وش اغرب مخالفه حصلت لك مع المرور ,,\

**فقير الحظ** · 13-05-2009, 11:49 AM

السلام عليكم ,,

كيفكم ,,

موضوع بسيط ,,

ماهي اغرب مخالفه حصلت عليها من مرورنآ الرهيب ,,!

انا عن نفسي عطاني مخالفه ,,

تركيب انوار غير مصرح بهآ ,,

هههههه

الكلام هذا العام على طريق الدمام الجبيل

كنت مركب زينون على المكس ونشب لي ,,

،،

وبرضوا خويي عطآه مخالفه اسمها

عدم التزام التعليمآت والاوامر ,,

هههههههههه ياعمي على كيفك !

هذا الي بيخلص الدفتر مهب عارف شلون ,,

,,

ومرهـ كنت راجع من الرياض انا وواحد من قرايبي ,,

متخاوين بالخط ,,

المهم انا كنت قدامه والرجال وراي كان الوقت متأخر بالليل ,,
قريبي كان جواله مفصول وكان يبغآ مني شغله فقام يكبسلي
ويطفي انواره ويشغلهآ كلها كم دقيقه وتشوف الفورد ورا صفطه وعطآهـ مخالفه

عدم تشغيل الانوار او شي زي كذا ,,

يعني اذا انت اخذت مخالفه غريبه ,,
او تعرف احد اخذ مخالفه بلا طعمه على قولت السواريه :d
اسدحهآ فيذا ,,

وسلامتكم ,,

**S.M.A.R.T** · 13-05-2009, 12:05 PM

ههه

ذكرتني بموقف صارلي مع رجل الامن << امحق رجل امن

شفت الرادار وسويت فيها اني كشفته واشغل الفلشرات عشان اللي ورا ينتبه:p ..... ويوم وصلت للتفتيش قال الرخصة والاستمارة واصفط .... قلت في نفسي اكيد بلغ عني ابن اللذينا على الفلشرات ........ قالي العسكري عارف ليش وقفتك قلت والله ياصديقي ما ادري:p
( استهبل عليه طبعا ) قالي الحين بتعرف بكتبلك المخالفه وتعرف ....... حكيت راسي وقلت يا رجال قوله واللي يصير يصير .... قلت يعني عشاني شغلت الفلشر قال اهاااااااا وش دخلك تنبه اللي وراك ؟؟ منت مسؤول عنه:p .... المهم من هون لا هون زحلطن وما عطاني مخالفه
وقال ((( لا عاد تعودها ))) قلت ابشر طال عمرك

وبص

**أبو الريش** · 13-05-2009, 12:34 PM

لول
والله ان سوالفكم معهم يبو بسااام و جوزيف ام الفلللله هههههههه
----
والله ما صارت لي مواقف معهم <<< منظبط و مهتم مع انطمة السـلامة تحت شعار من الخسائر في آرامكو:d <<<مال امها داااعي :o
و اخذت مخالفه وحده وهي كانت في تجمع الشرقية الخامس و السبب مافيش لوحة هع هع
---
لكن نسدح لكم سالفة واحد من الشباب شكله ما يوحي انه كـبير مدري ليش :d
و عنده موستنج الشكل الجديد

طبعا خوينا ماله و مال احد ,, سواقه ركود,, اول ما يركب سيارته الحزام قبل كل شي

يوم من الأيام على الكـورنيش يمشي ,, تعداه دورية و في التعديه راعي الدوريه حاط عينه في عينه
المهم جان يمسك بريك قوي و يشغل اللواح ,, و قااااااااق قااااااااااااااااق
خوينا صفط الموتر
راعي الدورية: لـيش سارق سيارت ابوك

خوينا: وهذي سيارة تشوفه مناسبه لـ أب ؟!
راعي الدوريه: ليش لا ... عطني الرخصه والإستماره
خوينا: استهبل عـليه وعطاه الأحوال و الإستماره
راعي الدورية: تستهبل انت!!
خوينا: لا والله نسيت ,, اسمح ليي تعرف مع تقدم التكنلوجيا ما صرنا نفرق بين الأحوال و الرخصة :p
راعي الدورية: مخالفة لـ استخفاف رجل المرور

