انسرقت في ركعتين

**Accord_Akkawi** · 28-06-2009, 10:56 AM

السلام عليكم ورحمة الله وبركاته
هذا الموضوع منقول من موقع
www.assayyarat.com
وهو عن واحد مسكين سيارته انسرقت وهو يصلي الفجر بعد
وصوله من السفر هو واهله من جدة الى الرياض
حوالي الساعة 3 ونصف او 4 الفجر
وذهب للصلاة بالمسجد الملاصق لبيتهم لصلاة الفجر
"وعند باب المسجد ولد جارهم يقوله الاكورد اللي عند باب بيتكم من ورا حقت مين .. يقوله حقتي
قاله مسروقه ... يحسبه ينكت .... راح ولا وش لقااااااااا..... الشنط باغراضها والفلوس راحت .... اللي مو داخل مخي شلون لحقوا خلال ركعتين الفجر يسوون كل هذا ...... لا وشلون عرفوا انو جايين من سفر
شي غريب من جد
والله يعينك ياولد عمي ... حقد على الرياض
طبعا الحي جدا راقي ... الحمرا بالرياض شي غريب"
القهر ..... "

[/COLOR]
كل اللي باللون الرمادي منقول لكن من جد صور مؤلمة حسبي الله اللي سواها والله يعين صاحب السيارة ويجعل ماجاه كفارة عن سيئاته[/COLOR]

[COLOR="rgb(105, 105, 105)"]"

**راكب هوندا ورايح هولندا** · 28-06-2009, 11:20 AM

حسبي الله عليهم

يا رجاااااال حراميه يعروف شغلهم زين شغلهم سريع سريع

انا انسرقت سيارتي ولقيتها براس جبل على بلك هع هع
بدون كفراااااات

**Pink Dream** · 28-06-2009, 11:22 AM

صور تعووور القلب خصوصا انو لونها بيج :(

لكن صدقني واحد مترصدلهم وعارف الحاره كويس وعارف اهلها ..

ولاتقول كيف عرفوا انه جاي من السفر ..

في ناس شغلتها سرقة السيارات ويعرف يختار سرقته مزبوط ..

تقبل مروري

Pink Dream

**Honda*2008** · 28-06-2009, 11:33 AM

والله انا خايف من هم خصوصاً اني جيد انطقيت منهم بس ما خذو الجوال
بس الحين
ما يهتم يوقفك ويطقك
شوفو الصور2 هذا والمسجد قريب
حسبي الله عليهم
((من أمن العقوبه أساء الادب))

**memories** · 28-06-2009, 11:50 AM

يعطيك العافيه اخي الكريم عالنقل

حسبي الله عليهم

اللهم اني استودعتك سيارتي ومافيها

شكرا

**Cruiser** · 28-06-2009, 11:58 AM

الله اكبر

هناك اقفال للجنوط يبيعونها بعض المحلات الكبيره مثل ساكو على ما اعتقد . هل تمنع هذه الاقفال سرقه الجنوط ؟

**ACCORD A.5.T** · 28-06-2009, 12:19 PM

شيء يقهر صراحة ..
أنا عن نفسي طلعت يوم من الأيام برآ البيت بأطلع بسيارتي .. وألقى لك شباب يطالعون السيارة مقربيييين مرررة بس ما نزلو من موترهم ..
أنا قلت خير خير خير يبوي وين الناس .. وقمت أزاعق هو طفّا الأنوار ودزززززز علطول ..

صرت خلاص ما أشاور أدخلها القراج لو على إيش ..
الله يعوضه خير منها يا رب

مشكور على النقل ..

وإنتبهو على سيايركم ..

**والله قهر** · 28-06-2009, 01:02 PM

الله يعوضكم الاجر انشاء الله
بس والله قهر مفروض يحترمون الاكورد <<<هم وين وانت وين
يله اخوي ازمه وتعدي
والله يعوضك الخير انشاء الله

**kakashi-san** · 28-06-2009, 01:05 PM

وعليكم السلام ..

اذا هذا في ركعتين ..

انا واحد من ربعي بس دخل بيتهم يتوضأ لصلاة المغرب ..

ويحلف أن مكان المغسلة بعد الحوش على طول يعني ما يبعد عن باب بيتتهم ألا 10 امتار ، !!!

وانسرقت جنوطه الاربع وغير كِذا حطوا له طابوق ..

شلون ، ؟!

لا تسأل

**أبوكرم** · 28-06-2009, 01:40 PM

الله يقطع إيد اللي سرقها

و ربي يعوض صاحبها

و انشالله يجيبوهم

**amer09** · 28-06-2009, 02:23 PM

الله يكون في عونه
بس لأسف مافي عقوبه (( من امن العقوبه اساء الادب ))
لو يقطعون يد واحد بس صدقني بتخف السرقات كثير
والله يستر على سيارتنا
ياشباب اي واحد ينزل من سيارته لازم يقول زي ما قال اخوي memories

اللهم اني استودعتك سيارتي ومافيها

**king of honda** · 28-06-2009, 02:40 PM

حسبي الله عليهم .. الله يعوضك ياخوي ويصبر قليبك:(
والله انا عندي نفس سيارتك بالظبط ونفس اللون والله الصراحه الصور تكسر القلب
وانشالله يمسكونهم وياخذون جزاهم...

