كيف تفحص زيت الماكينة والقير بالطريقة الصحيحة

**المباشر** · 22-07-2009, 02:09 PM

السلام عليكم ورحمة الله وبركاتة

حبايب قلبي في موضوعي هنا أطرح لكم الطرق الصحيحة لفحص مستوى الزيت للماكينة والقير

طبعآ للأسف الشديد في طرق خاطئة لفحص الزيت مثل فحص المستوى والسيارة بارده ولكن اليوم حبيت أوضح لكم الطريقة الصحيحة لتكون واضحة للجميع

قبل كل شي : ماعندك مشكلة أفحص السيارة وهي باردة وبعدين دقها سلف وشيك الزيت وهي حاميه مثل التوضيح التالي

بالنسبة لزيت المحرك ( الماكينة )

فحص الزيت : جميع المحركات تستهلك الزيت كجزء من التشغيل الطبيعي لها ولذلك يجب فحص مستوى الزيت بشكل منتظم ، على سبيل المثال عند إعادة التزود بالوقود ودائمآ أفحص الزيت قبل كل رحلة طويلة

كمية الزيت المستهلك ( نقص الزيت ) تعتمد على كيفية قيادة السيارة وحالة الطقس وظروف الطريق .

إن معدل أستهلاك الزيت يمكن أن يكون حتى 1 لتر كل 1000 كم .

إن معدل استهلاك الزيت يكون أعلى إذا كان المحرك جديدآ.

( طريقة فحص الزيت )

1- تأكد من أن المحرك قد تم تسخينه وأن المركبة تقف على أرض مستوية وغير مائلة أو على منحدر.

2- أطفى المحرك وانتظر لمدة 3 دقائق قبل فحص مستوى الزيت .

3- انزع المقياس وامسحه بقطعة قماش نظيفة ، أرجع المقياس وانزعه مره اخرى وافحص المستوى

مستوى الزيت يجب أن يكون بين العلامتين العليا والسفلى

4- اذا طلع الزيت ناقص وتقدر تقدر كم النقص فعليك بزيادته واذا لم تكن لديك الخبرة الكافيه فتوجه لأقرب مركز حتى لا تزيد الزيت وتتلف بعض الأجزاء من المحرك كجلد البلوف وخروج الزيت ( التهريب ) وغيرها

بعض مقاطع الفيديو لطريقة الفحص والزيادة
نصيحة : اذا تبي تزيد الزيت / صب بكميات قليلة وشيك المعيار حتى لا تزيد الزيت بالخطأ ويطلع أكثر من المطلوب

[ame]http://www.youtube.com/watch?v=zVMkDhlT8C0[/ame]

[ame]http://www.youtube.com/watch?v=8bfnFuY2MBo[/ame]

نصيحة مهمة : واضب على تغيير زيت المحرك كل 5000 الآف كم الا اذا كنت تستخدم زيت تخليقي فكل 10 الآف

معلومة مهمة : فلتر زيت الماكينة يباع في قطع غيار الوكالة بـ 15 ريال ( ياباني أصلي )

فلتر زيت الماكينة يباع في البناشر بـ 25 ريال وممكن يوصل 30 ريال ويوجد لدى بعضهم أصلي وبعضهم تجاري

خذ لك مجموعة فلاتر وخلها عندك بالبيت مع كم واشر للصرة ( الواشر يدوم كثير وماتحتاج تبدله مع كل تبديله زيت )

نجي لموضوع القير

( فحص زيت القير )

1- أيقاف السيارة على أرض مستوية

2- تشغيل المحرك حتى تبدأ مروحة التبريد بالعمل ( مراوح الراديتر )

3- أيقاف المحرك وللحصول على نتائج دقيقة ، أنتظر على الأقل 60 ثانية ( دقيقة ) وليس أكثر من 90 ثانية بعد أيقاف المحرك ، أفحص المعيار واذا حسيت انه ناقص زيد الزيت واذا ماعندك الخلفية التامة للكمية المطلوبة للزيادة فعليك بمهندس شاطر يزيد الزيت و ميكانيكي وخل عنك البناشر اللي ماعندها سالفة علشان مايزيدون الزيت وتبلش

نصيحة مهمة : واضب على تغيير زيت القير كل 40 الف كم ولا تهمل الزيت حيث انه لا يتحمل أكثر من 40 الف ولضمان عدم حدوث مشاكل بالقير مستقبلآ

معلومة مهمة : فلتر القير لا يستبدل الا مع توضيب القير لذا لا تشغل بالك فيه وعليك بالأهتمام بتبديل الزيت فقط ( للقير بوكس )

ملاحظة 2 : هناك فلتر خارجي للقير يلزم تبديله كل فتره وللمزيد أستخدم خاصية البحث

في النهاية : الموضوع طويل شوي ولكن اذا في أي أستفسار أو أستصعب عليكم فهم شي من لايردكم شي واحنا موجودين والكثير من الشباب راح يفيدونكم بالمطلوب

وسلامتكم وأتمنى أني قدمت لكم ولو القليل من الشي المفيد

**AliAhmed** · 22-07-2009, 02:45 PM

يعطيك العافية أخوي المباشر .. موضوع رائع ..

