.
.
كلنا دخلنا مدارس ودرسنا وفينا الي تخرج من المدرسة جديد...
وفي الي بيكمل مسيرته المدرسيه...
وفي الي يدرس في الجامعه...
وفي الي هو متخرج وعاطل زي حالتي...:p
رجعت بي الذاكره للخلف تودي وتذكرت افلام المرعبه ايام الدراسه...
وتذكرت تعذيب هتلر يلي مرت عليه...
وتذكرت طولة لسان بعض المدرسين وغرورهم وتكبرهم على لاشيئ...
انا بتكلم عن شوية مدرسين مرو عليه في مراحل الدراسه وراح اخطط عليهم خطط انتقاميه...
1-مدرس الرياضيات 5.6.ابتدائي:
مدرس الرياضيات مدرس شبيه لاندر تيكر يطبق حركات وضربات المصارع اندر تيكر في الطلاب الصغار الضعفاء الغلابة...
مره صك كف لطالب ماعرف يجاوب في السبوره طير الطبشوره من يده...
وهدا غير طالب كسرله ضلع...
خطتي ليه يتكون كلأتي:
راح احطه في غرفه مغلقه مافيها اي انسان غير 4 مصارعين عمالقه وكميرا مراقبه...
واخليهم يفرشوه فرش مبرحا والكميرا تصورهم...
2-مدرس الدين في 3 متوسط و1 ثنوي...
مدرس يجيب الغثيان بشرحه واختباراته...
مدرس معقد احس انو عنده عقده في حياته...
يدخل الفصل قرفان من الطلاب والمدرسه ومايمسح حاجة مو فالح غير...
ياله يانمار اوم امسح الكرسي بتاعي وطاوليتي وامسح الصبوره...
ويحط حره في السبورة كتابات بس كتابات...
والواجبات اسئلة الدرس كلو...
وفي حصة القران يخالف المقرر يبغانا نحفظ السور الكبيره كلها ويسمعلنا هي ولو احد نسي ايه ياويله ياسواد ليله...
مجهز معاه عدى التعذيب توصيلة كهرباء الطالب يحط اصباعه فيها و سلاسل حديديه ولي المكيف...
وكلها يضرب فيها الطلاب...
خطتي ليه يتكون كلأتي:
مهما كان ومهما صار انا ماحب احد يضرب مدرس التربيه الاسلاميه مهما صار ومهما جرا مهما يكون مدرس دين...
انا قررت احطه في صحراء كبيره مافيها اي نوع من الاشجار ومافيها اي واحة
واخليه يحمل على ظهره شنطة علاقي اعبيها طووووووووووووووووووووووووووووووووووووووووب عشان تدقل وتفاح اخضر عشان ينزل كرشته وشوي مويه...
وكل يوم ازود الكميه لاتخافو...:d
3-مدرس الفيزياء1 ثنوي:
صحيح المدرس احيانا يكون طيب ويمزح بس اغلب الاحيان يكون شرير بشكل فظيع ومايقدر احد...
ويتحول المدرس الى الملاكم نسيم حميد ويضرب الطلاب ملاكمه...:d...
خطتي ليه يتكون كلأتي:
المشكلة يبغى حلول مسائل الواجب صح 100% ويبغانا نحفظ حتى اذا كان عندنا اختبار <<< ويمشي بمزاجه
نفسي كدا ادخله غرفة متاهة كلها مرايااات وارضيتها متحركة يجلس يدور فيها ويحاول يخرج .. وكل مايصقع في مرايا يتحرك الارض تحتها
<<< احسن خلي باسكال ينفعه...ئئ
4-مدرس الانجليزي1 متوسط:
ماعندو رحمه ابد كم مره قايلو انا في الانجليزي ميح لاني دارس في مدرسة حكوميه وجاي هدي المدرسه ومادرست في المدرسة هدي الابتدائيه مايفهم يبغاني عالم انجليزي...:p
وكمانا بطيئ ويمشي على قشر بيض ولمن يوزع اوراق ياخد نص الوقت ونص الوقت التانيه نحل الاختبار وكمانا 3 اوراق...:p...
