السلام عليكم ورحمة الله وبركاته
كيفكم ,,
بعلمكم اليوم سالفتي المأساويه
ياناس انا مدري وش قصتي مع المساعدات ..؟
المهم
من كم يوم اسمع صوت اذا مسكت بريك خفيف يعني على ال20 وصوت طق طق طق طق:d
المهم مع مرور الايام
زاد الصوت
وصار يون براسي ليل ونهار وسببلي ازمه نفسيه
لدرجة اني امس كنت نايم وحلمت اني اسوق السياره وجا هالصوت ناشب حتى بالحلم
المهم اليوم قررت اروح اشوف وش قصته
هنا يبدأ الفلم الدرامي الي صار معي اليوم
رحت لورشه (بنشر) علشان اسوي تيوب لس للكفر
قلت له بروح شوي وبرجع قال وش عندك قلتله بسوي البريك قال وشو بريك !!
قلت ايه ليه قال فيه واحد مضبوط هنا بالزاويه رح له
قلت اوكي وادق سلف واروح له
المهم وصلت له وسمعته الصوت قال هذا الصوت من البيرنق
وقال انا مابي اخسرك روح للمغسله الفلانيه سو غسيل بستم وتزييت الي تحت السياره واذا راح الصوت خلاص ماله داعي اتعبك معي قلت اوكي
وصلت عندهم وفيه شايب سعودي هو الي يدير المغسله
سويت غسيل بستم ويوم شغلتها ومشيت
وانواع النفط الاسود الي نزل من تحت السياره ,,
يوم خلصت ومشيت
مستانس راح الصووت المزعج:d
ولكن
مشيت والسياره تناقز مناقز اليم ذكرتني بايام التطييح
شلوون رجعت للمغسله غسلولي الي تحت السياره بماء علشان يوخرون الزيت (يمكن من الزيت)
المهم ماراح المناقز واروح للورشه ويوم فحصها
وهنا سمعت الخبر المفجع ,,
قالي اربع مساعدات خربانه ..!!!
شلووون
التفسير المنطقي
يوم رفع السياره علشان يغسلها بستم يقول اليمني يمكن المساعد تمدد ونسم الهوااء وصار المساعد يحتوي زيت بس مافي هوااء
علشان كذا يطلع مناقز
الغريب اني اذا اكلت مطب ولا صعده اسمع صوت كن قاعدة المساعد مهب ثابته ,,
والشيئ الي مضايقني اكثر ان الصوت الي بالبريك رجع
طق طق طق طق طق طق :d
والله محتآآر ومدري وش الحل
فيه احد قد صارله مثل هالموقف
تتوقعون وش الي خرب المساعد التزييت ولا رفع السياره ؟؟
صراحه المساعدات سببتلي ازمه نفسيه :(
وتتوقعون من المسؤول ,,
المغسله ولا الحظ الردي ,,
والحمدلله على كل حال كله قضاء وقدر ,,
,,
مع العلم اني قبل لا ادخلها المغسه كانت عال العال ومافيها الا العافيه ,,
,,
انا كانت عندي مشكلة قريبه من هدي...
لمن اجي اخد مطب اسمع صوت من المساعد الخلفي...
ولمن اجي اطلع طلعة الباركنج بلريويس طبعا الصوت هدا يطلع...
ولمن انزل كمانا الصوت هدا يطلع...
لمن دخلت السياره صيانة ال20.000 طلعت المشكله من جلب المساعدات وسوها على الضمان...
المشاركة الأصلية كتبت بواسطة A N M A R
الله يعين صراحه انا صرت اخر الايام كني معقب
كل يوم واحد صادم بسيارتي ورح يافقير الحظ صلح ياتشليح يامرور ياورشه
خلاص عافت النفس
افكر اطقلي ددسن مديل 90 وادععععععععس وعيش حياتك
بس تكون المساعدات على الشرط:d
مشكووور يا انمآآر على المشاركه
والله لا يوريك مكروه يابعدهم
,,
والله مثلي انا صار معي هذا الموقف وانشالله اقدر اساعدك انا طبعا عندما اشتريت السيارة جديدة كنت اوديها غسيل بستم مثلك ولكن ماكنت ادري باضراره المهم من بعدها سرت اسمع هذي الاصوات بالذات عند المطبات وطلعت المشكلة مو من المساعدات لاحد يضحك
عليك طلع السبب انه البستم ينشف ويجفف جلود السيارة من تحت ووديتها الوكالة قالولي يبيلك فقط تزيت الجلود بالزيت لان البستم ينشف زيت الجلود..... والمفروض انت ماتزيتها بالبستم المفروض تزيت الجلود من الوكالة او ورشة معترفة مو مغسلة :d ...........اتمنى اني افدك واي استفسار انا جاهز .....وشكرا
نصيحة مني ابتعدوا عن الغسيل بالبستم لانه يعدم السيارة من تحت ويجففها
وابتعدو عن غسيل السيارة بالبخار لانه يرطب السيارة من الداخل مما يعدم الكهرباء
التعديل الأخير تم بواسطة اكورد 2006 وبس ; 18-08-2009 الساعة 02:16 AM
اخوي فقير الحظ ان شاء الله اخرالاحزان بس اخوي حبيت اسالك اذا كانت سيارتك اللي في الصوره مهبطه اما انك كنت قاص اليايات او مركب يايات رياضيه على مساعدات بلدها
واكيد انت رجعتها وكاله بس على نفس المساعدات اللي كنت مهبط عليها وتلاقيها وصلت للنهايه وكان رفعه البستم سبب فقط
الله يكون بعونك وان شاء الله تصلحها وتنساها
اخوك اكورد مجنونه
كم مديل سيارتك اخووووي
انا قد صارت معي نفس الحركه بالضبط زطلعت مساعدات
وغيرتهاااو الله كان معي اكورد 2004
مشكورين ياشباب ,,
مالي حل الا تغيير المساعدات ,,
الله يعين ,,
ياليت يغلق الموضوع يامشرفنا الغالي ,,
,,
ضوابط المشاركة
مواقع النشر (المفضلة)