تقرير بسيط لتركيب اطارات Bridgestone Turanza GR-80

[المباشر]

السلام عليكم ورحمة الله وبركاتة

أضع لكم تقريري البسيط جدآ عن تركيب اطارات Bridgestone Turanza GR-80

وانطباعي الألوي عنهم

في البداية أعتذر اذا كان مكان الموضوع غير صحيح وللمشرفين والمراقبين حرية النقل للقسم المناسب

طبعآ الموتر المبين بالصورة تبع أخي العزيز والفال لموتري ان شاء الله نكشخه بتواير تورنزا

توجهنا لمؤسسة الطلائع بالدمام ودخلنا الموتر وطلبنا

اطارات عدد أربعة 4 سعر الأطار الواحد 524 ريال والمجموع : 2096 ريال

تعبئة نيتروجين بقيمة 60 ريال للأطارات الأربعة

وزن اذرعة بسعر 80 ريال أمامي وخلفي وفي حاله ان السيارة لاتحتاج لوزن يأخذون سعر كشف 40 ريال فقط

المجموع 2236 ريال

صورة الأطار والنقشه

المقاس

16 / 55 / 215

صورة بعد التركيب

بعد التركيب ضبطوها ميزان اذرعة وطلعت تحتاج ميزان امامي وخلفي وماصورتها للأسف لأني في نهاية الميزان مشيت كان عندي شغل

شكري الجزيل لحبيبنا ( أمير الهنادي ) طبعآ تلخبطت في المقاس المطلوب وأتصلت على امير الهنادي وعلمني المقاس لأني شايف التواير والمقاس على سيارته وشكرآ ياحبيب قلبي

الأنطباع الأولي

بعد مارجعت للبيت سألت أخوي ورد علي

( يقول كل شوي أدوس أبي أسمع صوت ولكن ماشاء الله تبارك الله هدوء رائع )

( ويقول مريت على عيون القط اللي حاطينهم الحكومة قبل التفتيش في مدخل المدينة لتخفيف السرعة ويقول فرق عن أول ، يقول ماحسيت بقساوة مثل قبل مع ميشلان الخايس )

وأنا اليوم طالع للجبيل ان شاء الله وراح اجربها وأشوف الهدوء اللي يقولون عنه :d

[وسيم الاكورد]

مشالله الله يعطيك خيرهاا ويكافيك شرهاااا لو انك ماااخذ اعررررض شوي 225 تطلع ااوووووكي احس انهااا سخيفه يعني مو عريضه تروووح وترجع بالسلامه

[أبو الريش]

يعطيك الف عافيه يبو فهد عـ التقرير

و ان شاء الله قـريب راح اغير كفرات الموتر بس خلي الكفر الرابع ينرقع :d

و ان شاء الله يمكن اغير او اظل على نفس الي عندي

لكن عندي كم سؤال بعد تجربتك لهم بعدين راح اطرحهم

و الله يجزاك الف خير

[f a w a z]

مبروك الكفرات ما شاء الله تمسحهم بالعافيا,,:d

وعاد قلنا نبذتك عنها اذا رجعت توصل بالسلامه

الا بسألك كم سعرهم على جنوط 17 نفس مقاس الوكاله ..

[المباشر]

مبروك الكفرات ما شاء الله تمسحهم بالعافيا,,:d

وعاد قلنا نبذتك عنها اذا رجعت توصل بالسلامه

الا بسألك كم سعرهم على جنوط 17 نفس مقاس الوكاله ..

الله يسلمكم ويبارك فيكم وان شاء الله اجربهم وأشوف وضعهم وطبعآ معروف انهم جدد وأكيد مريحين ولكن راح اتابع الموضوع وان شاء الله راح أركب على موتري قريبآ

بخصوص سعرهم على جنوط 17 ماعندي خلفية لكن كأني شفت الشباب يقولون فوق الـ 3000 ثلاثه الآف ريال او اقل

[kakashi-san]

وعليكم السلام ،

يعطيك العافية على التقرير البسيط ..

بس الظاهر انك غيرت الكفرات مع لون السيارة وقلبتها 6 سلندر :d

أنا إن شاء الله ناويها ، بس شكلي باخذها من البحرين ..

