زيت كاسترول ماجناتك وملاحظتي عليه

[بلال العلمي]

السلام عليكم

اخواني انا لاحظت مشكلة في زيت كاسترول سواء كان ماجناتيك او كاسترول جي تي اكس بجميع انواعها بانها تنقص بمجرد قطع 1000 كيلو فقط

انا دايم امدح الشركة هذه بحكم انها لها اكثر من 100 سنة وهي تصنع زيوت المحركات وخاصة السيارات وعقودها للفورميلا ون تعتبر بالملايين سنويا لكن اللي لاحظته على اغلب السيارات اللي امتلكتها وسياراتنا اللي عندنا انها تنقص بعد تعديها حول 1000 كيلو

انا حبيت اجيب عذر للشركة بان الزيت يلزق ويعلق بالمعدن الى انه ثبت فعلا ان الزيت ينقص وهذا يسبب مشكلة خصوصا للي ما يشيك الزيت ويلحق على نفسه

كيميائيا زيت كاسترول بتمدد عالي جدا وبتقلص عالي ويتحمل ظروف مختلفة لكن اللي اجده انه يختفي تماما

يعني السيارات اللي جربتها عليها سيارات جيدة وهي سيارات غير معروف عنها انها تشنبر من تاخذها من الوكالة واستبعدت سيارة الكامري اللي عندنا في البيت من التجربة لان عندها العيب المصنعي في نقص الزيت بسبب ضعف تصميم الشنابر

تم تجرببها على سيارة هايلوكس 2006 ممشاها 70000 فقط حالة المحرك والشنابر ممتازة


تم تجريبها على كابرس 2003 ممشاها 103000 حالة المحرك جيدة


تم تجريبها على هوندا سيفيك 2007 ممشاها 84000 حالة المحرك ممتازة والشنابر ممتازة


علما باني قمت بتغيير نوعية الزيت بالنسبة الى هايلوكس واستخدمت زيت تويوتا 20 دبليو 50 وما طلعت المشكلة هذه وممشى السيارة 2800 على الزيت حتى الان


وقمت بتغيير نوعية الزيت بالنسبة للكابرس الى موبيل وممشى الزيت 4800 ومافيه نقص للزيت

تم تغيير زيت هوندا سيفيك الى زيت هوندا في الوكالة وما فيه نقص في الزيت والممشى 1300 تقريبا



الرجاء التأكد والتحقق من كلامي ولكم جزيل الشكر

[The Accord V6]

صحيح كلامك ....

أنا سيارتي 2007 أكورد v6 أغير لها كاسترول 10-30 وبعد خمس 5000 كيلو
ينقص ربع علبه تقريبا ...

إلا أقول انت ستخدم 10-30 ولا 20-50 ..........

[B Useful]

معي ٤ سلندر ، استخدمة بجميع انواع الكرف وامشية ٢٠،٠٠٠ ولا نقص قطرة !

[تويتي]

^^^^^^^^^^

[بلال العلمي]

الظاهر مو لحالي والظاهر انه مع الكل


http://www.hondaarabia.com/club/showthread.php?t=17270

[المباشر]

أبسط حل : أتركه وشوف زيت غيره يناسب سيارتك

[A N M A R]

ياصديقي بلال...

كل عام وانت بخير...

مافي افضل من زيت الهوندا لسيارات الهوندا بنظري...

[بلال العلمي]

بالنسبة للاكورد من شريتها وانا استعمل زيت هوندا عليها بس ما امشي عليها في الظهر مثلا لاجل لزوجة الزيت نفسه


بس اغلب سياراتنا كاسترول وناس كثيرة تستعمل كاسترول وعندهم نقص في الزيت او يمكن تبخره بس هذا مستحيل كيميائيا ؟؟؟

[A N M A R]

.
.

على ايام الجمس98...

كنا نغير الزيت زيت كاسترولgtx...

والوكاله بالبيد يستخدمو هدا الزيت...

لمن انا استلمت الجمس صرت اشوف مؤشر الزيت بينخفض...

