[رسمياً] لكزس تكشف عن سيارتها الجديدة lfa الرياضية بالصور

**kakashi-san** · 24-10-2009, 12:07 PM

لكزس ، لكزس2011 ، لكزس الجديدة
lexus2010 , lexus lfa

السلام عليكم ورحمةُ الله وبركاته

أسعد الله أوقاتكم بكل خير ..

وأخيراً لكزس تكشف رسمياً عن سيارتها الرياضية الجديدة LF-A

المواصفات الأساسية ~

عدد السلندرات : 10 سلندر
حجم المحرك : 4,8 لتر
عدد الأحصنة : 552 حصان
التسارع من 0 - 100 : 3,7 ثانية
6 تغييرات للقير
الكفرات الخلفية أعرَض من الكفرات الأمامية مما يعطيها شكل رياضي أكبر

..

مـِن المتــوقع أن شركة لكزس ستطرح قرابة الـ500 نسخة من السيارة لسعرها المرتفع ..

والمتوقع تقريباً مليون ريال سعودي وقد يزيد قليلاً أو ينقص ،،

لا نعلم إن كان الوكيل هنا ، سيتم استيرادها ام نكتفي فقط بمشاهدة الصورة كما تعوّدنا ..

لا نطيل عليكم كثيراً ، نترككم مع الصـُور ،

،
،
،

واجهــِة السيارة من الأمــــامْ

..

..

..

السيــارة من الجـانبين

..

نظرة ثاقبه على السيارة و روّعتــَهاْ داخل الميدانْ

..

نظرة ثاقبه من الجهة الأخرى للسيــارةْ

..

..

..

صورة من أعلى السيارةْ

..

..

مكينة السيارة

..

خلفــيّة السيارة

..

..

شكل جديد مع بروز للشكامين ويعطي شكلاً رياضياً

..

خاصيّة التحكّم بالجناح من خلال رفعه أو انخفاضهْ

..

نظرة أخيرةْ للخلفية مع شكل الأبواب

..

ننتقل بكم إلى داخليّة السيارة الرياضية والفخمة في آن واحــِدْ

..

داخليّة تجمع لك بين الطابع الرياضي والفخامة

..

صورة من الخلف للداخلية

..

لكزس ستكون منافـِسة لسيارات كثيرة من عالم السرعة والرياضية ،،

هناك الكثير من الأسئلة تدور حول الوكيل اِن كان سيتوردها ويتم توفيررها بالخليج ام لا ،،

أسئــِلة لا نعلم اجاباتها ، ولكن ننتظر لعل ستكون هناك مفاجأت كثيرة ننتظرها ..

،
،
،

* التقرير من اعدادي الخاص : kakashi-san

** تم جمع الصور من كـَذا موقع وترتيبها

،
،

الموقع الرسمي والمصدر

Lexus LFA

على أمل أن التقرير نال على اعجابكم ،،

نلقاكم على خير

**أبو هن** · 24-10-2009, 12:22 PM

ماشاء الله تبارك الرحمن الله يكتبها
من نصيبنا اذا كنا حيين <- اي دبر ربع ربع حقها خخخخ:p
وقتها خير ان شاء الله
بس بجد ابداع وتحطيم سحرتني وجننتني السيارـہ وجذبت انتباهي
بكل الطرق صراحہ والله لو قيمتها 10 مليون تستاهل كل قرش حلال فيها
هذا الابداع ..
للكزس علامه معروفہ مايحتاج اتكلم عنها ومبتكرـہ هل خرافہ
اسمح لي اسميها الخرافـــہ
الف شكر عـ هتقرير يابطل ..

**بانوراما** · 24-10-2009, 12:56 PM

ما شا الله .. تباارك الله ..

وش هالزيييييين ..

شي خراااااااااااااافي .. وابدااااااااااااااع .. >> مثل ما تعودنا عليه من لكزس ..

وفيها شوي من الاوودي ..

بس صرااحه .. لو تنزل عندنا بالخليييييج ..

>> ما اقدر اوووصف صراااحه ..

بس ما اتوقع ..

