خبر عاجل : بشرى سارة لملاك اكورد ضمان على كراسي المكينة

[بلال العلمي]

وصلني حالا

منذ اسبوع تم الاجتماع في وكالة عبدالله هاشم وتم تعميم الضمان على كراسي المحرك وكراسي القير لهوندا اكورد من موديل 2003 الى 2009 كضمان يصل مسافته الى 120000 كيلو


يعني سيارتك 2005 وما تعدت 120 الف كيلو يمكنك زيارة الوكالة وتبديل كراسي المحرك والقير في حال وجود اهتراء او رجفة

ارجوا ممن لديه مشكلة في الكراسي اهتراء او رجفة التوجه الى الوكالة وتبديلها مجانا لدى الوكالة

وسيتم التأكد من الخبر اليوم باذن الله

[ya$$er]

يعطيك العافيه ع الخبر

[cool_rule]

تسلم والله يالغالي على الخبر...

[أكورداوي]

خبر سار بصراحه ,,

لكن لي للأسف تحطيييييم :(

سيارتي تحتاج 4 كراسي لكن ماشيه حدود 160000 كم .. يعني الله يعيننا ويعوضنا بخير منها :(

تشكراتي يابلال على هالموضوع الحلو ..

[المباشر]

ماعليك امر تتأكد اذا بتروح لهم وتعطينا خبر خلنا نخسرهم شوي

[بلال العلمي]

تم التثبت من الخبر في الوكالة والخبر صحيح بشرط ان لا تكون مصدومة صدمة قوية من الامام وايضا الضمان حتى 120000 كيلو متر والتساهل موجود حتى مسافة 130000 كيلو متر


تم التعميم في فروع وكالة عبدالله هاشم في المملكة

[بلال العلمي]

الضمان يغطي السيارات من عام 2003 الى 2009 بشرط عدم وصول المسافة فوق 120000 كيلو متر الى 130000 كيلو متر

[just ACCORD]

يعطيك العافيه على الخبر

مشكور وما قصرت

[أبو نايف أكورد 2007]

يعطيك ألف عافيه يارب

طيب كيف الطريق أروح لهم

ولا أحجز من الهاتف

وأقولهم عندي كراسي مكينه صلحوها مجاناً ؟؟

لأأن عندي خربان ؟؟

[بلال العلمي]

في الوقت الحالي روح لهم على طول

[أبو نايف أكورد 2007]

أوقات الدوام متى

يفتحون الظهر >>>> على طول بروح أغير هههههههههه

[بلال العلمي]

ايه من 7 الصبح الى 7 في الليل هذه الصيانة العامة

الصيانة السريعة من 7 الصبح الى 10 في الليل

[عبدالعزيز11]

والله اخبر واحد معه 2004 يبي كراسي مكينة

لكن سيارته ماشيه فوق 250.000 (ماشاء الله)

مشكور اخوي عالخبر

وخسروهم ياشباب

اللي توه ما مشا 120.000 والكراسي سليمة يكسرها ويروح لهم :d

[بلال العلمي]

هي مدبرة من المصنع الام يعني هي اللي تعطي التكلفة كاملة لان في سعر السيارة اصلا مسبقا انت دافع ثمن الاخطاء المصنعية مثل التأمين في حال وجوده وفي حال عدم وجوده خلاص حلال عليهم لكن مهما كان هي سياسة حلوة من هوندا وانا شريت الهوندا اصلا بسبب خبر في الجريدة زمان قريته ان فيه مشكلة عيب مصنعي في هوندا من 98 الى 2001 واعلنوا الخبر بعد 5 سنوات وصلحوها للاكوردات اللي في الموديلات هذه

[AliAhmed]

:d خبر سار ..

بس يـ أخ بلال .. كيف أتأكد ان كراسي المكينة مكسورة .. ؟؟ لان عندي رجة بس مو دائما .. وبعد تنظيف الثروتل اختفت الرجة لمدة يوم لو يومين .. ثم رجعت ..

[بلال العلمي]

عادي وديها لهم في الوكالة والكشف على كراسي المكينة ببلاش

وايضا لو فيه عيب مصنعي فالتغيير ببلاش

[بلال العلمي]

باقي مشكلة الفرامل اذا اثبتوها يصير انا موقع عقد مع هوندا لاي جيل اكورد يطلع منها

امريكا مثبت فيها ان الفرامل فيها عيب مصنعي واذا تم كذا باذن الله مبيعات اكورد في السعودية راح تكون الاكثر من الكامري وبعض السيارات المنافسة مثل الالتيما والميركوري

[فـــيـــصـــل..607..]

اول امره اتحسف على المشاويـر والسفرات إلي مالهـا داعي :(

لكـن الحمدللـه على كل حال ...

يعطيك العافية اخ بلال وإن شاء الله يستفيدون الأعضاء ويعوضنا خير :(

[أبو نايف أكورد 2007]

على طووووووووول على الوكالة >>> ماصدق خبر


بروح للوكالة وعلمك التفالصيل وش صار معي

بروح ألحين ^_^

[ACCORD06]

السؤال هل فيه أحد راح وصلحوها له بلاش
معليش بس ما عندي ثقة بعبدالله هاشم :d

[بلال العلمي]

امس كنت هناك وشفت بنفسي سيارة موديل 2006 تم تغيير كراسي المكينة ببلاش

[م ج رد حلم]

اش الاخبااار الحلوة


هذه

الله يعطيك العااافيه

[&فارس&]

الله يعطيك العافية على الخبر ...

بس سيارتي لمبه الارباق شغاله هل فيها مشكله ولا عاادي :(

تحياتي لك ...

[بلال العلمي]

ما يهم لمبة الايرباق اهم شي ما صدمت السيارة قبل كذا

[&فارس&]

ما يهم لمبة الايرباق اهم شي ما صدمت السيارة قبل كذا

لا الحمد لله بس ماكل مطب يقلك وين يوجعك :d