ياحسود افرح " حادث غبي "

**Accord_Akkawi** · 30-05-2009, 04:49 PM

السلاااااام عليكم يا شبيبة
يوم الأربعاء وتحديداً الساعة 8:30 مساءً
كنت راجع انا وعيالي من المستشغى بعد زيارة طبيب الأسنان :d
آآآآآآآآآه يا ضروسي وطبعاً مو دكتور ميكانيكي انواع التعذيب تحس انك في معتقل
المهم دخلت في شارع الثلاثين ابي الف وارجع " يوتيرن " وكنت ماشي صح ورابط الحزام وبالمسرب الصحيح
وفجأة الاقي نفسي بعرض الشارع مع صوت فرامل كحييييييييييييييييييت وبوري طاااااااااااااط بنفس الوقت
يعني قمة افلام الرعب وانا ما خفت إلا على بنتي الصغيرة عمرها 4 شهور الله يحفظها
نزلت مادري وش فيه
والاقي مخش في الدام الخلفي قلت بعقلي الحمد لله والله مع هالأصوات والزحفه قلت الشنطة راحت
المهم قلت اهم شي انا وعائلتي بخير الحمدلله الحمدلله الحمدلله الحمدلله الحمدلله الحمدلله
اناظر وش اللي صاقعني في 3 سيارات واقفين ليه ؟؟ مادري
المهم انا اصلاً مادري مين اللي صاقعني
وأشوف واحد شبيب نزل من فورد يقولي سلامات سلامات حمدالله عالسلامه جاك شي قلت الحمدلله وانت فيك شي قال لأ
المهم قاللي وش تآمر فيه انا جاهز قلت له تعال وقف على جنب مالها داعي نعطل السيارات ويوم وقفنا على جنب
ونزل والله حزنت عليه قاللي اللي تبيه ابشر من عيوني
عاد انا داري ان الدنيا آخر شهر والرواتب باقي ما نزلت قلت خليني اشوف اذا معه تأمين نتفاهم وإذا ما معه خليه يروح ماجاني الا مخش وحرام اخذ من الرجال فلوس وانا اساسا ما احب اسلوب الطرارة
المهم قالي معي تأمين قلت له ممتاز اجل خلينا واقفين ننتظر المرور
اتصلنا واعطونا رقم شركة نجم وعلى الطرف الآخر من الهاتف جانا رد من موظفه .. المهم بعد اخذ المعلومات والا الموظفه تقول
سوف يأتيك نجم "بأسرع وقت ممكن " هنا قمت اضحك انا والرجال
وأسرع وقت ممكن كان بعد ساعتين من الإنتظار بهالحر مع الدنيا ليل بس حررررررررر
جا نجم أفندي وقام بإجراءاته واليوم طلعت من الصبح اطارد ما بين المرور وشركة نجم وشركة التأمين والمراجعه بعد اسبوعين
وجا التقدير بـ 500 ريال عاد انا سألت الورش معظمهم طلبوا مابين 600 و 750 دهان فرن للصدام يعني بكمل من جيبتي

عالعموم الحمد لله انها جت كذا بس المخشه قهر يعني حادث غبي

القهر مو عالحادث القهر ان السياره زحفت زحفه الــــــيـــــــــــــــــمــــــــة ما توقعت الهوندا خفيف لهالدرجة ؟؟؟

المطلوب يا شباب
اعطونا ورشه تدهن الصدام الخلفي
فرن بسعر قليل وشغل نظيف ما ابي رش " فرررررررررن "
علماً ان موقعي في الرياض
واللي يبي يخدمني اكثر
او فاضي يرسلي جواله عالخاص
ولكم جزيل الشكر

**Dodiii78** · 30-05-2009, 04:59 PM

اول شي الحمد الله عالسلامه ياصديقي

والله يعوضك خير ان شاءالله
وبالنسبة للورشة في ورشة بصناعية الشفا
واحد تركي بس ايش شغلو من الاخر صح

بس خليني اتأكد من اخواني اذا كان ضايل
عندهم التركي وله لآ وبردلك ان شاء الله
والحمد الله عالسلامه مر تانيه

**اتحادي** · 30-05-2009, 05:04 PM

حمدالله على سلامتك اخوي اكورد عكاوي انت و اهلك

و ما تشوف شر ان شاء الله

و ان شاء الله ترجع سيارتك احسن من اول

**Ëńġ․ℱάίśάℒ** · 30-05-2009, 05:06 PM

اول شي الحمد الله على السلامه وماتشوف شر في الحديد ولا فيك ...

