه بلس

وهذه صور للتوضيح بأمكانية التدوير

واذا ممكن من أصحاب الكوبيه تزويدنا بصور

خلفي - يسار



خلفي - يمين



أمامي - يسار

[ـبطرانـ2005ــ]

طيب والي يقولك انه كان يسويها كل اسبوع >>> بس بشكل مغاير تمام

لاني افك الجنوط الزينه واركب الجنوط السود عشان المقاوم

وبيني وبينك صبحيت الخميس ما لنا شغل فيها >>>فنسوي الواجب ههههههههههه

وغير كذا من ذا الي ياخذ 40 على ذا الحركهـ

توني اليوم مغيرها >>>بعد ما تعيجزت اركبها بالبيت بـ15<<<لا ومع وزن الهوا

مشكووور حبيبي على الموضوع الحلو بس انتبه للنقشهـ زين عشان ما تطلع ازعاج

[memories]

عزيزي memories ،

كفرات الكوبيه التي تاتي راكبه على السياره من الوكاله michelin primicy hp لا تتبدل بشكل x ! لانها احاديه الاتجاه و غير متماثله الدعسه من الداخل و الخارج .

تحياتي ،

يعطيك العافيه خيو

انا على وشك تبديل الكفرات لأنه السياره قريبه من 10 الاف

شكرا لإهتمامك

[Cruiser]

تصحيح : التدوير بالنسبه للكوبيه حيث تم تعديل الرد رقم 21

تحياتي ،