لمحبي أطارات ميشلان ، شرفونا بالدخول

**المباشر** · 25-09-2009, 04:03 PM

السلام عليكم ورحمة الله وبركاتة

قام بالتصوير / المباشر

أضع لكم معاناتي مع أطارات ميشلان بصوتهم المزعج والقوي لدرجة أني اذا ذهبت لمشوار 70 كيلومتر يأتيني صداع منهم بدون مبالغة

وأتحرى يوم غد ( السبت ) على أحر من الجمر ليفتح مركز الطلائع بالدمام لتبديل الأطارات وشراء راحتي مع بريجستون جي آر 80

وماوضعت هذا الفيديو الا لمن هو مقتنع بميشلان ومخدوع فيه ومتمسك به

أتمنى لكم طيب المشاهدة ، قصدي الأستماع للطرب الأصيل

كأني راكب جيب وطبعآ حوسه الجوال لأني كنت أبي أسجل الصوت من جهات مختلفة وكل ماخفيت السرعة كل مازاد الصوت

[ame]http://www.youtube.com/watch?v=hy5hstaASRs[/ame]

**A N M A R** · 25-09-2009, 04:55 PM

طرب اصيييييييييييل...

الحان رائعه...

تقول الملحن رياض الصنباتي...

في الاخير ماقول غير عظمه على عظمه ياميشلان...

خخخخخخخخخخخخخخخخخ

من جد مافي احسن من الرجستون...

**Pink Dream** · 25-09-2009, 05:00 PM

والله ازعااااج

كم مشيت ع الكفرات للأن ؟؟

سويت قبل كدا وزن وتدوير و X ؟؟

اعذرني :o

**اكووورد مجنونه** · 25-09-2009, 06:40 PM

بصراحه قمه الحزن
واللي يسمع الصوت يقول هذا مركب انتيك وهيدرز واقزوست وكنداسات ...
وصاحبي جالس قدامي وما يشوف المقطع بس يسمع الصوت سالني ايش هذا موستنق ...قلت لابورش
اخوي المباشر كيف قدرت تتحمل الصوت هذا المزعج انا والله ما اقدر اصبر واموت لواسمع صوت في السياره
ان شاء الله تغيرها وترتاح

**AliAhmed** · 25-09-2009, 07:02 PM

:d رحم الله ايام الميشلان .. والله اني مارحمت المسجل هذيك الايام الصوت دائما فوق 35 عشان يغطي على طرب الكفرات :d

الـ GR-80 ابداع بمعنى الكلمة ..

مبروك مقدما وهنيئا لك الكفرات الجديد ...

**أبو الريش** · 25-09-2009, 07:06 PM

شهادة اول مره اسمع صوت كفرات مثل جديه

**TOP MAN** · 25-09-2009, 08:37 PM

يقلع أم الطرب هذا الطرب على أصوله ههههههههههههه

**المباشر** · 25-09-2009, 10:47 PM

المشاركة الأصلية كتبت بواسطة A N M A R

طرب اصيييييييييييل...

الحان رائعه...

تقول الملحن رياض الصنباتي...

في الاخير ماقول غير عظمه على عظمه ياميشلان...

خخخخخخخخخخخخخخخخخ

من جد مافي احسن من الرجستون...

ميشلان هذا ملحن جديد في الأسواق :d

المشاركة الأصلية كتبت بواسطة Pink Dream

والله ازعااااج

كم مشيت ع الكفرات للأن ؟؟

سويت قبل كدا وزن وتدوير و X ؟؟

اعذرني :o

سؤال مهم جدآ وأشكرك لطرحه

طبعآ القصة طويلة لكن بختصرها

أول ماطلع الصوت يوم مشت سيارتي 30 الف وطبعآ كنت مطنش لا تدوير ولا غيره وعلشان كذا أنصح الجميع يعمل التدوير للأطارات كل 10 الآف بسبب تجربتي الأليمه

بعدها صرت أسوي تدوير كل 10 الآف لكن بعد ايش ،،، بعد مافات الفوت ..

