حادث غبي رقم 2 "الحمد الله "

[Accord_Akkawi]

قبل اي شي الحمد لله على كل شي
الموضوع مجرد قهر ليـــــــــــه .... علشان التنطيل اللي بيصير
فيني الحين مابين
مرور
وتقييم عشان الإصلاح
والتأمين الين ما يوافق ويسويلي الشيك
ومندوب من البنك يروح يستلم الشيك اذا طلع
اليكم السالفة
الظاهر الصدام الخلفي عندي شكله مو عاجب الناس
هذا يحكه وهذا يدفه واليوم واحد جاني وشقه من ناحية اسفل الصدام اليسار حوالي الـ 15 سم
وع وووووووو عووووع
المشكله وين
ان الرجال على باب الله
مخلص متوسطه وجاي امس للرياض من الديرة حقته
وطالع يدور وظيفه والموتر مو حقه
وما معه رخصه ولا تأمين
امممممممممممم الحاله
وهاااااا قد وصل المرور
قااااق وقفوا على جنب
وقفنا
هاتوا اوراقكم
طق طق طق " انكتب التقرير "
طق طق طق يا عمليات عمليات
ثم ناظرني وقال
وقف هناك انت وخلك هنا يا راعي الكامري
طق طق طق سواليف
العسكري تعال << يعني انا
هاااااه تتنازل ولا كيف
انا
لأ ماني متنازل
راعي الكامري : كم تبي ادفعلك 200 ريال تقضيك
انا : نعم
يابوي انت ماتدري ان الصدام فايبر وما يتصلح لازم يتغير
راعي الكامري : انا ما معي
انا : مو مشكلتي مشكلتك ماحد قلك تسوق بدون رخصه او تأمين
شوف اعطيني الف حقت التأمين حقي والله معك
راعي الكامري : اختفى من أمامي بسرعة البرق وراح للدوريه
بيتنازل بيتنازل << تحس انه بزر ماخذ حلاوة العيد
انا من جديد هااااااااه
يابو ماني متنازل
الدوريه قاله معك 10 دقايق ادفع له وانا الغي المحضر بروح وارجعلكم بعدين
راعي الكامري : الحين اجب الفلوس واخذ جوالي وخلص رصيدي وهو يدق عالناس وماحد عطاه وجه
انا :
وراحت الدوريه و10 دقايق ورا 10 دقايق الين مرت ساعه ونص خلالها كان راعي الكامري يحفر بين الأوراق اللي بالسيارة
وسبحان الله ظهرت ورقة تأمين << مو بإسمه
وجت الدوريه وتغير المحضر واسم صاحب الحادث وتغيرت الموازين وقالي حرك خلاص روح راجعنا بكره بقسم مرور الشرق
وما جاني غير القرف وبكره بروح عندي مطاردات وإستأذن من الدوام
وام الحاله
والله يستر ايش بلاقي بكره سأبقيكم على اتطلاع
والحمد لله على كل حال

[اكوردياني]

الحمدلله عالسلامة
يااا انك بتهجول مع المرور الله يعينك بس.

[م ك هـ 2009]

الحمد لله على سلامتك
وانشا الله تنحل امورك بكل يسر وسهولة
والله ودي اقولك العوض مو زين بس في ناس تستاهل انك ما تتنازل عشانهم
وربي معاك

[الصامت]

الحمد لله ع السلامه وماتشوف شر.....
معوض خير......
والله يكون في عونك..........

[slaitr]

الحمدلله على السلامة (مع انك ماجبت طاري حالتك الصحيه بالموضوع)
وحالتك النفسية معروفة
الله يعينك يا بشار ويصبرك على المرور و التأمين
وتراها ازمة وتعدي ان شاء الله

[حبيب هنادي]

*
*
*

الحمد للهـــ على السلامهـــــ ..... ~

ونشاء اللهـــ أخر حادثــــــــــ .....~

انتــــــــ اذا شفتــ الوضعــــ زحمة ودواماتــ وقلقــ حاولــ تتجنبــ....

الزحمهــ واذا عندكـ موتر أبوكـ والا اخوكــ حاولــ تاخذهــ وتخلي الملكهــ في البيتــــ....

[A N M A R]

الحمدلله على سلامتك...

والناس للاسف الشديد مايعرفو يسوقو هنا...

ونصيحة لاتتنازل عن الشخص هدا خليه يتربى...

[بلال العلمي]

الله يعينك اخوي على ما ابتلاك وسيارتك جديدة وقهر ان احد يسوي فيها كذا

لا تتنازل انت لاجل واحد مثل ذا واهله مو مخلينه بيطلعونه وبيساعدونه

[V6 2007]

يشبــاب حرام وش اللي لا تتنازل
يقولكم الرجال جاي من ديرته يدور شغـل
يعني حالتهـ حالهـ
والمثل يقول
( العفـــو عند المقــدرهـ )

وان شاء الله اخوي تكون اخر الحوادث
اهم شي سلامتكـ اخوي
والله يعوضكـ خيــر


ويكون بعونكـ على طفش المرور والروحات والجيات

تحيتي

[ACCORD-7118]

فَمَنْ عَفَا وَأَصْلَحَ فَأَجْرُهُ عَلَى اللَّهِ

[Dodiii78]

