قصتي مع صيانة وكالة هوندا

**lonly style** · 12-05-2009, 12:14 AM

السلام عليكم ورحمة الله وبركاته ...

ذهبت الى وكالة هوندا بسبب صوت مزعج للهواء وترصيص كفرات طبعا سيارهـ من اخدتها كدا اوكيه

وكانو يصرفوني كل مرهـ، اوديها صيانه المووووهيم طفرت ورحت ليهم ..

قلت ليهم السالفه قال المهندس الهندي اطلع معاك اجربها وطلع وسواقته الله بالخير وبريكات اعوذ بالله منها لو يستخدم السيارهـ يومين خلصو القماشات ..

الموهيم اقتنع ان السيارهـ فيها صوت بعد ماكان يقول طبيعي والرجه طبيعيه << اول مرهـ يشوف سيارهـ جديدهـ فيها صوت 120 ورجه ...

الموهيم قال الرجال لازم تجيبها الصباح وانا كانت رايح العصر وانا رجال ماعندي وقت ..

قلت اوكيه هدا الكلام قبل سبوعين اليوم طنتشت وطلعت للوكاله دخلت السلام عليكم السلام وش عندك قلت له صوت في النافده وترصيص قال لي روح هناك رحت هناك قال لي ارجع هناك وكل واحد يرميني على الثاني ..

شوي الا المهندس الهندي يقول لي اوكيه بس لازم خلي يومين قلت له شدعوهـ يومين ترصيص ماياخد ربع ساعه وتبديل ربله ماياخد ساعه ليش يومين وانا رجال اشغالي مو فوقي لتحتي .. قال زحمه قلت له لا لازم يخلص اليوم رحت للأثنين السعوديين الي كانو موجودين علمتهم السالفه الا واحد حساوي ناط لي يقول لي طيب خلي السياره قلت له كيف اروح الدوام قال روح بتكسي قلت له ليكون مطلع سيارهـ جديدهـ على شان كل يوم اخليها في الوكاله يومين واطلع من الصبح ادور تكسي واطلع في القايله ادور تكسي قال طيب مانقدر ؟؟ وبعد القيل والقال اتفقنا يعطوني موعد بعد المعاناهـ .. وش رايكم يا ناس في هالوكاله

**slaitr** · 12-05-2009, 12:40 AM

الله يعينك بس وش تقول
يمدحون التويوتا يقولك الصيانه 60 دقيقه واي عيب مصنعي يصلحونه باقصى سرعه <<<متعوب عليها
انا كنت ابدخل سيارتي صيانة 120 الف قالي بتقعد 3 ايام عطيته بالخامس<<< قصدي بـ D :d

**meshoo** · 12-05-2009, 12:51 AM

شكلهم يبون الصراخ والفضايح هذا الي ينفع معهم

**المباشر** · 12-05-2009, 12:32 PM

من غير مجاملات .... العيب فيكم وفي أسلوبكم.

اذا تبي تخلص موترك تعال بأسلوب واذا قال لك زحمة خله يطبع لك تقرير أو سو موعد وتعال لهم وقت ثاني وانتهى الموضوع

والغلط منك قالك خل الموتر وأنت سحبت عليه .. وجيته وقت الزحمة يعني وش تتوقع يسويلك.

طول بالك ووسع صدرك وبصراحة ماعمري جيت لصيانة الدمام بنفس شينه أو عصبية وسبحان الله كل طلباتي تتنفذ...

فكر قبل كل شي أنك لو زمرت على الموظف أو عصبت عليه تفكر راح يضبط لك الموتر - مالك أمل .