[ثــلــج مــشــوي]

ماشي على الماجنتيك لحد الان 11 الف

و90 بالميه منها خطوط

ولانقص ولا شي

بس تغير لونه

[أبوكرم]

ما أبغى أفتي من عندي بحكم إني ما جربت الكاسترول

لكن أعتقد قبل فترة نزلوا موضوع عن كميات مقلدة أو مغشوشة بالأصح
يمكن اللي ينقص عندهم الزيت يكون مغشوش أو شيء من هذا القبيل؟؟؟؟؟؟

[YuSuF]

مافي افضل من زيت الهوندا لسيارات الهوندا بنظري...

أخوي أنمار أنا معاك في هالنقطة
ركز على عبارة "زيت هوندا" وليس زيت الوكالة


لأنه الزيت اللي في الوكالة مو زيت هوندا


زيت هوندا يفرق كثير ياشباب

زيت هوندا اللي تروح بنفسك تشتريه من أي محل قطع غيار وتعبيه في سيارتك


أخوي بلال انت كاتب في الموضوع زيت الوكالة وهو مو زيت هوندا إلا إذا أنا مافهمتك مزبوط

وبالنسبة لزيت كاسترول بصراحة ماجربته لذلك ماحتفلسف :d


بس حبيت أعلق وأفلكم كل عام وانتوا بخير

[بلال العلمي]

اول مرة ادري ان زيت هوندا مو هو نفسه اللي يعبونه الوكالة

[B Useful]

بالنسبة للاكورد من شريتها وانا استعمل زيت هوندا عليها بس ما امشي عليها في الظهر مثلا لاجل لزوجة الزيت نفسه

نظامكـ اوكيهـ !!:d

يعني الظهر لا صار عندك مشوار تروح تكسي ولا كيف !!

كلام غير منطقي ..

ابسأل سؤال ..

وش اشد حرارة ...

حرارة المكينة ولا حرارة شمس الظهر ؟؟؟

ابسأل سؤال ثاني ..

ايهم اكثر ثبات ..

حرارة المكينة ثابتة ولا حرارة الجو ؟؟


على طاري الزيت ينقص .. اكثر من شخص اعرفة معهم v6 ينقص عندهم الزيت ..
لكن السؤال الكويس اللي يطرح ويقسم ويجمع نفسة المشكلة وين .. هل في الزيت نفسة ؟؟ <<< ما اظن .. كرفتة لين 20.000 وما نقص قطرة، ولا المشكلة في مكاينهم ؟؟؟


تحياتي لكـ وشهركـ مباركـ عزيزي

[بلال العلمي]

نظامكـ اوكيهـ !!:d

يعني الظهر لا صار عندك مشوار تروح تكسي ولا كيف !!

كلام غير منطقي ..

ابسأل سؤال ..

وش اشد حرارة ...

حرارة المكينة ولا حرارة شمس الظهر ؟؟؟

ابسأل سؤال ثاني ..

ايهم اكثر ثبات ..

حرارة المكينة ثابتة ولا حرارة الجو ؟؟

على طاري الزيت ينقص .. اكثر من شخص اعرفة معهم v6 ينقص عندهم الزيت ..
لكن السؤال الكويس اللي يطرح ويقسم ويجمع نفسة المشكلة وين .. هل في الزيت نفسة ؟؟ <<< ما اظن .. كرفتة لين 20.000 وما نقص قطرة، ولا المشكلة في مكاينهم ؟؟؟

تحياتي لكـ وشهركـ مباركـ عزيزي

احاول ما امشي كثير الظهر لان لزوجة الزيت ما تتحمل حرارة الصيف لما توصل 50 ولاجل كذا ضمان الوكالات عندنا ما بين 60000 الى 100000 برى عندك ضمان مفتوح السرعات او مدى الحياة


فيه ظروف تجبرني اروح بس احاول احافظ عليها وطرق محافظتي على سياراتي تحقق لي اسعار بيع زينة اذا جيت ابيع وخصوصا اللي يطلبوني فيها ناس يعرفون سواقتي ويعرضون علي اسعار جيدة