بيستفيد منه كثير من الشباب حيث ان الاسئلة زايدة هاليومين عن هالموضوع..

بس على تغير زيت المكينة كل 10 الاف للزيوت التخلفية ..
أنا استخدم الماجناتيك وإستخدامي خطوط على سرعات عالية .. ولما أجي أشيك عليه بعد 15 الف كيلو يكون لابأس فيه !! بس يكون ناقص شوي .. :d بس أدلع المكينة وأبدله

**S.M.A.R.T** · 22-07-2009, 02:46 PM

نصيحة مهمة : واضب على تغيير زيت القير كل 40 الف كم ولا تهمل الزيت حيث انه لا يتحمل أكثر من 40 الف ولضمان عدم حدوث مشاكل بالقير مستقبلآ

معلومة مهمة : فلتر القير لا يستبدل الا مع توضيب القير لذا لا تشغل بالك فيه وعليك بالأهتمام بتبديل الزيت فقط ( للقير بوكس )

الله يعطيك العافية يالمباشر ما قصرت مع التفصيل الممل والمفيد :d

**الشمــــالـــي** · 22-07-2009, 03:46 PM

المشاركة الأصلية كتبت بواسطة المباشر

نصيحة مهمة : واضب على تغيير زيت القير كل 40 الف كم ولا تهمل الزيت حيث انه لا يتحمل أكثر من 40 الف ولضمان عدم حدوث مشاكل بالقير مستقبلآ

معلومة مهمة : فلتر القير لا يستبدل الا مع توضيب القير لذا لا تشغل بالك فيه وعليك بالأهتمام بتبديل الزيت فقط ( للقير بوكس )

ياوجه الله

الموتر ماشي 60،000 ولاعمري غيرته ومالي نيه بتغييره :d

لكن بعد كلامك ياالمباشر بكرة إن شاءالله بغيره

ويعطيك الف عافية على الموضوع الرائع والمفيد .

**YuSuF** · 22-07-2009, 03:46 PM

كفيت ووفيت يالمباشر أجبت على أسئلة كثيرة مطروحة ...
ومقاطع وحركات والله شغل متعوب عليه
بس لوسمحتلي ياليت تعدل كلمة القير إلى المكينة في سطر تغيير زيت المكينة"نصيحة مهمة" قريت هالسطر يمكن 5 مرات بعدين فهمت :d

ألف شكر

**أبو الريش** · 22-07-2009, 04:34 PM

والله و طلعت غشيم في هذي الشغله:d ,, اشياء كثيرة توي اعرفها :o
ما اقول الا
الله يجزاك خير يبو فهد عـ الموضوع المفيد جدا
يعطيك العافيه و ماقصرت يا مبدع المبعدين

الف التحيه

**المباشر** · 22-07-2009, 04:48 PM

المشاركة الأصلية كتبت بواسطة AliAhmed

يعطيك العافية أخوي المباشر .. موضوع رائع ..

بيستفيد منه كثير من الشباب حيث ان الاسئلة زايدة هاليومين عن هالموضوع..

بس على تغير زيت المكينة كل 10 الاف للزيوت التخلفية ..
أنا استخدم الماجناتيك وإستخدامي خطوط على سرعات عالية .. ولما أجي أشيك عليه بعد 15 الف كيلو يكون لابأس فيه !! بس يكون ناقص شوي .. :d بس أدلع المكينة وأبدله

الله يعافيك يالغالي / وبخصوص الزيت التخليقي هو يمشيك الى 20 الف ولكن للضمان يكفي الى 10 الآف وخبرك عندنا حر ياشيخ يقصر من عمر كل شي حتى الزيت

وأهم شي أنتبه للفلتر :d

المشاركة الأصلية كتبت بواسطة امير الهنادي

الله يعطيك العافية يالمباشر ما قصرت مع التفصيل الممل والمفيد :d

الله يعافيك يالغالي وأسعدني مرورك

المشاركة الأصلية كتبت بواسطة الشمــــالـــي

ياوجه الله

الموتر ماشي 60،000 ولاعمري غيرته ومالي نيه بتغييره :d

لكن بعد كلامك ياالمباشر بكرة إن شاءالله بغيره

ويعطيك الف عافية على الموضوع الرائع والمفيد .