احلى شي وانت تحكي كاني معاك بالسياره <<--- مندمج لا كمان مسوي محكاة على الحادث :d

والله للاسف ماعرف في الرياض ورش ولا شي بس لو تبي رائي الشخصي لو المخش بسيط ويروح بالتلميع حط 500 في جيبك و امشي .. ;)

**نصووري** · 30-05-2009, 05:14 PM

ما تشوف شر ان شاء الله

و ان شاء الله ترجع سيارتك احسن من اول

**Accord_Akkawi** · 30-05-2009, 05:39 PM

المشاركة الأصلية كتبت بواسطة Dodiii78

اول شي الحمد الله عالسلامه ياصديقي

والله يعوضك خير ان شاءالله
وبالنسبة للورشة في ورشة بصناعية الشفا
واحد تركي بس ايش شغلو من الاخر صح

بس خليني اتأكد من اخواني اذا كان ضايل
عندهم التركي وله لآ وبردلك ان شاء الله
والحمد الله عالسلامه مر تانيه

ثـــــانك يوووووو ... وانا بإنتظارك

المشاركة الأصلية كتبت بواسطة اتحادي

حمدالله على سلامتك اخوي اكورد عكاوي انت و اهلك

و ما تشوف شر ان شاء الله

و ان شاء الله ترجع سيارتك احسن من اول

ياخي انت مادري ليه مع اني ما شفتك بس احبك في الله ياخي :d

المشاركة الأصلية كتبت بواسطة Aoccrd 2009 v6

اول شي الحمد الله على السلامه وماتشوف شر في الحديد ولا فيك ...
احلى شي وانت تحكي كاني معاك بالسياره <<--- مندمج لا كمان مسوي محكاة على الحادث :d
والله للاسف ماعرف في الرياض ورش ولا شي بس لو تبي رائي الشخصي لو المخش بسيط ويروح بالتلميع حط 500 في جيبك و امشي .. ;)

وانا قاعد افكر بنفس الطريقة ... الله يجي اللي فيه الخير وشكراً لك;)

المشاركة الأصلية كتبت بواسطة نصووري

ما تشوف شر ان شاء الله
و ان شاء الله ترجع سيارتك احسن من اول

تسلم بس انت فاقع النور الأصفر لييييييييه مافي ضباب بالصفحة :d

**الــــمــــحــــتــــار** · 30-05-2009, 05:43 PM

وعليكم السلام

الحمدالله على السلامه وخفيف الحادث وان شاء الله يرجع موترك احسن من اول

اما الورشه ماظنتي بتلاقي ورشه سعره قليل وشغله نظيف

**B Useful** · 30-05-2009, 06:18 PM

الحمد لله على سلامتك وسلامة اهلك اولاً واخيراً ..
وظز في الحديد هذي 350- 400 ريال اوديك ورشة شغلها مضبوظ وبوية فرن توني مطلع سيارة خويي من عندهم راش الصدامين .. ولا ترشهم الا قبل تشوف شغلهم .

ثاني شي احمد ربك ان صدام الهوندا خفيف لهالدرجة !! ليييييش ؟؟؟

لانة يمتص الصدمة افضل من يكون مصنوع الحديد وماسك في الشاسية .. يصير بدال ما ينعفط ويتكسر ويتفشفش ويتشقق ويذوب الصدام الفيبر <<< كيف الوصف .. بدال ذا كلة تخيل انة حديد ؟؟ ينعفط الصدام ويعفط معة الشاسية والشنطة واحتمال يتأثر داخل السيارة وينكسر القزاز الخلفي !!!

^^ فكر في الموضوع مرة ثانية وتشوف وش الافضل ،، حديد ولا فيبر ^^

**المباشر** · 30-05-2009, 06:56 PM

^^^^^

الحمدلله على سلامتك وسلامة الأهل ..

الحديد يجي غيره واللي صار بسيط والحمدلله

خلك مع كوكوكورد ولن تندم وستصلح سيارتك بأسرع وقت ممكن مع جودة لا يعلى عليها << وش رايكم بس ;)

**lonly style** · 30-05-2009, 07:37 PM

لو انك بالشرقيه كان خدمتك لكن في الرياض ماعرف

**أبوكرم** · 30-05-2009, 08:52 PM

أهم شيء سلامتك و سلامة عيالك

الله يخليهم لك
وكوكورد ما قصر جزاه الله خير

**King** · 30-05-2009, 09:08 PM

لا حول ولا قوة إلا بالله

حسبي الله ونعم والوكيل

الحمد لله على سلامتك وسلامة أهلك بالأخص بنتك ( :o )

واعجبني تصرفك مع الطرف الآخر , فعلا ً تصرف جميل

والحمد لله على سلامتك , الله يحفظك

**open window** · 30-05-2009, 09:49 PM

سلامات يارجل والحديد قصدي الفايبر لا تشيل همه

**ثــلــج مــشــوي** · 30-05-2009, 11:00 PM

الحمد لله على السلامه

واهم شي سـلامة بنتك ام اربع شهور >>> تراها خطيبتي انتبه لها :p الله يخليها لك يارب ويصلحها ...