الحمد الله على سلامتك عكاوي
وما اقول الا شد ازارك والله يعينك على المطاردات :(

[م ج رد حلم]

انا انصحك تتنازل عنه

فَمَنْ عَفَا وَأَصْلَحَ فَأَجْرُهُ عَلَى اللَّهِ

[Y.k.A]

سلام عليكم ورحمة الله وبركاتة

اول شي الله حمد لله ع سلمتكـ

ثاني شي اذا كنت تقدر انكـ تصلح الصدمه ع حسابكـ
انصحكـ انكـ تسامحه

والله بيجي يوم لسمح الله تصدم واحد >> حتى لو مشخة
ماااارح يسامحكـ

[open window]

الحمد لله على السلامة والله يعينكــ على المرور

[,,ولد المدينه,,]

يارجال في الحديد ولا فيك اهم شي سلامتك
تقبل مروري

[Accord_Akkawi]

شكراً للجميع
للي رأيهم اني ما اتنازل
انا ما تنازلت ولا بتنازل
لاني تنازلت قبل هالمره كثير والطعه جت براسي والفوس اندفعت من جيبتي
اما بالنسبه للشباب اللي يقولولي تنازل والعفو عند المقدره
بس انا ماقدر اصلح على حسابي والسيارة آجار منتهي بالتملك يعني انا بعد عندي التزامات اولى
من سيارتي وهالفلوس اصرفها على عيالي أولى من خشة اللي صدمني
وووووو
ياخوان ما اختلفنا عن العفو بس بس بس بس
الظاهر ما فهمتوا او اني ما وضحت في موضوعي فوق
اقولكم العسكري حق المرور غير المحضر كله
وماسجل اسم اللي مسوي الحادث
وسجل اسم مالك السيارة لان معه تأمين بالرغم من عدم وجوده
ومشا الرجال اللي كان يسوق يعني ما عليه اي شي نهائياً
وكإنه لم يكن موجوداً أساساً
والطعة طلعت براس صاحب السيارة
وصراحة أعجبتني ردود بعض الشباب من جد ضحكت
خصوصاً أكوردياني ههههههههه
اما اللي عصب V6 2007 فشوف ايش صار يا V6 2007
اقولك لو الحادث صاير معك وتشوف الدرج اللي صدمني اتحداااااك تتنازل
لانه بكل وقاحه قعد يقولي وقت الحادث " كنت اقدر انحاش حتى لو العسكري واقف "
يعني كإنه يقول أطقع ما أشوف انت والعسكري عشان كذا كان ودي انه ينحجز هو وسيارته هالدلخ
هاااه لو انت مكاني يا V6 2007 بتتنازل ؟!!

[أبو الريش]

الحمدلله عـ السلامة
و الي تشوفه كـويس توكل و سويه

[ماهمه]

الحمدلله عالسلامة

[حبيب هنادي]

تقريبنـــ صار علي أكثر من خمس حوادثـــ والغلط على الي صدمني ودايمنـــ أسامحـــ

ولما انا أصدمــ ويصير الغلط مني ما يسمحونــ ليهــ وهم موترهمـ قديمهـ ومخبطهــ

لا تتنازلــ

يوهـ يوهـ يوهـ لو كانـــ الغلطــ منكــ ان يجرجركـ جرجرهــ ويجيبــ عيال ديرتهمــ عليكــ

انا مرهـ هايلكس موديل، 92 وكان مسرع بس الغلط مني لو نرجع للحقيقهـ الغلط عليهــ وما تنازلــ

وموترهــ كله مسمكــ وياللهــ يمشي

خلاصـ راح زمنـ التسامحـ والصحاحهـ وانسانيهـــ

الحين نفسي نفسي

[حميد]

السلام عليكم ومساء الورد
ها التعبان لاتتنازل عنه وخله يخيس ويعوظك ومقولت العوظ مافيه خير مقوله باطله يعمى هاذى حقك شرعا ودينا والله مايرضى بالضلم هو لو مادفع يوم القيامه الله يحاسبه وخليك قوى وخليك على اصرارك بطلب التعويض وهذا حقك غصبن عن الدرج والرفرف العسكرى
وماتشوف باس
والله يحفظنا وياكم من الحوادث

[كلاس وولد ناس]

دام انه قاعد يتمنذل خلك انذل منه وطلع حقك من عينه

[متصفح]

الحمد لله على السلااااامه

للأسف العسكري مصمم يعطيه فرصه ثانيه يصدم سيارات الناس بلا مبالاه !!

[الدكتور محمد]

ما تشوف شر يالغلا .

والله حقدت على العسكري أكثر من اللي صدمك ..

عموما توكل على الله وسوي اللي تشوفه صح ..

وفقك الله .

[المـــــلكـ اكـــــورد]

الحمد لله على سلامتك والله يعينك على المرور ..

[عطر الحكي]

اول شي الحمدلله على السلامه ياراعي الباص:d

بعدين ياشباب لو كل واحد صدم ويقول للثاني تنازل ما احد اخذ حقه

الي يخطي يتحمل خطاه من قصد او من دون قصد


والشباب الي يقولون تنازل ومدري ايش

خلاص الله لا يهينكم تحملو تصليح السياره

الرجال عنده التزامات اهم من السياره ومو معقول انه يتحمل خطأ غيره



ان شاء الله تكون اخر الصدمات:d