تقرير عذابي مع الصيانة 20 الف

[Accord_Akkawi]

امس 9 - 5 - 2009
السلام عليكم ياشباب
من امس وسيارتي بالصيانة
عشان صوت التابلو والدرج وتبديل كفرات X و ميزان ستيرنچ وتغيير زيت وفلتر زيت
المشكلة مو بالوقت انا استأجرت سيارة امشي نفسي الين ما تخلص المشكلة بهالموظفين العلــــــــه
لاحظت انهم مو فاهمين شي وكل واحد يرميني للثاني اليكم الموضوع بالتفصيل
امس الساعة 9 صباحاً كنت بمكتب الخدمة السريعة ولا مدري وش يسمونها المهم كنت في المكتب حق اللي يغييرون فيه زيت وفلتر وهناك
السلام عليكم
وعليكم السلام
ابي ادخل سيارتي صيانة العشرين الف
قالي ابشر هات كرت الضمان
اتفضل
نص ساعة وتخلص
عندي ملاحظات
اجل روح لقسم الصيانه عشان تاخذ موعد ماقدر ادخلها عن طريقي
وفي قسم الصيانة
السلام عليكم
وعليكم
لو سمحت بدخل سيارتي صيانه وعندي ملاحظات ابي موعد
في موعد بكره تعال بكره
لا بخلي السياره عندكم
اجل ماعندك مشكله
الاسم الكريم
اعطيته اسمي و و الخ
اتفضل ارجع لقسم الخدمه السريعة عشان تكمل الإجراءات
وهناك
مرحب
هلا
اخذت موعد لبكرا
ممتاز ايش ملاحظاتك
صوت التابلو والدرج وتبديل كفرات X و ميزان ستيرنچ حذفه يسار
سجلت لك عالورقه حذفه + ملاحظات وهمه بيتصلون عليك << ام الكسل مو قادر يسجل الباقي
لو سمحت سجل باقي الملاحظات افضل ماظنيت يتصلوا
الا الا بيتصلوا
ياخي لو سمحت سجلها اضمن وافضل

1. لا لا مافي داعي خذ هذا برنت وروح لهم اكد ملاحظاتك اذا تبي

^^ كل هذا عشان لا يسجل هالكلمين
في قسم الصيانة
لو سمحت ممن تسجلي الملاحظات
ليه ما سوولك التسجيل رح له خليه يسجل لك
رجعت للخدمه السريعه لو سمحت ياخي سجلولي هالملاحظات وخلصوني ابي امشي
ماقدر اسجلها عندي لازم تتسجل عالكرت حق الصيانه ارجع لهم
رجعت لقسم الصيانه يا خي لو سمحت ممكن تساعدني سجلي هالملاحظات خلني امشي
لا ما ينفع اللي دخل السياره هو اللي لازم يسجل
وهنا ارتفع الضغط وبرزت عروق رقبتي وانفتح فمي بالصراااااااااخ
ايش فيكم انتم مو صاحيين روح وتعال وتعال وروح ويش انتم صيانه ولا قاعد اطارد في معامله بدائرة حكوميه منتم بصاحيين
وقتها قام رجال سوداني كبير بالعمر قالي ياخي روق وقلي بايش اخدمك قلت السالفه تيك تيك تيك
قالي ولا ايهمك مسك الورقه وسجل الملاحظات وصورها وارفقها بالملف وقالي خلاص اتوكل على الله
...................... هذاذ كان امس .............
اليوم 10 - 5 - 2009
رحت بعد الصلاة لاني اعرف دوامهم يبدأ من الساعة 1 عشان اسأل اذا خلص الموتر ولا لأ لانهم جابولي السكر وانا اتصل وماحد يرد المهم رحت ونفس الشي
السلام عليكم لو سمحت ابغى اسأل اذا خلصت سيارتي قالي مين استلمها قلت له قسم الخدمه السريعة قالي روح عندهم قلت ايوه بس السياره تحولت لكم عشان الملاحظات يقولي لا ما هي عندنا طبعاً كل هذا وهو ما ناظر وجهي قاعد يناظر شاشة الكمبيوتر تقول انه مدير بنك المهم قلت لع هيه انت ناظرني انا اسال عن سيارتي وينها
قالي مو عندي ورديت للعصبية وقلت امحق من صيانه هذي معامله لدائره حكوميه مو صيانه ورجت لواحد اسمه توفيق
قلت له ياخي كذا كذا من امس ايش الاستهبال حق موظفينكم
قالي روق ماعليك
وروح لواحد اسمه احمد الطيب ورحت وانرزيت بهالكرسي الين 1 و نص وما حد جا قمت لشبيب نحيف مثلي :d
وقلت له ياخي يرحم والديك بس شفلي موتري وين خلص ولا لأ خلني امشي اذا لأ
قالي ابشر والله واخذ الورقة وراح غاب حول الـ 5 دقايق وقالي اعذرنا اخوي لسه ماجاه الدور موترك <<جزاه الله خير
وسحبت نفسي ومشيت وها انا هنا اكتب بقهر عن خدمة الصيانه في صيانه عبدالله هاشم طريق خريص الرياض
والسلام عليكم ورحمة الله وبركاته