لاني شفت سعرها هِنا فوق 3000 ريال ..

وفي البحرين حصلت على خصم يوصل إلى 2100 ريال طبعاً مقاس الجنط 17 ،

ومقاس 16 قال لي على ما أذكر 1700 او 1600 وعليها ..

ما قصّرت يا كويّسْ ،

ملاحظة قبل ما تجيني رسايل خاصة يسألوني عن مكانه بالبحرين ، سـَترة - شارع الوكالات ، بريجستون ،

بالتوفيقْ ،

[اكورد 2006 وبس]

الف مبروك بس بسألك بخصوص وزن الاذرعة هل سويته في بريجستون ......والف شكر

[YuSuF]

ألف ألف مبروك
تعيش وتركب عزيزي:d


تروح وترجع بالسلامة

في انتظار انطباعك عن الكفرات

[~ Aβdułяhмαη •™]

يعطيكـ العافيهـ

[فيوزات رحيمه]

لآآآآآهنت اخوي مباشر على التقرير

ويعطيك الف الف الف عافيه ماقصرت يا غالي

تحيااتي لك ..

اخوك :: فيوزات رحيمه

[الحظ الميت]

يعطيك العافيه ع التقرير المفيد ..

[accordyon]

مبروك وعقبالك
مابسألك عن الكفرات لأني مركبهم ومريحيني بس بسأل عن الميزان الخلفي
حسيت بفرق عن اول
بالنسبه للسعر غريبه انا مركبهم 1450 مع انهم اعرض وفي فرق السعر

[Solo]

اخوي مباشر...

خويي مركبها على سيارته الكامري.. بـ 1800 ريال..!!!

نفس النوعيه.. حتى اني دقيت عليه وسالته عن الاسم ونفسه..

والكفر صدق من قال مريح..قسم انه يرقى المطب وهو ما يدري..معطيتك راحه مثل الامريكي..

وبالنسبة للنيتروجين

انا يام ركبت كفري الجديد.. سالتهم كم تعبون بالنيتروجين..؟؟

قالوا لي.. بـ 30.. ونشبت لهم .. في حلقهم

وعبوه ببلاش..

+ اذا جيت بتركب الكفر .. لاتنسى.. خلهم يسوون لك الترصيص من داااخل...!!!!

================

ملاحظه

اخوي النيتروجين مثل ماله مميزات اكيد له عيوب.. ابحث عنها واستفسر

الي سمعته .. انه يخلي الكفر قااسي..مع الوقت..

[MaLiK1987]

كل عام وإنت بخير أخوي علي

بالنسبه للكفرات ماشاء الله بس السعر والله غلبوكم فيه كثيررر

أنا قبل ست شهور غيرت كفراتي الأربعه برحستون إدرينالين ورحت لطلائع قالوا لي السعر 2200 ريال

فدورت برى في المحلات لقيت مقاس 16/225/55 والتاريخ 2008 وعلى الضمان (ترصيص+تركيب+نيتروجين) وفرق السعر 500 ريال ;)

[المباشر]

وعليكم السلام ،

يعطيك العافية على التقرير البسيط ..

بس الظاهر انك غيرت الكفرات مع لون السيارة وقلبتها 6 سلندر :d

أنا إن شاء الله ناويها ، بس شكلي باخذها من البحرين ..

لاني شفت سعرها هِنا فوق 3000 ريال ..

وفي البحرين حصلت على خصم يوصل إلى 2100 ريال طبعاً مقاس الجنط 17 ،

ومقاس 16 قال لي على ما أذكر 1700 او 1600 وعليها ..

ما قصّرت يا كويّسْ ،

ملاحظة قبل ما تجيني رسايل خاصة يسألوني عن مكانه بالبحرين ، سـَترة - شارع الوكالات ، بريجستون ،

بالتوفيقْ ،

الله يعافيك حبيب قلبي وبصراحة سعر البحرين أرخص بكثير وأعتقد بركبهم هناك

الف مبروك بس بسألك بخصوص وزن الاذرعة هل سويته في بريجستون ......والف شكر

الله يبارك فيك وصحيح يالغالي الوزن عند بريجستون / مؤسسة الطلائع ( واللي يسوي الوزن فلبيني الجنسية وشغله ممتاز لكن أخوي يقول توهق شوي مادري ليه وفي الأخير ضبطها )

تجربتي للسيارة ان شاء الله اليوم او بكره

يعطيكـ العافيهـ

الله يعافيك يارب

يعطيك العافيه ع التقرير المفيد ..