الزيت المكتوب فيه 20 دبليو 50 ما له علاقة بحرارة المحرك انما بحرارة الجو الخارجي اللي يشتغل تحته المحرك وحرارة المحرك داخليا تتعدى 150 درجة مئوية لكن اذا كانت درجات الحرارة عندنا باريسية تكون على 100 تقريبا او اقل الى 90 والمكينة مرتاحة


يعني علامات الزيت بناءا على درجات الحرارة الخارجية اللي يتشغل تحتها المحرك



بالنسبة لاصحاب الستة سلندر وينقص عندهم الزيت هذا شي موطبيعي وانا لي تحفظي على محرك الستة سلندر كبنية تصنيعية

صحيح التقنية الالكترونية خياااال وهي تقنية vcm



لكن المحرك يعمل بنظام soch وليس doch ولذلك ما تقدر تطبق نظام في تي اي ونظام في تيك مع بعض

يعني محرك الستة سلندر بس في تيك فقط



وايضا مشكلة نقص الزيت هذا ان كان للكل فهو عيب ضخم بس اخاف تقصد محرك 3.0 فقط اما اذا طال الموضوع هذا 3.5 فهذه مشكلة ضخمة

[NeVeR LooK BaCk]

ضمان مدى الحياه :(

معليش احسها ماتدخل الراس

تحياااتي

[بلال العلمي]

ايه وفيه كيا تعطيك ضمان 5 سنوات مفتوح الكيلومترات ي

يعني خمس سنوات الا يوم واحد من تاريخ الشراء وسيارتك ماشية نصف مليون كيلو متر تظل داخلة في الضمان وهذا وهي كورية اجل كيف الياباني ؟؟؟

وبرة؟؟؟

[B Useful]

في الامارات والكويت ،، ضمان المكينة والقير مدى الحياة لسيارات هوندا .

اللي في الامارات شفتها بنفسي ،،،
بس ما اظن فية شي ببساطة ،،، اتوقع في شروط معقدة ، مثلاً كل ٥٠٠٠ تجيبها صيانة <<< والله لو اني دلخ ماوديتها صيانة كل ٥٠٠٠ ابصير ادفع قيمة مكينة في فترة وجيزة !!

----

بخصوص الزيت ...

اذا حراة الجو .. من ٠ الى ٦٠

وحرارة المكينة من ٩٠ الى ١٥٠ <<< اعلى دائماً من حرارة الجو ..

معناتة امش في الظهر ولا في الليل .. الزيت جاية حقة جااااية .. :d وفي كل الاحوال .. انت تغيرة في وقتة وربما قبل وقتة <<< بعض الناس موسوس !! يغيرة كل ٢٠٠٠ ولا ٢٥٠٠ !!

[بلال العلمي]

في الامارات والكويت ،، ضمان المكينة والقير مدى الحياة لسيارات هوندا .

اللي في الامارات شفتها بنفسي ،،،
بس ما اظن فية شي ببساطة ،،، اتوقع في شروط معقدة ، مثلاً كل ٥٠٠٠ تجيبها صيانة <<< والله لو اني دلخ ماوديتها صيانة كل ٥٠٠٠ ابصير ادفع قيمة مكينة في فترة وجيزة !!

----

بخصوص الزيت ...

اذا حراة الجو .. من ٠ الى ٦٠

وحرارة المكينة من ٩٠ الى ١٥٠ <<< اعلى دائماً من حرارة الجو ..

معناتة امش في الظهر ولا في الليل .. الزيت جاية حقة جااااية .. :d وفي كل الاحوال .. انت تغيرة في وقتة وربما قبل وقتة <<< بعض الناس موسوس !! يغيرة كل ٢٠٠٠ ولا ٢٥٠٠ !!

تفاعله الكيميائي وتغير خواصه الكيميائية وايضا درجة تمدده هذه تختلف وتسبب اختلاف في لزوجته ولا ما كان يحتاج يحطون 20 دبليو 50 ولا 10 دبليو 40

لو ان الزيت يتحمل درجات حرارة مختلفة يعمل تحتها ما كان يحتاج انهم يحطون العلامات هذه