قصتي مع تغيير زيت القير لدى صيانة الوكالة

**المباشر** · 08-06-2009, 02:37 AM

السلام عليكم ورحمة الله وبركاتة

كان يوم الاحد الظهر طلعت مشوار صغير وقلت خلني أشوف زيت القير لأن خبري فيه ناقص شوي ولي فترة أقول بشتري علبة زيت وكل مره أقول بعدين

المهم شيكت الزيت وأشم ريحته وماعجبتني فشكيت في وضع الزيت وانه محروق وماينفع ويحتاج تغيير

طبعآ الزيت مايتحمل أكثر من 40 الف ( قالها B Unique الله يذكرك بالخير تذكرتك اليوم وتذكرت كلامك في احد المواضيع بخصوص الزيت :d)

نرجع للمفيد : الموتر ماشي للحين 50600 خمسون الف وستمائة كيلو متر

وبعد صلاة العصر ووينك ياطريق الدمام ووينك ياعبدالله هاشم

وصلت الصيانة قبل صلاة المغرب بساعة لأني رحت مشوار صغير وجيتهم

راجعت الصيانة وطلبت منهم يشيكون على زيت القير فجاني سؤال ماشي مليون كم ماشي الموتر - قلت لهم 50600

السؤال الثاني : للأسف ماجاني فبادرت بالجواب حتى تتضح الرؤية للمهندس وقلت له ترى جبت الموتر لكم قبل 3 شهور وماتغير زيت القير - فقال لي معقولة ...!!! وين الفواتير

قلت له يارجال مايحتاج فواتير كل السالفة في صيانة الأربعين طلبت تبديل الفحمات الخلفية مع السعر المعروف للصيانة وكلفتني 1105 ريال فعرف على طول انه مافي أي سعر أضافي لزيت القير وقلت له نعم مافي شي بالفواتير بخصوص زيت القير

المهم طلب اني اجيب السيارة وادخلها الصيانة بالمواقف وبعدها طلع معي وشاف الزيت وقال لي ناقص شوي بس عادي مادام بين النقطتين ومانزل عن النقطة الثانية ( قلت ايه هين أنت وجهك - ناقص الزيت وتبي تصرفني ) فقال لي دقيقة ويشم الزيت وقال لي الزيت مش مضبوط تراه محترق خفيف عندك فقلت له عليك نور وزين ماصرفتني بهذه فجلس يضحك ويقول لي أنت وين تشتغل :d قلت له لا تخاف أنا مش ميكانيكي << يستعبط - عاد ماعليكم من الحفلة اللي صارت بعد كذا من ضحك ووناسة < قول تضبيط :d

جلست أسولف معه بعد ماأستغرب انهم ماغيروا الزيت في الأربعين وقال لي جانا تعميم تغيير الزيت في الـ 60 الف الأولى وبعدها كل 40 الف فقلت له عندي خبر وهذا اللي علمتوني عنه من قبل .

كان باقي على المغرب شوي وفتحنا أمر أصلاح بس قالوا بعد الصلاة فقلت ماعندكم مشكلة

صلينا المغرب وبعد الصلاة السيارة في الخدمة السريعة وماشاء الله واحد سعودي أشتغل عليها وانا عنده ( رجال محترم وحبوب الله يجزاه خير حتى قال لي شايفك من العصر فليش ماكلمتني علشان أمشيك بدري ) << بيض الله وجهك وماقصرت

عاد السالفة كلفت التالي

3 علب زيت للقير الأوتوماتيك بسعر 126 ريال
واشر لصرة زيت القير بسعر 6 ريال
أجور الأصلح بسعر 48 رال

المجموع : 180 ريال

عداد السيارة عند التغيير : 50600 الف - التغيير القادم 100 الف / 140 الف / 180 الف كل 40 الف أفضل وحسب برنامجهم

مدة العمل : ساعة واحده فقط وسلامتكم

نصيحة : خذ معك فلوس كــــــــــــــــــــاش ترى الماكينة عندهم نكبة ( الشبكة السعودية )

وأخوكم المسكين واحد شلخ علي وقال لي الصراف قريب - الله لا يوريكم رحت مشي وأنهد حيلي نص ساعة رايح ونص ساعة راجع واللي سألته يقولي خمس دقايق بس

ولأي أستفسار فيسعدني جدآ الرد عليكم

**المباشر** · 08-06-2009, 02:43 AM

صورة الفاتورة مع السعر بالتفصيل

والعداد للتصحيح 50586 خمسون الف وخمسمائة وستة وثمانون

**D.H.o.O.o.M** · 08-06-2009, 02:46 AM

!!!!!!!!!