شباااب قد واحد سمع بـها من قبل

يخرب بيته

**Dodiii78** · 13-05-2009, 12:49 PM

تحياتي للجميع
قبل فتره في ايام العزوبية والشباب كان معي ترانس ام قديم موديل 77 ~ الله يرحم ايامه الله اعلم وين صارت اراضيه الحين
المهم كنت مركب عليه هدرز ومواصير شفط مو دبات كان الصوت عالي مره ^^ والصوت يبين لما تدعس بالذات ويوم ماشي صباح يوم الخميس بروح افطر كبده شغلت الموتر وسبته يحمى بدون حنه وحركت وتوني ما دقيت الاول وادعسلو شوي ^ مبسوط الشارع فاضي ^ شوي والقى الدوريه وراي يقول^^ وقف ياراعي الصفرا ^ موتر لونه اصفر^ وقفت
قال ^^ رخصه استماره
قلت ^^ تفضل وجلس يسجل مخالفه وشفته يشيك على السياره على اللاسلكي

قلت^^ عسى خير

قال ^^ ماتعرف انه الصوت العالي ممنوع

قلت^^ لا ماعرف :p
قال^^ هذا انت عرفت
واخذت المخالفه 150 ريال ايامها.
وسلامتكم

**meshoo** · 13-05-2009, 12:54 PM

اقول كل واحد يطلع لنا بمخالفات جديده اول مره اسمع فيها :d

والله لابد يثقفون رجال المرور عندنا والله مايصير كذا وقت ماتطق براسه طلع لك مخالفه من تحت الارض وصرف لها مسمى بعد

لكن لاحياة لمن تنادي

ودي بس يخلوني لواء والا عقيد لكم شهر بس :d

**فقير الحظ** · 13-05-2009, 03:13 PM

المشاركة الأصلية كتبت بواسطة امير الهنادي

ههه

ذكرتني بموقف صارلي مع رجل الامن << امحق رجل امن

شفت الرادار وسويت فيها اني كشفته واشغل الفلشرات عشان اللي ورا ينتبه:p ..... ويوم وصلت للتفتيش قال الرخصة والاستمارة واصفط .... قلت في نفسي اكيد بلغ عني ابن اللذينا على الفلشرات ........ قالي العسكري عارف ليش وقفتك قلت والله ياصديقي ما ادري:p
( استهبل عليه طبعا ) قالي الحين بتعرف بكتبلك المخالفه وتعرف ....... حكيت راسي وقلت يا رجال قوله واللي يصير يصير .... قلت يعني عشاني شغلت الفلشر قال اهاااااااا وش دخلك تنبه اللي وراك ؟؟ منت مسؤول عنه:p .... المهم من هون لا هون زحلطن وما عطاني مخالفه
وقال ((( لا عاد تعودها ))) قلت ابشر طال عمرك

وبص

هههههههه

والله سو خير وقطه بحر << مدري اظن هنا مكان المثل:d

ياخي ماله حق يخالفك قله راعص الفلشر بالغلط

ومحد معصوم عن الغلط ,,

اتمنى انك تعاود المشاركه

ترا المجال مفتووح والدعووه بساط احمدي

سوالف على هالعسكر ,,

تحياتي ,,

**فقير الحظ** · 13-05-2009, 03:15 PM

المشاركة الأصلية كتبت بواسطة أبو الريش

لول

والله ان سوالفكم معهم يبو بسااام و جوزيف ام الفلللله هههههههه
----
والله ما صارت لي مواقف معهم <<< منظبط و مهتم مع انطمة السـلامة تحت شعار من الخسائر في آرامكو:d <<<مال امها داااعي :o
و اخذت مخالفه وحده وهي كانت في تجمع الشرقية الخامس و السبب مافيش لوحة هع هع
---
لكن نسدح لكم سالفة واحد من الشباب شكله ما يوحي انه كـبير مدري ليش :d
و عنده موستنج الشكل الجديد

طبعا خوينا ماله و مال احد ,, سواقه ركود,, اول ما يركب سيارته الحزام قبل كل شي

يوم من الأيام على الكـورنيش يمشي ,, تعداه دورية و في التعديه راعي الدوريه حاط عينه في عينه
المهم جان يمسك بريك قوي و يشغل اللواح ,, و قااااااااق قااااااااااااااااق
خوينا صفط الموتر
راعي الدورية: لـيش سارق سيارت ابوك

