مشكله الخدوش بالسياره

**حميد** · 06-10-2009, 08:02 PM

السلام عليكم ورحمه الله وبركاته
مساء الورد للجميع
انا عندى اكورد 2008 وفيها شويت خدوش على حكات والله ياجماعه انها رافعه ضغطى شكل الموتر حاولت بجميع الحلول انى المعها وتختفى لاكن مافي حل واضحه رحت اليوم العصر الوكاله وكلمتهم عساس يشوفون حل فقلت لهم التنقيط قالو ماينفع راح تبان عشان لون سيارتى ذهبي وبين واصلا اللون مو متوفر بالوكاله وقالو الحل صبغ وقالولى مبلغ اللله لايوريكم جامد 3200 على حكات بسيطه جدا فيا جماعه تكفون في حل افضل والله شكل السياره مشوه بقوه
تكفون ابي حل لمشكلتى الله يرضى عليكم مع العلم الوكاله عبدالله هاشم طريق خريص؟

**المباشر** · 07-10-2009, 02:31 AM

وعليكم السلام ورحمة الله وبركاته

حياك الله وبما أنك من الدمام أنصحك تمر ورشة باسمير واسألهم عن صبغ السيارة كامل كم ويقولون رخصت أسعارهم ولكن شغل محترم ونظيف .

ينقل الى صيانة الأكورد

**حميد** · 07-10-2009, 06:26 PM

مو هاذى المشكله انو السياره ماينفع معها التنقيط وقالولى بالوكاله لازم صبغ المناطق الى فيها خدوش ماينفع التنقيط والله مشكله
يسلمووووووووووو عالردود
ماقصرتو

**cool_rule** · 06-11-2009, 04:59 PM

أخي الكريم...

شوف هالموقع للبويات و الصبغات المميزة

وفكرته حلوة

اختار نوع السيارة - الموديل

يعطوك ارقام البويات (ألوان الصبغات التي في الوكالة)

الموقع مفيد لاسيما أن كثير من الأعضاء قد يسألون عن أرقام الصبغات بين فترة و أخرى

, و تقدر تشتري من نفس الموقع

طبعاُ تقدر تستفيد و تكتب اسم سيارة من الغاليين و المميزين بوياتها و تأخذرقم بويتها و تستفيد منه في الحياة العملية إذا بترش سيارتك

الموقع هو

http://www.paintscratch.com/

**dr.3so0ol** · 06-11-2009, 05:57 PM

اهلييييييين
ونا بعد نفس الشغله عندي خدوووش بالسيااره ولون سيارتي لؤلؤي ورحت لورشة ولحد اعرفه قلي مااينفع الا رش وفجعني هههههههه ماادري احد قد لقط لهاللون ونفع ........... تحيااااااااااااتي

**المباشر** · 07-11-2009, 12:40 AM

سيارتي لؤلؤي ومنقطها بالصدام الخلفي ولا يبين

أهم شي لون الصبغ يكون مضبوط والمكان اللي تبي تنقطه مايكون كبير

**mohd_999** · 07-11-2009, 01:48 AM

نصيحه لك خذلك عده كامله لغسل السياره شامبو وفرس ومناشف من محل اسمه ساكو وعندهم ملمعات وكل شي

**حمزة الغامدي** · 11-11-2009, 02:42 AM

ياخي ولا اسهل من التنقيط بالذات في اللون الذهبي والاسود والبترولي نصيحه لاترش بويه عشان خدوش ماتستاهل
الا انا اللي معقدني اللؤلؤي مالقيت بويه تطابقه بس مشي حاله مع الخدوش مو واضح مرررررره
اللي معقدني ليش الهوندا ماتحط انابيب مع السياره مثل الاقلام زي ماتسوي نيسان

**ACCORD06** · 11-11-2009, 02:51 AM

المشاركة الأصلية كتبت بواسطة حمزة الغامدي

اللي معقدني ليش الهوندا ماتحط انابيب مع السياره مثل الاقلام زي ماتسوي نيسان

لالالالا كيف
ودي تيقي
عبدالله هاشم أكبر من كذا

**AC_CORD** · 13-11-2009, 09:44 PM

انا ولد اخوي ماشالله اشترى كوريلا 2009 فل كامل والسيارة اتخدشت عليه جا طلع علبة من السيارة فيها عينة من بوية من الوكالة وفرشة بنفس الرقم ليه هوندا ما تعطي عينات من البوية مع الفرشة

**King** · 13-11-2009, 10:21 PM

خذ رقم اللون من عند الباب حق سيارتك وروح اقرب محل بوية وخذ لك قد الكاس ونقط إلين ماتضبط أمورك

http://www.hondaarabia.com/club/showthread.php?t=26922

**AC_CORD** · 14-11-2009, 12:07 AM

^^^^^^^^^
لالا ماينفع انا اخذت رقم البوية من الباب عشان انقط الخدوش طلع اللولي في التنقيط مو مثل باقي الالوان يعني اذاجيت تنقط ولا كانك نقط لانه يجيك شفاف وخفيف كانك تنقط بمياه