مــسـاعده لــلـي مــركــب الـــشــكــمــان الـــثانــي

**f a w a z** · 13-08-2009, 03:34 AM

"السلام عليكم"

ان شاء الله الجميع بخير..

ياشباب قرب موعد تركيب الشكمان الثاني بإذن الله ..;)

بس ياشباب وش رايكم اشبك الشكمان ولا اخليه شكل بس؟ولماذا؟

اذا تقول اشبك الشكمان قلي ليش ووين وكيف..
وفوائده واضراره..

اذا تقول لا تشبك الشكمان بيعدم السيارة
قلي ليش ؟
هل جربت وعدم..؟

لاني انا محتار اوصل الشكمان الثاني ولا لا..:(

جاوبوا بصراحه والي مجرب وشبكه =وصله يقولنا وش فرق معه ..
مثلاً عزم صوت...

ولي مركبه شكل يقولنا ليش ماشبكه = وصله ..

خلاصة الكلام انا بركبه بس ودي يكون موصول زي الثاني عشان اذا جاء الشتاء ماتوهق
:p

موديل السيارة 2009

يالله شدوا حيلكم..

ابي محل يشبكه كويس ولا يصير ضرر مستقبلاً..

**"aurion"** · 13-08-2009, 07:59 AM

بالعكس لو تشبكه يكون أفضل وأريح للمكينة <- يعني مثل ماتقول يصير تنفس المكينة أكثر وأوسع ..
وربي يوفقك إن شاء الله ..

**حمودي007** · 13-08-2009, 08:48 AM

مشكور على الموضوع ياحبيبي اذا انتها الضمان بكيفك بس انا رحت الوكاله قلتله بركب الشكمان الثاني بر مو في الوكاله قلي يروح ضمان المكينه والجربكس وقالي اشياء ثانيه
وقاعد يفتيني
وخرجت ولا ركبته لسى

**ابداع الحياة** · 13-08-2009, 09:32 AM

السلام عليكم حبيبي اكوورد الشباب افادوك والله يعطيهم الف عافيه انا كنت مركبه زينه ماشبكته طالع شكله اوك بس بعد فتره يمكن سبوع طلع الشكمان الأصلي اسود والثاني يلمع نظيييف واضح انه زينه مركب هههههه وفكيته وبعدين لو تشبكه يكون اريح واخف للسياره مثلا خشمك سكر فتحه من فتحات خشمك وتنفس شوف رح يكون صعب عليك اما لو تفتح الفتحتين يكون اريح واسهل لك <<<< شرايك بالمثال البايخ هههههه مدري مالقيت اىل هذا بس انه صووودق سامحني على اللقافه والفلسفه الزايده

وصراحه كلام حموودي 007 يخوف ما ادري لأنها قويه لو يروح الضمان هع هع هع اسئل الوكاله احسن لك يمكن لو تركبه بالوكاله مايروح الضمان بس والله يبطون اركبه عندهم ب3000 هههه اركب شاشه احسن ههههههه
<<<<<< يالله خلاص عاد عطيتكم وجه وعطيتكم الكلام الي عندي هههههه امزح معكم يالله فمان الله

**f a w a z** · 13-08-2009, 09:39 AM

^^^^^

اي بس انا خوي يأثر على المكينه لأن السيارة مصنوعه بفتحت خشم وحدة

**اكورد 2006 وبس** · 13-08-2009, 11:17 AM

خلها زينة وشكل فقط لكن حرام تشتري راس مكينة وتلعب في السيارة السيارة مصنوعة بشكمان واحد ليش نحن نلعب فيها للدرجة هذي تحن مسرفين فانصيحة خلها زينة وشكل فقط

**اعطوني عين** · 13-08-2009, 06:54 PM

ياخوي نصيحة لله خله شكل بس ومظهر ومنظر وشكرا على الاستشارة لانه ماخاب من أستشار ولاندم إن شاء الله;)

**f a w a z** · 13-08-2009, 07:13 PM

مشكورين على المرورو جميعاً

**AHN** · 13-08-2009, 07:22 PM

بأختصار .,
.اذا كانت الدبه أصليـه (( من الوكاله )) ., والي راح يركبها لك شغله نظيف ., ((( ركب وانت مغمض )))

أما اذا كانت الدبه مو أصليه ., (( لا تركبها وخلها زينـه))

أنا بنفس اليوم شريت الاغراض وركبته بنفس اليوم .,
والحمدلله ولا مشكله ولا صوت .,
وأحلي دلـــــــع

