مهم: طريقة وزن الجلنط لهوندا اكورد

**بلال العلمي** · 19-09-2009, 10:33 PM

اخواني السلام عليكم وعيدكم مبارك

هذه طريقة وزن الجلنط للهوندا اكورد بعد تغيير الفحمات الخلفية واكرر يجب عمل الوزن بعد تغيير الفحمات الخلفية

لان الطريقة هذه تخلي الفحمات الخلفية تعيش معك نفس المدة اللي تعيشها الامامي مع اهتراء متساوي بين الامام والخلف وايضا بين الجهتين اليمنى واليسرى

صورت بالفيديو اشلون توصلون لمسمار الوزن وسهل تسويه وكل اللي تبيه مفك يوصل للمسمار لاجل توزنه وتلف المسمار عكس عقارب الساعة وتأكد واسحب الجلنط وخلي الجلنط يمسك على الطقة السادسة كاخر حد وبعده خلاص المفروض ما يرتفع اكثر

والفيديو فيه طريقة الوصول للمسمار

[ame]http://www.youtube.com/watch?v=gWNm284AqNM[/ame]

وهذا فيديو ثاني بعد مجاهدتي لفتح الديكور

[ame]http://www.youtube.com/watch?v=QHUybI9w5-U[/ame]

وهذه صورة مسامير الديكور

وهذه صورة ثانية لمسامير الديكور

وهذا مسمار الوزنية حقته

ملاحظة :

حاول ما ترخي اكثر من ست طقات وايضا حاول انك ما تسوي الشي هذا الا بعد تغيير الفحمات الخلفية والتأكد من ان البساتم داخلة بشكل كامل للداخل عند تغييرك للفحمات الخلفية

**بلال العلمي** · 19-09-2009, 10:36 PM

طبعا الفيديو من تصويري

**Mr-AlJoKeR** · 19-09-2009, 10:41 PM

تسلم اخوي وما تقصر

بس هذي الحركة .. ما تسويها الوكاله يوم تغير البريكات الخلفية؟؟؟

**بلال العلمي** · 19-09-2009, 10:45 PM

المشاركة الأصلية كتبت بواسطة mr-aljoker

تسلم اخوي وما تقصر

بس هذي الحركة .. ما تسويها الوكاله يوم تغير البريكات الخلفية؟؟؟

احيانا يسوونها واحيانا لا

لو تروح الورش اللي في الصناعية ما يسوونها لك ابد يغيرون لك الفحمات وانتهى الموضوع لكن في الوكالة لو تقول له انا عندي اليمين يخلص قبل اليسار او الجهة الخلفية تخلص قبل الامامية بعده يتكرمون ويسوون لك لكن كذا لله ما اعتقد يسوونها لك بس انا لما غيرت الفحمات عندهم قبل كم يوم شفت الطريقة وحفظتها ووريتكم اياها اليوم وهي سهلة

**King** · 19-09-2009, 11:48 PM

ماقصرت اخي بلال على الشرح الوافي

بإنتظار كل ماابدعت به

**أبو عبدالرحمن سلامي** · 20-09-2009, 12:45 AM

يعطيك العافية اخوي بلال (فعلا هذي المواضيع اللي نحتاجها وبالاخص المواضيع المصوره لانها تعطي الشخص جرأه للشغل) انا بالنسبة لي بعد ماشفت موضوع مصور عن تغيير البواجي لاحد الاعضاء الله يعطيه الصحه والعافية اخذت عدتي والبواجي واشتغلتها في الاستراحه خطوه خطوه والاب توب مفتوح كني قاعد اسوي برمجه .
بس تصدق وضعك زي وضعي انا فرش سيارتي طبقات من العصيرات ههههههه .

وفقك الله

**AliAhmed** · 20-09-2009, 05:31 AM

يعطيك الف عافية .. بس سؤالين سريعين ..

كيف انفك معاك الديكور ؟؟ من اي جهة طلع ؟

ويش احتاج للترخية او للشد ؟؟ حبة بكس رقم كم ؟

**بلال العلمي** · 20-09-2009, 09:15 AM

المشاركة الأصلية كتبت بواسطة aliahmed

يعطيك الف عافية .. بس سؤالين سريعين ..