خوينا: وهذي سيارة تشوفه مناسبه لـ أب ؟!
راعي الدوريه: ليش لا ... عطني الرخصه والإستماره
خوينا: استهبل عـليه وعطاه الأحوال و الإستماره
راعي الدورية: تستهبل انت!!
خوينا: لا والله نسيت ,, اسمح ليي تعرف مع تقدم التكنلوجيا ما صرنا نفرق بين الأحوال و الرخصة :p
راعي الدورية: مخالفة لـ استخفاف رجل المرور

شباااب قد واحد سمع بـها من قبل

يخرب بيته

اما استخفاف برجل امن ,,

لو ترك سبب المخالفه فاضي احسن له ,,

نورت ياباشه ,,

**فقير الحظ** · 13-05-2009, 03:17 PM

المشاركة الأصلية كتبت بواسطة dodiii78

تحياتي للجميع

قبل فتره في ايام العزوبية والشباب كان معي ترانس ام قديم موديل 77 ~ الله يرحم ايامه الله اعلم وين صارت اراضيه الحين
المهم كنت مركب عليه هدرز ومواصير شفط مو دبات كان الصوت عالي مره ^^ والصوت يبين لما تدعس بالذات ويوم ماشي صباح يوم الخميس بروح افطر كبده شغلت الموتر وسبته يحمى بدون حنه وحركت وتوني ما دقيت الاول وادعسلو شوي ^ مبسوط الشارع فاضي ^ شوي والقى الدوريه وراي يقول^^ وقف ياراعي الصفرا ^ موتر لونه اصفر^ وقفت
قال ^^ رخصه استماره
قلت ^^ تفضل وجلس يسجل مخالفه وشفته يشيك على السياره على اللاسلكي

قلت^^ عسى خير

قال ^^ ماتعرف انه الصوت العالي ممنوع

قلت^^ لا ماعرف :p
قال^^ هذا انت عرفت
واخذت المخالفه 150 ريال ايامها.
وسلامتكم

هههههه

احس لو تتفلسف على راسه خمس دقايق ينلحس ويقول حرك ,,

انا اخبر اذا وقفوني التفتيش وانا مطيح اقوله المساعد خربان والكفرات صغيره واصرف له ,,

بس يدري انها تصريفه هههه

حياك الله ,,

**فقير الحظ** · 13-05-2009, 03:20 PM

المشاركة الأصلية كتبت بواسطة meshoo

اقول كل واحد يطلع لنا بمخالفات جديده اول مره اسمع فيها :d

والله لابد يثقفون رجال المرور عندنا والله مايصير كذا وقت ماتطق براسه طلع لك مخالفه من تحت الارض وصرف لها مسمى بعد

لكن لاحياة لمن تنادي

ودي بس يخلوني لواء والا عقيد لكم شهر بس :d

يرجال خلها على الله ,,

هي جت على المرور بس ,,

احوال , مرور , جواوات , شرطه ,

اقسم بالله يا ناس ذاك اليوم داق على المرور 7 مرات مايردون

الساعه 9 الصبح !!

**oden** · 13-05-2009, 04:13 PM

انا ما اخذت غير تضليل مع انه مو كتم 01
بس تعرفون الربع اول ماشم ريحه تضليل
لحقني وقامي يكلمني (( وقاف ياراعي الكامري ))
كنت ناوي اوقف بس بعد ماقال الكامري سحبت عليه
الى ان تجازني وحدني على الجلد
ومسوي فيها انت ماتسمع كم مره قلت لك وقف

قلت ماسمعت الا تكلم راعي كامري
وانا عندي سوبارو

قال الرخصه واستماره واعطيه
وسجل المخالفه ماحصل غير تضليل

========

وقوف خاطئ
والله ظلمني فيها اشوي وانزل امردغه

وانا في السوق مع الاهل قالوا يبون ينزلون عند المحل الفلاني
ما حوله مواقف وقفت دبل بس انزل الاهل وبمشي
اول مانزلوا اعشق اول
الا الفورد جاي طاير ويصفط قدامي
الرخصه واستماره
يمين يسار الا يقول مخالف وقوف غير نظامي

**open window** · 13-05-2009, 04:47 PM

وش رايك باللي اخذ مخالفة استخدام السيارة فيما لا يرضي الله :p
والثانية استعمال المركبة لغير الغرض الذي رخصت من أجله :p
بتقول وش هذي بقولك الى يومي هذا مدري وشي عطانيها وقال لي لا تناقش :p

