مشكلة في الفرامل وهقة حقيقية

[بلال العلمي]

السلام عليكم

كيف حالكم؟؟؟


امس غيرنا فرامل لسيارة خوينا وطبعا هو غيره قبل كذا في ورشة عادية ولما فكيت الفحمات لقيت طريقتهم البشعة في تركيب الفحمات وسوء عمل بعض الورش

يكفي انهم يستخدمون العنف في اعمالهم وكلها شلة عمال مالهم في الميكانيكا وتعلموا على سياراتنا

المهم غيرت فحمات الفرامل الامامية وملاحظ اثار عنف وتخريب لاجل بس يركبون فحمة لانهم كانوا يرجعون البساتم او المكبس بطريقة الضرب وهذا اكبر غلط


لكن جينا للخلفي وركبنا الفحمات ونمشي بالسيارة ووقفنا عند اشارة وشوي يطلع دخان من السيارة

انا ظنيت انها السيارة اللي جنبنا فقلت الله يعينه على التبويش

بس شوي زاد الدخان وافتح الشباك واشوف الدخان من عند السيارة حقت خويي

وقفنا على جانب بعد الاشارة وشميت ريحة الكفر صارت حريقة ورفعت السيارة من الجهة نفسها ولقيت الكفر ماسك تماما يعني كانك داعس فرامل بس على كفر واحد


اللي صار اني فكيت الكليبر وخليته يمسك في حديدة في السيارة لاجل ما يطلع البستم

المهم اللي صار ان الكليبر يبس ونشب خلاص ما يرجع

فقمت وفكيت الكليبر لاجل اسوي له عملية جراحية


طبعا فكيته واشتريت ربلات وتسمى اصلاح وغيرته للكليبر وزيت وشحمت البستم لاجل ما ينشب







وهنا بداية العملية الجراحية وهي تبديل الاصلاح وفي الصورة ادناه الكليبر المريض









وهنا طلعت البستم وركبت الربل الداخلي لان البستم الشقي هذا هو اللي كان ناشب وماسك الفحمات








وهنا طبعا العملية بادخال الربل الداخلي في الكليبر وهي اهم ربلة واللتي قد تمسك البستم









طبعا هذه صورة للكليبر من الداخل لو تشوفونه بدون بستم ولا ربلات كيف جاي













وطبعا ركبت كل شي وتمت العملية بالكامل لكن بتجربة الكليبر على السيارة وبعد ما دعست دعسة فرامل واحدة فقط رفضت ان تترك الفحمات تماما وابت الا ان تحتضنها وبذلك توفي الكليبر وفشلت العملية






وطبعا لازم نسوي حل ما ينفع اننا نخلي السيارة بدون فرامل فقلنا يا راعي السيارة يا خوينا


هز جيبك شوي

وفعلا راح واشترى كليبر جديد قيمته فوق 800 ريال


وتم التركيب بحمدلله









الملاحظات:


1- لاتغير الفحمات الا في الوكالة لانه لو جاك لا قدر الله مشكلة مثل هذه بيغيرون لك كليبرات على حسابهم

2-دايم ابتعد عن زيوت الفرامل الرخيصة وركب زيوت فرامل جيدة مثل كاسترول او قلف

3-لا تشدون الجلنط بقوة ابدا ابدا ابدا لان هذا هو اللي خرب الكليبر من الداخل حيث لا استطيع تفكيك الكليبر وحيث يقال لك اشتري كليبر جديد تماما بسبب شدك للجلنط بقوة يعني اسحبه لاخر مداه بس شوي شوي ودايم اوزن الجلنط وخليه على 6 طقات



وشكرا لكم

[K H A @ L I D]

اخوى كيف روحت لورشة زي كدا ؟؟؟؟؟

اما على الفرامل قلي على خااااااااص وانا اركبها لك بس اخد منك حق الفك

وشوف شغلي مو اعلان ياشاب بس حبيت افيد عيال المنتدى لايروحوو لورشة كرسيدات 77 وتجي تقلوو ابغاك تغيرلي اقمشة الفرامل اكوورد
اخوى بالله مين البهيما الى ركبك القماش

بتوفيق يااااااارب

[بلال العلمي]

اخوي الفحمات ركبها خويي وهي سيارة خويي في ورشة قبل كذا وسببت له مشاكل


انا ركبت الفحمات له ولقيت فيه الكليبر الخلفي اليسار ماسك وسويت عملية جراحية للكليبر وما رضت


فاشترينا كليبر جديد


الغلط ما كان في عملي بل كان الغلط في الورشة اللي ركبت لخويي الفحمات قبل


وطبعا ركبنا الفحمات وهي سهلة ما هي صعبة

[المايسترو77]

والله ياخوي ان الورش كلها صارت تخوف
وان كان تبي الوكالة... هز جيبك الله لايهينك زي ماقلت
والله يعينك ان كان بتصبر ع السيارة كم يوم عندهم الا اذا تعرف لك واسطة يمشيلك الامور

[THE SILVER ACCORD]

موضوع

الله يعطيك العافيه

--

أخوي بلال عندي استفسار لو سمحت

/

انا اشد الجلنط للأخير يعني أشده قووه

لأني ما أحب ارغي الجلنط وتدحدر السياره

هل فيه ضرر لشد الجلنط قوووه

طبعا انا اسحبه سحبه قوويه شوي تقدر تقول مو بالتدريج :d

/

وشكرا مقدماً

[بلال العلمي]

موضوع

الله يعطيك العافيه

--

أخوي بلال عندي استفسار لو سمحت

/

انا اشد الجلنط للأخير يعني أشده قووه

لأني ما أحب ارغي الجلنط وتدحدر السياره

هل فيه ضرر لشد الجلنط قوووه

طبعا انا اسحبه سحبه قوويه شوي تقدر تقول مو بالتدريج :d

/

وشكرا مقدماً

ايه نعم الحركة هذه اخوي تسبب اللي فوق على طول

[هعهوع]

بالله اخوي كم سعر اصلاح الكليبر ومن وين شريته واسم المحل اللي شريته منه

[هاي الشرقية]

يسلموووووووووووووووووووووووووووووووووو

[D.H.o.O.o.M]

19-10-2009,