والسبب الثاني هو الميزان لأني كم مرة أكشف على الكفرات والأحظ فيهم شغلات مثل تاير ممسوح من على الجنب وطبعآ أقصد الخلفية وتكلمت عن هالموضوع وصورت التواير ولكن لي 3 شهور أو 4 والصور عندي بس مانزلتها بالنادي

والصور موجوده عندي بس عجزان احطها حاليآ < فيني النوم

واللي يبي يشوفها يسألني بكره :d

المشاركة الأصلية كتبت بواسطة اكووورد مجنونه

بصراحه قمه الحزن
واللي يسمع الصوت يقول هذا مركب انتيك وهيدرز واقزوست وكنداسات ...
وصاحبي جالس قدامي وما يشوف المقطع بس يسمع الصوت سالني ايش هذا موستنق ...قلت لابورش
اخوي المباشر كيف قدرت تتحمل الصوت هذا المزعج انا والله ما اقدر اصبر واموت لواسمع صوت في السياره
ان شاء الله تغيرها وترتاح

تكفى قول لخويك يذكر الله وأنت بعد ،، أجل بورش :d

والله الصوت زاد بعد ماجبت التواير الخلفية وحطيتها قدام ليلة العيد وسبق وصارت لي ورجعتهم لأني كنت مطنش التدوير أول ماخذت السيارة

وهذا اللي خلاني أفكر أغيرهم بكرة ان شاء الله

المشاركة الأصلية كتبت بواسطة AliAhmed

:d رحم الله ايام الميشلان .. والله اني مارحمت المسجل هذيك الايام الصوت دائما فوق 35 عشان يغطي على طرب الكفرات :d

الـ GR-80 ابداع بمعنى الكلمة ..

مبروك مقدما وهنيئا لك الكفرات الجديد ...

الله يبارك في حياتك وبكره بيصير عندي كأنه عيد :d خبرك المتعذب مع شي وعارف ان الفرج بكره :d

تدري كل يوم أمر الطلائع وحتى يوم السبت قبل العيد لأني كنت ناوي أركب بريجستون بس طلع مسكرين

وكنت عند بريللي وكنت بركب وعلى وشك وبعدين قلت أصبر الى بعد العيد وأتنعم بـ جي آر 80

المشاركة الأصلية كتبت بواسطة أبو الريش

شهادة اول مره اسمع صوت كفرات مثل جديه

اييييييه يابو الريش ،، وين محبي ميشلان يسمعون بس والله مايسوى بريال على الأكورد << لاحظ يامحب ميشلان أنا قلت على الأكورد مش على سيارات ثانية

نفسي هالمقطع يوصل اليابان << ايه ماعليه ،، والله مادرو عنك

المشاركة الأصلية كتبت بواسطة TOP MAN

يقلع أم الطرب هذا الطرب على أصوله ههههههههههههه

بكره الفرج ان شاء الله

بلا طرب بلا هم :d

**Mr-AlJoKeR** · 25-09-2009, 11:07 PM

على فكره

تواير ميشيلان Primecy هي التواير الاكثر ازعاج في الميشيلان

وحتى لو تشوف الكتيب مالهم .. مكتوب انه مزعج

بس الصراحه في انواع من الميشيلان ..ممتاااااااااز

مثل Pilot Sport 2
و Primect HP
و كان في واحد ثاني بس نسيت اسمه

وبصراحه يا اخوي مباشر .. هاي غلطتك اللي خلت التواير توصل لهالمرحلة هههه

الله يعينك الصراحه ومبروك مقدما

الصراحه انا ركبت كذا اكوورد عليها ميشيلان .. بس الصوت هذا .. اول مره ..

شكل التواير رااااااااااااايح ..

