تكفون يا اخوان ابي فزعتكم ..........

[REST-KSA]

السلام عليكم ورحمة الله

كيفكم يا شباب الاكورد ان شاء الله طيبين

انا بدخل في الموضوع على طول

انا انسان صراحه اعجبت بالاكورد وناوي بأذن الواحد الاحد بطق لي وحده

بس قبل ما اتسرع في قراري قلت خلني ابحث في النت افضل المواصفات للاكور فبصدفه لقيت هذا المنتدى المتخصص والي بأذن الله راح يفيدني

اليوم سألت عن سعر الاكور النوع الوسط على كلام السوداني قلي سعرها 88 أللف

والفل الكامل بـ 95 أللف

والي كانت واقفه في المعرض ام 88 اللف فيها فتحت سقف بس مافيها كشافات او انوار الضباب

والصراحه اعجبتني شكل السياره

بس المشكله ماني عارف مواصفاتها سواء النوع الوسط او الفل الكامل

فأنا ابي من فضلكم تقولون لي مواصفات الثنتين وايهما افضل

علما ان موديلاتها 2009 واعتقد الي انا اعرفه من الثنتين انها 4 سلندر

[Accord-V6 2007]

الافضـل طبعـاً الفــل

والفرق بينهم
اوم 88 تجيب
1- جنوط مقاس 16
2-مكيف عادي
3- بدون انوار ضبـاب

اوم 95
1-مساكات الباب كروم
2- الجنوط مقاس 17 وشكلها احلى
3- المكيف الكتروني مع تحكم بالمكيف للسواق والراكب
4- المرايـا قابله للطي
5- المرايه الداخليه تتعتيم
6- المرتبه حق السواق كهربـائيه
7- لون الشـاشه يختلف
8- يجي منها جلد ومهنـا مخمل والمخمل افضل من مخمل اوم88 (السبشـل)


وبس واذا في شي ناقص اتمنى الاعضـاء
البـاقي يفيدونكـ ~

[REST-KSA]

يعطيك اللف عافيه اخوي اكورد

بس ويش رايك بـ 6 سلندر تتوقع انها افضل والا نفس الشي

وكم سعرها

[Accord-V6 2007]

الله يعافيكـ ~

ايهـ اكيـد الـ 6 سلنـدر افضـل
بواجـد من الـ 4 سلنـدر

والفرق
1- غسيل للاصطبـات الاماميه
2- مكيف خلفي
3- شكمـانين
4- المكينهـ اقوىآ
الاربعه سلنـدر حجم المكينه 2.4 والـ سته سلنـدر مكينتهـا 3.5
يعني فرق واجـد


وسعرهـا 115 الف ريـــال
عشان كذا ماهي منتشره مثل الـ 4 سلنـدر

عشـان السعر غـالي

[مرو11ن]

السلام عليكم
النوع الوسط يختلف عن السبيشل في
فتحة
جنوط
تحكم من الطارة في (مثبت السرعة ـ تحكم في مستوى الصوت ـ التبديل بين موجات الراديوfm.......)
ضبط المقاعد يدوي
بدون تخشيبة
مكيف عادي
الفل.......
ضبط المقعد ألي
تخشيبة
جنوط 17
كشافات
مكيف الكتروني
شاشة أكبر ما أعرف مميزاتها يا ليت الي عندهم الفل يساعدوك أنا عندي الوسط
سعر الوسط 85 و88 مع عرض الصيانة

[REST-KSA]

يعطيكم اللف اللف عافيه

انا قبل شوي اتصلت بواحد من الشباب معه اكورد 2008 فل كامل 6 سلندر ماشاء الله وسألته عن السياره كيف هي معه

قال سياره ما تقارن مع اي سياره ثانيه ويقلي اخذها وهو مقتنع فيها وعلى كلامه يقول في الطرق السريعه اثناء السفر كأنه يلعب بلايستيشن ماشاء الله تبارك الله واخذها بـ 108000

سعرها كان ارخص اللحين صارت بـ 115000

والله اني محتار ياعالم جاني صداع نصفي

ما بقول الله الله يكتب لي ولكم مافيه الخير

وشكرا لكم