**amer09** · 30-05-2009, 11:16 PM

الحمدلله على السلامه وما تشوف شر وانشاء الله يكون اخر حادث
وبالنسبه لنجم نفس الحاله قعدت من الساعه 1 الظهراللين 2:45 نستناه طال عمره ويوم
جا يقول وش اسوي الحوادث ماتجي الا بعد الظهر

المشكله انو ابو شراره يقول المفروض ما تقعد ربع ساعه الاو الدوريه عندك ان كانت نجم ولا مرور

حبيت اقولك شغله بعد اللي هي انك تشيك على الكلبسات اللي ماسكه الصدام من تحت احتمال انها تكون مكسوره
لانو انا واحد دقني من ورى الدقه خفيفه وما هي خفيفه
ويوم روقت عليها شفت الكلبسات مكسوره :(
فانتبه لا تمسك خط وتوصل بدون صدام وترجع له مره ثانيه في الرياض
<<< طولت عليك صح :o

**Dodiii78** · 31-05-2009, 12:52 PM

مرحب Accord_Akkawi كيف الامور ان شاء الله طيبه
ان شاء الله انه الرجال التركي اللي قلتلك عنه انه موجود وانا من رأي تروح عنده تشوف شغله وان شاء الله هيزبطك او شوف الورشة اللي يعرفهم اخونا كوكو كورد
المهم العنوان صناعية الشفا تحصل مسجد كبير في وسط الصناعية خلي المسجد على يمينك وانته متجه شرق وامشي لين يسكر الشارع حرف T لف يمين وامشي لين يسكر الشارع حرف T الورشة اللي على الزاوية اليسار
وان شاء الله يفيدونك.
وبالتوفيق

واسفين عالتأخر

**راعي الحلم** · 31-05-2009, 01:07 PM

سلامات جت سليمه.... والحمد لله على سلامتكم وما تشوفون باس
وجعل السيارات اللي بالشارع كلها فداء لراس بنتك (الله يحفظها ويخليها لك)

بالنسبه للورش في الرياض ما أعرف للأسف
بس ما عليك يا رجال الشغله بسيطه وان شاء الله ترجع احسن من اول

**Dodiii78** · 31-05-2009, 01:15 PM

بالنسبة لشركة نجم وما أدراك ما نجم
اللي حصل معي يوم بلغت على ضربة السيارة الاسبوع الماضي حولني المرور على نجم وتم التبليغ الساعة 2 ظهراَ والحمد الله تم وصولهم طبعا بعد 10 اتصالات والكذبات اللي يصرفوك فيها الساعة 5:45 مساءاَ
طبعا اسرع كذبة عندهم هي عنده حالة ثم بيتوجهلك <طبعا هذا الكلام الساعة 2
الثانية هو الان متوجه لك < طبعا هذا الكلام الساعة 3
الثالثة مر بطريق حالة وخلصها وهو الان متوجه لك < اشوه والله انه دقله حبه كبسه واعطاها نومه < طبعا هذا الكلام الساعة 4:30
و و و و و
الاخيره اللي بسببها فقعت معي وبدى ضغطي يرتفع وبديت أهززززءهم عليها
قال ايش جى الموقع وما حصلني فيه < هذا الاكلام الساعه 5:15 مساءاَ
طيب مادام بيجي وما بيحصلك ليش بياخذون جميع ارقام هواتفك النقاله والسياره :p والعمل والمنزل والموقع الاليكتروني < http://www.hondaarabia.com/club/member.php?u=12765>

والمعاين بيتصل عليك في حالة عدم وجودك او في حالة عدم معرفة العنوان ومدري ايش.
كل هذا ويجي ويقول ماحصلت بالكم كيف راح تثق في شخص او اشخاص يستخدمون هذا الاسلوب انهم يقومو بوظيفتهم بشكل جيد وبدن ظلم لأحد

انا عني وهذا رأي الخاص <يبغالهم تطوير في انفسهم قبل كل شي>
وحسبي الله ونعم الوكيل

**YuSuF** · 31-05-2009, 02:11 PM

الحمدلله على سلامتك وسلامة بنتك الله يحفظها لك ويحميها
::::::::::::::::::::::::::::::::::::::::::
الحديد يتعوض .

**AHN** · 31-05-2009, 03:40 PM

أهم شئ انت سالم .,.,
ومعروفين أهل الرياض يالغشامه .,.,

**S.M.A.R.T** · 31-05-2009, 03:59 PM

الحمدلله على سلامتك وسلامة الاهل

والحديد يتعوض والشباب ما قصروا عطوك المفيد وزود

تشااااااااااو

جوزيف

**King** · 31-05-2009, 11:00 PM

المشاركة الأصلية كتبت بواسطة ahn

أهم شئ انت سالم .,.,

ومعروفين أهل الرياض يالغشامه .,.,

ليس على وجه العموم

لكن الأغلبية هم إلي سواقتهم ماتنفع

**FANTASTIC MAN** · 01-06-2009, 02:34 AM

الف الف الف الحمدلله على سلامتك وسلامة الاهل

( اذا سلم العود الحال يعود )

والحمدلله على كل حال وشي اهون من شي يالغالي

تحياتي :d

**oden** · 01-06-2009, 03:14 AM

هلا حبيب البي

اول شي الف الحمدلله على سلامتك انت والعيال

ومدام انكم طلعتوا سالمين ولله الحمد <<< وهو اهم شي

الحديد او الفيبر يتعوض

وعندك كوكو كورد

خبره ما شاء الله في الورش المضبوطه

حتى اللي في الاحساء يعرفها

ماراح يقصر معك

والحمد لله على كل حال

ملتدري يمكن خيره