كـفـرات نوع ( نيتو )

[k363k]

السلام عليكم و رحمه الله و بركاته

يا اخوان انا معي اكورد موديل 2001 و عندي مقاس الكفرات 15-205-60
وكل سنه اعاني من الكفرات ولا ادري وش اغير المهم قبل 9شهور غيرت مشلان شهرين تمااام و بعدها اصوات و قاسيه مره خاصه على عيون القطط واذا ركب معي احد يقول غريبه سيارتك نظيفه بس احس مطباتها قرقعه كأني راكب ونيت تحطيم .

المهم انا نصحني واحد على كفرات نوعها ( نيتو ) انا بصراحه ما اعرف عنها شي فقط اعرف ان صناعتها ياباني
والرجال اللي نصحني فيها معه اكورد 2004 وقالي الحين لها سنتين و بديت اللاحظ انها قاسيه في الوقت الحالي يااااا سلام لها سنتين وبدء يلاحظ انها قاسيه وانا مشلان بديت الاحظ من بعد 4 شهور من التركيب

الــــمــــهم ياليت اللي يعرف عنها شي يقولي لاني شكلي بركب ( نيتو + دنلوب )
اللي بيقولي برجستون ترونزا . أقوله نفس المشلان ما اعتقد تختلف عن بعض الا الاسم

[المباشر]

أشوف يمدحون التويو بعد البريجستون

وعذرآ لسؤالي : أنت جربت البريجستون تورنزا جي آر 80 ولا سمعت عنه يقولون نفس الميشلان ؟؟؟؟؟

[الـمـسـافـر]

اللي بيقولي برجستون ترونزا . أقوله نفس المشلان ما اعتقد تختلف عن بعض الا الاسم

أسمح لي اقول اللي ما يعرف الصقر يشويه

وش جاب الميشلان للبرجستون بوتنزا عشان تقارنها بالتورنزا

[k363k]

8
88
8888
اذا تقصدون الصوت انا معكم . بس اللي اعرفه انه قاسي مثل المشلان

واذا تقولون العكس تراني بغير برجستون تورنزا على مسؤليتكم

وش قلتو

[محمد بن عبد العزيز]

انت بالشرقيه والا بالرياض

اذا كنت بالرياض جرب موتري وانا مركب برجستون تورنزا جي ار 80

وموديل موتر 2002 يعني مابه فرق كلها نفس مقاس الجنوط

واي خدمه طال عمرك ..

وانا عن نفسي ماشتكيت منها