خطتي ليه يتكون كلأتي:
اجبله سير الي والزر من عندي يتحكم بلسرعه والبسه جزمة بكعب اكرمك الله واخليه يمشي واذا طاح ازود السرعه واذا تعب ازود اكثر واعلمه اسلوب العباطه كيف...:p...
5-مدرس علن النفس وعلم الاجتماع...
عشقه الكتابه ويصيح وماعندو غير يضرب بوكسات يكتب في السبوره من اقصى اليمين لاقصى الشمال وبعد كدا اذا خلصت السبورة ومافي مكان يكتب فيه يمسح ويكتب...
عشان كدا قررت الاتي:
حبسه في غرفه عريييييضة واكبر جدار فيه معلق عليه سبوره طباشير ... وماراح اخرجه الين مايكتب I am soOo soOoRy
الف مرة وطبعا راح يكون هناك علب مليانه طباشير... لكن راح يكون طول كل وحده 1 سم وعشان نزيد الموضوع اكشن راح اركبله اظافر طولها 2 سم <<< اوووتش
طبعا راح اسجل كل طرق الانتقام على شريط فيديو
6-مدرس التربيه الوطنيه:
المدرس هدا غليظ وقاهرني...
درسني 2 ثنوي وكان يجي ويسبنا ويقل ادبه ويقول فصل معفن وانتو ناس معفنين واداري فصل الفشله وافشل طلاب المدرسه انتم وهو هلالي ومتعصب ويسب الاتحاديين...
عشان كدا قررت التالي:
احطه في مدرج اتحادي ومليان اتحاديه وهو لابس لبس الهلال وحاط شعار الهلال وصابغ وجهو ازرق وابيض وخليه يتفرش وانا اضحك عليه من خلف الكميرا...
7-المشرف العام على المدرسة والمسؤول:
واحد وصخ وكل سبات العالم فيه وكل الصفات السيئة فيه...
مايحترم احد يقل ادبه على الكبير والصغير عنده عصاية خشب ملفوفه بشطرطون احمر و حديده ملفوفه بجلد اسود و اسلاك كهرباء يستخدمها كلها في الضرب...
اي واحد ماجاب مصاريف المدرسه كان يضربه والطلاب الي يطيحو في يده تحصله كارثه يايد تتكسر يالخشبة تدخل جوة الكف من قوة الضرب ياطالب يفرك من المدرسة من شدة الضرب...
هدا متوحش ونسميه شريخان...
عشان كدا قررت الاتي:
اجيبه عندي والسعه في ظهره بلسوط واخلايها كدا كل يوم خلال اسبوع وكل يوم في الليل اكش عليه سطل مويه مدوب فيها ملح خشن وشوف العذاب...
8-المشرف الطلابي:
تقريبا احسن احسن واكوس واحد في المدرسه...
كان يجي كل اختبار يغششنى حتى اختبارات 3 ثنوي الوزارة و اختبارات الترم الاول الي تجي من مدرسة حكوميه عشان مدرستنا اهلية مايحطو الاسئلة بس فيه نمردة ويعشق الضرب بلعصاية الحمرا الي من يوم وانا دخلت المدرسة في 1 متوسط اشوفها عنده
بس بلامانه عمره ماضربني وعمره ولاغلط على احد ...
قررت الاتي معاه:
بس راح ادخله غرفة زي السينما فيها كراسي وشاشة كبيرة
راح اجلس جنبه واجيبله فشار وبيبسي وراح اعرض عليه اشرطة التعذيب اللي فوق عشان لايفكر يوم يضايقنا :d <<< شفتو كيف قلبي ابيض...:d
طبعا هدا كلو في الاحلام...
وانا مو شرير لهدي الدرجة...
وعشان كمانا ارفع معنويات الضحايا منهم بلافلام هدي...
:dوكح...بس...خلاص...:d
رد مع اقتباس
المشاركة الأصلية كتبت بواسطة A N M A R
مواقع النشر (المفضلة)