**oden** · 13-05-2009, 04:48 PM

والفلله

خويي مركب سستم صوت على اللانسر
كنا واقفين عند صيدليه ولا مطول عليه واجد
الا راعي الدوريه واقف عندنا الرخصه والاستماره

عطاهم للعسكري وطلع الدفتر ايش فيك ؟
ايش مسوي انا قال يعني ماتدري ؟؟
لا والله ما ادري
ماتدري انك مطول على المسجل ومزعج العالم؟؟
والله مو مطول عليه وتوني اسمع انها مخالفه
الا مخالفه ازعاج الغير
والله مدري
وكم تصريفه ومشاها لنا

**open window** · 13-05-2009, 04:59 PM

نسيت شي بعد مرة قاعد يلحقني راعي دورية وطفشني ويوم وقفت قالي الرخصة والاستمارة عطيته
تدرون وش المخالفة الي عطاني اياها ؟
عدم الوقوف عند لوحة قف :p
يوم قلت له اي لوحة قف قالي هذيك الي هنااااااك وراح :p
وقعدت ساعتين ادورها ما لقيتها :p

**accordLTR** · 13-05-2009, 05:35 PM

هههههههه والله يالمرور عندنا توحفه

اقولك ذاك اليوم كنت مسرع على طريق القصيم وغارق بالسواليف مع اخوي الا ويصيدنا الرادار

وعطوني مخالفه عاديه ولا فيها اي مجال للشك (((استاهلها))))

لكن المشكله يوم رحت اسددها بالصرافه طلع نوع القسيمه (((تسيير معدات زراعية)))) بمبلغ 300 ريال

والى ساعتكم مدري وش معني نوع هذي القسيمه مع اني يوم استلمها وهي سرعه

**المـــــلكـ اكـــــورد** · 13-05-2009, 05:51 PM

انا اخذت مخالفة سرعة على الدائري <<ايام الكامري

ولما جيت بسددها ...لقيتها اثنين في واحد <<سرعة و تظليل

الحمد لله الاكورد ولا مره اخذت مخالفه ...

وعن قريب باخذ مخالفة تظليل كامل السياره 02 <<واثق:d

يعطيك العافيه ياعمر..

**فقير الحظ** · 13-05-2009, 07:13 PM

ههههههههههه

مشكورين على المشآركه ,,

,,

//

\\

//

\\

فقير الحظ ,,

**فقير الحظ** · 13-05-2009, 07:16 PM

المشاركة الأصلية كتبت بواسطة open window

وش رايك باللي اخذ مخالفة استخدام السيارة فيما لا يرضي الله :p
والثانية استعمال المركبة لغير الغرض الذي رخصت من أجله :p
بتقول وش هذي بقولك الى يومي هذا مدري وشي عطانيها وقال لي لا تناقش :p

الاولى اتوقع انك رافع صوت المسجل ,,

الثانيه اتوقع انت مفحط ,,

ياليت تعطينآ تفاصل المخالفه ,, وكيفيتهآ ,,

كيف صارت متى ,, شلون ,,

وش سويت قبل المخالفه,,

**ـبطرانـ2005ــ** · 13-05-2009, 07:42 PM

طيب والي مركب جنوط سود <<< كل ما شافهـ عسكري وقفهـ وخلاهـ يفتح الشنطهـ

وفي النهايهـ <<< يقولك انت اليوم مفحط صح ولا لا <<< الغبي يشاور يعني مثلا انا مفحط بأقولهـ ايه هههههههههههه

ولا الثاني الي وهو يفتش السيارهـ <<< شاف سلك حق محول الكهرب من 12v-220vقال اهاااا انت الحين مرهم في السيارهـ <<<كفشيني الولد >>>قالت لهـ وانا استهبل ايه يعطي حدود سبعه حصان >>> قالي طيب اركب السيارهـ وانتظرني لين اجيك <<<واحتريهـ واحتريهـ واحتريهـ وفي الاخر يقول يالله روح ولا تتعودها <<< انا الى الان ما عرفت وش الي لا اتعودها هي السبعه حصان ولا قصدهـ المحول هههههههههه

ملخص الكلام الدعوهـ كلها (((( المخالفهـ جايتك جايتك<<< بس انت اعترف على شي هههههههه))))

مشكور فقير الحظ عالموضوع

**غرك زمانك** · 13-05-2009, 09:18 PM

وش اسخف من هاذي الخالفه ..