[Cruiser]

شيئ محزن والله استهتارنا في العالم العربي بجوده الخدمه و وقت البشر .


الله يعينك اخي ، كلنا في الهوا سوا !!!

[اتحادي]

والله قمة المهزله و الاستهتار في معامله الناس

اللي يقول كأنك جاي بتاخذ منه فلوس و لا جاي ببلاش انت مدخلها

مالهم رقيب عليهم يعلمهم الادب

والله خطاب و ارسله على ايميل الشركة الام اخوي عكاوي الى اليابان لا توريهم الادب كيف

الله يكون في عونك

[كوكو2009]

استهتار بمعني الكلمه والله مايمشي حالك الا بلساااااااااااان طوويل والعين الحمراا وتوصلها للاداره عشان تخلص شغلك بدري بدري ..... سيارتي لها اسبوعين عشان عمود الدريكسون قال طلبيه الحين له اسبوعين ولسه ماتصلوووو ..لاكن بعطيهم مهله لين بعد الاختبارات واجلس لهم عند باب الوكاله كل يوم الله يعين الجميع

[ابوعليان]

الله يعينكم والله بس حنا بالدمام غير اول ماتدخل خدمه ولا احلى منها في واحد واقف ويرشدك بالمكتب يشوفلك اذا مهندس فاضي ولا مشغول ويخدمونك ويعطونك كلام ولا اروع

بس مااقول الى الله يعينكم

[accordLTR]

والله لو اني منك مارحت لهم في خريص
اعوذ بالله زحمه وهم السبب فيها
واذا جيت هناك كأنه كل اللي بالسعوديه ومعاهم اكورد موجودين هناك

[ثــلــج مــشــوي]

علشان كذا من الحين اسحب على الوكاله احسلك

نهب وقله حيا

وموترك انت عارف وش فيه

غير كل شي برا
\
دورلك ورشه حلوه وسولك جدول بالقطع الي غيرتها وعمرها الافتراضي

ومارح تحتاج للوكاله

المفروض انك دخلت على مدير الصيامه على طول السلنتح الي تحت خلك منهم [cente[/center]

[honda2007]

الله يعينك على المعاملة الزفت ما عدهم اي اهتمام بالعميل
وزي ما قال اخوي ثلج مشوي المفروض تروح الى مدير الصيانة لان ما ينفع معاهم الطيب
في فرع الدمام من يقول الي روح الى فلان احقره واروح الى مدير الصيانة ما ابي اعور راسي بالروحة والجية

[Accord_Akkawi]