كيف انفك معاك الديكور ؟؟ من اي جهة طلع ؟

ويش احتاج للترخية او للشد ؟؟ حبة بكس رقم كم ؟

عادي بعد المسمارين اسحب الديكور بالمفك ويطلع على طول وللترخية مفك طويل مقاس عشرة وترخيه عكس عقارب الساعة

**المهاجر333** · 20-09-2009, 10:10 AM

الله يعطيك العافية
أخوي بلال
وكل عام وأنت بخير

**ملك مملكة جدة** · 20-09-2009, 11:01 AM

انا خبرتي مو قد كذا في المكنيكا .. بس ان شاء الله على يد الرواد من امثالك راح نتعلم حبة حبة

انا ابغى انزل شوي البريك .. ملاحظ انه يرفع تقريبا 4 طقات .. و هذه وزنية الوكالة

و سمعت لما تشد البريك يعني مثلا تخلية 3 طقات الفحمات تستهلك بسرعة لانه مثل ما انت عارف الهوبات حارة و مثل النار و الفحمات ما تتحمل الحرارة الزايدة

بس لا هنت لو تصور لنا بعد طريقة وزنية المسمار يكون افضل و افضل

وكل عام انت بخيير

**بلال العلمي** · 20-09-2009, 11:07 AM

تدخل مفك طويل مقاس عشرة وتلفه مع عقارب الساعة اذا تبي تشد او تخليه عكس عقارب الساعة اذا تبي ترخي والمفروض 6 طقات وهذا اللي يجي لمهندسين الوكالة من المصنع في اليابان

**ghazi** · 21-09-2009, 05:55 PM

يعطيك الف عافيه اخوي بلال على الشرح الكافي

**راجع لوراء** · 25-09-2009, 08:43 AM

السلام عليكم
مشكور على الموضوع الرائع لكن فيه معلومه بصححها لك أن وظيفه الجلنط أيقاف المركبه فقط عند أستخدامه وذلك لوجود الفحمات الخلفيه تقوم مقامه
بخلاف السيارات الاخرى الصغيره مثل اليرس والبيك أب وغيرها فحمات أماميه
وقماشات خلفيه أذا شديت الجلنط تغير البريك معاك :d
بخلاف الاكورد فحمات أماميه وخلفيه لأيقاف السياره
والجلنط لتثبيت السياره فقط ولايتغير معاك الفرامل أبدا عند شده
وأرجوا تقبل النقد بصدر رحب وماسجلت ألا عشان أصحح المعلومه
وأن شاء الله أستمر معاكم

**بلال العلمي** · 25-09-2009, 08:53 AM

المشاركة الأصلية كتبت بواسطة راجع لوراء

السلام عليكم
مشكور على الموضوع الرائع لكن فيه معلومه بصححها لك أن وظيفه الجلنط أيقاف المركبه فقط عند أستخدامه وذلك لوجود الفحمات الخلفيه تقوم مقامه
بخلاف السيارات الاخرى الصغيره مثل اليرس والبيك أب وغيرها فحمات أماميه
وقماشات خلفيه أذا شديت الجلنط تغير البريك معاك :d
بخلاف الاكورد فحمات أماميه وخلفيه لأيقاف السياره
والجلنط لتثبيت السياره فقط ولايتغير معاك الفرامل أبدا عند شده
وأرجوا تقبل النقد بصدر رحب وماسجلت ألا عشان أصحح المعلومه
وأن شاء الله أستمر معاكم

لما تشد الجلنط يمسك الفحمات اللي ورا وتشد على الهوب

السيارات اللي في تويوتا الفحمات ما تشتغل بسحب الجلنط لكن فيه قماشات قوسية صغيرة داخل الهوب هي اللي تمسك السيارة

علشان كذا الاكورد مختلف انت بنفسك انزل تحت او فك الكفر حق الاكورد الخلفي وشوف الكليبرات الخلفية وخلي واحد يشد الجلنط وشوف فيه سلك يحرك الفحمات ورى انت شوفه بنفسك

**راجع لوراء** · 25-09-2009, 09:05 AM

جاري التأكد من الامر
مع أن كل السيارات مالها دخل اذا صار فيه قماشات للجلنط و صارات فيه فحمات خلفيه وأماميه
لان كان معي كابرس وغيرت القماشات ولاصار شئ

شاكر لك ردك الطيب

**بلال العلمي** · 25-09-2009, 09:19 AM

الكابرس نظامه غير الفحمات بس للفرامل والجلنط له اقمشة قوسية داخلية

عكس الاكورد تستخدم نفس نظام مرسيدس الجديد وهو انه تستعمل نفس الفحمات حقت الفرامل الخلفية