الله يحفظك

**المباشر** · 25-09-2009, 11:43 PM

هلا مستر الجوكر

التواير والله طيبه للحين ماراحت فيها

وهذي الصورة وفيها سبب المشكلة بس تحتاج تدقيق

**Pink Dream** · 25-09-2009, 11:54 PM

^^^

هذا الكفر كان ورا ؟؟

اتمسح من منطقه كويس ومن الجهة الثانيه لا !!

اجل ايش تقول ع الي مهبط سيارته تتوقع كيف شكل كفراتي رايح ..

خصوصا من الخلف ..

بالنسبة ليا التدوير مهم ...

لكن ع قولك فااات الاوان

**اكووورد مجنونه** · 26-09-2009, 12:00 AM

حبيبي المباشر ما شاء الله تبارك الرحمن على صوت الكفرات
ان شاء الله بكره عيد عندك اذا غيرتها بس تكفى نزل تقرير بالصور علشان نستفيد لاني ناوي اغير كفرات لسيارتين والف مبرووووك مقدما والله يعطيك خيرها ويكفيك شرها

**s meedo s** · 26-09-2009, 02:58 AM

عني انا ربطت الحزام وقعدت استنى الاقلاع
الله يعينك بس الحمد لله فرجت ان شاء الله

انا لسه كفراتي مامشيت 3700 وماني طايق اهلها
الكفرات من جهة وصوت الجلد البيبان من جهة كاني راكب اسكوتر
بستنى اصول الخمسه 5000 عشان يخف الصداع شويا واخلي الوكاله يغيرو الجلد

* نقشت كفرك نفس نقشه كفر الماكسيما

مبروك مقدما

**Z U H A I R** · 26-09-2009, 04:57 AM

الحمـّدلله خويكم مركب كفرات تويو أصلية على جنوطي 18

لا ازعـاج ولا مشـاكل والحمــّدلله

وكان قبلها عندي برضوا تويو أصلي على جنوط السابقه 17 ونفس الوضع

الياباني يضبط مع الياباني

**المباشر** · 27-09-2009, 01:28 AM

الحمدلله اليوم الصباح خلصت شغلي في الدمام ومريت الطلائع وشريت راحتي مع جي آر 80 وسويت وزن

وبصراحة حسيت براحة وليونه وراح الطرب الأصيل وأرتحت

اللحين الواحد يسافر ويروح ويجي على السيارة بكل سعه صدر مش قبل كنت كاره السيارة من الصوت

**اكووورد مجنونه** · 27-09-2009, 02:26 AM

اول المباركين لك ياغالي
الله يعطيك خيرها ويكفيك شرها والله يريح بالك على طول
اخوك ابودانه

**أبو الريش** · 27-09-2009, 02:32 AM

و انـا اليوم العصر مريت عـليهم
و دقيت لـي برجستون ترونزا ER30EZ

و الحمدلله زين انك انقذتني يبو فهد
ولا كنت راح اغير من برجستون الى ميشلان كـ تجربه

و مبروك عـليك جي آر 80

**Accord_Akkawi** · 27-09-2009, 09:18 AM

ههههههههه
قطار مو سياره كان باقي صوت الصفارة
توووووووت توووووووووووووووت

**المباشر** · 27-09-2009, 02:24 PM

الله يبارك في عمركم

أبو الريش ماذا فعلت ؟؟؟؟؟؟؟؟؟؟؟؟؟؟؟

er من اسوء الأنواع وأبو الأصوات وهي النوعية اللي تجي على الاكورد من المصنع الا اذا كان نوع ثاني اللي ركبته ولكن الله يعينك عليهم

