عرض ولا كل العروض ،، فلتر المكيف ( للأكورد 03 - 09 ) بأقل من سعرة في الوكيل .

**B Useful** · 03-08-2009, 05:19 AM

السلام عليكم ورحمة الله وبركاتة ..

وصلت كمية جديدة

للبيع .. عدد محدود جداً من فلتر المكيف للأكورد من موديل 2003 الى 2009

والسيفيك من موديل 2006 الى 2009

للمعلومية موديلات ( 2003 - 2004 - واظن بعد 2005 ) المواصفات السعودية من عبد الله هاشم تجي بدون فلتر ، فلذلك يشتكي البعض من الغبار داخل سيارتة او الروائح الغربية داخل سيارتة والسبب عدم وجود فلتر المكيف ..

البعض الاخر يشتكي من ضعف توزيع هواء المكيف <<< شيك علي فلتر مكيف بتلقاة كنة صفاية مكنسة الارض مليااان غبار وما راح تكفية ان تنفضة بالهوا عند البنشري <<< لكن يبقى لونة متغير ومليان جراثيم وميكروبات <<< الا تشترون مني غصب :o

هذي صورة فلتر المكيف الموجود والمتوفر حالياً .

طريقة تغيير فلتر المكيف :

الخطوة الاولى : فتح الدرج وضغطه من الجوانب لانزاله الى اسفل

الخطوة الثانية : يجي قدامك يلاستيك مستطيل اسود في جوانبه كلبسات او ضغاطات اضغطها الى الداخل واسحب المستطيل

اخيراً : هذا المكان اللي تحط فية الفلتر الجديد ،، والفلتر القديم بتلاقية مليااان غبار .

بما انكم وصلتو لهالشغلة ،، فية طريقة حلوة تخليك كل ما تشغل المكيف تشم ريحة عطرك المفضل في السيارة ... قبل ما تركب الفلتر غرقة بالعطر اللي تحبة ... ومع كل تشغيلة مكيف راح تستانس بريحة عطرك المفضل

راجعوا هالموضوع للمزيد من المعلومات عن تعطير فلتر المكيف بالصور الكبيييرة جداً ، مع الشكر لكاتبة

نرجع للموضوع المهم :

سعر فلتر المكيف في الوكالة يزيد عن 230 ريال .

سعر البيع في الرياض والشرقية تسليم يد بيد وعشانكم التركيب ببلاش بـ 150 ريال فقط .

خارج هذة المدن التوصيل على حساب المشتري بالشركة اللي يبي ، DHL حدود 35 ريال ، زاجل 10 ريال .

طبعاً اصلي لحد يفكر انة تجاري ، صناعة امريكية

للطلب او الاستفسارات ، اسدح ردك هنا بالموضوع ..

للجادين فقط ، اذا عندك من هالردود ( شكراً على الخدمات ، وفقت في البيعة ، يسلمووو ، تنسيقك جميل وموضوع متكامل ، سبب البيع ! ) الرجاء الاحتفاظ بها في نفسك واكتفى بالدعاء لي بينك وبين نفسك .. الموضوع في قسم البيع والشراء يعني تبي تشتري الله يحيك واللي يبي يتفرج الفرجة ببلاش :p

;) تحياتي لكم ;)

فية بعد لابتوب سوني للبيع <<< اضغط للمعلومات الاضافية :d

**S.M.A.R.T** · 03-08-2009, 09:20 AM

سجل واحد نفر شواية مع رز قصدي واحد فلتر اكورد 2007

أمير

**accord 2007** · 04-08-2009, 02:52 AM

احجز لي واحد يامصعب Up

**ww_anas** · 04-08-2009, 03:28 AM

وين احصلك فيه اخوي
ابي واحد هوندا 2006

**B Useful** · 05-08-2009, 01:31 AM

هلا بك اخوي .. ^^ ارسل لي رقمك ع الخاص ^^

جوزيف ، ان شاء الله الويكند يكون عندك ،،

**momo** · 05-08-2009, 03:24 AM

احجز لي واحد ومتى مابغيتني امرك عطني الووو

لاهنت

**F-505** · 06-08-2009, 10:12 AM

احجز لي واحد
وانا في الرياض
م/2007

**tfah** · 06-08-2009, 12:10 PM

طيب انت تقول صناعتة امريكي صح
واللي في الوكالة الياباني
وش الفرق بينهن طبعن غير اسعر

**B Useful** · 07-08-2009, 01:37 AM

هلا بكم شباب ..

