هام جداً/ للي من الشرقيه بيعدل سيارته !!

**فقير الحظ** · 07-12-2007, 11:05 PM

السلام عليكم ورحمة الله وبركاته

شلونكم طيبين ان شالله

نخش بالموضوع

علشان ما اطول عليكم انا امس شريت من محل زينه السيارات واغلب القطع الي عنده قطع هوندا شريت منه جنوط زينه
الجنوط حلوه ماعليها .. المهم هو قالي الجنوط هذي ماتحصلها بالامارات ولو تلف السوق اتحداك تحصلها ومن هالكلام .. المهم الجنط عجبني شريته وشريت معه بلوط 20 بلط مع مفتاح طلعت علي بـ 150 ريال

المهم اخذت الجنوط طبعا بدون الكفرات مدري ليه

رحت لشارع الملك سعود بالدمام اول محل وقفت عنده علشان اركب كفرات لقيت عنده نفس الجنط الي شريته يوم سألت اليمني قالي هذا الجنط بـ ... طلع علي الفرق 400ريال يعني هذاك غاااااااااااالي مره عنده شغلات حلوه بس تحصل بالسوق مثلها

انا حبيت انبهكم علشان محد يشتري منه وينغبن مثلي

المحل هو بالدمام شارع الامير نايف آخر الشارع تلقا محطه وجمبه محل تلميع على ما اظن والي يبيعون فيه كلهم سعوديين هم اصحاب المحل انتبهووووووو لحد ياخذ من عندهم شي

**92.500** · 07-12-2007, 11:14 PM

ابشر .. ماحنا باخذين منهم شي

**فقير الحظ** · 07-12-2007, 11:22 PM

يعطيك العافيه على المرور ... بس ماباركتلي على الجنوط الجديده هههههههه

**92.500** · 08-12-2007, 12:39 AM

مبروووووووووووووووووووك .. تكسرهم بالعافية

م ط ي * * * · 08-12-2007, 01:59 AM

مبروك ترقابها رصيف بالعافية
وانا ساكن بالرياض مشوار اروح الشرقية عشان زينة سيارة :p

**ZO6** · 08-12-2007, 04:14 AM

مبروك الجنوط الجديده بس المحل اللي تقول عنه صحيح كلامه عنده شغلات ماتلقاها في المحلات الثانيه وانت تقول انك لقيت نفس الجنط عند اليمني بفرق 400 ريال لكن هل شفت صناعه الجنط اللي عند اليمني وقارنتها مع اللي شريته طبعا لا ... وانا بصراحه اتعامل من ناحيه الجنوط مع المحل اللي تتكلم عنه واسمه HOT LINE ولا شفت اي حاله غش منه ولا من اصحابه اللي معاه .

بس المشكله فينا حنا انه نشوف طقم جنوط عند محل ونروح محل ثاني ونلقى عنده نفس الجنوط وبسعر اقل خلنا نقول فرق 500 ريال ونقول لا والله هذا المحل غالي ومن هالكلام ياخي شوف صناعه الجنط من وين وتعرف ليش راعي المحل السعودي يفرق السعر بـــ 400 او 500 عن اليمني تلقى اللي عند السعودي صناعه افضل وقريبه من صناعه الاصلي وانا متأكد من هذا الشي لاني مغير جنوط سيارتي 3 مرات في سنه وحده ولا تاذيت من الجنوط من ناحيه رجه بالدركسون والخرابيط هذي اما اللي عند اليمني يبي يمشي البضاعه عليك وبس ... ولا همه صناعه الجنط ولاشي.

اسف على الاطاله لكن حبيت ابين لك الفرق بين الاثنين..

**الـمـسـافـر** · 08-12-2007, 07:06 AM

مبروووووووووووك الجنوط الجديده

**فقير الحظ** · 08-12-2007, 06:10 PM

الله يبارك فيكم

أخوي zo8

اخوي الله يسلمك انا ما قلت انهم غشاشين بلعكس راعي المحل يبي يتربح بس ياخي انا الي قهرني انه قال هذا الجنط مانزل ولا تلقاه بالامارت نادر ومدري ايش ومن اول محل وقفت فيه بعد ماطلعت من عنده لقيت مثله بالضبط ونفس الصناعه وبعدين على حد علمي ماتفرق الصناعه واجد كلها جنوط زينه بترقابها رصيف بتنكسر ياباني ولا تايواني