**King** · 27-09-2009, 02:33 PM

:dوش عندهم الناس على الكفرات

بعد 3 سنوات راح اركبها , هع

اجل ياابو فهد لو تركب معاي وش راح تسمع ياترى

**S A M I** · 27-09-2009, 02:42 PM

المشاركة الأصلية كتبت بواسطة المباشر

هلا مستر الجوكر

التواير والله طيبه للحين ماراحت فيها

وهذي الصورة وفيها سبب المشكلة بس تحتاج تدقيق

السلام عليكم

اخوي المباشر ياليت تعرف سبب الصوت ايش هو وانا راح اوضحلك

كفرات ميشلان معروفه من افضل الكفرات الياباني ولايمكن لاحد ان يشكك في هذا الشي

وانا نفس الشي عندي هذا الصوت وكفراتي بريدجستون

انت لو تلاحظ الكفر حقك ناشف وفيه تشققات من الداخل وهذا هو سبب الصوت

وسبب نشفان الكفرات اتوقع انه من استخدام الملمعات او غسيل الكفر وهو حار

والسلام عليكم

**المباشر** · 27-09-2009, 03:02 PM

المشاركة الأصلية كتبت بواسطة S A M I

السلام عليكم

اخوي المباشر ياليت تعرف سبب الصوت ايش هو وانا راح اوضحلك

كفرات ميشلان معروفه من افضل الكفرات الياباني ولايمكن لاحد ان يشكك في هذا الشي

وانا نفس الشي عندي هذا الصوت وكفراتي بريدجستون

انت لو تلاحظ الكفر حقك ناشف وفيه تشققات من الداخل وهذا هو سبب الصوت

وسبب نشفان الكفرات اتوقع انه من استخدام الملمعات او غسيل الكفر وهو حار

والسلام عليكم

وعليكم السلام ورحمة الله وبركاته

ميشلان ممتاز جدآ ولكن ( تحتاج تطيح على نوع معين ممتاز ومايطلع صوت في الأكورد )

والصوت في توايري مش بسبب نشف الكفرات وهو احد الأسباب ولكن لاحظ التاير من جهه اليمين كيف ممسوح وفي تغير بالدعسة

ومثل ماقلت نشف الكفر مش السبب الرئيسي لأني اذا ركبتهم بالخلف وعندي تحتاج ميزان ( يقل الصوت كثير )

على العموم كل التواير تحتاج تجربة حتى نعرف التاير المضبوط على الأكورد خاصة

في رجال أعرفه أشتكى من المشلان وراح ركب بريجستون بوتنزا ج 3 وكمل 4 شهور واشتكى من صوتهم المزعج

والحين مركب ميشلان برايمسي HP ويقول الأمور طيبه ولهم 3 شهور حاليآ

وأكثر واحد عرفته يبدل تواير :d

وتراني أقل واحد في العالم يستخدم ملمع التواير

وحاليآ شريت ميجوايرز هوت شاين للأطارات لأني مابي أقرب النوعيات الرديئة اللي في السوق

شرفني مرورك الرائع يطولي بعمرك

**s meedo s** · 27-09-2009, 06:23 PM

على البركه ان شاء الله
نستنى التقرير

**اكورد 2006 وبس** · 27-09-2009, 10:52 PM

على فكرة الميشلان له انواع مثل ما البرجستون له انواع وفي لها انواع

خاصة طبعا البريجستون في نوع لا اذكر اسمه كااان في قمة الازعاج

ولكن من شكاوي الزباين للوكيل طلعوا الادرينالين الهادئ

وبالنسبة للميشلان مثل البريجستون اشتكوه الزباين للوكيل وطلعوا

ميشلان بريمسي الالماني hp وانا مركب اربعة والحمدلله في قمة الهدوء ولو انت من جدة
اعطيك السيارة وتجربها اذا طلع صوت والله يشهد علي لاقطع الكفراااات

**The Stig** · 28-09-2009, 01:20 AM

والله يالمباشر كان عندي هالصوت في الكفرات قبل العيد
على البي ام دبليو

اقلقتني قلق مو طبيعي ... تحس انك راكب جيب من جد وقير عادي بعد :d

بس انا عارف سبب المشكله ... وقفه السياره لمده طويله ... يعني اوقفها ٦ شهور او سنه واطلعها يومين :d

ففي هالحاله النقشه تنزل من جهة الكفر اللي ملامس الارض وتررتفع من الجهه اللي ماتلامس الارض ..

على العموم ... الحمد لله شريت راحتك