.
.
سكرو اللمبات
والبيبان
وسكرو الستاير
وخلو الغرفه ضلام...
زمان والله يرحم كلمة زماااااااان
زمان لمن كنت صغير ولمن اسوي شيطنه وشقاوه وعفرته اهلي كانو يقولولي دحين يجيك النمنم ابو ديل يانموور
وكنت اخاف...:d
دحين
صرت اسمع بكلمة نمنم مرة تانيه
وصارت تطلع اشاعات عن النمنم مرة تانيه
وولد عمي يقول انا شفت نمنم في المدينه وهو ند بيت سته في اخر الليل وكمان جالس ياكل في عامل بنقالي جمب صندوق زباله اكرمكم الله
وفي شخص يقول...
مره من المراااريير في مكه المكرمه
كانت في حرمه حامل وتنشر الغسيلات في السطوح
قم نقز اخونا النمنم عندها ويطاردها وهي تجري وفجئة قدرت تخرج وتقفل باب السطوح
والمفاجئة هو دخل وهي مهي داره ولمن شافته اتفجعت وماتت من الخوف
والنمنم قام دبح بطنها وطلع الجنين واكله وبعدا اكل الحرمه ...
مدري مدخلت مزاجي هدي الحكايه...
وفي حكاية تالته
يقول عامل بنشري يماني
ولمن كان بيقفل الورشه
جاله شخص مخيف اسود البشره اسود سواد الليل وباين
وانيابه طالعه وحاده ولونها اصفر مايل للاحمرار وعيونه حاده وحممممره
ورجل وحده رجل بني ادم والتانيه حافر حمار وله ديل
ويقول سريع مرررررررره...
مادخلت مزاجي
وجاتني قبل فتره رساله تقول...
اصدرت مصادر في جده انا قبضت على نمنم في
حي النزله معتقده بأنه الوحيد الموجود في جده ومن
ثم دل النمنم المقبوض عليه بأنه ليس هو الوحيد
وهم منتشرين في عدة مناطق
........./×فاحذروا يا اهالي جده×/.......
ويقولو هدا الكائن المتوحش الوحشي الشبح
يعيش في الخرابات وبين الجبال ومنتشر في الطائف ومكه والمدينه والجنوب
واليمن
وانتم ايش تقولو حقيقه ام خرافة و من اساطير العرب الخيالية
رد مع اقتباس
النمنم ابو ديل...حقيقه ام اسطورة من اساطير العرب
ضوابط المشاركة
مواقع النشر (المفضلة)