شاكر لك مرورك انت وباقي الاعضاء

بس انا الي بوصله ان سعره غاااااااااالي وتحصل بالسوق نفس الجنوووووووووووط بالضبط

اتمنى وصلت الفكره

**moosa_love** · 10-12-2007, 11:28 AM

اول شي مبروك على الجنوووط ويا ليت تصور لنا الجنط علشان نشوفه

لاني احتمال اركب جنوط قريب وكم مقاس الجنط ؟؟؟؟؟؟؟؟؟؟؟؟؟؟؟؟؟؟؟

**o-k-r** · 10-12-2007, 12:32 PM

من ناحية يغشوني بو يمن انسى يلعبون على واحد مثلي

اصيدهم صيد بالأسعار
في شي اسمة مكافحة الغش
طبعا هي متخفيه بالأسواق

ومشكور اخوي

على النصيحة

**فقير الحظ** · 10-12-2007, 07:24 PM

موسى ... الله يبارك فيك الجنوط مقاسها 18 بس المشكله اني قاعد ادورلها كفرات مالقيت للحين وان شالله بس اتعلم شلون انزل الصور للمنتدى ابشر بحطهااااا

okr

ياخي ياليت تدلني على مكافحت الغش ؟؟؟ وبعدين ذولي سعوديين مو ابو يمن طيب لو رحت لمكافحت الغش وش بيسوون بيقولون ليه تبيعه غالي !!! اكيد الرجال يبي يتكسب

تصور يا خوي انا اليوك كنت اسولف مع يمني اشتغل بمجال الجنوط 5 سنوات يقولي كنا نبيع البلوط الي تجي مع الجنوط بـ 50 ريال غير سعر الجنط وانا طال عمرك غشني ولد ديرتي اخذ مني 150 ريال على البلوط الي المفروض تجي بلاااااااااش مع الجنط طيب تبي تتكسب مني آمنا بالله بس بحدود المعقول قسم بالله اليمني الي يموت على الفلوس ما يسوي هالسوات

شي يقهر والله

**accord05** · 10-12-2007, 09:49 PM

الله يعوضك انشا الله والف مبرووووك يالغالي وانشا الله بعد ماتنزل صوور راح اركب مثلك يالغالي
نطقم يعني
والله انك صادق ولد ديرتك يغبنك

**هوندا قوه الاحلام** · 19-12-2007, 04:48 PM

اولا مبروك على الجنوط ولا تنسانا من الصور
وثانيا تفرق انا سياره راحت علي بسبت جنوط تجاريه تكسرو علي وانا في الخط وسياره تشليح وكان صناعتهم صيني
وسمحلي على الاطاله

**المـــــلكـ اكـــــورد** · 19-12-2007, 10:29 PM

مبروك على الجنوط وتكسرها بالعافيه

ممكن سوال>> لما سالت اليمني عن سعر الجنوط شاف الجنوط اللي شريتها ؟

المقصد من السوال انه بعض الخلق يشوف الجنط معك ويقولك ترى سعره كذا لانه متاكد انك مراح ترجعها وتاخذ اللي عنده >>يعني حركة نذاله

**يامطنش** · 19-12-2007, 11:05 PM

المشاركة الأصلية كتبت بواسطة الملكة اكورد

مبروك على الجنوط وتكسرها بالعافيه

ممكن سوال>> لما سالت اليمني عن سعر الجنوط شاف الجنوط اللي شريتها ؟

المقصد من السوال انه بعض الخلق يشوف الجنط معك ويقولك ترى سعره كذا لانه متاكد انك مراح ترجعها وتاخذ اللي عنده >>يعني حركة نذاله

والله ايد كلامك لا تستغرب شي

**فقير الحظ** · 22-12-2007, 02:38 AM

المشاركة الأصلية كتبت بواسطة هوندا قوه الاحلام

اولا مبروك على الجنوط ولا تنسانا من الصور
وثانيا تفرق انا سياره راحت علي بسبت جنوط تجاريه تكسرو علي وانا في الخط وسياره تشليح وكان صناعتهم صيني
وسمحلي على الاطاله

ياخي بالله ياليت تفيدني اكثر اليوم ركبت الجنوط التجاريه الصينيه ويوم الجمعه راجع الشرقيه وش رايك افكهاولا اخليها بس ما اسرع عليها بالخط ؟؟؟؟

**فقير الحظ** · 22-12-2007, 02:40 AM

المشاركة الأصلية كتبت بواسطة الملكة اكورد

مبروك على الجنوط وتكسرها بالعافيه

ممكن سوال>> لما سالت اليمني عن سعر الجنوط شاف الجنوط اللي شريتها ؟

المقصد من السوال انه بعض الخلق يشوف الجنط معك ويقولك ترى سعره كذا لانه متاكد انك مراح ترجعها وتاخذ اللي عنده >>يعني حركة نذاله

نفس الجنوط الي شريتها من الي غشني شفتها عند اليمني نفسها بالضبط وابشرك انا امس كنت بالغرابي الاسعار ارخص وارخص ونفس الاشكال بعد في محل اسمه الزوف بالغرابي عنده مثل الجنوط الي ذكرتها وبسعر رخيص

**أكورداوي** · 23-12-2007, 07:57 PM

سبق وأن حذرنا من هذا المحل .. لكن الموضوع كان الموضوع فأكيد انك مادريت عنه ..

على العموم الله يبارك لك بالجنوط ..

**هيبة ملك** · 28-12-2007, 05:09 AM

مبرووووووووك ع الجنوووط يعطيك خيرها ويكفيك شرها ..