**بلال العلمي** · 29-09-2009, 09:22 AM

وهذه صورة للكليبر الخاص بهوندا ولاحظ باللون الاحمر هذا السلك اللي ينسحب اذا انسحب الجلنط وفي الجهة المقابلة بعد فيه نفس الشي واللون الاخضر هو الكليبر اللي فيه الفحمات

المشكلة اذا شديت الجلنط باقوى ما عندك يصلب الفحمات داخل ويخلي البستم يمسك الفحمات ولو شوي وانت ماشي علشان كذا الوزنية اللي مذكورة فوق هي حل ممتاز لاجل اهتراء متساوي بين الامامي والخلفي واليمين عن اليسار

**م ك هـ 2009** · 29-09-2009, 01:38 PM

يعطيف مليون عافية على الموضوع
وانا بصراحة من الناس اللي اعشق الميكانيكا في السيارات
وما احب اروح الورش كثير
واصلح الاشياء اللازمة بنفسي
واشكرك انك افدتني

**بلال العلمي** · 29-09-2009, 01:51 PM

امس رحت الوكالة ولقيت السيارات اللي تجي من امريكا اللي هي فئة كوبيه وعندها نفس الطريقة ست طقات وبعده تمسك

ياشباب الكل المفروض يسوي الوزنية هذه لان الكل يشتكي من سالفة اهتراء الفحمات اللي ورى

**K.H.A.L.I.D** · 29-09-2009, 02:49 PM

^
^
^
مو مصدق أن هذي المشكله

أنت عارف اخوي بلال لو فعلا عرفت الحل ابي اجيك للبيت وحب خشمك

ماتدري شلون اعاني من القماشات واهتارئها السريع

**بلال العلمي** · 29-09-2009, 02:59 PM

المشاركة الأصلية كتبت بواسطة k.h.a.l.i.d

^

^
^
مو مصدق أن هذي المشكله

أنت عارف اخوي بلال لو فعلا عرفت الحل ابي اجيك للبيت وحب خشمك

ماتدري شلون اعاني من القماشات واهتارئها السريع

هذا هو الحل وشوف بنفسك

**FiRe || TeaR** · 30-09-2009, 08:33 AM

يعطيك العافيه حبيبي بلال

انا اللي فهمته منـك , اسحب الجلنط 6 طقات

ثم الف المسمار لليسار (( عكس عقارب الساعة )) , حتى ينشد المسمار صح ؟ , اذا انشد يعني يكـون الجلنط وقف على 6 طقات لا سابع بعدهم صح ولالا ؟

وان شاء الله كـلامي صحـيح , وهذا أول درس يهمني منـك , مع العلم اني متابع لدروسك الباقية

**بلال العلمي** · 30-09-2009, 08:36 AM

ترخي الجلنط تماما وبعده تلف المسمارعكس عقارب الساعة وبعده تسحب الجلنط الى اخره والمفروض توقف وتمسك على الطقة السادسة وما تزيد للسابعة

**FiRe || TeaR** · 30-09-2009, 08:44 AM

مافهمت وانا أخـوك

ترا الجلنط أول مرهـ العب فيه

انت تقصد ارخي الجلنط ثم الف المسمار عكس عقارب الساعة وخلاص ؟

واذا صرت ابسحب الجلنط بأي وقت اسحبه على 6 طقات بس ؟

كذا قصـدك ؟

**بلال العلمي** · 30-09-2009, 08:49 AM

المشاركة الأصلية كتبت بواسطة fire || tear

مافهمت وانا أخـوك

ترا الجلنط أول مرهـ العب فيه

انت تقصد ارخي الجلنط ثم الف المسمار عكس عقارب الساعة وخلاص ؟

واذا صرت ابسحب الجلنط بأي وقت اسحبه على 6 طقات بس ؟

كذا قصـدك ؟

لا هي المسألة مسألة وزنية تسويها

يعني ترخي الجلنط وتلف عكس عقارب الساعة وبعده تسحب اذا زادت ومسكت على الطقة الثامنة مثلا تقوم ترخي الجنلط مرة ثانية وبعده تلف مع عقارب الساعة وتسحب الجلنط اذا لقيته على الطقة السابعة ارخي الجلنط ولف مع عقارب الساعة واسحب الجلنط اذا مسك على الطقة السادسة تماما وهي الطقة الاخيرة لو سحبت الجلنط بكامله فهنا انت اتممت العمل بشكل صحيح