انا على بالي وعلى كلام الوكالة انه على الـ60 الف
يعني تنصحني اغيره الحين لن باقي لي على الـ60 الف 11 الف

دمت بود

**المباشر** · 08-06-2009, 02:51 AM

غير يارجال بلا 60 الف وكل السالفة رخيصة 180 ريال وريح راسك

**AL_ADMIRAL** · 08-06-2009, 02:51 AM

وعليكم السلام ورحمة الله وبركاته

وأنا أحسك ماترضى تتكلم عن الشركه بشي واحد وأي أحد عنده مشكله دايما تقله الوكاله
فقلت غريبه اليوم أتكلمت شويه على الوكاله :d

الحمد الله على كل حال , وأنك لحقت على الزيت (والصراحه ما أدري عن أضرار زيت القير )

أما بالنسبه لمكاين السحب توووبه
أنا قبل أسبوع ونص جاتني عمليه ملغاه بـ 6800 ريال , وطلعت أنسحبت ×_× , وألى الآن المعامله ما أنتهت :(
<<< مو عند عبدالله هاشم , محل ثاني ماله علاقه

**المباشر** · 08-06-2009, 03:01 AM

المشاركة الأصلية كتبت بواسطة AL_ADMIRAL

وعليكم السلام ورحمة الله وبركاته

وأنا أحسك ماترضى تتكلم عن الشركه بشي واحد وأي أحد عنده مشكله دايما تقله الوكاله
فقلت غريبه اليوم أتكلمت شويه على الوكاله :d

الحمد الله على كل حال , وأنك لحقت على الزيت (والصراحه ما أدري عن أضرار زيت القير )

أما بالنسبه لمكاين السحب توووبه
أنا قبل أسبوع ونص جاتني عمليه ملغاه بـ 6800 ريال , وطلعت أنسحبت ×_× , وألى الآن المعامله ما أنتهت :(
<<< مو عند عبدالله هاشم , محل ثاني ماله علاقه

أبد للحين ماقلنا الا كلام حلو عن الوكالة :d وبصراحة ماقصروا اليوم من المهندسين أو السعوديين اللي في الخدمة السريعة

وحتى قالوا لي عندك الماكينة حقت الكابتشينو والكافي والحليب العدني << دقق وأشرب لين تزهق

بس كل السالفة محتاجة أهتمام منك كصاحب سيارة ولابد من التشييك ومايمنع السؤال لو شكيت بشي علشان تلحق عليه من بدري قبل تخترب السالفة

الشبكة السعودية : عندي عميل نقيب - دفع بالبطاقة حق تذكرة وأنسحبت مرتين وأبد له 7 شهور وللحين ماخلص معاملته :d وسع صدرك ويازين الكاش

**f a w a z** · 08-06-2009, 03:08 AM

وعليكم السلام , هالوكالة ذي حطو سعودين وتوهقنا......
الوكاله كل صيانه يهبلون فيني
صيانة 1000 الساعة ساعتين
صيانة 5000 وديتها الصبح جيت الظهر ماتحركت من مكانها
صيانة 10000 ما طولوا بس ضيعوا المفتاح
الصيانة القادمة شكلها عند ابو يمن مدري احس انهم يلعبون علينا 380 صيانة 10000 ليش ؟ عشانه يناظر السيارة من تحت قال تشيك

**المباشر** · 08-06-2009, 03:12 AM

طنش 10 الآف / 20 / 30 وطختهم خلك على المعروف 40 ومضاعفاتها بس

صحيح بعض المرات يتأخرون ولكن لسبب انهم يمشون السيارات اللي قبل بعدين يجي دورك . يعني يبيلك تجيهم فاضي وتجي بدري

**faisal_606** · 08-06-2009, 08:11 AM

هلا بسميي بالمكيييينه :d ...

مبروووووووك تغيير الزيت ..وتتهنا بوه انشاءالله

...

لكن اللي نبيه منك ملاحظاتك عن سلاسة ونعومة تغيير نمر القييير... ...

يعني مثلا التغييرات الان وبعد 500 كم وبعد 1000 كم << يعني لا تترك الموضووووع..

