بخـصوص المخافات ..... والنظام الجديد

[Ëńġ․ℱάίśάℒ]

السلام علـيكـم ورحمة الله وبــركاته
كيف الشباب ... ان شاء الله بخير

امس يا شباب كنت على الخط السريع (( الدائري )) لأخوانا اهل الرياض :d
وكنت مسرع و غرز من بين السيارات
وشوووويه طوووووط وفلاشات
المرور السري كفشني و اجنب على جنب واستنى بالسياره اليين يجي بنفسه
ويجي خوينا العسكري الرخصه و الاستماره كالعاده قلت انا خير مسوي اني ماسويت شي <<--
يقولي ماشاء الله شكلك متاثر في need for speed :d
انا سكت طبعا وراح السياره وارجع اعطاااني قسيمه
طيب دحين القسيمه والله مادري ايش مكتوب فيها بالضبط لان القلم الي يكتب فيه شكله الحبر مخلص بس الي لقطه منها انه مكتوب تجاوز المركبات
كم قيمة هذي المخالفه و مكتوب فوق لمدة ثلاثين يوم وبعد ذلك يطبق الحد الاعلى
وكيف اعرف اذا نزلت في النظام عندهم عشان اسددها
وآسف لو طولت عليكم

[f a w a z]

هلا اخوي دق كل يوم لين ماتشوفها نزلت على 012928888

او على موقع وزاره الداخليه تدخل رقم الاحوال

عاد اذا نزلت انت سددها عشان ماتدبل

اتوقع قيمتها 600 ريال تهور او تجاوز المركبات

[S.M.A.R.T]

الله يعينك يا ولد ايطاليا

طيب قوله ما راح اخذ المخالفه الا لمن تكون واضحة الكتابة او ببلغ عنك - فيه رقم خاص للشكاوي على العسكر الهمج - وقيمة المخالفه ما عندي فكره عنها بكم!! لكن اذا عندك حساب في الراجحي او السامبا تقدر تشيك كل فترة وفترة تشوف نزلت عليك ولا لا .. واهم شي اول ما تنزل في حسابك سدد على طول عشان ما تتدبل عليك

تشااااو .... جوزيف

[HaMmaM 2008]

أنتبه من حركه صارت في واحد من الشباب

المهم تدري وش صار عليه

كل ما راح للصراف بيسدد المخالفه ما يلقاها يعني ما نزلت

بس تدري متى نزلت بعد 30 يوم يعني أييييييييش

يعني تدفع الحد الأعلى

أنا صراحه نسيت سالفته ونسيت أعرف وش لون تصرف معهم

وموضعك تو ذكرني فيه

ما أقدر أقولك ألا أنتبه من هـ الحركه .

[slaitr]

فيه ناس يقولون ماتدبل الا بعد شهر من تسجيل المخالفة بالكمبيوتر وناس يقولون من تاريخ اخذ المخالفة
ريح راسك ورح قسم المرور وسجل المخالفة وسسددها بنفس الوقت
انا سجلت المخالفة وسددتها بربع ساعة في قسم الناصرية

[Ëńġ․ℱάίśάℒ]

يعطيكم العافيه ع النصيحه وان شاء الله راح اشيك يوميا :p

[ثــلــج مــشــوي]

مخالفات :(

توني منصفق بقسيمه سرعه 153 على 110 والله يستر لاتكون محجوبه

شكلي ابفك التضليله وابدق الحزام وابسوق السواقه الوقائيه حقت ارامكو ويالله اسلم

[,,ولد المدينه,,]

انتبه تراهم نصابين ماينزلونها قد صارت لي
انصحك تشيك عليها كل يوم

[ثــلــج مــشــوي]

نزلت مخالفتي ...

وشكلها محجوبه

اخذتها الجمعه الي فاتت يعني قبل 3 ايام

مكتوب بصراف الراجحي

سرعه زائده مع التبيه !

وش التنبيه ..؟؟؟؟

ومارضت تسدد شكل فيها توقيف :(

وقيمه المخالفه 500 ريال