رفع صوت المذياع ؟؟

والله العظيم .. ماادري وقفنا ويقول رفع صوت المذياع .. مبلغها 100 ريال ؟؟

المشكله مو سستم ولا في اي قانون في اللائحه اسمه كذا ؟؟

لكن ..؟؟ الزرار 6 شهور ..

غرك زمانك ..

**باريس نجد** · 13-05-2009, 11:53 PM

تبون تسمعون عن اغرب مخالفه ... طبعاً الاحداث صارت لي في امريكا .. زي ماتعرفون اني ساكن هناك
مالكم بالطويله

اللي صار .. كنت طالع من صلاه الجمعه .. تونا مروكعين وقايم بالفرض ياربي لك الحمد ..
مريت المحطه وقلت ياولد كاس قهوه يبيله مزاج .. ووقفت وشريت لي كاس قهوه من المحطه

مسكت الخط السريع علشان ارجع للبيت .. وكان الخط شوي زحمه المهم

اللي قدامي كان جيت شروكي .. واللي يسوقه بنت .. مادريت الا الجيب غطس وجهه وارتفع شنطته .. والاخت طالعه رجله مع الديكور من قوه الفرامل

المهم .. انا سيارتي هاك الوقت مهيب ذاك الزود .. واي بي طع .. وارتفع الكبوت شوي .. مع الضربه

يوم جاء العسكري .. قالي بعطيك مخالفه لانك ماتركت مسافه بينك وبين اللي قدامك .. قلت له يابو الشباب الحين انا اللي متظرر وسياره الجيب ماجاه شي ولا علشانه بنت يعني وانا شين مابي ملح

قالي لا هذا القانون .. وطلع لي الدفتر .. ووراني مخالفات اربعين حادث قدامي نفس المشكله ..
والله مصيبه انك تصدم وتاخذ مخالفه انك صادم

ماقول الا حسبى الله ونعم الوكيل .. بهاك البنت اللي شكله مفرمله علشان ذبانه ضربت قزازه قدام

**أغـار يا هـوندا** · 14-05-2009, 01:54 AM

والله آخرها أخوي قبل أمس
قسيمه النور حقه الواطي محروق
قال لرجل المرور إن الزينون توه أنحرق قال آه ومركب زينون قال له زينون وكاله
قال آه كيف زينون وكاله وسيارتك موديل 2003 قال له أخوي شوف الاستماره شافها لقاها 2009 قال آه طيب أنوارك لازم تصلحها
قال أخوي أبشر ولا يهمك قال رجل المرور بس لازم قسيمه
الثانيه
رجل مرور ممكن تقول غبي
والله هذا الحاصل مسك أخوي قال ليش عندك زينون قال أخوي زينون وكاله
قال طيب أنا عندي كورولا فل كامل مافيها زينون
قال أخوي يابن الحلال فرق بين كورولا وأكورد
وأنا الحمد لله من تزوجت ما أحد وقفني ولا أحد أعطاني قسيمه,,,,,,,,,,,,
وصار لما تكون زوجتي مو معي ويوقفوني
ويقولوا إثباتك أطلع كرت العائلة وأقول بطاقتي في البيت
والله مايقولوا لي شي من أول ما يشوف كرت العائلة وكمان الكارت أبو قديم الكبير من جد ذاك الكارت له هيبه هههههههههههههههههههههه:d:d

**ن ع ر السعودية 0005** · 14-05-2009, 03:32 AM

والله موضوعك حلو يا فقير الحظ منها نشوف المخالفات إلي ما لها تفسير ولا معنى يعني بس صار عسكري خلاص يعطيك إلي يبي وإذا ناقشت قال إلحق أنت ما يفيد معك إلا الحجز .... وأنا صراحة ما يحظرني شيء لكن لي رجعه على الموضوع منها نشوف وش المخالفات إلى حصلت للأعضاء ونعطيكم سالفتنا ..... وإلي يبغى يشوف ويضحك من قلب على ما يحصل من هالعسكر يدخل اليوتيوب ويشوف مقاطع لطاش ما طاش قديم وعنوانه عيد وسعيد له 3 أجزاء على اليوتيوب وجايبين قصة حاصله في الواقع من ذاك الوقت إلى هذا الوقت وهم على نفس الحال ما تطورو إلا من فترة بسيطة ...و أنا ماعرفت أنزل المقطع بس إلي شافه يعطينا رايه فيه ....