غير ياحلو وبعدها كل 40 الف أصرف علشان يكون القير نظيف وفي عز شبابه :d

المشاركة الأصلية كتبت بواسطة YuSuF

كفيت ووفيت يالمباشر أجبت على أسئلة كثيرة مطروحة ...
ومقاطع وحركات والله شغل متعوب عليه
بس لوسمحتلي ياليت تعدل كلمة القير إلى المكينة في سطر تغيير زيت المكينة"نصيحة مهمة" قريت هالسطر يمكن 5 مرات بعدين فهمت :d

ألف شكر

الله يعافيك يالغالي وتم تعديل الخطأ وأشكر الغالي ( A C C O R D 0 8 ) على تنبيه لي للخطأ واللي خلاني أجي مليون للموضوع وأعدله :d

المشاركة الأصلية كتبت بواسطة أبو الريش

والله و طلعت غشيم في هذي الشغله:d ,, اشياء كثيرة توي اعرفها :o

ما اقول الا
الله يجزاك خير يبو فهد عـ الموضوع المفيد جدا
يعطيك العافيه و ماقصرت يا مبدع المبعدين

الف التحيه

وياك ياحبيب قلبي وتسلم لي على المرور العطر ولا تحرمنا منك

**اابوسعود** · 22-07-2009, 05:32 PM

كفيت ووفيت .. بصراحه موضوع راايق .. االله يعطيك العافية ..

**المباشر** · 22-07-2009, 05:54 PM

الله يعافيك ابوسعود

**business man** · 22-07-2009, 06:49 PM

يعطيك العافيه ابو فهد على المعلومات المفيده والى الامام دوما

**abu khaled** · 23-07-2009, 06:11 AM

الله يعطيك العافية .. ماتقصر

نصيحة مهمة :واضب على تغيير زيت المحرك كل 5000 الآف كم الا اذا كنت تستخدم زيت تخليقي فكل 10 الآف

وشلون يعني تخليقي ؟؟

**المباشر** · 23-07-2009, 10:30 AM

المشاركة الأصلية كتبت بواسطة business

يعطيك العافيه ابو فهد على المعلومات المفيده والى الامام دوما

الله يعافيك يالغالي ويبارك فيك

المشاركة الأصلية كتبت بواسطة abu khaled

الله يعطيك العافية .. ماتقصر

وشلون يعني تخليقي ؟؟

الله يعافيك يارب

بخصوص الزيت التخليقي مثل ( كاسترول ماجناتيك ) ( موبيل 1 )

موضوع عن الكاسترول للتوضيح أكثر

http://www.hondaarabia.com/club/showthread.php?t=9423

http://www.hondaarabia.com/club/showthread.php?t=5814

**~ Aβdułяhмαη •™** · 23-07-2009, 01:14 PM

يعطيكـ ألفـ عافيهـ على الموضوع

**ELEGANT BOY** · 23-07-2009, 01:33 PM

الله الله الله الله يعطيك الف الف الف عافيه على الموضوع المميز ;)

تحياتي لك

**قصيمي جدة** · 23-07-2009, 03:59 PM

أخوي انت متاكد ان زيت القير يتغير عند 40000 لان الكتلوج يقول زيت القير يغير عند 60000 وانا دخلتها صيانة 40000 قبل يومين وما غيروا زيت القير

**AcCo7rD** · 23-07-2009, 06:02 PM

المشاركة الأصلية كتبت بواسطة قصيمي جدة

أخوي انت متاكد ان زيت القير يتغير عند 40000 لان الكتلوج يقول زيت القير يغير عند 60000 وانا دخلتها صيانة 40000 قبل يومين وما غيروا زيت القير

مرحبا بك أخوي
أول كان زيت القير يتغير كل 40 ألف، وهذا شي كان من الوكالة الأم.

لكن في زيارة وفد من اليابان وبعدها تغير القرار، ليه ؟ والله ما أدري

وصار يتغير كل 60 ألف، بأمر من المصنع

لامن عبدالله هاشم ولا شي

وعبدالله هاشم ماله إلا يتبع نظام المصنع

ولا تتوقع ان المصنع غير هذا النظام بدون أي دراسة

هوندا اليابان أبخص

وحتى لو تقول أنا عندنا الجو حار وما إلا ذلك، أنا متأكد أنهم ماطلعوا هذا القرار إلا بعد دراسات ;)

وأتمنى إني أفدتكم

واعذروني طولت عليكم

**المباشر** · 23-07-2009, 06:16 PM

حبيب قلبي قصيمي بخصوص تغيير زيت القير عند الوكالة هو :