السلام عليكم يا شباب
تم الاتصال من الوكالة بي وطلبوا مني الحضور لاستلام السيارة
وهناك
قعدت ادور السياره ماحصلتها رحت لقسم الخدمه السريعة
وجاني الدور
ودار الحديث التالي
السلام عليكم
وعليكم
وين سيارتي
بالمواقف اللي تحت المبنى
كويس عشان الشمس
هاه كم الحساب (انا قلت بدفع 400 او 450 ان طااارت)
ويقولي 630 ريال
ليييييييييييه
بدلنا الفحمات الخلفية
ومين قالكم تبدلونها
ليه ما اتصلوا فيك
ياخي كل شوي وانت قايلي اتصلوا وما اتصلوا وين احنا عايشين ترانا في بلاد عربيه يابو
ومين اذن لهم يبدلوا الفحمات الخلفية
الحين تبي تقنعني ان الفحمات الخلفيه خلصت قبل الأماميه
ترا انا مو ابن امس في السيارات لي 11سنه من موتر للثاني
واعرف ان الأمامي يهتري قبل الخلفي والعمر الإفتراضي
للفحمات في حالة الإستخدام العادي من سنه لسنه ونص هذا المامي والخلفي سنتين بالراحه << حسب خبرتي واستخدامي القليل يعني ما امشي كثير
لا ياخي موديلات الهوندا 2008 و 2009 غير
لا ياشيخ ليه يعني 2008 و 2009 تطير وانا مادري كلها سيارات مثل بعض
اذا تبي نرجع الفحمات القديمة وتعال بكره استلمها
انتو شغل استهبال اقسم بالله ما عدت اجيكم انا كل دخلتي لهالقسم عشان الضمان مايروح مو اكثر
ياخي اذا الحين رجعنالك الفحمات القديمه على مسؤليتك واذا خربت الهوبات على مسؤليتك ويمكن يروح الضمان
قلت في عقلي " تسوووووووووووو " < صاروخ ،،، هذا بس يبي يبيع والسلام
طيب ابي اجرب السياره
ادفع بعدين جرب
وش انتم مرور ادفع بعدين اعترض
ماني طالع الين ما اجرب
ممنوع ما اقدر
طيب والحل
الرجال حس انه زودها قالي خذ هذي ورقة خروج على مسؤليتي قبل لا تدفع روح جربها وتعال
انا هنا انحرجت وقلت له كيف ياخي تثق فيني انت من وين تعرفني مو يمكن اجحدك[/COLOR]
اذا جحدتني بيني وبينك رب العالمين
انا هنا طاح وجهي و
طلعت جربت السياره اوكيه والحمد لله
ورجعت اعطيته فلوسه ومشيت
ورحت البيت والاقي الفحمات اقديمه بالشنطه
اشوى ما اخذوها اناظر الفحمات والقى انها توها تمشي بالراحه 8 شهور ثانيه قلت كويس بتنفعني مستقبلاً
ولكن الحمد لله راحت الحذفه اهم شي يعني احس انهم صلحوها

[اتحادي]

يا عمي و لا تنحرج و لا شي مو كفايه المعامله اللي بيتعاملو فيها مع الناس

و كويس انك رجعت له والله لولا المخافه من رب العالمين ما كنت رجعت له

[AHN]

حتي أنا اليوم ., وديتها .,.
وقالولي لازم نغير الفحمات .,. الخلفيه .,.,
ورااح يسون غسيل مكينه <<< يوخرون الترسيبات .,
وتشيك ال20000 كيلو .,
كذ هذا اب 800 وشوي .,.

سؤالي .,. مو الفحمات ع الضمااان .,. لسا مااكملت الـ 20000 كم .,.,
ياشباب ., الي يعرف يرد .,.,
ودي لو مره أستغلهم .,

[Accord_Akkawi]

حتي أنا اليوم ., وديتها .,.
وقالولي لازم نغير الفحمات .,. الخلفيه .,.,
ورااح يسون غسيل مكينه <<< يوخرون الترسيبات .,
وتشيك ال20000 كيلو .,
كذ هذا اب 800 وشوي .,.
سؤالي .,. مو الفحمات ع الضمااان .,. لسا مااكملت الـ 20000 كم .,.,
ياشباب ., الي يعرف يرد .,.,
ودي لو مره أستغلهم .,