:::::::::::::::::::::::::::::::::

مشكووور كاكاشي .. عالتقرير ..

ابداع ما بعده ابداااااااااااااااع ..

تسلم يدينك ...

تقبل مروري

**راعي الحلم** · 24-10-2009, 01:02 PM

بايخــــــــــه <<< شكلي بأضرب :d
لكن يعطيك العافيه على التقرير الجميل
وتذكر دائما قول الشاعرة : (اللي مايطول العنب حامضٍ عنه يقول)

**MaLiK1987** · 24-10-2009, 02:59 PM

الله يعطيك العافية على التقرير والجهد هذا

وجهة نظري لكزس أرتبطت أكثر بالفخامه وليس لها أي علاقة بالسيارات الرياضية

لو معاي قيمتها بصراحه أشتري أودي r8

**Ëńġ․ℱάίśάℒ** · 24-10-2009, 03:12 PM

ماشاء الله حلوه بس سعرها مليون ريال

لو معايا مليون اخذ لامبورجيني ;)

**ماهمه** · 24-10-2009, 03:15 PM

ما شا الله .. تباارك الله ..

اخيرا لكزس تظهر

**S.M.A.R.T** · 24-10-2009, 04:49 PM

كثرت السيارات الرياضية وما تدري وش تشوف وش تخلي بس تنقهر تشوف كل السيارات وتمتع نظرك بس ما تمتع نفسك وتقتنيها :(:(

**محجوب** · 24-10-2009, 04:57 PM

مشكور كاكاشي ..

بس ابغى اعرف على ايش مصدقين روحهم لكزس ؟؟

في شركات عريقة واسماء كبيرة ومتخصصة في مجال هالسيارات مثل فراري ولامبورقيني وأستون مارتن .. وكلهم أسعارهم ارخص بفرق حول ال200,000 الى 600,000 ريال !!! ... واعجباه !

**Pink Dream** · 24-10-2009, 04:57 PM

تسلم على التقرير الجمييل ..

مقدمتها تشبه النيسان zx300 القديمه ..

والخلفيه مشابهه للـ اودي r8 خصوصا مع الجناح ..

ومن الجنب كانها فيراي سبايدر ..

مليوون ريال !!! في خيارت افضل وشركات اعرق منها بـ ها المجال ...

**Solo** · 24-10-2009, 04:58 PM

اخوي كاكاشي..موضوع جميييييييييييل جداً جداً

يعطيك الف عافيه بس اقولك..

التسارع من 0 - 100 : 3,7 ثانية

اذا هذي 3.7 اجل بوقاتي كم..!؟؟ قريبه من هالتسارع ولا..؟!

بس ياهي خيال اللكزس..!:o

اريجاتو كاكاشي-سان..!:d

**محجوب** · 24-10-2009, 05:02 PM

^^^
البوقاتي ابـ2.5 ثانية :d ..

**gogo** · 24-10-2009, 08:19 PM

بسمه تعالى :

مقطع لتدشين لكزس الرياضية

[ame]http://www.youtube.com/watch?v=kRJupJlTeoI&feature=fvhl[/ame]

[ame]http://www.youtube.com/watch?v=8VViovs8nWc&feature=rec-LGOUT-exp_fresh+div-HM[/ame]

[ame]http://www.youtube.com/watch?v=hgWqe8UTjG4&feature=related[/ame]

السرعة القصوى = 325 KM

و شكرآ أخي الكريم على الموضوع

**يامطنش** · 24-10-2009, 09:58 PM

يالله ارزقني الجنه

**,,ولد المدينه,,** · 24-10-2009, 11:37 PM

ماشاء الله تبارك الله (هاذا شي ما نستغربه منك يا كاكاشي سان):d
دائمن مواضيعك حلووه تسلم يا الغالي

ولا تحرمنا من جديدك

**accordyon** · 25-10-2009, 09:47 AM

لا نعلم إن كان الوكيل هنا ، سيتم استيرادها ام نكتفي فقط بمشاهدة الصورة كما تعوّدنا

ماهقى بوجميل يجيبها
واحسن شي ماطالت يده الكزس بتعديلات الخرافية:d

**بانوراما** · 25-10-2009, 02:56 PM

اانا قريت بجريدة الرياضيه .. الاسبووع اللي فااات ..

