بالعربي نعبيء 95 و الا 91؟؟ افتوونااا

[دكتور هوندا]

و الله انى حيران , وخايف من جد أظلم أكوردي , الحين أنا استخدم بنزين 91 , , وأشوف انه ممتاز .

موقع ارامكو أحس انه كتب الجدول على عجل .و الله مدري عنهم .ماشاء الله من موديل 96 الين 2007 يعبون 91, ايش هذا !!!!

بس الاخوان اللي معاهم 2006 يعبون 95 , ليش تعبون 95؟؟؟

أنا معاي 2003 أعبي 91 وعادي لاصرفيه( شوي صرفيه ) و لاهم يحزنون و لا خراب و لا أي مشكله ..

شكلى ابي اقلب 95 التانكي الجاي .يقولون يوفر .و بصراحه الاكورد تستاهل 100%مهو 95.

شباب و الا جرب 95 يقلنا ؟ يصرف و الا عادي من ناحية الصرف ؟ وهل يضر المكينه ؟


هذا الموضوع معقدني شويه ..بس ابي اعرف عنه أكثر ....


دمتم سالمين,,,

[ياسر الشمراني]

91 اخوي
وعلى مسؤوليتي

وتوكل على الله

[هوندا كونكورد]

نفس ما قال لك الأنس

استغل سالفة الرخص في سعر البنزين 91 وخل عنك وساوس انه أداء السيارة يقل والصرفية اتزيد خل عنك

انا لو قلت لك قمت على أي سيارة بتضحك علي بتقول هذا خراط لاني ما صورت القومة ( بعد ما صبيت بنزين 91) طبعا انا ما اقول لك بنزين 91 نفس سبانخ ببّااااااااي يعني اذا حطيت هالبنزين اطير سيارتك لا مش كذا قصدي لكن قصدي ان أداء السيارة ما حسيت انه اتأثر ولا تنسى الأكورد دلوعة شوي ومن حقها تدلع بنت تمساح مرة اتقوم ومرة اتنوم نفس ما قلت انا سابقا

لكن يا الطيب اتوكل على الله وبالنسبة للصرفية ما اعتقد انها تفرق و لو تفرق تفرق 30-40 كيلو مش كثير وانا اصلا ما آخذ بموضوع الصرفية لأن كذلك احس ان صرفية الأكورد سواء يوم كنت اعبي 95 ولا 91 تتوحّم كثير مرة اتمشيك واجد و مرة شوية

لا تحاتي يا الطيب عبي 91 وانته مرتاح .. الأكورد سيّارة هادئة ومع البيئة و اتراعي ارقاد الاوادم ف كل وقت والدليل انك يوم تقفلها او تفتحها من غير صوت للهرن اللهم تولع الليتات.. وهي سيارة اتحب اتوفر على اللي يسوقها حتى فالبترول فانته كل اللي عليك انك اتعبي 91 و واتوفر


شكرا لك

[أبو شلوة]

مثل ما قال الأخ

وبالتوفيق ان شاء الله

أخوك// ابو شلوة

[الهادف]

والله حتى انا .. قمت احس ان السيارة فيها صوت زنة غريب ..
الا يبي يسمعه يعلق القير على الاول ويمشي 30 وبتسمع الصوت بكل وضوح ..
ان شاء الله من المرة القادمة باعبي 95

[أبان الطباع]

بالعربي 91

بكل الأحوال أي سيارة تعبيها 91 ويطلع صوت خليك على 95
بس بالوكالة وموقع أرامكو والكتالوج 91 .

[اتــشـــــ]

اخوي دكتور هوندا

انا معي اكورد 2004

بنزين 91 يمشيني 480 كلم

وبنزين 95 يمشيني 550 كلم ( وهذا النوع اللي استخدمة الان )

تحياتي

[اتــشـــــ]

ان شاء الله من المرة القادمة باعبي 95

تعجبني ياصديقي

[الاخطبوط]

ماحسبتها بالكيلو بس الاحظ ان الصرفيه زادت مع بنزين 91

يعني قولتكم نرجع لـ95 >> شكله هذا اللي بيصير

[هاااي 9 7 7]

واللهي قبل ماينزلون 91 كنت اعبي 95 << قل قسم :d

وبوم نزلو 91 قل بيني وبين نفسي ليه اغير البنزين وهو مافيه عيب غير السعر ولا هالشي يمكن يخرب علي المكينه اللي هو تغيير البنزين

فصرت اعبي 95 وماطب موتري 91 ابداً ولله الحمد

[ابوفهد.]