اففففففف 800
الفحمات عضمان جيبتك اي ضمان هذا ...... عحسابك يا باشا :p
واي ترسبات الله يهديك سيارتك توها جديده اللي يسمعك يقول معك كابرس 79 :d
لا تسوي التصفيه
التصفية هذي الناس تسويها للسيارات القديمه انا اقولك ليه
زمان قبل لا يطلع البنزين الجديد 91 و 95 كان البنزين فيه شوائب
وكمان الزيوت القديمه مو بنفس جوده الجديده حقت هاذي الأيام
وتقفيلة المكاين القديمه برضوا مو بنفس جودة تقفيل المكاين الجديدة
يعني مثلاً بتلقى داخل مكينه كابرس قديم تراب وحصى صغير وكربون ويمكن تلاقي ديناصور ميت داخل :d
لكن احنا ماشالله سياراتنا عمرها اشهر ولسه ما بدأت تصير " هرمه "
يعني كبيره بالعمر ومكاين يسياراتنا مصنوعه بطرق مقفله بشكل ممتاز حتى تعيش عمر أطول
ولا تغير الفحمات لا يقصون عليك ترا الفحمات القديمه عندي وتعيش كمان 6 الى 8 شهور بالراحة
واذا غيروها خذ القديمه معك تنفعك بوقت طفره :d
بس ليه 800
انا دافع ريال630 شامل الأجور وكل شي ;)
وشوف ايش سويت
1- صوت الدرج
2 - صوت التابلوا
3 - تبديل الكفرات بشكل x
4 - ترصيص + ميزان
5 - زيت وفلتر زيت
6 - تشييك عام عالسياره
7 - فحمات خلفية << هذي حطوني تحت الأمر الواقع من دون ما يخبروني

[اتحادي]

والله 800 ريال مره كثير

بس ليه تغير الفحمات يا علي و انت ما جيت الــ 20000 ؟؟؟

[AHN]

يعطيكم العافيه .,. ع الرد الواافي .,.
والله قالي الفحماات خلاص ميته .,. ما تكمل ولا اسبوعين .,., << ويقول اذا بتخليها أحتمال يخرب عليك الهوب .,.

فا انا قلت توكل ع الله وسوها .,. أما عن الغسيل المكينه ... قريت الورقه الي تبين كيف طريقة شغله .,
ومكتوب ., أنك لازم تسويها اذا كانت السياره جديده.,

[ثــلــج مــشــوي]

كان قلت بكل بساطه رجعوا السياره وفكوا الفحمات ورجعوا فحماتي

فحماتي وكيفي ...وانتم تتحملون قيمه شغل اليد :d

[امبراطور الاكورد]

يشباب لاتسوون الا صيانه 40000 لان فيها قطع ولا اشتر القطع وغيرها بأي ورشه ووفر اكثر من نص السعر والضمان مستمر

[الدكتور محمد]

[quote=امبراطور الاكورد;236986]يشباب لاتسوون الا صيانه 40000 لان فيها قطع ولا اشتر القطع وغيرها بأي ورشه ووفر اكثر من نص السعر والضمان مستمر[/quot

كيف ؟؟؟

[النمر الاسود]

السلام عليكم ورحمة الله وبراكاته
احب اقول كلمه ولا يزعل الحاضرين والقارئين
لاني انا نفس الحكايه زعلان مررررررره من خدمة الوكاله
رح الوكاله صيانة 1000 كيلو وهذا بعد ما تفحص السياره زين ولك راي فيها ولك شئ وبعدها حتى السياره تروح تشليح لا تروح فيه ورشة على كيفك وعندهم خبره احسن من الوكاله
لان انت تروح الوكاله وما تلاحظ فيه لوحة مكتوب عليها الصيانه ثلاث سنوات ولا 60000 كيلو افهم يعني كيف سياره ما مشت هذا المشي وتخرب السيارة تخرب بعد ثلاث مئة الف كيلو
يعني ياخذون فلوسك على الفاضي احفض فلوسك في جيبك والظاهر اعطوك كتيب الصيانه على شان تقرا فيه مو ترميه في الدرج حق السياره ويغبر وتقول صيانة الوكاله
بس غير زيت مكينه وزيت القير وادعس وماعليك والكفرات بس لا تزيد عن كذا مجرب سيارات كثير وخبره عمر في السيارات
اتمنا من الجميع يحيط بهاذي المعلومه
ولا ياخذك الحماس سياره جديده

[ملك مملكة جدة]

ايش الجديد .. وضفين الصيانة مو فاهمين من بدري !

الشرهه مو عليهم على الي شغلهم

الشرهه الي على الي يشغل سعودين بالمكانيكا و السمكرة

يا بعدي انا جيت ابغى ادخل سيارتي صيانة 80 الف و كان عليها فلتر k&n قال لي نشيلة و نحط فلتر الوكالة ؟

قمة الغباء