الله يعافيك يارب

مبروك وعقبالك

مابسألك عن الكفرات لأني مركبهم ومريحيني بس بسأل عن الميزان الخلفي
حسيت بفرق عن اول

بالنسبه للسعر غريبه انا مركبهم 1450 مع انهم اعرض وفي فرق السعر

الله يبارك فيك ، بخصوص الوزن ان شاء الله بطلع بالموتر مشوار اليوم ولا بكره وبجربه وأشوف

وبخصوص السعر والله تناشبت معاهم ولكن للأسف ماطلعت بنتيجه

وحتى بعد للأسف بطاقة الخصم من تركي بقشان ماجابت نتيجة لأنهم يقولون لازم البطاقة موجودة معاك وتركي بقشان يقول أستلمها من أي مركز وللحين ماشفناها

اخوي مباشر...

خويي مركبها على سيارته الكامري.. بـ 1800 ريال..!!!

نفس النوعيه.. حتى اني دقيت عليه وسالته عن الاسم ونفسه..

والكفر صدق من قال مريح..قسم انه يرقى المطب وهو ما يدري..معطيتك راحه مثل الامريكي..

وبالنسبة للنيتروجين

انا يام ركبت كفري الجديد.. سالتهم كم تعبون بالنيتروجين..؟؟

قالوا لي.. بـ 30.. ونشبت لهم .. في حلقهم

وعبوه ببلاش..

+ اذا جيت بتركب الكفر .. لاتنسى.. خلهم يسوون لك الترصيص من داااخل...!!!!

================

ملاحظه

اخوي النيتروجين مثل ماله مميزات اكيد له عيوب.. ابحث عنها واستفسر

الي سمعته .. انه يخلي الكفر قااسي..مع الوقت..

يعطيك العافية على الملاحظات يطولي بعمرك

بخصوص السعر والله مادري وش موضوعهم هل أرتفع ولا مثل ماشفت قبل الشباب يقولون شافو تفاوت بالأسعار بين فرع وفرع

والنيتروجين كان قبل كم شهر التاير الواحد بـ 20 والحين نزل بـ 15 عند الطلائع والقحطاني ولكن يمكن يكون مقاس الكفر وحجمه هو سبب في زيادة السعر وممكن لا ..

وماعندي خبر بخصوص انه يخلي الكفر قاسي وانا معبي نيترجين على تواير سيارتي وماشفت شي منه حتى الآن

كل عام وإنت بخير أخوي علي


بالنسبه للكفرات ماشاء الله بس السعر والله غلبوكم فيه كثيررر

أنا قبل ست شهور غيرت كفراتي الأربعه برحستون إدرينالين ورحت لطلائع قالوا لي السعر 2200 ريال


فدورت برى في المحلات لقيت مقاس 16/225/55 والتاريخ 2008 وعلى الضمان (ترصيص+تركيب+نيتروجين) وفرق السعر 500 ريال ;)

وأنت بخير وصحة وسلامة وياهلا وغلا فيك

منور يالغالي

والله وش أقولك تعبنا معهم مش راضيين ينزلون وحتى قايل لأخوي أسحب 1900 وخل عندك احتياط لأني عارف أنهم بـ 1800 وحولها قبل فتره ومادري وش عندهم رافعين السعر

وخبرك ماودنا نروح بعيد عن الطلائع حتى تاريخ الأنتاج جديد عندهم

[ABO.YOUSEF]

مشكووور اخوي ع الافااده و ننتظر جديدك المميز
تقبل مروري يا الغالي

[المباشر]

حياك يالغالي

[S.M.A.R.T]

ماسويت الا الواجب يابو فهد وحنا في الخدمة في اي وقت طال عمرك والله يوفقك

وكل عام وانت بالف خير

[amer09]