والله انا عن نفسي اعبي 95 افضل

[اتــشـــــ]

واللهي قبل ماينزلون 91 كنت اعبي 95 << قل قسم :d

وبوم نزلو 91 قل بيني وبين نفسي ليه اغير البنزين وهو مافيه عيب غير السعر ولا هالشي يمكن يخرب علي المكينه اللي هو تغيير البنزين

فصرت اعبي 95 وماطب موتري 91 ابداً ولله الحمد

مع ان خويك ميت على الـ 91 ;)

[يامطنش]

والله ما حسيت بي فرق غير انا 91 احسه اخف على السياره بس صرفيه ممكن اكثر بشوي من95 بس عادي

[و ق ا 177]

خليك ماشي مع القديم 95 و بس..

[BLK]

والله حتى انا .. قمت احس ان السيارة فيها صوت زنة غريب ..
الا يبي يسمعه يعلق القير على الاول ويمشي 30 وبتسمع الصوت بكل وضوح ..
ان شاء الله من المرة القادمة باعبي 95

حتى أنا صرت أسمعه وواضح بعد !!!!

قلت شكله هذا الأربعة سلندر طلعت بلاويه و اصواته

يعني وش نسوي ؟؟؟

[هنادي والناس تنادي]

بالنسبه للاكورد بنزين 91 اقل عزم وقوه من95 وانا مجرب مو بس انا
اخوياي معهم اربع اكوردات وكلهم يقولون نفس الكلام وإلي عبى 91 بيحس بالفرق
وعلى قولتهم (((اسأل مجرب 91 ولا تسأل ماجرب))):d

[هاااي 9 7 7]

مع ان خويك ميت على الـ 91 ;)

انا ديموقراطي :d

[ياسر الشمراني]

وسوستو فيني :(

شكلي برجع اعبي 95 :(

اهئ اهئ :(

[ق ع م ACCORD]

عب 91 وماجاك

على ضمانتي:d

[هنادي والناس تنادي]

ياشباب ترى الفرق 7 أو 8 ريال

إذا عبيت فل نوع 95 ب32 أو 33 ريال

وإذا عبيت فل نوع 91 ب25 أو26 ريال

والفرق بين النوعين 91 و95 مايسوى
والهنادي تسوى أكثر;)

[Silver]

انا اعبي 95
والأكورد تسوى اكثر
وبالتوفيق يا غالي


أما من ناحية الصوت اذا عبيت 91
هذا الشي قالوا عليه ارامكو
انك اذا عبيت 91 راح تسمع صوت طقطقه
المهم 95 هو اختياري :d

[اوصاف البدر]

انا اعبي 91


بس شكلكم راح تخلوني اعبي 95


ودنا بالأفضل للسيارة

[دكتور هوندا]

الحين اللي يستاجرون السيارات , تحسبونهم يبي يحطون بنزين 95 .هههه هههههههه هههههههههههههههههههههههههههههههه ههههههههههههههههههههههههههههه في الاحلام ههههه

مستحيــــــــــــــــــــــــــــــــــــــــــــل .

أكيد يعبون الرخيص .

إذن من الان و صاعدا سوف نعبيء الغالي , الا اللي يبي يقلب سيارته إيجار شيء ثاني ؟؟!!

الرأي لكم !!!

[JUVENTUS]

لحستوناااااااااااااااااااااااااااااااااااااااا
ياناس وين الأصوات إللي تقولون
مافيه شي أبد
لاتكون وساوس بس

[ياسر الشمراني]

لحستوناااااااااااااااااااااااااااااااااااااااا
ياناس وين الأصوات إللي تقولون
مافيه شي أبد
لاتكون وساوس بس

صادق

وين الأصوات هذي ياشباب وين تطلع بالظبط ؟؟