أول مرة للسيارة الجديدة هو بعد 60 الف وبعدها كل 40 الف

ولكن للأسف الزيت مش من النوع الممتاز والجودة تعبانه وحده 40 الف وبعدها يحترق وتخف لزوجته

انا طلعت للوكالة وسيارتي ماشيه 50,500 وفحصت زيت القير عندهم وطلع محترق ويحتاج تبديل وبدلته

المفيد هنــــــــــا :d

المشاركة الأصلية كتبت بواسطة B Unique

حسب تحليل اصحاب الخبرة في المنتديات الاجنبية

زيت القير اللي تستخدمه شركة هوندا للاكورد ما يعطي الكفاءة المطلوبة في التشحيم والتبريد والمفروض ان الشركة تعدل موعد تغيير الزيت من 40 الى 20 او 10 آلاف كيلو . ويعتقدون ان نوعية الزيت هي السبب الاول في قصر عمر القير ومشاكله بداية من الاكورد موديل 98 الى 2007 ..

انا شخصياً اتفق معهم

وعلشان كذا ننصح بتبديله كل 40 الف أفضل

**Mo3az** · 23-07-2009, 07:08 PM

المشاركة الأصلية كتبت بواسطة قصيمي جدة

أخوي انت متاكد ان زيت القير يتغير عند 40000 لان الكتلوج يقول زيت القير يغير عند 60000 وانا دخلتها صيانة 40000 قبل يومين وما غيروا زيت القير

ممكن يس تعرفني ايش سويت في الصيانة لاني ابغا اسويها ؟؟

**dhsv2** · 23-07-2009, 07:51 PM

عندي سؤلين ي المباشر
السؤال لاول انت تقول تبديل الزيت 40 الف؟؟
بس الوكالة تقول 60؟؟؟ <<<<<<<< تعليق

السؤال الثاني كيف اشيك على انة الزيت محترق سواء للقير او للمكينة؟؟؟<<<<<<<<<تعاليق

**المباشر** · 24-07-2009, 12:20 AM

المشاركة الأصلية كتبت بواسطة dhsv2

عندي سؤلين ي المباشر

السؤال لاول انت تقول تبديل الزيت 40 الف؟؟
بس الوكالة تقول 60؟؟؟ <<<<<<<< تعليق

السؤال الثاني كيف اشيك على انة الزيت محترق سواء للقير او للمكينة؟؟؟<<<<<<<<<تعاليق

الوكالة منسمين بخصوص الـ 60 والـ 40 :d

للتوضيح : الوكالة تبدل زيت القير للسيارة الجديدة أذا وصلت 60 الف وبعدها كل 40 الف

ونصيحة لكم : تبديل زيت القير الأفضل كل 40 الف ولا تزيد عنها

تجربتي : فحصت زيت القير والعداد 50 الف وخمسمائة وطلع زيت القير محترق ، يعني حده 40 وكثير عليه ....

روح للوكالة وقولهم أبي أغير زيت القير وأبد تدفع 180 وحوالي ساعة ولا أكثر وأنت مخلص

فحص الزيت اذا محترق أو راحت لزوجته هي باللمس وتحسس الزيت بين أصابعك وشوف اللزوجه كيف اذا كان جديد واذا مشيت عليه مسافه علشان تعرف كيف اللزوجة وتفرق بينه قبل وبعد / والشي الثاني اذا مسكت العيار وهو بارد لا تحرق اصابعك وهو حار ، شم ريحه الزيت اذا محترق بتكون فيه ريحه والمشكله ماراح تعرف الا اذا كنت لك خبره سابقه

**م م و السعوديه 5 5 7** · 24-07-2009, 12:57 AM

المشاركة الأصلية كتبت بواسطة المباشر

تجربتي : فحصت زيت القير والعداد 50 الف وخمسمائة وطلع زيت القير محترق ، يعني حده 40 وكثير عليه ....

مو بكل الاحوال

غيرته بعد ما مشيت عليه 200 الف والحمدلله بدون اي مشاكل :d:d.

**THE SILVER ACCORD** · 24-07-2009, 11:33 AM

موضوع رائع بكل معنى الكلمه

**dhsv2** · 24-07-2009, 03:22 PM

شكرا يالمباشر على النصايح

**uo8** · 26-08-2009, 03:01 PM

الله يعطيك العافية ..

**ي ب ح السعودية 76** · 10-09-2009, 02:26 PM

بيض الله وجهك على هالشرح التمام المتكامل وكثر خير وماقصرت اخوي ولا تحرمنا من خبرااااااااااااااتك الحلوهـ وشاكر لك ومقدر جهود الجبارهـ
تقبلوااا خاااالص تحيااااتي