شفت صورها بموضوعك الثاني

الصراحة ماشاء الله مرة حلوة

بس يبغالك تنزلها شوي و تطلع في التوب

تحياتي

**ZO6** · 29-12-2007, 02:05 AM

أرجع واقول ان راعي المحل السعودي مايغش زباينه ابد

**فقير الحظ** · 29-12-2007, 09:19 PM

المشاركة الأصلية كتبت بواسطة ZO6

أرجع واقول ان راعي المحل السعودي مايغش زباينه ابد

ياخي يسلم راسكـ مايغش أحـد بس اسعاره غاليه على الفاضي !!!

وبعدين كيف مايغش احد ؟؟؟ اجل بلوط تجي مع الجنوط بلاش يعطيني اياهم بـ 150 وابو يمن يبيعها 50 << هذا النصاب يبيعها بـ 50

وياليت تقول صناعته اصليه ولا درجه اولى !! يمكن تحصل الي عند ابو يمن اطلق شوف جنوطي من امشي ميه شوي وتنطل من الرجه

وبعدين على فكرهـ مكتوب بالفاتوره ان البضاعه لا ترد ولا تستبد يعني لو تطلع من المحل ولا تركب الجنوط ماتقدر ترجعها انسا انا اخبر ان باقي المحلات ا1ا شرت جنط من عندهم ولا ركبته تقدر ترجعه خلال يوم او يومين ...

**NEO FOX** · 29-12-2007, 11:29 PM

HOT LINE

بالذات لي تجربة مرة معاه ، غشني باصطبات ، وبعد البيع بيوم يعني اقل من 24 ساعة رفض اي مساعدة او ارجاع لبضاعته الخايسة ، يعني قبل البيع كلام حلو و وعود و حركات ، وبعد البيع تغير الوجه مية بالمية ، واذا تبي تتأكد ارجعله و قله كيف تقول ما الاقي الجنط في اي مكان ، وشوف كيف المعاملة ، انا بالبداية انخميت لانه سعودي ومو كل يوم نتعامل مع سعودي في زينة السيارات لكن HOT LINE بالذات شي ثاني

انا كتبت اكثر من مرة بالمنتدى احذر منه

ولعلمكم الي يقلكم مافي مثل بضاعتي في السوق فأقله كذاب بين عيونه ، لانهم بالنهاية كلهم بيشترو من المصنع نفسه او الموزع نفسه فلا نضحك على بعض

و على فكرة كثير من الشباب كتبو في منتديات أخرى يتكلمو عن حالات غش بالبضاعة او السعر يعني مو اول مرة

كلامي اقوله للتنبيه ، ومثل ما يقولو اسألو مجرب ولا تسألو طبيب

**ZO6** · 30-12-2007, 01:40 AM

المشاركة الأصلية كتبت بواسطة فقير الحظ

ياخي يسلم راسكـ مايغش أحـد بس اسعاره غاليه على الفاضي !!!

وبعدين كيف مايغش احد ؟؟؟ اجل بلوط تجي مع الجنوط بلاش يعطيني اياهم بـ 150 وابو يمن يبيعها 50 << هذا النصاب يبيعها بـ 50

ولامره شفت محل جنوط يبيع الجنط مع البلوط

لان الجنط مايجي معه بلوط انت تشتريله بلوط :p

هذي نقطه .....

المشاركة الأصلية كتبت بواسطة فقير الحظ

وياليت تقول صناعته اصليه ولا درجه اولى !! يمكن تحصل الي عند ابو يمن اطلق شوف جنوطي من امشي ميه شوي وتنطل من الرجه

المشكله من عند المحل اللي مرصص كفراتك عنده :d ,,,, ارجع للبنشري ( ابو يمن :p ) وخله يرصصهم لك مضبوط. ماله دخل الجنط

وهذي الثانيه.....

المشاركة الأصلية كتبت بواسطة فقير الحظ

وبعدين على فكرهـ مكتوب بالفاتوره ان البضاعه لا ترد ولا تستبد يعني لو تطلع من المحل ولا تركب الجنوط ماتقدر ترجعها انسا انا اخبر ان باقي المحلات ا1ا شرت جنط من عندهم ولا ركبته تقدر ترجعه خلال يوم او يومين ...

لو انك سائل راعي المحل على الجنط هل هو يركب ولا لا كان قالك روح عند البنشري اللي جنبه وجرب الجنط على سيارتك هل هو يركب ولا لا

دائما انا اسويها قبل لااشتري الجنط....

وهذي الثالثه......

**ZO6** · 30-12-2007, 01:46 AM

المشاركة الأصلية كتبت بواسطة NEO FOX

HOT LINE

بالذات لي تجربة مرة معاه ، غشني باصطبات ، وبعد البيع بيوم يعني اقل من 24 ساعة رفض اي مساعدة او ارجاع لبضاعته الخايسة

وضح اكثر كيف غشك باصطبات ( اشرح )

**civic sir** · 30-12-2007, 02:15 PM

مشكووووووووووور أخوي على الموضوع :d :p

ومشكوووووووووووووووور مرة ثانية.....

الموضوع: هام جداً/ للي من الشرقيه بيعدل سيارته !!

أدوات الموضوع

عرض