لاني انا غيرت زيت القير في صيانة الاربعين وما فيه اي تحسن ورجعت غيرته على على الـــ 65000 كم

يعني بعد 25000 كم فقط بعدما قريت موضوع المشرف بي يونيييك ... وايضا لا يوجد اي تحسن بتاتا البته :(

بالعكس والله القير مضيع... الجماعه اللي داخل عنده يقلون يرحم اممممك غير نمره تكفى نبي نمشي

وشوي ويغير ...... والتغير يا ان فيه نتعه اليمه ... كان شخص صادمني من ورا ....

ااااااااااااااااااااااااااه يالقير الباااايخ لا عزم ولا راحه .. وفوقها يتدلع يبي صياااانه

**lonly style** · 08-06-2009, 02:51 PM

في سالفة الماكينه صدقت انا مره نكبتني وسوت لي فلم هههههههههههههههههه

**المباشر** · 08-06-2009, 03:42 PM

المشاركة الأصلية كتبت بواسطة faisal_606

هلا بسميي بالمكيييينه :d ...

مبروووووووك تغيير الزيت ..وتتهنا بوه انشاءالله

...

لكن اللي نبيه منك ملاحظاتك عن سلاسة ونعومة تغيير نمر القييير... ...

يعني مثلا التغييرات الان وبعد 500 كم وبعد 1000 كم << يعني لا تترك الموضووووع..

لاني انا غيرت زيت القير في صيانة الاربعين وما فيه اي تحسن ورجعت غيرته على على الـــ 65000 كم

يعني بعد 25000 كم فقط بعدما قريت موضوع المشرف بي يونيييك ... وايضا لا يوجد اي تحسن بتاتا البته :(

بالعكس والله القير مضيع... الجماعه اللي داخل عنده يقلون يرحم اممممك غير نمره تكفى نبي نمشي

وشوي ويغير ...... والتغير يا ان فيه نتعه اليمه ... كان شخص صادمني من ورا ....

ااااااااااااااااااااااااااه يالقير الباااايخ لا عزم ولا راحه .. وفوقها يتدلع يبي صياااانه

الله يبارك فيك يالسمي بالماكينة

والله مافي فرق والحمدلله لأن القير عندي مافيه مشاكل بتاتآ ولله الحمد بس كرسي القير يبيله تغيير

والتبديلات سلسه وكل شي تمام مثل ماأخذتها من الوكالة ( ماشاء الله تبارك الله )

**S.M.A.R.T** · 08-06-2009, 04:02 PM

الله يذكرك بالخير يالمباشر اسم على مسمى
وانا اقرأ الموضوع اتصلوا علي الوكالة يقولون تبغى تغير زيت القير قلت لهم غيره وغير ابوابوه بعد .. مودي سيارتي اليوم الصباح الوكالة

تصدق يالمباشر لو غيرت اسمك بينكب عفشي الله لا يضرك
دعابة دعابة :d

**المباشر** · 08-06-2009, 04:09 PM

المشاركة الأصلية كتبت بواسطة امير الهنادي

الله يذكرك بالخير يالمباشر اسم على مسمى

وانا اقرأ الموضوع اتصلوا علي الوكالة يقولون تبغى تغير زيت القير قلت لهم غيره وغير ابوابوه بعد .. مودي سيارتي اليوم الصباح الوكالة

تصدق يالمباشر لو غيرت اسمك بينكب عفشي الله لا يضرك
دعابة دعابة :d

الله يقطع أبليسك ياشيخ :d

وكم ماشية المزيونه

**AliAhmed** · 08-06-2009, 04:16 PM

عقبالي ان شاء الله ..

وافكر اسوي مثلك..

اغير في الـ 50 بعدين 100 بعدين 140 بعدين 180 ..!

يعطيك العافية على التقرير

**S.M.A.R.T** · 08-06-2009, 04:26 PM

المشاركة الأصلية كتبت بواسطة المباشر

الله يقطع أبليسك ياشيخ :d

وكم ماشية المزيونه

المحروسة ماشية 90 بس الظاهر اني واجهت نفس مشكلتك ماغيروا على صيانة الـ80 اكيد شاف الزيت محروق واتصل علي عشان اغيره ولا لا

**momo** · 09-06-2009, 06:03 PM

سؤال يالمباشر انا موتري 2008 قالو لي كل 60التغير انا غيرت 60والحين ماشي 111اغير 120 ولا لا ؟؟

لاتقولي شم لاني ماعرف وين مكان زيت القير ولا اعرف شي هع

**المباشر** · 09-06-2009, 09:46 PM

أول تغيير عند الوكالة هو بعد 60 الف كيلومتر وبعدها كــــــــــــــل 40 الف يعني المفروض تغير الزيت والعداد 100 الف
وبعدها 140 الف وهكذا

مر الوكالة وغير زيت القير بأسرع وقت ممكن أو خذ الزيت من الوكالة وبدله في ورشة الجنوب بالرياض

لا تهمل الموضوع الله يعافيك

**Pink Dream** · 10-06-2009, 02:16 AM

تسلم يالمباشر يابطل ..