**يامطنش** · 14-05-2009, 08:23 AM

واحد من الشباب يعلمني سالفه وفي ذمته

يقول عندهم عامل على كفالتهم جاهم يوم ومعه مخالفة عكس سير

طبعاً بتقلون عادي لاكن المصيبه ان العامل اخذ المخالفه وهو يسوق سياكل:d

عاكس سيار بسيكل تخيلو

**open window** · 15-05-2009, 12:23 AM

اليوم حصلي موقف مع واحد من حقين الدوريات يمشي قدامي وانا رايح للبيت ويمشي قدامي كانه داري وين بروح
يوم قربت عند البيت وهو يوقف قدامي ويولع السفتي وانزل اعطيه الرخصة والاستمارة تدرون وش قال ؟
وش عندك تلاحقني من شارع الى شارع

قلت انا الاحقك انا اذا شفتكم افر منكم فراري من الاسد قال اجل اكيد معك شي(بغيت اقوله ارحمنا يا كونان ) وينزل يفتش السيارة يوم مالقى شي الا كتب جامعة الملك سعود :p قال طيب وش عندك تدور قلت له انا ما ادور انا اصلا رايح البيت قال وبيتك وينه قلت هذا هو الي واقفين قدامه
ثم قال لي لا يا شيخ على مين تلعبها كل ما وقفنا احد قال الي جنبنا بيتي قلت له دقيقة ودقيت على جوال اخوي ومن زين الحظ ما رد
طفشت منه عاد وقلت له امش معي افتح لك الباب واقلط معي اذا منت مصدق
قال لي تحسبني بقول لا واخليك تروح يالله امش ومشى معي يوم فتحت الباب بالمفتاح طاح وجهه واعتذر وقال احسبك تلعب علي قلت له لا عادي ما بغى يفارقني...
وادري طولت عليكم الكلام زيادة لكن وش اسوي طفشوني هالدوريات اقسم بالله يوم اروح اتمشى كأن فيه حظر تجول اشيل همهم ويطفشوني وارجع البيت احسن...

**ACCORD_02** · 16-05-2009, 02:23 PM

والله وش تقول ووش تسوي
الله المسنعان

انا من يوم ماشريت الاكورد امسكت3 او 4 مرات (نسيت)

1- اول مره عشان تضليل ومع اني كنت حاط (كتم)
بس الحمد لله العسكري مع انه (سري) طلع طيب مع اني ماعندي رخصه
قالي فك التظليله وجلست بالشارع اشقق فيها وهو يستنا
بعد مافكيتها عطاني الاحوال والاستماره ومشا دون مايعطني مخالفه
على عدم حمل رخصه و تظليل.

2- نمسكت عند نقطة تفتيش واخذت مخالفة عدم حيازة رخصه
وكان قيمتها (900)ريال
والله قهر

3- هذي اصعب شي
لحقني الين ماوقني يوم نزلت قال الاحوال والاستماره والرخصه
عطيته الاستماره
قال وين الاحوال والرخصه
قلت له رخصه ما عندي واحوال ناسيها بالبيت
قال الحقني القسم
رحت القسم وما جلست نص ساعه والا وانا طالع عندي وسطات
بس

4- هذي مرت سليمه
كنت زي الي قبلها ناسي احوالي بالبيت
لحقتني الدوريه
كنت واقف وقوف خاطأ
وشف راعي الدوريه جاي مقلع قلت ذا شكله ناويلي
قلت الله يعين الحين بيصير لي نفس الموقف السابق (حبس وحوسه)
واطفي المبات وادعس
بالبدايه كنت ماشي بشوارع عامه وكنت مره مسرع
وهو وراي مافي امل ناويلي بالقوه
وادخل فيه حواري على سرعه
(واغلب اللفات الي دخلتها اغلبها بجلنط)
بس وضيعته
هع هع هع

ومشكور على الموضوع المميز يا فقير الحظ
واسف لاني طولت