السلام عليكم ورحمة الله وبركاته
1
1
1
1
1
1
1
1
1
1
1
.
الحمد لله رب العالمين والصلاة والسلام على نبينا محمد وعلى اله وصحبه اجمعين وبعد
اسف على انقطاعي للمنتدى بسبب الاختبارات واكيد فيه ناس تختبر واخر سنه
بس انا جتني معاناة علشان كذا كتبت الموضوع :d
<<مبسوط وبيتصفق
يوم قالوا الاختبارات العمليه بكره
اجتهدنا وذاكرنا مع انها حاسب وعنقريزي
وكان الاختبار يوم السبت والاحد والباقي اوف
طبعا في معهد اهلي <<
يعني وراك دفع فلوس
فجا كذا اسولف مع واحد من دوافير الفصل <<بس جبت درجات احسن منه قهرته في نفسه
نسولف عن الاختبارات والاسئله ومظبطه قلت له الماده كذا راح يجي الدرس الفلاني والماده كذا راح يجي الدرس كذا <<خبركم كنت في المعهد الحكومي والاسئله تجي من عنده
فجا رجال ثالث يسولف معنا
ومع السواليف خوينا الدافور شاف خوينا اللي جاء وكان مشغل سيارته ومعاه ايكو
سمع المراوح تبرد قال وش هالموتر اللي الماني و ماقد دخل تشليح
طبعا بين اخويا بتصير مزح <<وبعض المرات المزحه تصير رزحه
طبعا خوينا الاسبوع الثاني شي اكيد راح يشطف التشليح وغير القير والعين ماجت على المراوح جت على القير بكبره يعني شل القير وانطله <هذي انطله يعني ماينفع تسوي شي
الان في الاسبوع الثاني اول ايام الاختبارات النظريه مع العالم نختبر جيت انا ولقيتهم طالعين من التقويه وكان علينا مادة تخصص محاسبة تكاليف
طبعا كنت ماشي مشاوير والهوندا حاره جيت عنده وطفيت السياره وقعدة اسأله عن الدروس وش وكيف وهذي ليه فجأه كذا اشتغلت مراوح الهوندا تبرد
شي طبعي
هو سمع والا ماسمع
قال مراوحك ازعجتنا طفها
ياولد اذكر ربك
سم عليها
يمين يسار
مسوي عبطي يضحك ومادري ايش ويبي يغير الموضوع وان استقعد له المهم هو قالها بدون نفس بس انا مأمل انها راح تجي
رحت من عنده وجلست ادرس مع واحد في بيتهم ويوم طلعت من عنده شغلت السياره ورحت للبيت وادخلها يوم طفيت السياره شميت ريح راديتر فتحت الكبوت لقيت مويه مسبحه الكبوت كله اشيك يمين يسار مالقيت شي
ويوم قمت الصبح وانا واصل لمواقف المعهد واطفي السياره تكيت شوي اتصفح الكتاب
وشو اشوف دخنه تطلع من الكبوت لالا كذا ماينفع طبعا فتحت الكبوت ومالقيت شي
المهم رحت اختبر ولا فكرت في السياره <<والله مايندرى
بعد ماطلعت من الاختبار اشوف هوندا اكورد 2006 او 2007 لوحته
هـ ل ن 818
مادري هذا خوينا والا لا --يختبر معي:d --والله فله
شغلت السياره طلعت من المواقف وتذكرت المويه اللي في الكبوت وافتح الكبوت والسياره تشتغل <<هنا مربط الفرس اللي انحاش
لقيت خرطوش الراديتر اللي فوق مخفوس يعني كانك خفسته بمسمار وطلعته <<ماعليش على اللغه
وينقط على المرواح الثنتين انا خفت طبعا وطفران
وقفت السياره وخليتها وسعرت عن القطعه قال بـ 60 ريال اصلي وكاله
فغيرته
الحين الخرطوش عدى على خير
اليوم الثاني جبت خوينا جريته قدام الناس هو يضحك وانا جاد
<<مادري كيف تجي
خليته يذكر الله ويسمي <<طبعا الاكورد خشت مزاجه وبدون نفس
يتفلسف وقال هاه شفها صاحيه وقفتها طيحت الطير
خليته ومر يومين والثالث وانا اشغل السياره اسمع صوت <<كصوت ماء يغلي
فتحت الكبوت حصلنا علبة الدركسون ناقصه ونعبي العلبه
رحت اشيك عند واحد باكستاني متخصص هوندا شيك على السياره كلها
قال يبيلك اصلاح دودة دركسون واصلاح علبة دركسووووووووون
<<<دركسون في دركسووووووووووووووووووون <<<<<<
هوندا اكورد 2002 سبشل راعيها عاقل يمشي مع الرصيف ويجونك اللي مايخافون الله يعطيك وحده يخليك تكره الاكورد وتكره المحافظ على السياره
وخوينا راعي الاكورد 2002 طفران للنعله
<<طبعا انا
وش الحيلة لاصرت عطشان والكاس مكسور
ووش حيلة المبلي بالف ومية عله
اخر سنه واختبارات نهائيه وتصير هالحركه معاك
والله قهر والف قهر
ونصيحه اي واحد يبي يوقف يسولف مع خويه يوقف السياره بعدي ويجي يسولف معاه والا اقطع الشارع الله لا يهينك وسولف معاه
لا تجيك وحده وتكره الهوندا وتكره قطع الغيار
والان اترك الكلام بينكم وانتو وش رايكم
وعلى فكره اي
ورشه تنصحوني فيها
وتنصحوني باشياء ثانيه
واسف على الاطاله بس القهر شاغلني
ويمكن انقطع عن المنتدى فتره بسيطه
وارجو منكم العذر والسموحه
ويانكد تصيد الاخطاء ترا ماني رايق اعدل <<وشف وش يجيك
ودمتم سالمين
رد مع اقتباس
راعي الـ 2002 انهبل
ضوابط المشاركة
مواقع النشر (المفضلة)