دايما تجي ومعاك شي مميز ..

وانا شكلي ابغى اغيره كل 40 بشكل مستمر يكون احسن !!

تقبل مروري

**SAND** · 10-06-2009, 03:51 AM

شاكر لك على التوضيح
انا دحين سيارتي ماشيه 60 الف
لما توصل 100 الف اغير صح؟
بس عندي السياره لما مثلا اوقف عند الاشارة
وتكون السياره قبل لتوقف بشوي احس كأنه واحد
دقني من ورى تدف, لو فهمت كلامي

وعندك جواب قولي وشكراً

**V6 2007** · 10-06-2009, 07:54 AM

يعطيك العـافيه
ماقصـرت والله

تحيتي

**V6 2007** · 10-06-2009, 07:55 AM

المشاركة الأصلية كتبت بواسطة momo

سؤال يالمباشر انا موتري 2008 قالو لي كل 60التغير انا غيرت 60والحين ماشي 111اغير 120 ولا لا ؟؟

لاتقولي شم لاني ماعرف وين مكان زيت القير ولا اعرف شي هع

ماشـاء الله 2008 وماشيه 111 الف :d
يعطيك خيرها ويكفيك شرهـا

والله يحرسها لك من العين :d
تحيتي

**البــــــاشا** · 10-06-2009, 11:10 AM

الف شكر ليك

الصراحه درر ياشيخ

انا كنت كنت ابي اغيره على الـ 60 بس على كلامك باخليها على الا 40

بس مادري بما انهم صارو مخلينيه على ال 60 في حاجات ثانيه يغروها تعرفها مهمه عشان اكلمهم عليها بالا 40

ومارجعلهم على ال60

**المباشر** · 11-06-2009, 02:16 AM

المشاركة الأصلية كتبت بواسطة ل ط و السعودية 874

شاكر لك على التوضيح

انا دحين سيارتي ماشيه 60 الف
لما توصل 100 الف اغير صح؟
بس عندي السياره لما مثلا اوقف عند الاشارة
وتكون السياره قبل لتوقف بشوي احس كأنه واحد
دقني من ورى تدف, لو فهمت كلامي

وعندك جواب قولي وشكراً

غير الزيت في الـ 60 الف والتغيير الثاني في الـ 100 الف وبعدها كل 40 الف 140 / 180 الخ

وحسب كلامك أتوقع قصدك اذا وقفت عند الأشارة والقير فاضي - اذا عشقت القير في نقزه في السيارة < اذا هذا قصدك فعندك كرسي القير تعبان

وبعدين الـ 60 الف نهاية الضمان لموديلات 2007 ونازل يعني ودها للوكالة وأنشب لهم كل شي على الضمان الا بعض الحاجات لازم تدفع

المهم لا تمشي زيادة كثيرة عن الـ 60 الف علشان مايرفضون الضمان وبعدها تدفع من جيبك

**SAND** · 11-06-2009, 02:43 AM

شكرا على التوضيح

لا والله الضمان راح السياره ماشيه 60وشوي

وبكره اروح ورشه واشيك على كرسي القير

**اكورد (2006)** · 11-06-2009, 04:18 AM

انا موتري اغير زيت القير كل عشرين الف على حسب كلام اخوي
اخوي كان معه اكورد موديل 1999 خرب عليه القير والسياره ماشيه 400000ك وضب القير عند ورشة الجنوب بصناعية ام الحمام وعقبها بدا يغير الزيت كل عشرين الف حتى مشها 760000ك ونسرقت عقبها الاكورد ولقها وبعها وعلى حسب كلام اخوي كان يغير الزيت كل50000ك وخرب عليه القير بسبب قير الهوندا مايتغير فلتر القير الا اذا وضب فنصيحتي زيت القير التماتيكي للهوندا يتغير كل20000 ك وسلامتكم