مهم: منظم البخاخ بهوندا اكورد طريقة تنظيفه السليمة

[بلال العلمي]

معظم الشباب في المنتدى جربوا طريقة تنظيف منظم البخاخ او الثروتل بدي عن طريق بخاخ ايه سي ديلكو اللذي يتسبب بمشاكل للمحرك

لان البخاخ ينرش على المنظم ويذيب الاوساخ ويروح من عن طريق الثلااجة للبلوفات او الصمامات وثم تلتصق فيها والبعض يدخل للبساتم ويحترق ويخرج او ينحشر بين البستم وجدار البستم ويسبب خشونة للمحرك وصوت خشن ومن ثم قصر عمر المحرك تماما


لو تلاحظون ان في الوكالة مثلا او الورش العالمية المتخصصة انهم يفكون منظم البخاخ وينظفونه خارج المحرك وبعيدا عنه وبعض من له الخبرة يفك بعض الحساسات بدون المساس بوزنيتها وينظفها لاجل تقيس نسبة هواء وبنزين وحرارة جيدين

طبعا في الاسفل صورة للصمامات بعد دخول الاوساخ عليها واللي يصير انها تكون حاجز يمنع الصمام من الانغلاق ويسبب خروج نسبة من البنزين المحروق اثناء الانفجار ويقل العزم بهذه الطريقة







طبعا في اليمين بلوف سليم واليسار بلوف متسخ






طبعا في الاعلى البلوف النظيف السليم والاسفل البلوف السيء




وهناك مضرة اخرى على المنظم في حال تم تنظيفه وهو على المحرك بطريقة رش سائل ايه سي ديلكو عليه وهو انه سيجعل الدبة دبة التلوث مسدودة وهذا يسبب في انسداد الدبة وضعف عزم المحرك وزيادة الحرارة على المحرك
وبما ان التنظيف غير كامل فوجود سائل ايه سي ديلكو على بعض الحساسات يجعل السيارة تتخبط في الار بي ام حتى ينشف السائل بعد ايام ويذهب كامل اثره وهو لم يفعل شيئا غير تثبيت الاوساخ على الحساسات نفسها



في هذا الفيديو طريقة تنظيف منظم البخاخ السليمة


[ame]http://www.youtube.com/watch?v=KwdYzWzc170[/ame]






ملاحظة:


في هوندا اكورد يجب تبديل فلاتر الهواء بواحد جديد كل 30000 كيلو متر الى 40000 كيلو متر بالكثير


وشكرا لكم

[ღღ 3eo0oney...ღღ]

يعطيك 1000 عافيه ع هالمعلومة

وعندي استفسار انا مشت سيارتي 31000 اغيرها ولا انتظر لصيانة الـ 40000

وشكرآ لك

[بلال العلمي]

عادي غير فلتر الهواء على صيانة 40000 اصلا هم يغيرونها من نفسهم

[المايسترو77]

يعطيك العافية ع التوضيح يابلو

[ala77]

مشكور على المعلومات والفيديو ، والله يعطيك العافية.

[A N M A R]

خليتني اوسوس...ئئ

[بلال العلمي]

من ايش اخوي انمار


بعض الورش في الصناعية يقولون لك شغل السيارة ويقعد يرش ايه سي ديلكو وهي شغالة ويقول لك ادعس بنزين وهو يبخه داخل الثروتل بدي فيه طريقة امنة مثل اللي سواها اخونا ملك مملكة جدة وطبعا تسويها بدون ما تشغل السيارة يعني ترش وتمسح بس بدون ما تشغل السيارة ولا شي

لكن الافضل اخراجه كامل وتنظيف الحساسات بعد لان هي اللي تتوسخ وتقرأ غلط

[Jack]

يعطيك العافيه على المعلومات القيمه

[Solo]

بلال..انا حصلت لي قبل فتره نفس هالمشكله..!

وكان الغلط من البنشري..!:(

يام خلص وغير الزيت .. وبدا يشيك على الزيوت الثانيه..

فك الفلتر..وطلع القطعه..ودخل المنفاخ في الفتحه..حقت الفلتر وبدا ينفخ وسطها على اساس ينظف التراب

انا وقتها مستغرب هو ايش بالضبط يسوي..

المهم الي حصل بعد ما طلعت من البنشري..

رحت البيت..وانا ماشي كانت السياره زي الفل عادي طبيعيه 100%

المهم طلعت لمشوار هيك بعد نص ساعه.. وكنت ماشي فدعست على البنزين شوي.. سمعت صوت السياره ازعاااااج

تقول زي واحد مركب دبه او فلتر رياضي..!

المهم وارجع للبنشري.. وجحد عيني عينك يقول هذي المشكله مو مني..!

واتلاعن معه..المهم..

رحت لميكانيكي فاهم..وقلت له عن المشكله وانها حصلت بعد ما غير البنشري الزيت..

قال اهاا..طيب هو فك الفلتر ..؟ قلت ايه قال ونفخ وسطه بالمنفاخ؟؟

قلت ايوووه..!

قال بس حلها عندي..!

المهم.. وجلست اشوف وش يسوي..فك البطاريه .. مدري وش السبب المهم..