انو لكزس رح تطرح سيارتها الرياضيه .. ورح تعرضها في معرض يقام في الرياض يوم 27 اكتوبر الجااري ..

والمعرض مخصص لسيارات الفخمة ..

:::::::::::::::::::::

>> للمعلووميه جرى نشره ..

والعهده على الصحيفه ..

تحياتي ..

**دودي أكوردي2007** · 25-10-2009, 04:44 PM

يعطيك العافية يا <<كاكاشي سان>>

بس بأسئلك >>>عندك سلف 100000 ريال بس :o

بأبيع الأكورد وبأتسلف بعد من غيرك

يعني حطيتها براسي

يااااااااااااااااا شين الطفرة

يا لبيبيييييه والله أو كي

تحياتي

**ramiex** · 25-10-2009, 10:14 PM

السلام عليكم بلشة الامور تحلو اللكزز طلع سياره سوبر رياضي يعني التوقعات الجديده عن شركة هوندا انه بتخطط بارجاع الاسطوره
honda nsx على القريب العاجل ان شاء الله

**أكورداوي** · 25-10-2009, 11:21 PM

طيب لو بغيتها بطاسات .. وبدون تحكم بالصوت من الدركسون .. تتوقع بتطلع بكم ؟ :d

هناك الكثير من الأسئلة تدور حول الوكيل اِن كان سيتوردها ويتم توفيررها بالخليج ام لا ،،

أبو جميل ما اظن عنده مشكله يجيبها .. لكن عنده شرط واااحد ..

يفك المسجل :d

هو ما ادري شسالفته بالضبط مع المسجلات ,, يازين ابو هاشم بس :p

على العموم السياره ماراح أعلق عليها ,, لأني لو علقت راح أشوه سمعتها فهي اكبر من وصفي ومدحي وشوقي ومدحت ....الخ :d

تشكرراتي يوسف حبيبي

**الصامت** · 26-10-2009, 12:12 AM

والله ياكاكاشي حرام عليك تعرض اللكزس شكلي بحرق الاكورد حتى بكبريت اوفر نص ريال و اخذها والله ابطي صبه حتى لو بس اركبها احم احم اقصد اشوفها خليها لأهلها والله يرزقنا بالجنه قولوا امييييييييييييييين

**ghazi** · 26-10-2009, 12:16 AM

ماشاء الله

**سمـgالمشاعر** · 29-10-2009, 05:02 AM

يااااااااااارب إرزقني ويا أعضاء المنتدى بالجنه
أنا لو عندي مليون تدرون وش بسوي ابني مسجد
عشان اقابل ربي بعمل زين اما احطهاه في سياره
مافيه امل مررررررره
تقبلو مرررووووري يا حبايبي

**FiReFiGhTeR** · 30-10-2009, 09:56 AM

مليون والله غاليه وطبعا ابو جميل مو مقصر بيشيل الجناح والشاشه والجنوط وسعر الفل تلقاه 130000 :d

**italian-boy** · 30-10-2009, 04:45 PM

يعطيك مليون عافية على التقرير يا كاكاشي

لكزس شركة ما عليها غبار الصراحة
وتميل للفخامة في كل موديل من موديلاتها

لكن اسمحيلي يا لكزس .. يعني 10 سلندر و اخرتها 550 حصان ؟؟
هيا والـ audi R8 كلهم نزلو 10 سلندر واخرتها دوبها توصل 500 حصان

اذا كان في راسي قوة وسرعة وقوة مكينة واداء في الخط بين اللكزس هذي والا الـ R8 والا الكورفت ZO6 اسمحولي مافي مقارنة في السرعة والقوة اكيد بختار الكورفت .. لانو الكورفت حطمت الـR8 من كل التجارب من ناحية التسارع والخط وبفرق كبير محد يتخيلو

لكن تبقى السيارة لمن يعشق الفخامة وشوية من السرعة
وفي انتظار منافسة لكزس اللي هيا انفنتي اعتقد بترد رد قوي

تحياتي