**مجنون اكورد 07** · 28-06-2009, 02:41 PM

الله يعوضه بخير منها يالله يحمد ربه انها جت على كذا مع انها قهر لاكن ما مخشو له البويه

وربي يعوضه في الاخره

**f a w a z** · 28-06-2009, 02:47 PM

والله قهر ما نقول الا الله يهديهم
بس
مافي كشف بصمات شي
يعني يحاولون يلقون ادله
اوشي
لان الي سرقوا هاذي
مو اخر مرة بيسرقون فيها
:(

**tesh_12** · 28-06-2009, 02:51 PM

انا عني مب مستوعب الوضع

**سعودي ستايل** · 28-06-2009, 08:55 PM

المشاركة الأصلية كتبت بواسطة Cruiser

الله اكبر

هناك اقفال للجنوط يبيعونها بعض المحلات الكبيره مثل ساكو على ما اعتقد . هل تمنع هذه الاقفال سرقه الجنوط ؟

الحمد لله يارجال ماسرقو السياره
مو اول مره تصير في حي الحمره الان سبحان الله ما تصير السرقات الا في مناطق الهاديه ماتصير في المناطق الي فيها حركه كثيره
بس كم سعر هذا القفل

المشاركة الأصلية كتبت بواسطة kakashi-san

وعليكم السلام ..

اذا هذا في ركعتين ..

انا واحد من ربعي بس دخل بيتهم يتوضأ لصلاة المغرب ..

ويحلف أن مكان المغسلة بعد الحوش على طول يعني ما يبعد عن باب بيتتهم ألا 10 امتار ، !!!

وانسرقت جنوطه الاربع وغير كِذا حطوا له طابوق ..

شلون ، ؟!

لا تسأل

وين ؟؟؟

**accordyon** · 28-06-2009, 10:03 PM

حسبي الله ونعم الوكيل

ياشباب يمدحون قفول الجنوط تراه زينه عالأقل بتأخره لو عرف يفكهم

**amer09** · 29-06-2009, 01:27 AM

المشاركة الأصلية كتبت بواسطة سعودي ستايل

الحمد لله يارجال ماسرقو السياره
مو اول مره تصير في حي الحمره الان سبحان الله ما تصير السرقات الا في مناطق الهاديه ماتصير في المناطق الي فيها حركه كثيره
بس كم سعر هذا القفل

وين ؟؟؟

في الوكاله حول الـ 200 ريال وعند العليان والمحلات حول الـ 70

طبعا في الوكاله يبيله حول الاسبوعين يوصل

**الاخطبوط** · 29-06-2009, 12:01 PM

لاحول ولاقوة الا بالله

مانقول غير حسبنا الله ونعم الوكيل والله يعوضه خير

قفل الجنوط أتوقع مهم جدا هالأيام الواحد ماعاد يضمن يصحى الصبح يلقى موتره على بلك

انا طلبت واحد من النت وركبته على أفالون وعسانا نفتك من شر هالحراميه

هذا القفل للأكورد أصلي قيمته مع الشحن ماراح يتعدى 200 ريال (مدري هو نفسه الللي بالوكالة او لا) لكنه أفضل من الموجود في محلات الزينه

http://www.hondapartsdeals.com/produ...-accord-wheels

**Cruiser** · 29-06-2009, 01:47 PM

سوف اتصل بالوكاله و اعلمكم بالنسبه لقفل الجنوط .

تحياتي ،

**المباشر** · 29-06-2009, 02:22 PM

المشاركة الأصلية كتبت بواسطة الاخطبوط

لاحول ولاقوة الا بالله

مانقول غير حسبنا الله ونعم الوكيل والله يعوضه خير

قفل الجنوط أتوقع مهم جدا هالأيام الواحد ماعاد يضمن يصحى الصبح يلقى موتره على بلك

انا طلبت واحد من النت وركبته على أفالون وعسانا نفتك من شر هالحراميه

هذا القفل للأكورد أصلي قيمته مع الشحن ماراح يتعدى 200 ريال (مدري هو نفسه الللي بالوكالة او لا) لكنه أفضل من الموجود في محلات الزينه

http://www.hondapartsdeals.com/produ...-accord-wheels

اللي بالوكالة يختلف شكله عن الصورة ولكن في البرشور حق موديلات 2008 حاطين نفس الصورة اللي حطيتها انت ولكن يوم اخذته من قطع الغيار طلع شكله غير عن الصورة

رقم القفل بقطع غيار عبدالله هاشم

08w42-sr3-600k

السعر 195 ريال

**المباشر** · 29-06-2009, 02:25 PM

حسبنا الله ونعم الوكيل

ياشباب على الأقل الشنطة خلوها مقفلة على طول من داخل بواسطة المفتاح << مثلي 24 ساعة مقفلة

والأشياء المهمة تنحط في الشنطة

وان حصل وكلنا ركبنا قفل للجنوط أكيد الحرامي راح يغير رايه لأنها بتعيق محاولة السرقة والشنطة بعد يعني ماراح يستفيد الا من الأشياء الموجودة بالدرج اذا مقفل وقدر يكسره

**Cruiser** · 29-06-2009, 02:27 PM

المشاركة الأصلية كتبت بواسطة المباشر

اللي بالوكالة يختلف شكله

رقم القفل بقطع غيار عبدالله هاشم

08w42-sr3-600k

السعر 195 ريال

شكرا اخي المباشر ،

للاكورد بانواعه و فئاته ؟

هل عندك صوره له ؟

تحياتي ،

**المباشر** · 29-06-2009, 02:42 PM

المشاركة الأصلية كتبت بواسطة Cruiser

شكرا اخي المباشر ،

للاكورد بانواعه و فئاته ؟

هل عندك صوره له ؟

تحياتي ،

انا اخذته يالغالي يوم نزل موديل 2008 والقفول كانت للموديل المذكور من الأكسسوارات الموجوده ، وقطع الغيار كان يقولي يمكن مايركب لكن بالعقل كلها نفس المقاس والحمدلله ركب عندي مثل الحلاوة :d

بخصوص الصورة القفل حاليآ مركب على السيارة وأبشر بس يبرد الجو على العصر أو المغرب راح أحاول أفك واحد وأطق صورة له