شوي فك الفلتر.. وفك الماصوره العريضه هذي الي موصله من الفلتر للماكينه..(شف ترا انا مب خبير ميكانيكي فانا ما اعرف اسماء القطع :d)

اظن هذي الي تنظم دخول الهوا للماكينه او شي زي هيك..!

المهم..

وصل للقطعه الي في نفس المقطع الي انت منزله..!

بس ما طلعها للبرا.. قال هذي تجمع فيها التراب بسبب الهندي البنشري الغبي..

المهم وقال لي اركب وسط السياره ورفع السياره للفوق.. وكنت ابي اشوف وش يسوون بالضبط لكن الي اذكره اخذ بخاخ حق المفاصل اذا صارت مصديه (الي لونه برتقالي)

واشوفه يبخ ومعه فوطه كبيره ومطلع منها وصخ اسسسسسسسسسود..!

وجلس حول ربع ساعه ينظف..

ومدري ايش سوا كمان.. لكن وانا راكب وسط السياره قال لي خلك ضاغط على البنزيز كلللله ولا تفكه الا الييين اقولك (طبعاً كانت السياره طافيه)

المهم طولت وانا داعس على البنزين..

انا ابي اعرف وش الحكمه من دعست البنزين..؟هو قال راح اول ما تشتغل معك تتفتف وزي هيك وكلامه كان صحيح..!
ثم بعد فتره اختفت ما طولت يعني..

لكن المشكله ما زالت معي بشكل بسيييييط يعني لا وصل الـ rpm الى 2 او قبل 2 بشششوي يطلع صوت غريب بس لا دعست شوي اختفى لكن اذا جا الامبير على 2 يطلع صوت زي الي كان حاصل معي اول..بس على خفيف يعني..

وش الحل؟

طبعاً يمكن كثرت كلام كثييير لكن بس حبيت يعني اوصل لكم المعلومه ان الواحد ينتبه من البنشري لا يعدم سيارتكم والحل لهذي المشكله اذا كان احد يعاني منها..!:d

وشكككككككراً اخوي بلال العلمي على الموضوع ..!:o

[المباشر]

ومدري ايش سوا كمان.. لكن وانا راكب وسط السياره قال لي خلك ضاغط على البنزيز كلللله ولا تفكه الا الييين اقولك (طبعاً كانت السياره طافيه)

المهم طولت وانا داعس على البنزين..

انا ابي اعرف وش الحكمه من دعست البنزين..؟هو قال راح اول ما تشتغل معك تتفتف وزي هيك وكلامه كان

الحكمة طال عمرك لأن فيه قطعه أغلاق مع دعسه البنزين تفتح وهو قالك خلك داعس علشان تكون فاتحه على طول ويسهل عليه التنظيف وتكون دائريه بوسط الثروتل

[بلال العلمي]

المفروض تنفك وتتركب بعد التنظيف وما يسوي شي في السيارة ابد الا انه ينتظر بعد ما تروح التفتفة


المفروض ما يرش شي على الثروتل ابد ولا تخلي البناشر يرشون هواء للمنظم علشان كذا انا اغير الزيت في الوكالة لانهم يغطون الثروتل بمنشفة وينظفون مكان الفلتر


بالنسبة للورش ما عندي علم في جدة الصراحة وحتى الرياض بانزل لي نزلة اشوف الورش اللي يسوونها وباشوف الوكالة اذا كانوا ينظفونها بنفس الطريقة فوق

توني سألت الوكالة

تنظيفهم بنفس الطريقة اللي فوق


قيمة التنظيف = 350 ريال + قيمة الوجه الجديد اللي بين الثروتل والثلاجة

وكذا تروح الرجفة للابد

[مجوووودي]

يعني سبب الرجفة هذي ..؟

انا اذا وقفت عند اشارة تبدى السيارة ترتجف على خفيف مو مرررهـ ..
واذا حطيته بالـn تروح الرجفة ..

وين المشكله هنا ..؟

[ghazi]

انا والله عندي كمان الرجفه هذي بس شكلي بروح للوكاله يوم الاربعاء وانشاء الله ترووح الرجفه

[الهنادي راس مــالــي]

ملاحظة:


في هوندا اكورد يجب تبديل فلاتر الهواء بواحد جديد كل 30000 كيلو متر الى 40000 كيلو متر بالكثير


وشكرا لكم

حبيبي بلال الموضوع يستاهل التقييم ، بس انا عندي استفسار ، بالنسبة للفلاتر الي انت تقول عليها ايش هي هالفلاتر ، انت تقصد فلتر المكينه (المرشح) او ايش؟:

confused:

[بلال العلمي]

يعني سبب الرجفة هذي ..؟

انا اذا وقفت عند اشارة تبدى السيارة ترتجف على خفيف مو مرررهـ ..
واذا حطيته بالـn تروح الرجفة ..

وين المشكله هنا ..؟

هو نفسه منظم البخاخ

حبيبي بلال الموضوع يستاهل التقييم ، بس انا عندي استفسار ، بالنسبة للفلاتر الي انت تقول عليها ايش هي هالفلاتر ، انت تقصد فلتر المكينه (المرشح) او ايش؟:

confused:

المقصود هو فلتر الهواء حق المكينة نفسها