حالياً انا مسافر والكمية موجودة بالرياض ، اببدأ اسلمها يوم السبت بعد القادم << بعد 8 ايام ان شاء الله ..
لكن اللي مررررة مستعجل علية يرسل لي رقمة على الخاص ويوصلة خلال 24 ساعة .

tfah

مافية فرق .. فية اكسسوارات واجد وقطع واجد كانت تجي من امريكا واولهم (السيفون) << فلتر الزيت ، لكن الوكالة حولت على الياباني ، وخلال ذيك الفترة الاصلي كان امريكي والتجاري كان ياباني ينباع في محلات قطع الغيار وهو نفسة الاصلي اللي نشوفة الحين ..
على فكرة ، امريكا فيها مصنع متكامل لهوندا واكسسواراتها .

**NewLegend** · 07-08-2009, 02:17 PM

احجز واحد
وعطني الو بعد يوم الاثنين
بالتوفيق

**mubarak2001** · 07-08-2009, 02:52 PM

هل متوفر عندك لموديل 2008 اكورد ؟
وكيف نقدر نشتريه؟

**B Useful** · 07-08-2009, 03:18 PM

NewLegend

اوكي.. رديت على رسالة الخاص والوعد بعد يوم الاثنين .

mubarak2001

اذا كانك مستعجل مرررة ارسل رقمك ع الخاص ، او انتظر بعد ٧ ايام وسأعاود التواصل معك .

**momo** · 08-08-2009, 06:25 PM

مشكور ع التوضيح وتوصل بالسلامهـ

**عبدالعزيز آلفهد** · 08-08-2009, 11:59 PM

تسلم اخوي

احجز لي واحد

انا بالاحساء...؟

**ramiex** · 09-08-2009, 12:01 AM

مشكووووور على المعلومه

**هنادي 8** · 10-08-2009, 06:48 PM

عزيزي :كوكو

راجع الخاص

**K H A @ L I D** · 10-08-2009, 07:12 PM

اخوى بكرة اردلك خبر انا متاكد انو يركب للاوديسي من موديل 2004 الين 2009 بس حتاااكد

اخوى نسيت شئ في طريقة تغيير فلتر المكيف :
في الخطوة الاولى

انا اشرت علية بالخط الاحمر انو ترجعووو على ورا وبعدين تضغط علية من جوانب وتسحب الدرج بعدين على طووول بينفك

**B Useful** · 11-08-2009, 06:29 PM

السلام عليكم ...

امير الهنادي
تم التسليم
accord 2007
تم التسليم
ww_anas
momo
F-505
NewLegend
Mubarak2001
عبد العزيز الفهد
ٍRamiex
هنادي 8
shbab-JDH

انتظروني الخميس القادم ان شاء الله ،،
مدري كم الكمية

لكن بالدور ..
اللي ما ارسل رقمة ع الخاص يرسلة .. ويكتب ( بخصوص فلتر المكيف )

**B Useful** · 18-08-2009, 01:56 AM

ْup

اللي باقي يبي فلاتر مكيف ...

جاري التسليم وباقي عدد محدود ..

الاجراءات للطلب ..

ضع رد بالموضوع << لرفعة ..
وارسل لي اسمك ورقم هاتفك ع الخاص .. لأعاود الاتصال بك وتسليمة لكـ ..

**عطر الحكي** · 18-08-2009, 05:29 AM

احجزلي واحد يا صديقي

:d

**أكورد 509** · 18-08-2009, 08:30 AM

هلا حبيبي يعطيك العافية احجز لي واحد الله يعافيك
وأنا إنشاء الله برسل لك الرقم على الخاص ابشرر...

**B Useful** · 18-08-2009, 09:59 PM

بدأ التسليم ..

في المرفقات نماذج لفلاتر الشباب اللي شروا

باقي كمية محدودة

**B Useful** · 15-10-2009, 03:47 AM

وصل عدد ١٠ فلاتر للمكيف .. التسليم في الرياض .. بنفس السعر ١٥٠ ريال ..

**ي ح ق السـعوديـة 0 0 3** · 15-10-2009, 06:42 AM

مصعب ابي واحد
تحيااتي..

**B Useful** · 18-10-2009, 05:01 AM

يارب كل واحد يشيك على فلترة عشان لايكون مصدر انفلونزا الخنازير منة !!

شوفوا هالفلتر حالتة صعبة ،،!!

^^ رئة المدخن = فلتر صاحب الاكورد المدخن ! ^^

للطلبـ ارسل رسالة ع الخاص فيها : اسمكـ ورقمكـ والحي اللي ساكن فية في الرياض ..