**f a w a z** · 13-08-2009, 07:28 PM

المشاركة الأصلية كتبت بواسطة ahn

بأختصار .,

.اذا كانت الدبه أصليـه (( من الوكاله )) ., والي راح يركبها لك شغله نظيف ., ((( ركب وانت مغمض )))

أما اذا كانت الدبه مو أصليه ., (( لا تركبها وخلها زينـه))

أنا بنفس اليوم شريت الاغراض وركبته بنفس اليوم .,
والحمدلله ولا مشكله ولا صوت .,

وأحلي دلـــــــع

معليش على الأسئله بس ودي اركب وما اندم
شريتها من وين وبكم؟مع التركيب

وهل شبكتها ولا زينه؟

وهل حسيت بفرق بضغط الار بي ام اذا كنت شابكه؟

وفي فرق بالعزم والهواء نفس المستوى الشكمانين مستوى خروج الهواء؟

وممكن صورة للشكامين تكون واضحه من الاسفل

**AHN** · 13-08-2009, 07:36 PM

المشاركة الأصلية كتبت بواسطة A-C-C-O-R-D

معليش على الأسئله بس ودي اركب وما اندم

شريتها من وين وبكم؟مع التركيب

وهل شبكتها ولا زينه؟

وهل حسيت بفرق بضغط الار بي ام اذا كنت شابكه؟

وفي فرق بالعزم والهواء نفس المستوى الشكمانين مستوى خروج الهواء؟

وممكن صورة للشكامين تكون واضحه من الاسفل

شريتها من الوكاله الي بالدمام .,
الدبه بـ 960 ريال
النيكل ( القطعه الاخيره) أبـ 270 ريال
الربلات أبـ 74 ريال .,

التركيب اب 300 ريال .,عند محل العتيبي ( بالدمام ., خلف الوكاله)

طبعا شبكت الشكمان .,
وبالنسبه للصوت أو العزم ., (( انا ماحسيت ولا فرق 000000001 , % ))

وشسمه .,((( اذا بغيت تركب الشكمان ., قله (( ابي الهواء يطلع متساوي ))

وبالنسبه للصور ., أنا خارج البلد ., والملكه مو عندي ..:(

فيه كم صوره من بعيد ., مصورها .,( تلقاها بالألبوم)

**Aςςοrd ζοοly ΗβΚ** · 13-08-2009, 10:30 PM

والله يآخوي حتى أنا أبغى أركبه، والدبة والنيكل لي أسبوعين شاريها وعلى أساس أني أركبها الأحد أو الاثنين الجاي بس صراحة والله خايف ألعب في السيارة ميكانيكياً، والميكانيكا أصعب شيء في السيارة :(

أنا ما ودي أركبه زينة، يجيك كم واحد بـ يستهبل، يا يتوصل بالمحرك ولا بلاش !!

وبالنسبة لـ أسعار الدبة في الوكالة بدون الأنابيب بـ 650 ريال بعد الخصم والنيكل بـ 270 ريال ~

**f a w a z** · 14-08-2009, 09:05 AM

" ياشباب الي شبك الشكمان يقولنا من وين "
..ابي ورشه بالرياض عادي لو كان غالي والشغل اوكي ابي احد يعرف ورشه شغلها صح..

اي مكان بالرياض اهم شي وشه صح..

**King** · 14-08-2009, 09:18 AM

http://www.hondaarabia.com/club/show...D4%DF%E3%C7%E4

http://www.hondaarabia.com/club/show...D4%DF%E3%C7%E4

**Honda*2008** · 14-08-2009, 10:14 AM

والله الموضوع جااامد
انا متحمس

**King** · 15-08-2009, 03:09 AM

أخي الفاضل صاحب الموضوع وجدت موضوع كتبته انت !

بنفس العنوان والمحتوى ووجدت فيه الفائدة , لذلك لا يحتاج ان تكتب موضوع آخر

http://www.hondaarabia.com/club/showthread.php?t=24607&highlight=%C7%E1%D4%DF%E3%C 7%E4

أتمنى منك النقاش بالموضوع الأول

بالتوفيق إن شاء الله

الموضوع: مــسـاعده لــلـي مــركــب الـــشــكــمــان الـــثانــي

أدوات الموضوع

عرض

مــسـاعده لــلـي مــركــب الـــشــكــمــان الـــثانــي

مواقع النشر (المفضلة)

مواقع النشر (المفضلة)

ضوابط المشاركة