على البركة وتمسحونها بالعافية

[Solo]

اخوي مباشر

في بالي شي بسيت اقوله لك

..كم اقصى سرعه للكفر..؟؟

[aziz93]

اخوي المباشر عطني موقع الطلائع في الدمام وعلى طريقك وكيل المشلان لاني سمعت اليوم انهم مسويين عروض على كل كفر تآخذ قسيمة خمسين ريال

الله لا يهينك

تحياتي

[الـمـسـافـر]

الف الف مبروووووووووووووك

وعقبالك ان شاء الله هاليومين بعد ماتجرب سياره اخوك على طووووول تروح لهم ;)

[المباشر]

على البركة وتمسحونها بالعافية

الله يبارك فيك يالغالي

ماسويت الا الواجب يابو فهد وحنا في الخدمة في اي وقت طال عمرك والله يوفقك

وكل عام وانت بالف خير

بيض الله وجهك وجزاك الله خير وماقصرت والعذر والسموحه على أتصالي الملخبط حتى حسيت أني ماعرفت أتكلم معك والله كنت متوهق اولاد اختي يسلمون علي وانا جالس اتكلم معاك وأكلم الشباب في مؤسسة الطلائع على التواير وغير كذا واحد من الشباب توه واصل عندي علشان نطلع مشوار بسيط مع بعض وكنت محيووووووس بشكل رهيب :d

اخوي مباشر

في بالي شي بسيت اقوله لك

..كم اقصى سرعه للكفر..؟؟

في بريجستون يقولون 270 طبعآ معروف الرمز V يتحمل الى 240 الا اذا أنا غلطان فياليت أحد يصصح لي المعلومة :d ويارجال خله يتحمل الى 240 هو حدنا ان صار طارئ 200 أو 180 << في حال قطاع طرق ولا شي

اخوي المباشر عطني موقع الطلائع في الدمام وعلى طريقك وكيل المشلان لاني سمعت اليوم انهم مسويين عروض على كل كفر تآخذ قسيمة خمسين ريال

الله لا يهينك

تحياتي

الطلائع ( بريجستون ): شارع بن خلدون سابقآ بعد ماتعدي مكاتب الحملات للحج والعمره تجيك محطة بنزين هم على اليمين على طول مقابل بيت الأنصاري وقبل المعهد المهني.

الجفالي ( ميشلان ) : الدمام 8334978 ومكانهم بنفس وكالة مرسيدس بنز وأتوقع قريب عند وكالة الجبر ( نيسان ) أو في الشارع اللي قبله المهم بنفس الشارع اللي فيه بنده على اليسار اللي صار فيها طلق النار مع الأرهابيين قبل فتره

ولكن رحت لهم قبل أسبوع علشان أبي بطارية بوش وقالوا انهم نقلوا الى طريق الكباري مقابل سكيكو بالضبط ولكن كأني شفت التواير بالموقع القديم والموقع الجديد للسيارت وقطع الغيار وماتدري يمكن ينقلون كل شي للموقع الجديد

على العموم يبيلك تروح لهم بعد العشاء على طول علشان تكسب وقت

الف الف مبروووووووووووووك

وعقبالك ان شاء الله هاليومين بعد ماتجرب سياره اخوك على طووووول تروح لهم ;)

الله يبارك فيك يطولي بعمرك ويارجال من كلامه ودي أروح وأضيع الميزانية وأركب وأرتاح من الأزعاج

وللحين ماجربت الموتر لكن اليوم وبكره راح يكون عندي وأحلى تجربه خط وتمشيات وغيره :d

[aziz93]

تسلم اخوي وبالنسبة للجفالي فاكيد هم نقلوا لاني رحت ابغير البطارية وقالوا لي روح الجفالي وتعايرت اروح لهم

تحياتي

[A N M A R]

بسم الله ماشاء الله...

كفرات ممتازه...

ومريحه جدا...

حتى لمن تاكل حفرة مامنتبه ليها ماتحسبها زي الدانلوب الي كانت راكبه في سيارتي...

من جد ابداع البرجستون بكل كفراتها...