فلتر الزيت وعلم الوكالة

[بلال العلمي]

اخواني امس رحت الوكالة وقابلت مشرف قسم الصيانة وقلت له عن الفلتر وقال انه ليس خاصا بفلترة الزيت المتجه من القير واحضرته الى سيارتي واريته الخرطوم اللي طالع من القير ويمر بالفلتر ويذهب الى القير مرة اخرى وما صدق اي شي عنه وجاب لي موظف ثاني من قسم الصيانة وقال له ايه صحيح انها فلتر بس مايحتاج تتغير قلت له بس هي لها فائدة انها تنظف الزيت نفسه واللي داخل بعد ينظف الزيت بس اللي داخل غير وجود فلتر لفلترة الزيت فيه مغناطيس لاجل يمسك برادة الحديد

قال صحيح وقلت له المفروض اللي برة هذا يتغير بكيلوات محددة لاجل يفلتر الزيت نفسه من الوسخ الناتج من ترسبات الزيت واللي داخل المفروض ما يمسك الا بس برادة الحديد نفسها يعني المفروض الفلتر الداخلي ما يتوسخ برواسب الزيت

بكل بساطة سكت وقال لي الكلمة المبرمج عليها وهي انها ما يحتاج تتغير وجبته على النت وخليته يشوف منتدى محبي هوندا ووريته موضوع الاخ المتصفح وبكل بساطة قال لي ما جانا من المصنع بوقت تغييره او اي امر بتغييره


قلت له وهذا الفلتر اللي انت شايفه ايش يسمى؟؟؟؟ قال ما جانا امر بتغييره


عموما الوكالة حددت سعر تغيير الفلتر ب 96 ريال تقريبا قيمة التغيير




وبعضهم ما يدري ايش وظيفته مو تقصير من الوكالة الا ان الكتالوج اللي جايهم من المصنع فيه كل شي حتى خلوص الصمامات الخاصة بالوزنية لكن حكاية الفلتر هذه ابد ما جت


لذلك تحياتي لاخوي المتصفح اللي نقل لنا وعلمنا ان فيه فلتر خارجي وهذا فعلا يعتبر انجاز بالنسبة لي ويوم السبت ان شاء الله تغييري لفلتر القير ان شاء الله

طبعا الموضوع عن فلتر الزيت الخاص بالقير

[بلال العلمي]

لا هو على حسب طلبك لو طلبت في سمكرة الوكالة مجرد معجون وسمكرة عادية بيسوونها

واذا طلبت لا ترجع مثل ما كانت بيقصون

وعندهم ميزة حلوة مو موجودة في الورش اللي برة وهي ان عندهم جهاز صنفرة يدور بسرعة عالية ويمسح لك البوية مسح مو طبيعي ويعيدون لك وضع البوية من جديد عكس الورش اللي برة ما تشيله بشكل كامل وبعضهم بس يسوي صنفرة ويرش البوية

[بلال العلمي]

مشي حالك يا رجال الله لا يجبرني عليهم ان شاء الله

ولا يجبرك على اي ورشة امين يارب


فيه ناس من اخوياي اشتروا سيارة من عام 2005 وناس من عام 2006 وبعضهم من عام 2004 وكلهم ما احد اشتكى من اي شي في السيارة وكلهم ما احد غير اي شي ابد في السيارة ما غير الفحمات والزيوت

وهذا اللي خلاني اشتري السيارة

[متصفح]

العفو اخوي بلال ماسويت غير الواجب

جواب مشرف الصيانة متوقع لان هذي سياسة الشركة لكن سالفة مايدري عن مكان الفلتر وطريقة عمله هذي قوووووويه بصراحه
الشركة الام هي المسؤووله عن جدولة هذا الفلتر في الصيانة الدورية لكن السؤال الحين ليه الشركة رافضين فكرة تغيير الفلتر ؟ تعتقد الاسباب مادية ؟
امتلاء الفلتر او انسداده ماراح يأثر على عمل الجير على المدى القصير لكن راح يقلل العمر الافتراضي للجير يعني حاسبينها صح

اشكرك على التحقيق الي سويته بالوكاله